Download pdf - Textualscholarship.nl

146 Het Wiesbadense handschrift folio 4ra-4va
108
112
116
120
124
128
132
136
140
144
leene om die zonden van Adame. Ende als i warachtich verwinre so verreeschi
op den heiligen paeschdach moghentlike als die ons uter macht
ende uten handen des viants verlost hadde ende weder inden wech vanden
eeweliken levene gheset hadde.
Vierdewerf als i seker *voergangher, so es hi als op den heiligen ascensien
dach opghevaren ter rechter hant sijns vader met onser men -
sceliker natuere, om onse hope te sterkene dat wi daer te dier hoecheit
van bliscepen comen mogen daer god selve onse natuere voren ghevoert
heeft; om onse stede te bereedene so es die heilige goeds zone
met onser natuere te sinen vader ghevaren, also hi selve in dewangelie
seghet.
Ende ten utersten – om dat [hi] god kent dat de mensce licht es te
bedrieghene, broesch om iet goeds te werkene, ende cranc om de sonden
te wederstane – als de ghene die den mensce wilde versekeren dat
hi hem die waerheit heeft gheleert, dat hine van zonden heeft ghe -
dweghen, dat hine ute den bande des viants heeft verlost, ende, om vri
ten eeweliken levene te comene op dat hi wille, die dore vanden hemele
opghedaen heeft entie stede bereet heeft, so heeft hi ons als op den
heilighen sinxendach – doe ter tijt in die herte der apostelen ende sier
heiligher disciplen, ende noch heden sdages in die herten der goeder
menscen – gesent dien edelen ende werden pant die hem selven ghelijc
es, den heilighen gheest, die den mensce in gode een bewisen, i ghe -
sterken ende een troesten altoes ghevende es ende van al dat god die
zone dien goeden mensce beloeft heeft, versekerende es.
Dus heeft god ons ghemint ende recht ons selven hem al ghegheven.
God de vader heeft ons ghegheven hem selven, als hi ons bi siere mo -
ghenthede sciep ende maecte, als wi niet en waren, ghelijc hem selven.
God die zone heeft ons hem ghegheven, als hi ons vroe -
scap, die verloren waren, verloste met hem selven. God die heilighe
gheest | gheeft ons hem selven, als hi ons daghelijcs, als wi dolen, bi siere
hogher godheit uten zonden treckende es, int goede bewisende ende
ghesterkende es, ende vanden quaden bescermende es. Hier omme so
siwi gode sculdich alle te minnenne, die ons aldus vore ghemint heeft.
Ende elc mensce es sculdich te minnene sinen god, sinen sceppere, sinen
makere also vele boven alle creatueren of al dat crea tue ren gheven
moghen als de *createur ende haer makere edelre ende werder es dan
dat hi gescepen ende ghemaect heeft.
B 116/8 cf. Joh. 14:2-3
K 112 voorganghere] B 1479, voerganghen W 119 dat] B 1479, hi add. W 135 bi sijnre] B 1479, om. W
143 createur] B, creatuer W, scepper 1479
4rb