Download pdf - Textualscholarship.nl

148 Het Wiesbadense handschrift folio 4va-5ra
184
188
192
196
200
204
208
212
216
220
leeren wat hy sinen evinkerstin sculdich es.>
Die staet van volmaectheden es als die mensce alle desen doegden
bovenghegaen es, ende vander werelt, dats vander zonde die in die werelt
regneert, ofghesceeden es, ende gode te merkene ende in hem alleene
te levene, dat hem dat alleene eene zoethede ende een ghenuechte
ghevende es. Ende die aldus ofghesceedelike in desen merkenden
levenne dat volmaect es, volstaen sal, om dat een leven es niet van node
ne maer van rade, niet van rechte maer van sonderlinger ghiften ende
vercoernissen vanden heiligen geest, so es hem noet dat hi kenne de iii
rade der heiliger ewangelien, die vii ghiften des heilichs gheests, ende
de xii vruchten des geest, dat sijn xii werke die de goede mensce in desen
volmaecten levene van contemplacien sculdich es te levene ende te
werkene. In desen levene meenen alle liede van religioene te levenne,
ende alle de persone vander heiliger kerke sijn wel sculdich te stane in
desen graet van volmaectheden.
Dus es wel noet elken mensche die wesen wille i vanden ghetale der
salighere ende van die behouden sullen sijn, dat hi kenne ende wete die
x ghebode, ende die vii hoeftzonden, ende de vii sacramenten ende
wat penitencien toe behoert, die seven dogheden, die viii salic heden,
die vii werken | van ontfermicheden, die iii rade der ewangelien, die
vii ghiften des heilichs gheests, ende die xii vruchten des gheests.
Van alle desen puynten suldi hier na vinden ende van elken sonderlinge,
ter leeringhen ende ten bewisene hoe die mensce gode dienen
mach uut minnen; ende daer na vanden vonnisse dat god gheven sal op
alle gewerke van creatueren, datmen sculdich es tontsiene; daer na vander
wrake der quadere, dats vander pine vander hellen, diemen wel
sculdich es te vliene; ende ten utersten vanden bliscepen van hemel -
rike, als vanden lone der zalegere ende als vanden eynde dat alle crea -
tueren sculdich sijn te begheerne.
Vanden tiene gheboden
De vader van hemelrike, siende dat de creatueren seere doelden uter
waerheit eer si de ghescreven wet hadden – ende noch heden daghes,
so wie de wet laet ende de ghebode gods ende na sijn goetdoen werken
wille, hi misdoet lichtelike –, hier omme, also bescreven staet inden
andren boec der bibele, riep ons heere god, die vader, Moysesse,
sinen vercorenen cnape, tot hem opten berch van Synay, ende daer gaf
hi hem ii steenen tafelen, beede bescreven metten vingere gods. In
welc tafele *stonden bescreven x ghebode, die god hiet Moysesse dat
B 217/8 Ex. 19:20 218/9 Ex. 31:18 220 cf. Ex. 20:2-17; 34; Deut. 5:6-21
K 220 stonden] B 1479, stont W
4vb