Download pdf - Textualscholarship.nl

144 Het Wiesbadense handschrift folio 3rb-4ra
32
36
40
44
48
52
56
60
64
es een volmaect goet, dat allen creatueren ghemeene wesen mochte
ende in hem selven niet vermindert worden, [en] wilde [om] dat eni -
ghe creatueren waren die dies goeds deelachtich souden sijn, oerdeneerde
ende sciep, om dat goet dat hi selve es te besittene ende te ghebruikene,
ii creatueren, dats den enghel enten mensce. Den enghel hi
sciep edelst eenen pueren gheest zonder vleescelike lichame; den men -
sce hi sciep den lichame nemende van den lime der eerden, om dat hi
hem cleene ende omoedich kennen soude. Ende in dien lichame storte
hi den gheest, dats de ziele, uut hem selven, ter ymage ende ter ghelikenissen
van hem selven. Der welker sielen god gaf iii crachten, dats
te wetene verstantenisse, wille ende ghedenckenisse. Verstannesse, om
dat die mensce daer mede tgoet ende tquaet kennen soude; wille, om
dat hi daer mede tgoede verkiesen soude ende tquade vlien; gheden c -
kenisse, om dat de mensce dat goet dat hi kennen ende vercoren soude
hebben, met ghedenckenissen vaste aen hem binden soude ende also
in die minne des goeds eenpaerlijc bliven soude. Ne maer ons eerste
vader ende moeder, Adam ende Yeve, inden ghebruikene dies goeds
van gode int eerdsce parendijs gheset, maecten hem dies goeds ende
dier weelden die god es, onweerd, overmids dien dat si uter temptacien
vanden viant dat | ghebot goods verbraken ende vanden appel aten
vanden bome die hem god verboden hadde: so wanneer si van dier
vrucht aten, si souden sterven. Ende daer bi worden si uter weelden
vanden eerdscen parendyse ghesteken in eerderike in erbeide ende in
elenden, ende met vele malendixien uten aensichte gods gheworpen in
die hande des viants. In welke hande des viants Adam ende Yeve ende
alle menscen die na hem quamen, laghen lii c jaer een min, so dat alle
menscelike creatueren die daer binnen storven, moesten varen ter hellen,
hoe heilichlijc dat si leveden, over die scult van onsen eersten vader
Adame.
Hoe god den mensche ghemint heeft
God, die ons int beghinsel der werelt so heeft ghemint dat hi ons ter
ghelike van hem selven heeft ghemaect, int ende der werelt so heeft hi
ons ghemint oec so, dat hi ons met hem selven heeft vermaect, de scult
vander sonden van onsen eersten vader Adame
ende uten handen des viants heeft ghelost. Want gheen puer mensce en
mochte ons vander eerster sonden dwaen, want ne gheen mensce en
was, hi en was in die sonden ghehouden; no puer god we sende, sone
K 31 goet] W B, god 1479 32 wilde] B 1479, en wilde om W 60 heeft] W, int vermaken add. B 1479
(cf. 25) 64 heeft ghegolden] B 1479, om. W
V 63 vermaect (vermaken): ‘herstelt’
3va