Download pdf - Textualscholarship.nl

1108
1112
1116
1120
1124
1128
1132
1136
1140
5 Wech van salicheit 175
Van ghenoech doene int ghemeene
Als die mensce met berouwenissen van herten die biechte ghelike heeft
gesproken metter mont, so behoeft hem dat hi si ghereet ende ghewillich
om genoech te doene metten werken, ende die zonden te scuwene
ende alle occusoene daer die zonden uut spruiten. Want ghelijc dat i
cruit datmen boven afsnijt, dat wast wel weder, maer datmen uut trect
metten wortelen, dat en wordt niet weder levende. Also eest vanden
zonden: op datmense ghelike met al den saken daer si uut spruiten mogen,
scuwet, so en wortelen si niet weder; maer gheeft men den zonden
enige toeganc, so spruiten si lichtelijc weder. Die priester die die
biechte hoert, es als i medecijn die de sonden van dien mensce ghene -
sende es. Ende daer bi, die ghenesen wille | sijn van sinen zonden, hi es
sculdich gherne ende ghereet te doene dat hem dese medecijn raed
ende heet. Dese medecijn, dese priester, doet also men pleget te doene
in medecinen. In medicinen pleegtmen die medecine te gheven bi contrarien.
Want es die mensce siec bi vercoutheden, men gheeft hem
cruiden of dranke die verwermen; ende es hi verhit, men wijst hem
dingen die vercoelen. Aldus ghelijc heeft ons moeder die heilge kerke
gheordeneert dat de priester es ghevende die medecine vander penitencien
bi contrarien. Ende om dat alle manieren van zonden sijn bevaen
in iii manieren van zonden, also sente Jan bescrijft, die seget dat
al dat in die werelt leeft, eest ghenoechte van lichamen of begherte van
oghen of hoverdichede van levene, so moeten dese zonden ghenesen bi
iii contrarien. Hier bi so wijst dese medecijn van zonden, dese priester,
jeghen die zonde van hoverdic heden die medecine, dats die penitencie
van bedinghen, want die bedinge es den hoverdegen veroetmoedegende
op dat hise sprect met devocien; jeghen die begerte van
oghen, dats jeghen ghierichede, die medecijn van aelmoesenen; jeghen
die ghenoechte vanden lichame, dats jeghen ghulsichede ende jegen
luxurie, die medecine van vastene of van anderen penitencien vanden
lichame, als pelgrimagien gaen of haren dragen, ofte wullen gaen of
waken.
Van ghenoech doene sonderlinghe. Van bedinghen
Om dat bedinge i medecine is daer de mensce mede betren mach die
zonden van hoverdicheden, ende so vele hoverden in de werelt es, so
waert wel noet dat die mensce bidden conste. Hier omme so willic ver-
B 1128/30 cf. 1 Joh. 2:16
V 1138 haren dragen: ‘een boetekleed dragen’, cf. MNW hare, znw. vr.: ‘haren kleed, boetkleed, pij’
wullen gaen: ‘in een wollen boetgewaad of pelgrimsgewaad lopen’; cf. MNW wollijn
12ra