Download pdf - Textualscholarship.nl

432
436
440
444
448
452
456
460
464
468
5 Wech van salicheit 155
werct yet goeds boven anderen lieden daer hi met rechte in ghemerct
moghe sijn. Die vierde maniere van hoverden es als de mensche andre
liede versmaet ende selve zunderlinge ghesien wille sijn ende gheprijst
van creatueren.
Die hoverdege misdoet jeghen gode ende jegen sinen evenkersten.
Jegen gode misdoet die hoverdege in dien dat hi gode roeft van dat
hem alleene toebehoert, dats van love ende van eeren. Want god ende
die mensce hebben i ghemeene in die goede gewerke die de mensce
doet, want god wercse ende die mensche es als insterment daer mede
datse god werct. Van desen werken god wille hebben te sinen deele
den lof entie eere, also die prophete Ysayas seit, ende hi wille dat die
mensce die nutscepe entie profite daer of hebbe in dat ewelijc leven.
Die hoverdege die nemt gode sijn deel, want hi selve in die werke
gheprijst ende gheert wille sijn vanden lieden, ende daer bi eest recht
dat hi verliese sijn deel, dats de profite enten loen van gode.
Die hoverdeghe misdoet oec jeghen sinen evenkersten, want hi benijt
allen lieden, also sente Augustijn seit, die boven hem sijn, om dat hi hem
lieden niet ghelijc en es; die onder hem sijn, om dat si hem niet gelijc
worden en moeten; die neven hem sijn, om dat si hem ghelijc sijn.
Die hoverdege verwaent hem ende soect den prijs van creatueren in
vele manieren. Die eene verwaent hem op sine edelhede, ende en peist
niet dat hi es ghemaect van lime der eerde, ende en peist niet dat alle menscen
sijn comen van eenen vader Adame. Dander verwaent hem in sterc -
heden, in ghesontheden, in scoenheden, ende en penst niet om dat woert
dattie prophete Ysayas sprect: Alle menschen sijn ghelijc den hoye, dats,
al nu staet scone ende vaste ende bloeit in deerde, ende staphans bi eender
hitte het verdroecht, ende sine | bloeseme die valt ende verliest sine
scoenheit in deerde. Andere verwanen hem in rijc heden ende meenen lange
daer in te levene, ende en peisen niet om dat woert dat ons heere god
sprect in dewangelie toten riken man: Du, mensce, wat eest dattu lan ghe
waens leven in deser rijchede; binnen der nacht du suls sterven, ende dattu
ghegaders hebs, wiens saelt sijn?
Andre verwanen hem in die weelde van haren lichame, in sochte
ghecleet te sine ende behagelike, in sochte te liggene, in lange te slapene,
in wel etene ende te drinkene, ende en pensen niet dat si daer voeden
haren meesten viant, dats haren lichame, ende meester der sielen
maken die sculdich ware der sielen te dienenne. In desen dingen en waren
hem de menscen niet sculdich te verwanen, want het es al goet van
B 440/2 cf. Jes. 43:21 446/9 Die hoverdeghe – ghelijc sijn] cf. CTV, lib. 3, cap. 15 – ed. p. 105
455/8 cf. Jes. 40:6-7 460/2 cf. Luc. 12:20-21
6vb