Download pdf - Textualscholarship.nl

1180
1184
1188
1192
1196
1200
1204
1208
1212
1216
5 Wech van salicheit 177
misdaen hebben. Ende leet ons niet in temptacien, maer bescermt ons
van quade. Amen.
In dese nuttelike bedinghe staen vii dinghen die wi sculdich sijn te
biddene ende te begherene. Drie manieren sijn van lieden die dit pater
noster niet spreken en moghen met werdicheden. Dat sijn de hoverdeghe
ende alle de ghene die [die] niet met onderhoricheden en sijn die kindere
vander heiliger kerken: die ghierege ende die nideghe.
Deerste dat wi in dese bedinghe bekennen ende belyen es ‘Vader
onse’ ende dat hi ‘es inden hemel’. Ende daer bi, die gode niet en es onderdanich
ende hem niet en volget als sijn kint in sine heilige gebode,
ende met hem niet begert te sine in sine opperste bliscap daer hi ons allen
toe gheroepen heeft, dese en mach met rechte niet spreken dat be -
ghinsel van deser bedinghen. Hier sijn oec uutghesloten vanden be -
ghinsele deser werder bedingen die hoverdeghe, want si niet kennen en
willen dat god es onse vader. Want wilden si kennen dat god ware onser
alder vader, si souden alle kerstine creatueren houden over haer
broedere, want Cristus ons in desen woerden heet sine broeders.
Dierste dat wi bidden hier na, dats dat ‘die name gods moet sijn gheheilicht’.
Want dierste dat wi sculdich sijn te sprekene, dats den lof gods,
ende in allen onsen saken sijn wi sculdich te meenene de eere vander name
gods, ende also sente Pauwels seit, al dat wi doen in woerden of in werken,
als in die name van Jhesus Cristus te doene.
Dander dat wi daer na bidden | ende sculdich sijn te begheerne, dats
dat wi ‘dat hemelsce rike besitten moeten’. Want also ons in dewangelie
staet bewijst, wi sijn ierst dat rike gods sculdich te soekene ende
sine gherechtichede boven alle betameliken behoeften, no van etene,
no van drinkene, no van cleederen.
Dat vierde es dat wi hier biddende sijn ‘dat wi den wille gods moeten
doen in eerderike’. Want anders en mogen wi niet comen int rike
gods, het en si dat wi in eerderike werken den wille gods, also ons wel
bescreven staet in dewangelie.
Dit sijn iii dingen die wi alder ierst sijn sculdich te begherne ende
hier alre vorderst meenen te biddene: metten monde in ons selven altoes
te sprekene den lof gods, metter herten inden hemel altoes be -
gheren te sittene int rike gods, ende metten handen in eerderike altoes
te werkene den wille gods.
Daer na, in die vierde bedinge, so comen wi alre ierst bidden van saken
die onsen lichame toebehoren, ende daer bi so bidde wi ‘dat ons
god onse daghelijcsce broet gheve heden’. Hier sijn uutghesloten die
B 1200/1 Kol. 3:17 1203/6 cf. Luc. 12:22-34 1217/8 cf. Mat. 7:21
K 1185 die] B G 1479, die add. W
12vb