Download pdf - Textualscholarship.nl

164 Het Wiesbadense handschrift folio 8va-9ra
732
736
740
744
748
752
756
zonderlinghe ter zonden van luxurien. Hier omme waer elc mensce
sculdich sijn spise ende sinen dranc te nemen te maten. Want sente
Gregorius seit datmen sculdich es te nemen die voetsele vanden lichame
al so men die medecine nemt, dats om die behoudenisse van den lichame,
niet om die ghenoechte vander smake diere in leghet.
Ghulsichede staet in twee dingen: in overate ende in overdranke,
ende dese heeft iiii dochtren also sente Gregorius seit.
/ondermarge, f. 8rb:/ Scurrilitas
Multiloquium
de dochtren Inepta letitia van ghulsicheden
Hebitudo mentis
Van onkuischeden
Luxurie es, also sente Augustijn seit, eene ongheordeneerde ghe -
nuechte van den lichame na den zinne van ghevoelene, also ghulsichede
es na den zinne van smakene. Die luxuriose misdoet jeghen gode
gelijc dat die ghulsege doet, want dese ii aenbeden ende oefenen haren
lichame als god, want si soeken al den wille van haren lichame te | doene,
ende si en wederseggen in ne gheenen dinghen van dat si volbrin -
ghen mogen die ghenoechte van haren lichame. Dese maken van haren
lichame haren god, also sente Paulus seit, ende en merken niet dat haer
lichame es harer sielen viant. Want also sente Pauwels seit: So wie die
na der genoechten vanden lichame leeft, hi sal sterven, dats vallen in
zonden.
Die luxurieuse misdoet jeghen sinen evenkersten dien hi te sonden
trect bi onsuveren woerden of bi onscamelen daden. Die luxuriose es
ghelijc den dullen coepman die i precioes juweel geeft om eenen clee -
nen prijs. Also es die luxurieuse: hi gheeft dat precieus juweel van siere
zielen, die god diere ghecocht heeft, om so cleene eenen prijs als es
die sonde vanden lichame. Ende daer bi en es gheen wonder dat dese
dulle coepman, die luxurieuse mensce, varinge verliest sinen hoetstoel,
dat sijn alle andere dogheden. Hier om sal die luxurieuse alre armst bo-
B 730/3 Want sente – leghet] cf. CTV, lib. 3, cap. 20 – ed. p. 113 734/9 Ghulsichede – mentis] cf. CTV,
lib. 3, cap. 20 – ed. p. 113 736/9 cf. Greg. Magn., Moralia, xxxi, xlv, 8 – ed. Adriaen, p. 1610, r. 32-34
747/8 cf. Rom. 8:1-13 749/51 Rom. 8:13
K 731 Gregorius] W, Augustijn B G 1479
V 758 varinge: ‘plotseling, snel, onverhoeds’ hoetstoel (hovetstoel): ‘kapitaal’
P 744 die: interlineair toegevoegd.
8vb