Download pdf - Textualscholarship.nl

150 Het Wiesbadense handschrift folio 5ra-5va
256
260
264
268
272
276
280
284
winninge, copen ende vercopen, ende al datmen doet daermen goods
mede verghet; want alleene ten dienste van gode es die dach gheset,
ende om goeds te ghedenckene. Ende daer bi staet daer ghe screven int
beghinsel van desen gebode ‘ghedencke’, als of hi segghen wille: so wat
men doet op die heilighe daghe daer men goeds mede verghet, dats je -
ghen dit ghebot.
Dat vierde ghebot
‘Eere vader ende moeder.’ Hier es ons geboden te eerene onsen gheesteliken
vader ende moeder, dat sijn die heilighe kerken, de sacramente
vander heiliger kerken, ende de prelate vander heiliger kerken of de
persone. Dese siwi sculdich te eerene, dats te segghene, werdicheit te
doene ende onderhorich te wesene in dinghen die | si ons ghebieden.
Omme dat onse vleescelike vader ende moeder hebben ghewonnen
met haren lichame, so sijn wi sculdich hem lieden te dienen
met onsen lichame; om dat si ons hebben ghevoedt ende opbracht met
haren goede, so siwi sculdich hem lieden te dienen, hebben sijs noet,
met onsen goede; ende om dat si ons hebben gheleert of ghedaen leeren
tgoede, so siwi hem lieden sculdich int goede met heilighen levene
na te volghene.
Dat vijfte ghebot
‘Dune suls niement doden.’ Hier es ons verboden, also i leerare se ghet,
heet Albertus, metter hant yemenne te dodene, het en ware bi wette.
Ende dan so behoeft dat dien persone dien doden sal, si gheoerloeft;
ende dan behoeft dat hi dlijf met rechte verboert hebbe, ende dat hem
met wette ontwijst zij; ende dan behoeft voert dat beede die daer
maent of de heere ende diet wisen ende diene metter hant doet, dat sijt
niet en doen bi nide of in manieren van wraken, ne maer uut minnen
van gerechticheden. Oec es ons hier verboden allen nijt van herten
ende wrake ende scoffiereghe woerde, ende hant an te doene tonsen
evenkersten waert in evele.
Dat seste ghebot
‘Dune salt niet mesdoen met dinen lichame.’ Hier sijn ons verboden
alle ongeoerdeneerde werke vanden lichame, beede van vleescheliker
B 261 Ex. 20:12; Deut. 5:16 274 Ex. 20:13; Deut. 5:17 274/83 Hier es – evele] cf. CTV, lib. 5, cap. 64
– ed. p. 195 285 Ex. 20:14; Deut. 5:18
K 266 ons] B 1479, om. W
V 256 goeds: spellingvariant van gods
5rb