Download pdf - Textualscholarship.nl

288
292
296
300
304
308
312
316
320
5 Wech van salicheit 151
sonde, die es gheheeten luxurie, ende van overate ende van over -
drancke, die is gheheeten ghulsichede. Want also mijn heere sente Pauwels
seget: Luxurie spruit uut gulsicheden.
Dat sevende ghebot
‘Dune sult gheen diefte doen.’ Hier es verboden iemens goet te stelene
sijns onwetens of ondanx, dats te wetene, bi crachten, of bi op
iement te radene, bi woekere, bi voercope, bi symonien, bi rove of bi
quaden daden, of bi anders wat manieren dat si enich quaet goet pinen
te crighene of in eniger manieren te besittene. Want also gemeenlike in
allen wetten staet ghescreven: Het moet al wederghekeert sijn, eer die
zonde nemmermeer vergheven sal werden.
Dat achtende ghebot |
‘Dune suls niet draghen valsce orconscepe jeghen dinen evenkersten.’
Hier es ons verboden alle maniere van liegene, beede dat lieghen daer
ons evenkersten scade bi heeft of scande, of daer hi selve, diet lieghen
soude, in comanscapen of anders vrome af hebben soude moghen; of ide -
lecke logenen daermen mede lachen soude mogen ende daer in ghe nuechte
hebben. Ende oec sijn ons verboden hier alle sonden die uter tonghen
spruiten moghen te onsen evenkersten waert.
Dat negende gebot ende dat tiende
‘En beghere dijns evenkerstens wijf niet; en beghere dijns evenker s tens
goet niet.’ In desen achtersten ii geboden staet ons verboden niet alleene
ane ons evenkerstens wijf ons te besmettene met vleescheliker
sonden in die daet, no ons evenkerstens goet qualijc te ghecrigene met
rove, met stelene, met woekere, met voercope of anders, ne maer hier
staet ons verboden alle quade begerte, beede van ghe nue chten van lichame
ende van evenkerstens wive ende van alre ghiericheden ende begerten
van ons evenkerstens goede.
Van sonden int ghemeene
Drie manieren van zonden sijn: erfzonde, verghevelike zonde – die
men heet dagelijcsce zonde – ende hoeftzonde.
Van erfzonden
Erfzonde es die sonde die ons ierste vader Adam dede int eertsce paradijs,
als hi dat ghebot gods verbrac. Die sonde dwoech onse behoudere
Jhesus Cristus met sinen preciosen bloede ende met siere bitter
doet alse vander scult vander eweliker doet, daer hi, Adam, ende al dat
B 289 cf. Ef. 5:18 291 Ex. 20:15; Deut. 5:19 299 Ex. 20:16; Deut. 5:20 307/8 Ex. 20:17; Deut. 5:21
5va