Download pdf - Textualscholarship.nl

168 Het Wiesbadense handschrift folio 9va-10rb
864
868
872
876
880
884
888
892
Vander uterster olye
Dat sacrament vander uterster olyen es ons van gode ghegeven in verlatenissen
van onsen dagelijcscen zonden. Want op dat de goede men -
sce anders van groven sonden | verledicht es ende hem ghebetert heeft,
bider heiliger uterster olyen die over den mensce biddende es, op dat
hi berouwenisse vanden zonden heeft, si worden hem daer verlaten.
Van penitencien
Dat sacrament vander penitencien of vander biechten es ons van gode
ghegeven in verlatenissen van hoeftzonden. Maer deser penitencien
behoert vele toe, ende daer omme salic hier na meest seggen van desen
sacramente vander biechten of vander penitencien.
Vanden sacramente van oerdenen
Dat sacrament vander oerdenen of van priesterscepe es ons van gode
ghegeven in remedien ende in verhoedenissen vanden zonden, daer wi
in vallen souden mogen biden heldene vanden zonden dat die mensce
in hem heeft, ute dien ghebreke dat hi es licht te bedrieghene vanden
viant ten zonden. Want de prelate vander heiliger kerken ende die goede
liede van religioene sijn gheordeneert van gode daer toe dat si die
waerheit leeren ende leven souden, so dat die mensce bi onkenne in
sonden niet vallen en soude moghen.
Vanden sacramente van huweleke
Dat sacrament vanden huwelike es ons van gode ghegheven in voerhoedenissen
jeghen dat ghebrec daer wi in zonden bi souden mogen
vallen, als ute dien dat die mensce broesch es om te wederstane die
zonden, ende sonderlinge die genuechte vanden lichame. Also sente
Augustijn seit: Begripelec ende quaet es alle werc vanden lichame, dats
alle maniere van vleesceliker ghenoechten of van vleesceliker sonden,
het en si dat si bescut es metten goede van huwelike.
ii sijn principale saken waeromme dat thuwelec van gode ghesticht
es ende ghegeven. Deerste princepale waeromme es om kindere te
winnenne, de welke den mensce te gode bewisen moghen ende te dogeden
bringen mogen. Dander waeromme es om die zonde van keefs-
K 888 Voor van huwelike staat ten onrechte een paragraafteken in W. In B G 1479 begint de nieuwe zin
met ii sijn.
V 892/3 keefsdomme (kevesdoem): ‘overspel’
P 882 De o in ons is verbeterd uit eerder begonnen v.
9vb