Download pdf - Textualscholarship.nl

166 Het Wiesbadense handschrift folio 9ra-9va
792
796
800
804
808
812
816
820
824
toe es elken noet dat hi kenne die vii sacramente: doepsel, vormsel, die
uterste olye, penitencie ende biechte, oerdene van priesterscepe, tsacrament
vanden heiligen outare of vanden heilgen lichame ons heeren,
ende tsacrament vanden huwelike.
Desen seven werden sacramenten es men sculdich ere ende werdicheit
in allen steden waer si sijn, ende wat wi daer in beloeft hebben,
dat sijn wi sculdich te volcomene. Want dese heilige sacramente sijn
ghevloeit uter heiliger side van onsen behoudere Jhesus Cristus ende
ghestroeit in die heilige kerke ter behoudenisse van allen kerstenen
creatueren. Ende ghelijc dat Cristus sterf in den cruse ende sijn pre -
cieuse bloet storte sevenwerf om den mensce van sinen sonden te dwane,
dat also dese vii sacramente souden sijn den goeden menscen in
verlatenissen vanden zonden die hi soude hebben gedaen, ende in behoudenissen
vander sonden *daer hi bider temptacie vanden viant in
soude mogen vallen, ute dien dat die mensce uter eerster zonden van
Adame i helden aenbleven es ten zonden, | dats dat hi licht es vanden
viant te bedrieghene, broesch om te wederstane de sonden, ende cranc
om te werken yet goeds. Dus so sijn iii manieren van zonden: erfzonde,
dagelijcsce zonde ende hoetsonde, also vorseit es, daer ons iiii sacramente
jeghen ghegheven sijn als in medecinen ende in verlatenissen
jeghen die zonden; ende iii manieren sijn van ghebreken, daer de
mensce uut heldende ende vallende es ten zonden die vorseit sijn, daer
ons iii sacramente jeghen ghegheven zijn als in remedien ende in behoudenissen
jeghen die sonden, daer die menscen bi dien ghebreken in
souden moghen vallen.
Vanden sacramenten sonderlinge. Vanden sacramente vanden doep sele
Dat werde sacrament vanden doepsele es die dore van allen anderen sacramenten
ende die inganc van zalicheden. Dat sacrament es ons van onsen
behoudere Jhesus Cristus gegeven in verlatenissen vander erfzonden,
dats vander ierster zonden van Adame daer wi alle in gehouden waren.
So wie dit sacrament van den doepsele werdelijc ontfaen sal, hem
behoeft dat hi hebbe vaste in hem dat ghelove van Cristo, want also in
dewangelie staet bescreven: So wie niet en gheloeft, hine mach niet behouden
worden. Ende dit mach elc merken ute dien dat wi sien so waer
B 809/16 Dus so – vallen] cf. CTV, lib. 6, cap. 5 – ed. p. 204 818/9 Dat werde – zalicheden] cf. CTV, lib.
6, cap. 9 – ed. p. 206 824/5 Mar. 16:16
K 792 sacramente] W, want si sijn remedie ende medicine jeghen de sonden. Dat sijn de .vij. sacramenten
add. B G 1479 805 daer] B G 1479, die W
V 810, 813 vorseit: cf. 316/416
9rb