NUUSBRIEF / NEWS LETTER - Bethlehem Voortrekker Hoërskool

296, BETHLEHEM 9700 058-3034006
e-pos : admin@bvhs.co.za 058-3037178 / 0866365347
Uit die kantoor:
NUUSBRIEF / NEWS LETTER : 03/2013
1 Maart 2013
Die eerste kwartaal van 2013 stap stadig maar seker aan en dit is vir my regtig aangenaam
om te kan sê dat die leerders alreeds besig is om ons trots te maak.
Verlede Vrydag het ons eerste krieketspan in die finaal van die Goudveld-liga gespeel.
Danksy ‘n besondere spanpoging boul ons Gimnasium uit in die 22ste boulbeurt en wen so
die liga met 171 lopies. Om dit reg te kry in ‘n finaal is ‘n besonderse prestasie en bewys dat
krieket by BVHS van krag tot krag gaan. Dit was vir my ‘n voorreg om hierdie span se
wedstryde te kon bywoon en ek is van mening dat die tyd ryp is om ons horisonne ook in die
krieket te verbreed. Baie geluk aan hierdie span en hul afrigters, mnre. Hennie Pelster en
Dean Hurling. Julle is ‘n gedugte kombinasie en waardige kampioene.
Saterdag was BVHS gasheer van die Oos-Vrystaat atletiekkampioenskappe. Ek wil regtig
groot dank aan mnre. Manie Havenga en Andi Wolmarans oordra, wat in beheer was van alle
fasette van die organisasie van die byeenkoms. Ons gesegde van “Trekkers laat jou nooit in
die steek nie” was op hierdie dag duidelik te sien. Van vroeg af was Voortrekker se
onderwysers, leerders en ouers woelig en werksaam om van hierdie dag ‘n sukses te maak.
Groot dank ook aan die graad 11-ouers en onderwysers wat van die verkope so ‘n groot
sukses gemaak het. Julle was baie professioneel met julle mooi vlaggies en voorskote. Ek wil
ook hulde bring aan die talle leerders wat die hele dag gearbei het om van die dag ‘n sukses
te maak. Julle is ware staatmakers en BVHS kan nie presteer sonder julle insette nie. Op die
atletiekveld en -baan het ons ons laat geld en ‘n mooi oes van medaljes ingepalm. Dit,
tesame met die 5 aflosse wat ons gewen het, laat geen twyfel oor waar in die dorp die
atletiekkrag gesetel is nie. Baie geluk aan al ons atlete vir julle pragtige prestasies, rekords en
puik spanpoging. Baie sterkte aan die groot groep atlete wat nog aan die Clover- en
Interhoërbyeenkomste gaan deelneem.
This coming Saturday sees a training camp for all hockey players. The cast of the musical
Grease will also be involved in all day repetitions.
We are quite excited about the start of the winter sports season. Everybody is very active
already and most trials have been completed. We are most grateful to have such loyal
parents and other supporters who assit with coaching, fundraising, sales, etc., during the
season. On Saturday 2 March our teams will be attending the Fichardtpark rugby day. Most
teams will be playing Marlow Agricultural School, a well-known rugby school. At the same
time, our first team will be up against Grey College, Bloemfontein, for the first time in many
years. We wish our players and coaches the very best.

