Download pdf - Textualscholarship.nl

964
968
972
976
980
984
988
992
996
5 Wech van salicheit 171
ende dat ghenoech doen int ghewerke, ghelijc dat de mensce misdoet
in dese iii manieren: met quaden begerten, met quaden woerden ende
met quaden ghewerken.
Vanden drie deelen van penitencien, eerst van berouwenissen
Die berouwenisse vander sonden es sculdich te wesene bitter ende
groot. Want ghelijc dat de mensce bider sonden die hi doet in drie swaren
banden valt – want hi verbelget gode sinen sceppere, hi verliest die
ewelike bliscap ende hi verbijnt hem in die pine vanden eweliken viere
–, also moet die berouwenisse bitter sijn ende groot die dese iii bande
scoren sal ende inden iersten staet setten sal. Ende sonderlinge es die
mensce sculdich te hebbene rouwe dat hi sinen heere, sinen god, sinen
makere ende sinen vermakere verbolgen heeft, of om dat hi die ewelike
bliscap verloren heeft. Want al en ware gheen helle noch gheen hemelrike,
so waren wi sculdich gode te minnen puerlijc om hem selven,
ghelijc dat hi ons vore ghemint heeft uut hem selven.
Die sondare die comen wille tot bittere berouwenissen van zonden,
hi moet hebben vii puinten, die ons Ysayas die profete bewisende es in
dat veers: Recogitabo tibi omnes annos meos in amaritudine anime
mee. | Dierste es dat hi moet voerpensen hoe hi gheleeft heeft. Dander
es dat hi sculdich es te voerpeisene in heimelicheden daer hem die crea -
tueren ne gheen belet wesen moghen ende daer hi hem uut allen anderen
gepensen worpen moghe. Terde es dat hi sculdich es te hebbene
berouwenisse van allen zonden; want blijft eneghe zonde in dat vat der
zielen ende den mensce noch ghenoeghet enige zonde te doene, die
sonde sal al dat vat besmetten entie ziele en sal niet suver mo ghen worden.
Tfierde es dat hi sculdich es te ondersoekene sine zonden in alle
manieren van sinen levene. Dat vijfte es dat hi sculdich es te merkene
sine zonden, niet anderliede sonden; no anderliede zonden en es niemen
sculdich te vermondene in sine biechte, maer de sine alleene. Dat
seste es dat hi sculdich es in dese berouwenisse te hebben een bitterheit
in hem selven ende te weenen op dat hi mach, want die tranen
dwaen die zonden. Ende sente Augustijn seit: Daer tranen sijn, dats te
verstane van devocien of van berouwenissen, daer wort dat vier van
godliker minnen ontsteken. Die tranen sijn machtich in bedingen,
want so wat si bidden, dat ghecrigen si aen gode. Dat sevende es dat hi
sculdich es te hebbene die berouwenisse warachtelike in meenenne
vander herten ende niet int toghen van buten alleene. Want dese war-
B 977/9 Jes. 38:15
V 978/9 ‘overdenken zal ik voor U al mijne jaren in de bitterheid mijner ziel’ (Vulgaat-vertaling 1933)
10vb