Download pdf - Textualscholarship.nl

160 Het Wiesbadense handschrift folio 7va-8ra
604
608
612
616
620
624
628
Van deser gramscepe staet | bescreven in die epistele van sente Jacob:
Die gramscepe des menscen en mach die gerechticheit gods niet wreken.
Die gramme es ghelijc den viersteene. Die viersteen, alsmen slaet
met eenen stale of met eenen hamere, so sprincter vier ute ende anders
niet. Also doet uten grammen: alsmenne noept met enigen woerden
dat hem bejeghent, so sprinct ute hem dat vier van onghedoechsamheden,
ende dat toegt hi van buiten met quaden woerden, met sceldene,
met vloekene ende met scoffiericheden anderen te seggene. Ende de
menighe es die herde goedertieren scijnt ende ghedoechsam also lange
alse hi niet bejeghens en hevet, maer comt hem iet bejegens toe, so
sprinct dat vier van gramscepen staphans ute.
Gramscap heeft vi dochtren also sente Gregorius seit.
/ondermarge, f. 7va:/ Rixa
*Tumor mentis
Contumelia
de dochtren Clamor van gramschepen
Indignacio
Blasphemia
Van ghiericheden
Ghierichede es, also Tullius seit, i ongeoerdeneerde minne vanden
goede van eerderike, int ghecrigen of int houden. Hier uut mach elc
merken dat vrechede ende ghierichede eene zonde es. Want ghierichede
leghet beide int qualike ghecrigen ende int qualijc te besittene. Ende
tqualijc besitten leghet in dien datmen tgoet dat qualic ghecreghen es,
onthoud ende niet weder en keert; of al eest niet qualic ghecregen, datment
niet den ermen en deelt; of anders, datment profijt vander zielen
niet daer mede en doet entie nodorft vanden lichame niet daer of en
nemt. Die wise man seghet: Het en es gheen dinc erghere dan die ghierighe
mensce. Want uut ghiericheden spruiten wel na alle sonden.
Ende daer om seit men dat ghierichede heeft xii dochtren, dats te we-
B 601/3 Jak. 1:20 612/8 Gramscap – blas phemia] cf. CTV, lib. 3, cap. 17 – ed. p. 109 613/8 cf. Greg.
Magn., Moralia, xxxi, xlv, 88 – ed. A driaen, p. 1610, r. 27-28 620/1 Ghierichede – houden] cf. CTV,
lib. 3, cap. 19 – ed. p. 111 628/9 Sir. 10:9
K 614 Tumor] B 1479, timor W. Timor mentis (‘vrees van de geest’) is een zinloze woordcombinatie in deze
context; tumor mentis betekent ‘hooghartigheid’.
V 620 Tullius, i.e. Marcus Tullius Cicero, Romeins redenaar
P 601 In Van deser gramscepen zijn letters door hand 7 op rasuur geschreven.
7vb