Download pdf - Textualscholarship.nl

360
364
368
372
376
380
384
388
392
396
5 Wech van salicheit 153
alst soude waert niet gheladen.
Derdewerf si ververren den mensche vander bliscepen gods, hoe dat
sine niet al ute en steken. Want die mensce, al en hadde | hi gheene
hoeftzonden, ware hi in dageliken zonden, hine soude niet moghen
comen ter bliscap van hemelrike vore de tijt dat hi de zonde hebbe
ghesuvert int vier van purgatorien. Want alle creatueren sullen moeten
also suver sijn eer si sullen moghen comen vore dat anschijn gods alsi
waren inder tijt doen si ghedoept waren in die vonte ende int ghelove
van Cristo ghedweghen van al haren sonden.
Dese dagelike zonden worden den mensce vergheven op dat hire
berouwenisse heeft in viii manieren. Eerstwerf bider ghemeenre
biechten die men vore de misse sprect, of als de priester den volke sine
biechte doet seggen na hem. Anderwerf met dat de mensce vore sijn
herte slaet, met dat hi om die zonden peist met devocien ende met berouwenissen.
Derdewerf met dat hi hem bewerpt met gewider watre.
Vierdewerf met dat hi berouwenisse hebbe. Vijftewerf bi dat hi sprect
sine bedinge met devocien. Sestewerf bi dat hi de benendixie ontfa
vanden bisscop of vanden priester ten ende vander missen. Sevendewerf
bi dat hi dat heilighe sacrament vanden lichame ons heren ontfa.
Ende dat achstewerf bi dat hi sine aelmoesene gheve of andre gewerke
van ontfermicheden doe.
Van hoeftsonden
Die derde maniere van zonden es geheeten hoeftsonde. Hoeftzonde es
als die mensce in die temptacie vander zonde eene delectacie, dats eene
ghenuechte, heeft, ende daer toe te dier zonde doet sijn consent ende
sinen wille boven gode of ghelijc gode, dats te segghen, boven den wille
van gode of ghelijc den wille van gode. Want als men uter ewangelien
merken mach, alle creaturen sijn sculdich te begerne [al] dat de
wille gods volcomen worde boven alle saken, entie mensce en es sculdich
gheene dinc te begerne ghelijc dien. Dese sonde es vreeselijcst
ende dat scijnt wel bi haren name, want si es gheheeten int latijn ‘doetsonde’
ende na tvlaemsce ‘hoetsonde’. ‘Doetsonde’, om dat so wie daer
in misdoet, hi es doet vore gode ende van hem versceeden, ghelijc dat
dat let es vanden mensce als het of es gesleghen. ‘Hoeftzonde’ es so
gheheeten, om dat so | wie daer in mesdoet, hi misdoet jeghen thoeft,
dats jeghen gode, want hi misdoet jeghen die heilige ghebode gods.
Ende so wanneer die mensce in hoeftsonden es, so en es hi niet meer
B 386/9 n.g.
K 387 begerne] B 1479, al add. W
6ra
6rb