Download pdf - Textualscholarship.nl

496
500
504
508
512
516
520
524
528
5 Wech van salicheit 157
inden zone, | dat es verghevelijc; die misdoet inden heileghen gheest,
dat en sal niet vergheven worden in dese werelt no in dan dere; dats te
verstane, met gheliker berouwenisse ende penitencie dat an dre sonden
sullen worden vergheven, ne maer met vele bittere berouwenissen
ende vele scerper penitencien, ghelijc dat dese zonden boven den anderen
vele meerder sijn.
Hi misdoet jeghen den vader die misdoet onmoghen{de} – dat es ute
dien dat hi mict dat hi niet soude moghen wederstaen die temptacie
vanden viant –, want den vader es moghentheit aengheseit. Ne maer in
de waerheit die mensce es daer in bedroghen, want god en laet niemenne
voerder tempteren den viant dan hi wel soude moghen wederstaen
op dat hi wilde, also sente Paulus seit.
Hi misdoet inden zone die misdoet in onwetene – dats ute dien dat
hi niet en weet goet ende quaet also hi sculdich es te wetene –, want
den sone es vroescap anegheseit. Ende maer in desen worden die menscen
oec bedroghen, want onwetene es gheene onsculde, ende sonderlinge
die zin ende vroescap hebben te werliken saken. Want daer
omme heeft god den mensce ghegheven verstannisse, dat hi tgoede
ende tquade kennen soude, ende den wille, om dat hi metten wille
tgoede verkiesen soude ende tquade wederstaen. Ende so wie na de redene
of na dese verstannisse niet en leeft, hi en leeft niet als een men -
sce maer als i beeste.
Die misdoet jeghen den heilighen gheest die misdoet ute eenen
quaden wille – dats al de mensce de sonde wel soude moghen wederstaen,
ende als hi wel kent wat hi sculdich es te doene ende te latene,
ende nochtan met voersienicheden dat quade uut sinen wille verkiest
ende tgoede wederstaet –, want den heiligen gheest es aengheseit
ghewillicheit. Hier es de sonde volmaect; dit mach wel heeten hoetsonde.
Dese zonde wort niet vergheven ghelijc anderen zonden, want
si gheene onsculde vinden en can.
Deser sonden inden heiligen gheest sijn vi manieren. Want in verlanessen
van zonden moeten sijn iii dinghen. Eerst diese vergheeft, daer
na dien mense vergheeft, ende derdewerf de disposicie | van binnen
daer ute dat mense vergheeft of verlaet. Diese verlaet, dats god, die
heeft in hem ontfermichede ende gherechtichede; die mense verlaet,
B 505/7 1 Kor. 10:13
K 502 onmoghende] onmoghelijc B, uut ommeughene 1479. Vanwege een vlek is het eind van het woord
niet goed leesbaar. 519 als] B 1479, al W
V 504 es ... aengheseit: ‘wordt toegeschreven’; cf. aneseggen, in deze betekenis niet in MNW. Hetzelfde
woord in de twee navolgende paragrafen. 526/7 verlanessen (verlatenisse): ‘kwijtschelding’
7ra
7rb