Download pdf - Textualscholarship.nl

162 Het Wiesbadense handschrift folio 8ra-8va
664
668
672
676
680
684
688
692
696
Fraus
Prodicio
Van traecheden
Traechede es, also Albertus seit, een wantrouwen van haer selfs crachten
ende vander hulpen gods om iet goeds ane te gane of om dat quade
te wederstane. Die trage misdoet jeghen gode, want god leert ons biden
heiligen man sente Janne in apocalipsus dat wi souden sijn cout of
heet, dats te verstane, dat wi souden sijn bernende in de minne gods
ende snel in sinen heiligen dienst of al afstaen vanden goede, ende niet
sijn laeu ende trage inden dienst gods. Want meer hopen | van behoudenissen
es vanden couden – dats van den ghenen die hem niet en venst
goet – dan vanden lawen. Want die lawe die verwaent hem ende mict
dat hi iet goeds in hem heeft ende en soect hem niet te beterne. Maer
die al cout es, die en verlaet hem te gheender doget die hi in hem heeft
ende soect hem te beterne met penitencien. Die wise man leert den
traghen gaen ter mieren om vroescap te leerne. Die miere en heeft niemen
diese leert, no diet haer heet, no dieser toe dwingt of corrigeert,
nochtan gadert si inden somer daer si bi leeft, ende draget meer lasts
dan si weget of groet es, ende maect vele wege als die dicke over ende
weder gaet. Aldus es die mensce die tot noch heeft gheweest traghe
ende ledich: want hi gode heeft diene leet ende leert ende diet hem
heet, so es hi sculdich te ghereedene in desen levene, te gaderne doegden
also vele als hi mach ende alse dicwile, daer hi bi mach leven met
gode in dat ewelike leven.
Die trage es ghelijc den wilgen. Die wilghe es i boem die geene vrucht
en bringt, maer alleene scade ghevet. Also es die traghe entie ledege: si
en bringen gheene vrucht van goeden werken, maer si sijn recht scade
al daer die viant in rust. Want in dewangelie staet bescreven: als die viant
den mensce ledich vint, dan vint hine ghereet, ende sijn huis, dats sine
ziele, ghevaget om in hem te comene wonen met zonden.
Traechede heeft XV dochtren, van welken te lanc soude sijn te seggene
van elker sonderlinge, alse mense vint in een boexken heet Summa
de vicis.
/ondermarge, f. 8ra:/ Tepiditas
Mollicies
B 666/8 Traechede – wederstane] cf. CTV, lib. 3, cap. 18 – ed. p. 110 669/70 cf. Apok. 3:15-16 677/82
Die wise man – gaet] cf. Peraldus, Summa – ed. dl. 2, f. 78 677/80 Spr. 6:6-8 690/2 Mat. 12:43-44
693/708 Traechede – desperacio] cf. Peraldus, Summa – ed. dl. 2, f. 82
K 695 viciis] B 1479, vicis W
8rb