Download pdf - Textualscholarship.nl

148
152
156
160
164
168
172
176
180
5 Wech van salicheit 147
Hoe dat viere state sijn van behoudenissen daer de mensche gode sculdich
es in te dienenne uut minnen
*Ghesien hoe god aldus ghemint heeft, ende nu besien wi hoe wi sculdich
sijn gode weder te dienenne uut minnen. Om dat te bekennen, so
behoeft elken dat hi wete dat iiii stade sijn vanden ghenen die behouden
sullen sijn. Deerste staet es de staet van onnoselheden. Dander es
de staet van penitencien. Die derde staet es van gherech ticheden. Die
vierde staet es van volmaectheden.
Die staet van onnoselheden es inden staet ons onse behoudere
Jhesus Cristus in gheset heeft, dats in gracien te bliven staende
ende niet te vallene in doetliker sonden. Ende om dies wille datmen
gheen goet mach doen noch gheen quaet scuwen, men moet kennen,
so es den ghenen die in desen staet van onnoselheden sullen bliven
staen de, wel noet dat si kennen tgoede dat si sculdich sijn te doene
ende dat quade dat si sculdich sijn te laten ende te scuwene, dat sijn de
x ghebode ende de vii hoeftsonden. Ende so wie enighe hoeftzonde
doet, hi verbreect dat heilighe ghebot gods.
Die staet van penitencien es als die mensce uten stade van onnoselheiden
ende van gratien ghevallen es, ende also gode verbolghen heeft
ende van gode verscheeden es, dat hi soeke gode te paeyene ende verlatenisse
van zonden ane hem te ghecrighene ende de zonden voert an
bi scerpheden van penitencien te wederstane. Ende so wie misdaen
heeft ende hier toe comen sal, hem es noet dat hi kenne die vii sacramente,
want si sijn als medecine ende remedie jeghen die sonden. Ende
sonderlinghe | hem behoert toe dat hi wete wat si dat sacrament vander
penitencien ende watter toe behoert – dats berouwenisse, biechte
ende ghenoech doen – ende hoemen mach ghenoech doen met bedinghen,
met aelmoesenen ende met vastene.
Die staet van gherechticheden es als die mensce niet alleene in hem
selven in beternissen van sinen zonden staende en es in penitencien, ne
maer oec mede voertgaende es in eenen goeden werkenden levene van
doegden te doegden, in gode ende op sinen evenkersten. Want gherechtichede
es i doecht die elken tsine es ghevende, ende de men sce
eene ghe dingen gode sculdich es, eenighe dinghen hem selven, eenighe
dingen sinen evenkersten, so eest wel noet dat elc mensce kenne die vii
doegden, want si hem leeren wat hi sinen evenkersten sculdich es,