Download pdf - Textualscholarship.nl

1036
1040
1044
1048
1052
1056
1060
1064
1068
5 Wech van salicheit 173
wolf, also men van hem seit in eene boerde ende in eene fable, dat hi op
eenen tijt ghinc te biechten om dat hire ander liede sach gaen. Ende als
hi vore den pape sat, so sach hi vore hem i coppel scape liden, waer bi
dat hi seere besorgt was binnen siere biechten dat si hem liden souden.
Ende hi seide toten priester dat hine varinc absolveren soude, dats te verstane
om dat hi meende den scapen te volgene ende te verbitene. Dusdane
wolve sijn heden sdages vele.
Dat vijfte es dat hi niet en es sculdich sine biechte te deelene. Want
ghelijc es dat die scipman i gat stopt int scip darer
vele es, ende dander niet – want blijfter i open, dat scip wordt vol waters
ende versinct –, also ghelijc eest vanden zondare op dat hi eneghe
sonden in hem laet di hi niet claerlijc en beliet.
Dat seste es dat hi sculdich es te weenen op dat hi mach, also sente
Peeter dede ende sente Marie Magdeleene. Want tranen van berouwenissen
ende ontfermicheit van zonden sijn grote vriendinnen, ende so
waer tranen sijn, daer es staphans onfermichede.
Dat sevende es dat hi onderdanich si ende ghereet om te doene dat
hem die priester raet. Want die sieke die niet en wille doen den raet van
sinen medecijn, selden wort hi gheganst.
Die sonder die sine biechte spreken wille, es sculdich te gane te sinen
prochipape of teenen anderen priester dien hi ondersceedich kent, heeft
hire devocie toe ende hijs heeft oerlof van sinen prochiaen. Ende daer
es hi sculdich te spreken dat beghinsel van siere biechten in deser manieren
of in der ghelike Benedicite. Entie priester antwerd Dominus, in
teekene dat die viant van danen sceeden moete ende gode die biechte ontfanclijc
wesen moete. Dan so beghinne aldus of ghelijc: Heere, ic gheve
mi sculdich onsen heere god ende sier liever moeder Marien, allen gods
heiligen ende u heere priester, in alle den zonden die ic hebbe ghedaen,
vander tijt dat ic zonde doen mochte toter tijt van nu, in wat manieren
datse mi gevallen sijn, | jeghen den wille gods, in ghepense, in spraken,
in werken, in begerten, ende in alle minen anderen quaden daden. Ende
dan so es hi sculdich met bitterheden van berouwenissen te verclarene
alle sine zonden sunderlinghe, ierst vanden vii hoeftzonden ende van datter
uut spruit; ende van dat hi niet en heeft ghehouden die ghebode vander
heiliger kerken; vanden vii werken van ontfermicheden, dat hi die
niet gheantiert en heeft; vanden v sinnen, dat hi daer mede in zonden ghe-
K 1043 dat litel weert] B G 1479, werc W
V 1053 gheganst (gansen): ‘genezen, gezond gemaakt’
P 1067/9 In 11va5-8 zijn enkele woorden en letters door hand 7 op rasuur geschreven.
11va