Download pdf - Textualscholarship.nl

896
900
904
908
912
916
920
924
5 Wech van salicheit 169
domme ende van vleesceliker genoechten te scuwene. Andere saken
die daer in wesen moghen, | alse scoenheit es, of rijcheit, of ere, of die
ghenuechte vander werelt, vanden lichame, daer vele liede heden sdages
om soeken te huwene, dit en sijn die zaken niet die god, no onse
moeder die heilige kerke in dat huwelijc ons meende te ghebiedene,
maer dit doet die archede vanden lieden. Maer hoe dat dese saken oneerlijc
sijn in gode ende zondelijc, nochtan op dat een ghemeen consent
ten huwelike tusscen dien ii personen es ende worden die dat consent
*expresseren, so es tusscen dien ii personen warachtich huwelijc.
Want dat sacrament vanden huwelike es so edel in hem selven ende so
precieus, dat dat quade leven of die quade meeninge der gheenre die
daer huwen dat sacrament niet besmetten en mach no verminderen.
Drie sijn dogeden of goede int huwelijc. Dierste es trouwe, die
*doet dat die persone die in huwelike sijn met ne gheenen anderen sijn
sculdich meenscap te hebbene in vleesceliker sonden. Dander es die
kindre die men hoept te winnene. Dit doet dat dwerc vanden lichame
– dat anders soude wesen sonde – dicwile ne gheene zonde vore die
heilige kerke gherekent es. Terde es tsacrament, want dat huwelijc es
teeken vander enicheit die es tusscen gode ende der saligher sielen. Dit
sacrament doet dat die personen die vergadert sijn in warachtighen huwelike
niet sceeden en mogen sonder metter doet.
Vanden sacramente vanden outare of vanden lichame ons heeren
Dat sacrament vanden lichame ons heren es ons van onsen behoudere
ghegeven ende ghelaten in eenre eweger gedenckenissen siere bitter
passien die hi om onsen wille ghedoegde, ende in eenre meernissen van
gracien, als in verhoedenissen jeghen die zonden daer die mensce in
soude mogen vallen uten ghebreke dat hi es cranc om iet goeds te werkene.
Want so wie die edele spise der sielen ontfaet werdelike, hi ontfaet
cracht om sterkelijc voert te gane inden wech van dogheden, ende
hi wordt ghevoedt ende *ver|solast in gode, so dat hi niet falgieren en
sal, no onderbliven inden wech. Want dat sacrament es voedsel vanden
ghenen die pinen ende ghelast sijn inden wigaert ende in dat werc ons
heeren. Hoe men dese heilighe spise der sielen, desen heilighen lichame
ons heeren, werdelike ontfaen mach, dat staet ons wel bewijst, op
10ra
10rb
K 901 expresseren] B G, verdriven W, exprimeren 1479. Het woord verdriven in W (‘verdrijven, verwijderen’)
is bedoeld als vertaling van het latinisme expresseren. Deze vertaling is zinloos, omdat ze het tegendeel
uitdrukt van wat bedoeld is. 906 doet] B G 1479, doget W 922 versolaest] G 1479, so verlast
W, ghesolaest B
V 898 archede (archeit): ‘boosheid’ 900 worden, znw.: ‘woorden’ 922 versolast (versolasen): ‘bemoedigt,
vertroost’ 924 wigaert (wijngaert): ‘wijngaard’