Download pdf - Textualscholarship.nl

1
4
8
12
16
20
24
28
5 Wech van salicheit 143
[5 WECH VAN SALICHEIT] [5]
Om dat god alle menscen gheroepen heeft dat eewelike leven te besittene
dat hi selve es, ende niement inder waerheit levende en heet vore
gode dan die gode kent – also als onse moeder die heilighe kerke orcond
in die collecte Deus adiutor pacis etc, daer staet bescreven dat
gode kennen es dleven ende hem dienen es coninc wesen of regneren –,
ende om dat so lettel creaturen soeken te kennen die waerheit die god
es, of te dienen uter minnen der godheden die god es – so eest dat
so luttel creaturen nu in gode leven met doechden ne maer doet sijn
met zonden, no namaels met hem regneren sullen als coninghe met
bliscapen –, hier omme eest wel noet dat alle menscen kenden die
waer heit die god es ende hoe hise ghemint heeft, waer bi dat si sine
goetheit minnen souden mogen. Want also men in een ghemeen woerd
seit: Men mach gheen goet minnen, men moet kennen. Ende alle menscen
ware wel noet dat si wisten hoe si gode ute dier minnen souden
dienen conen. Want also sente Gregorius seit: Minne en staet en gheen
tijt ledich daer si volmaect es, maer si es eenpaerlijc werkende in dat
werc dat si mint. Hier omme eest dat ic [u] nu meene te bewisene den
simpelen menschen, diet in latine niet en verstaen, ter moeder tonghe
dat meeste ende tgrove dat alle kerstine creatueren die vroescap hebben
ende redene, wel sijn sculdich te kennen ende te wetene, die kijndere
sijn ende als kindere der heilegher kerken leven willen. Ende eerst
wat ons god ghedaen heeft uut sier heiligher minnen om ons te tre c -
kene te siere minnen, ende daer na hoe wi sculdich sijn hem weder te
dienenne | uut minnen, beede int goede te doene ende int quade te wederstane.
Want god en heisct anders niet van ons dan dat wij hem minnen;
ende inder waerheit men mach den ghenen die vore ghemint heeft
niet bat ghenoech ghedoen dan datmen weder mint.
Dits hoe god den mensce ghemint heeft
God de vader, de zone entie heilige gheest, iii persone, een substancie,
een wesen ende i volmaect goet, aenscouwende ende aensiende dat hi
K [5] 1 Het eerste gedeelte van de tekst ontbreekt in G. 4 adiutor] W, amator B, auctor 1479 7 goedheden]
1479, godheden W, godheit B. Cf. 11: goetheit. 13 moet] W, ne moet B, moedt 1479 17 ic]
B 1479, u add.W 28 heeft] W, int maken add. B 1479 (cf. 60)
V [5] 4 adiutor: alleen 1479 heeft de juiste lezing van de collecta: Deus, auctor pacis et amator, quem nosse
vivere, cui servire regnare est…, maar de lezing van W is op zich zinvol. 13 moet: samentrekking van
moet het
P [5] Tekst geschreven door hand 1, met kapittelopschriften in rode inkt.
3ra
3rb