Download pdf - Textualscholarship.nl

176 Het Wiesbadense handschrift folio 12ra-12vb
1144
1148
1152
1156
1160
1164
1168
1172
1176
trecken in dietsce die werde bedinge entie profitelijcste die ons onse
moeder die heilige kerke heeft leeren bidden, dats pater noster. Dese
bedinge es weert sculdich te sine alle kerstenen creatueren, wantse onse
behoudere Jhesus Cristus sprekende was tote sinen vader inden persoen
| van allen kerstinen creatueren, die hi sine broeders in dese bedinge
heetende es. Dese bedinghe es oec profitelec, want si heeft in haer
besloten vii bedingen, die elc goet mensche sculdich es te begerne ende
niet voerder. Elc kersten mensce die vroescap heeft, es wel sculdech te
connene dese sonderlinge bedinge boven allen anderen, want ne gheen
precioser en es no wesen en mach dan die ons god die ghebenendide
gods zone selve heeft gheleert bidden. Si es cort ende daer bi en heeft
niemen onsculde hine en esse sculdich te connenne. Doch al verstaet hi
de woerde niet die hi sprect int latine, hi es wel sculdich te wetene wat
hi gode meent te biddene in dien woerden, ende dat gode nerenstelijc
te biddene in dietsce. Ons behoudere Jhesus Cristus leert ons oec in dewangelie
hoe wi dese bedinge ende alle andere bidden souden ende seghet:
Du mensce, als du bidden wils, en sta niet vore dopenbare volc om
ghesien te sine ghelijc den ypocriten om den lof vanden creatueren,
want dese en sullen gheenen loen ontfaen vore gode; no en mict niet die
meest bedingen ghesegghen can, dat die meest ghehoerdt wort of best
vore gode gherekent es, maer die meest sine bedinge sprect met devocien
ende met verstannissen, also sente Pauwels orcont. Ende daer bi
leeret ons Cristus in die selve ewangelie ende seit: Du mensce, als du
bidden wils, so ganc in dine camere ende die dore ghesloten, bidt dinen
vader int heimelike, ende dijn vader, die siet int heimelike, die saelt du
gheven, dats te segghene: die mensce die werdelike bidden sal, hi moet
inden tijt hem sluten in sine camere, dats te verstane: ghepeinse, beroerten,
becommertheit die hi int herte ierst hadde van eerdscen saken, die
moet hi vergheten ende laten, ende alleene verstaen te dier bedingen ende
voeghen hem met herten inden hemel. Dit pater noster luidet aldus in
dietsce of ghelijc alsoet Sanctus Matheus bescrijft. [Pater noster] |
Pater noster
Vader onse, die sijt inden hemel, uwen name moet sijn gheheilicht. U
rike moet ons toecomen. Uwen wille moet ghescien in eerderike, also
hi ghesciet in hemelrike. Ons daghelijcsce broet gheeft ons heden.
Ende verlaet ons onse misdaet, also wi verlaten den ghenen die ons
B 1158/64 cf. Mat. 6:5, 7 1164/5 n.g. 1166/9 Mat. 6:6 1176/81 Mat. 6:9-15
12rb
12va
K 1144 dietsce] W, vlaemsche B G 1479 1158 dietsce] W, vlaemsche B G 1479 1174 dietsce] W, vlaem -
sche B G 1479 1174/5 Pater noster] De kopiist van W schrijft deze hoofdstuktitel op f. 12rb, onder de
laatste regel, en herhaalt hem op f. 12vb, op de eerste regel.