Download pdf - Textualscholarship.nl

158 Het Wiesbadense handschrift folio 7rb-7va
532
536
540
544
548
552
dats de mensce, die moet hebben berouwenisse vanden quade dat hi
gedaen heeft ende een goet meenen van dat niet meer te doene; die disposicie
van binnen daer ute datmense verlaet, die staet in dien dat de
mensce de waerheit kenne ende tgoede minne.
Maer die misdoet inden heilghen gheest, die zonde en wordt hem
niet vergheven, want hi werct in dese vi puynte de contrarie daer ute
dat de sonden moeten worden vergheven. Want of hi heeft wanhope
der ontfermichede van gode; of hi heeft eene presumpcie, dats i vernoeghen
op sijns selves verdiente jeghen die gherechtichede gods; of hi
heeft eene verhartheit in sine zonden jeghen dat hi ware sculdich sine
zonden te kennen ende daer af berouwenisse te hebben; of hi heeft in
hem i micken gheene penitencie te doene jeghen dat hi sculdich ware i
meenen te hebbene niet meer sonden te doene; of hi heeft in hem i wederstaen
der waerheit die hi kent jeghen dat hi sculdich ware te soekene
die waerheit te kennene ende die te levene; of hi heeft in hem eenen nijt
der opperster gratien, dats vanden goede van gracien, jeghen dat hi sculdich
ware in hem te hebbene i minne op tgoede.
/ondermarge, f. 6va:/ Wanhope
Presumpcie
de zonden Verherthede in zonden inden heilighen gheest
Ne gheene penitencie doen
De waerheit wederstaen
Nijt ter opperster gratien
556
Dus es nijt een zonde inden heilghen gheest ende onvergevelijc ghenoech
boven dat dandere sijn. Die nideghe werct die contrarie van
gode ende die contrarie vanden goeden menschen. Die contrarie van
gode, want gode es leet tquade inden mensce ende tgoede es hem lief
entie dogheden. Den nidegen es lief tquade in haren evenkersten ende
leet dat goede. God deelt sijn goet allen creaturen. Dat en doet die ni-
560 dege niet, want hem es leet dat den ghenen die hi benijt enich goet
ghesciet. Die nidege doet oec de contrarie vanden mensce die goet es.
Want de goede mensce, van sijns evenkerstens quade maect hi sijn
goet, dats metten doghene dat hem toecomt. So vint hi vore gode loen
564 mids dat hi dat verduldichlike nemt. Maer | die nideghe doet de con -
trarie, want tgoede dat hi siet in sinen evenkersten, dats hem leet te zie-
7va
B 564/79 Maer die – stake] cf. Peraldus, Summa – ed. dl. 2, f. 164b
V 548/53 Dit schema wijkt inhoudelijk af van de overige, omdat het als enige niet over de zonden en hun
respectieve dochters handelt, en ook omdat de reeks niet door een autoriteit is aangekondigd, maar integendeel
door de samensteller van de tekst schijnt te zijn opgesteld.