Download pdf - Textualscholarship.nl

224
228
232
236
240
244
248
252
5 Wech van salicheit 149
hise leeren soude den kinderen van Israhel, sinen volke. Dese sijn ons
geboden van onser moeder der heiligher kerken, als den kinderen ende
den vercoernen volke gods. Ende om dat alle dese ghebode ghefondeert
zijn op minnen, ende om dat minne tweevoudich es, dats te wetene
minne van gode ende minne van onsen evenkersten, so sijn dese
ghebode ghedeelt in ii tafelen, als dat de ghebode vander ierster tafelen
ons leeren hoe wi gode sculdich sijn te minnene, ende daer in staen iii
ghebode, ende die ghebode vander andre tafelen leeren ons hoe wi ons
sculdich sijn te hebbene tonsen evenkersten waert, ende daer in staen
vii ghebode. In deerste tafele staen iii ghebode, als in dien dat wi gode
sculdich sijn te minnenne drievoudelike, dats te weten metter herten,
metten monde ende metten handen, dats metter begerten | ende met
alre crachten der sielen, metten woerden ende met onsen ghewerken.
Van elken ghebode sonderlinge. Deerste gebot
‘Dune suls ne gheenen andren god aenbeden.’ Ne maer te verstane es:
du sult minnen dinen heere, dinen god met al dinen crachten der ziele,
dats met al diere verstannissen om hem te kennen, met al dinen wille
om hem te verkiesene, ende met diere ghedenckenissen op hem eenpaerlike
te minnenne. Hier es ons verboden, also ons i leerare seit die
heet Albertus, boven gode of ghelijc gode te minnene eere van crea -
tueren ende alle hoverdichede, tgoet van eerderike ende ghie richede,
ghenoechte vanden lichame ende alle ghulsichede.
Dander ghebot
‘Dune suls den name gods niet noemen te vergheefs.’ Ne maer te verstane
es, also ons in dewangelie gheleert staet, dat onse woerde sijn
sculdich te sine: ja, ja; neen, neen, ende wet wat datter meer es
quaet. Hier es verboden sweren sonder noet, ende versweren ende alle
blasphemie, ende onwertscepe te seggene te gode waert of te sinen heilighen.
Terde ghebot
‘Ghedencke dattu den heiligen sondach viers.’ Hier ons verboden
op de heilighe daghe alle werc te doene dat den dienste van gode niet
toe en behoert, dats al scalc werc, dat sijn zonden, ambachte, acker -
B 235 Ex. 20:2; Deut. 5:6 236/9 cf. Mat. 22:37 239/42 Hier es – ghulsichede] cf. CTV, lib. 5, cap. 60 –
ed. p. 193-194 244 Ex. 20:7; Deut. 5:11 245/6 Mat. 5:37 251 Ex. 20:8; Deut. 5:12
K 246 dat es] B 1479, om. W 251 es] B 1479, om. W
V 238 op: ‘om’ 240 eere: ‘eer’, i.h.b. de eer die anderen ons bewijzen
5ra