Download pdf - Textualscholarship.nl

152 Het Wiesbadense handschrift folio 5va-6rb
324
328
332
336
340
344
348
352
356
na hem quam, mids der sonden in gevallen was. Ne maer in hem bleef
de pine van dier zonde, dats i helden ten zonden ende i beroeren te
ghenoechten. Ende mids dien heldene ten zonden daer Adam ane
bleef, ende also voert hem allen die van hem comen zijn, so sijn alle
menschen in ghenoechten ontfaen ende in sonden, ja erfzonden. Ende
ghelijc datmen seit dat die int vule valt, hi wordter selve af vul, also
ghelijc die siele, die god suver inden lichame des menscen storte uut
hem selven, die wort besmet ende onsuver van dien onsuveren lichame.
Van | deser besmethede ende van deser zonde daer dese ziele in
valt in desen besmetten lichame, so dwaet nu heden sdages oec god alle
kerstine creatueren in dat heilige sacrament vanden doepsele, also hi
dwoech met siere doet in sijn preciose bloet Adame ende die van hem
comen waren doe ter tijt. Ne maer alle menscen blijft an dat helden te
zonden alsoet doe dede Adame, ende daer bi werden alle menscen
noch ontfaen in zonden, ende dit heet erfzonde.
Van dagheliken zonden
Dander zonde heet verghevelike zonde of daghelike zonde. Ende om
dese andere te kennene, so wet dat iii dinghen sijn daer de zonde uut
wort volmaect, also sente Augustijn seit, dats temptacie vanden viant,
delectacie vanden vleesce ende consent vanden geeste. Daer temptacie
es vanden viant ende gheene delectacie of ghenuechte ne gheen consent
ter zonde, daer nes gheene zonde; maer daer temptacie es ter zonde
ende daer in genoechte vanden vleesce, al en isser gheen consent,
nochtan esser daghelijcsce zonde; ne maer daer temptacie es ter sonde
ende daer in ghenuechte ende daer toe consent vanden gheeste, daer es
de sonde volmaect ende heet hootsonde. Daghelijcsce zonde heeft altoes
besloten in hare eenen quaden wille, want en esser gheen quaet
wille die de genuechte beroert of diese laet gescien of diese niet wederstaet,
so nesser gheen zonde. Ende om datter quaet wille toe es,
sone mach gheene dagelike zonde, hoe cleine si es, ver gheven worden
sonder berouwenisse. Dese dagelike zonden, daer vele liede luttel op
micken, doen vele quaets den menscen.
Eerst si doen verminderen inden mensce dat vier vander minnen
goeds, ghelijc den reghene die valt int vier bi dropelen, die vermindert
dat vier, hoe dat hijt niet al en bluscht.
Anderwerf si maken den mensce recht moede in sinen goeden gewerke,
ghelijc den paerde dat geladen es, dat niet also lopen en mach
B 355/68 Eerst si – sonden] cf. CTV, lib. 3, cap. 15 – ed. p. 104
V 348 hoot(sonde): spellingvariant van hovet
5vb