Download pdf - Textualscholarship.nl

170 Het Wiesbadense handschrift folio 10rb-10vb
928
932
936
940
944
948
952
956
960
dat wijt gheestelijc verstaen willen, inden anderen boec der biblen,
daer onse heere god den kinderen van Ysrahel leerende es wie si sijn
die dat lam vanden pascen, datmen in doude wet plach tetene, ontfaen
souden ende nutten, hoe sijt eten souden ende met wien. Bi desen lamme
es verstaen die werde spise ons heeren lichaem. Dese es sculdich
tontfane alleene die besneden es, dats die alle zonden van hem gheworpen
heeft ende recht i niewe leven aenghenomen heeft. Dit sacrament
es men sculdich tontfane, also daer beteekent staet, met eenre
bittere berouwenissen vanden sonden, met eenre puerheit van consiencien,
met suverheden van lichame, met eenre afghesceedenheit
eerdscer begheerten, met eender nerensteger hoede datmen niet meer
valle in zonden, met *eenre meeninghe* niet meer sonden te doene,
ende met ondersceedenheden ende met werdicheden te desen sa -
cramente vordre dan dander spise. Dit sacrament moetmen ontfaen in
eenen warachteghen ghelove ende met eenre broederliker minnen tallen
menscen waert.
Vanden sacramente van penitencien int ghemeene
Nu weten yet segghen, als vore beloeft es, vanden sacramente vander
penitencien, die welke van gode ghegheven es den sondare als in medicinen
om te verrisene uter doet van zonden ten levene van gracien
ende van doegden. Penitencie es, also sente Ambrosius seget, die voerledene
sonden beweenen ende *inden wille hebben die* niet meer te
doene. Ende penitencie es, also sente Augustijn seghet, eene wrake altoes
op haer selven wrekende dat si heeft misdaen. Sente Bernaerd seget:
| Die warachteghe penitencie doen sal, hi es sculdich altoes te wesene
in eenre seerichhede ende altoes in pinen van eniger penitencien;
dats te segghene, hem es sculdich eenpaerlijc leet te sine dat hi mes daen
heeft. Ende in teekene dat hem altoes leet es, so es hi sculdich dat ane
hem te wrekene altoes met enigher penitencien, ende sinen lichame
tonder te houdene om dat hi de sonden te bat sal wederstaen.
Dese penitencie es in drien ghedeelt, want in iii saken wordt si volcomen,
dats in berouwenissen van sonden te hebbene, daer na in
biechten daer of te sprekene, ende derdewerf vanden zonden ghenoech
te doene. Die berouwenisse leghet int herte, die biechte inden mont,
B 927/30 cf. Ex. 12:1-14 947/50 Penitencie es – misdaen] cf. CTV, lib. 6, cap. 40 – ed. p. 219
10va
K 930 souden (2)] W 1479, waer sijt eten souden add. B G 938 eenre meeninghe] B, niemenne W, eenen
meenene G, eenen meyninge 1479 948 inden wille hebben die] B 1479 G, die met wille hebben W
V 944 Nu – segghen: ‘Laat me nu iets zeggen’; cf. 789