Download pdf - Textualscholarship.nl

828
832
836
840
844
848
852
856
860
5 Wech van salicheit 167
men kindere doept – om dat si selve niet spreken en conen no onder -
sceede en hebben – so moeten daer sijn petrine ende metrine die vore
die kindere antwerden, ende seggen dat si begheren ghedoept te sine in
dat heileghe bloet van Cristus, dats in dat heilige watre vander vonten,
dat de ghelike draegt vanden werden bloede van Cristo; daer so moeten
si oec antwerden vore die kindere dat si geloven in gode den vader, in
Jhesum Cristum sinen eneghen zone, ende daer moeten si belyen vore
die kindere al dat ghelove ende des viants loechenen. Dus es dat sacrament
vanden doepsele verlatenisse vander erfzonden alle den genen die
daer toe comen met warachtegen ghelove. |
Vanden sacramente vanden vormsele
Dat sacrament vanden vormsele es ons ghegheven van onsen behoudere
Jhesus Cristus bi eenre verstercte ende in eenre cracht, als omme
voert te gane inden ghelove van Cristo dat wi inden sacramente vanden
doepsele hebben ontfaen. Dit sacrament vanden vormsele es recht
een metten sacramente vanden doepsele ende die volcomeninge daer
af, want om datmen ontsiet dat die mensce sterven mochte sonder tsa -
crament vanden doepsele tontfane, so eest datmense so tilike doept
ende so jonc. Ende om dat die kindere geene kennisse en hebben vanden
ghelove, so sijn daer die ghene die vore hem antwerden, dat ghelove
van Cristus belyen ende des viants loechenen ende siere ghewerke.
Maer als die kindere comen sijn te harer vroescepe, so sijn si
sculdich te gane vore den bisscop ende te belyene dat si dat selve gheloven
dat haer petrine ende metrine vore hem lieden belyeden, ende
om des viants te loechenen ende siere werke, dies hare petrine ende
metrine vore hem liede loechenden. Ende bi dien heiligen sacramente
vanden vormsele dat si daer vanden bisscop ontfaen, so moeten si ontfaen
biden heiligen gheest cracht voert te gane in dat ghelove van Cristo
met goeden gewerken. Ende hier bi en es niemen sculdich te blivene
die in Cristus ghedoept sijn ende in gode ghelovende es, hine es
sculdich tontfane sijn sacrament vanden vormsele. Want het scijnt, laet
hijt tontfane bi onwaerdscepen, dat hi niet kennen en wille no belyen
dat hi sijn doepsel ontfaen heeft in gode, no in gode gelovende es, no
dat hi dies oec niet volghen en wille dat sijn petrine ende metrine vore
hem beloofden.
K 838 verstercte] W, versterctheit B, deest G, steercte 1479
V 838 verstercte: ‘versterking, steun’; niet in MNW
9va