Download pdf - Textualscholarship.nl

568
572
576
580
584
588
592
596
600
5 Wech van salicheit 159
ne, ende daer ane doet hi sijn onprofijt ende verlies. Ende die nidege es
ghelijc den ghenen die gout verkeert in copre, die terwe in cave, den
wijn in watre. Die nideghe heeft liever dies goeds te dervene dan
iement vanden genen die hi benijt oec aen dat goet deelde. Hier af vintmen
i exempel aldus bescreven. Het was i coninc die ii liede consenteerde:
wat dat si heiscen souden, hi soude hem dat gheven in manieren
dat de gene die echterst eyschen zoude, dat die tweevout hebben
soude. Deene was nidich, die andre ghierich. Elc hadde gerne achterst
gheyst. Die gierighe om dat hi dmeeste deel begerde, die nidege om dat
hi den andren veronste vanden goede. Als die coninc hoerde dat siere
om streden, hiet hi den nideghen voren eeschen. Hi die liever dies
goeds te dervene hadde dan die ghene die hi benijdde daer ane deelde,
hiesch datmen hem i oghe uut stake om dat hi wilde datmen den an -
dren beide sijn oghen uut stake.
Nijt heeft v dochtren also sente Gregorius noemt.
/ondermarge, f. 6vb:/ Odium
Exultatio in adversitatibus proximi
de dochtren Afflictio in prosperis proximi van nide
Sussurracio que est detractio latens
Detractio que sit in aperto
Van gramscepen
Gramscepe, also sente Augustijn seit, es een begerte van wraken.
Gramscap spruit uut nide, want als de mensce sinen evenkersten benijt,
daer uut comt dat hi hem selven wreken wille van buiten, deene
metter tonghe, dander metten handen.
Die gramme misdoet jegen gode, in dien dat hi hem selven wreken
wille, want also sente Pauwels seit: God wille datmen hem die wrake
gheve, ende hi saelt wel lonen. Hi misdoet oec jeghen sinen evenkersten,
want also men sien mach heden sdaechs, die mensce doet dicke
uut eenre cleinder redenen grote wrake, also men siet ane de ghene die
anderen haer lijf nemen of haer lede om i woert; of als men sien mach
ane de ghene die den anderen segghen grote scoffieringe ende nemen
hen lieden haren goeden name bi nide dat si op hen hebben; of die uut
wraken van haren quaden nide bedraghen haren evenkersten of doen
bedraghen in waerheden of andere scande beraden of doen.
B 581/5 cf. Greg. Magn., Moralia, xxxi, xlv, 88 – ed. Adriaen, p. 1610, r. 25-26 587 Gramscepe – wraken]
cf. CTV, lib. 3, cap. 17 – ed. p. 108 592/3 Rom. 12:19
V 575 veronste (veronnen): ‘misgunde’