The final countdown to our musical has started. Final finishing touches are done in some
serious repetitions. We are looking forward to the BVHS production of Grease with bated
breath and wish the cast, as well as crew, good luck: break a leg! You are all invited to come
and enjoy the production with us, re-living the good old Greasin’ days....
Tickets are available at Mrs Riana Pelser’s office.
Ek wil ook baie dankie sê aan alle ouers, leerders en onderwysers wat betrokke was by die
baie suksesvolle koshuisfunksie Woensdagaand. U is staatmakers en u lojaliteit en ywer
maak ons koshuis die beste in die land.
Ons leerders is op verskeie terreine besig om mee te ding en te presteer. Daarom is BVHS
die skool van geleenthede waar leerders hulself teen die bestes kan meet en so kan groei as
totale mens. Met die skryf van die nuusbrief besef ek net weereens hoe groot die porsie
genade en seën is wat ons uit die Vaderhand ontvang. Ons bly nederig en dankbaar in U
teenwoordigheid.
Trekker-groete
Gys Coetzee
Oos-byeenkoms lewer skitteratletiek!
Voortrekker bou voort op die uitstekende prestasies tydens Graanveld gelewer en
verwerf ‘n totaal van 112 medaljes: 50 goud, 33 silwer en 29 brons. ‘n Totaal van
sestien rekords word deur Voortrekker-atlete verbeter. Dit sluit in: Letitia Janse van
Vuuren (d/17 gewigstoot en hamergooi), Emma Kleynhans (d/14 90m hekkies), Jana
du Randt en Marni van den Berg (albei d/14 hamergooi), Annika van der Westhuyzen
en Henriette Cronje (albei d/15 5000m stap), Sollie Cronje (d/16 400m hekkies),
Chrizelle Maree (d/19 hamergooi), Regardt Naude (s/14 100m hekkies), Donovan
Bouwer (s/16 110m hekkies), Janlu Claasen (s/17 10000m stap), Ammi Pelser (s/17
400m hekkies), Helgaard van Heerden (s/17 hamergooi), asook 2 aflosse, nl. seuns
o/16 en seuns 0/17. Voortrekker wen altesaam 5 aflosse. Voortrekker het die meeste
atlete in die top 50 naamlik 16.
75 Voortrekker-atlete kwalifiseer om op 8 & 9 Maart aan die Vrystaat-byeenkoms te
Bloemfontein deel te neem.

Voor v.l.nr: Victor Mokoena, Marni van den Berg, Emma Kleynhans, Annika van der
Westhuysen, Sollie Cronje, Henriette Cronje, Tiisetso Madonsela, Juanrick Eagar,
Janlu Claasen
Agter v.l.n.r: Pieter le Roux, Ammi Pelser, Pieter van Zyl, Adru Odendaal, Helgaard
van Heerden, Donovan Bouwer, Letitia Janse van Vuuren, Jana du Randt, Chrizelle
Maree, Regardt Naudé.
KRIEKET
Krieket vs Welkom Gimnasium: Finaal van Goudveld-liga
Voortrekker kolf eerste en teken 267 lopies aan vir die verlies van 8 paaltjies in 50 beurte.
Ammi Pelser, met 81 lopies, anker weereens die beurt vir sy span en word goed ondersteun deur
sy aanvangsvennoot, Phillip Mare (44). Elof Scheepers lig die kolftempo in die laaste 15 beurte
met ‘n vinnige 63 lopies van slegs 38 balle vir sy beste telling van die seisoen.
Daarna kolf Gimnasium en word uitgeboul in 22.3 boulbeurte, danksy ‘n uitstekende
boulvertoning van Kevin Crause, wat vyf paaltjies neem vir slegs 17 lopies! AJ van Wyk boul
weereens baie akkuraat en neem 3/19 en Stefan van Dyk 2/31, om die opposisie uit te knikker
vir slegs 96 lopies!
Voortrekker wen dus die finaal met ‘n allemintige 171 lopies! Die besluit om aan die Goudveldliga
deel te neem het onmiddellik vrugte afgewerp, toe ons die eerste keer in 2010 die finaal teen
Gimnasium wen. Die daaropvolgende seisoen het ons met Hennenman in die finaal afgereken en
dit is dus nou die derde keer dat ons die liga teen al die Welkom- en Kroonstadskole wen.
Hierdie besonderse span het in die afgelope seisoen nege 50 beurt-wedstryde gespeel en almal
gewen. Hulle het vyf 20/20-wedstryde gespeel en slegs in die semi-finaal verloor teen St
Andrews, die kampioen van die Knights franchise.

SPORTLIKS
Swem
Geluk aan Guido Postma, Tyler Muller, Tina Mostert, Elmo vd Merwe, Ryanhart van der Merwe
en Eric le Roux wat aan die Sterkfontein 1500m en 3km swem deelgeneem het. Baie geluk ook aan
Eric le Roux wat gekies is vir die Vrystaatspan wat aan die nasionale oopwater-kampioenskappe op
2 en 3 Maart in Grabouw deelneem.
PERDRY
Geluk aan Allie van Schalkwyk met sy uitstekende eerste plekke en een tweede plek
op die De Aar Saalperd-streekskou.
BOOGSKIET
Baie geluk aan Nadia van Jaarsveldt met haar tweede plek in die Junior Female
Bowhunter Unlimited-afdeling by die SANIFAA Noord-Gauteng 3Dkampioenskappe.