Laai boek af : PDF

Sommige Aspekte
van die
Werk
van die
Heilige Gees
Deur: F.W.C. Neser, M.Sc.
Teksverse geneem uit 1953 vertaling.
Transkripsie gedoen deur Suster Rina de Lange
Verwerking van transkripsie Kasset No. L089
1

Sommige Aspekte van die Werk van die Heilige Gees
Outeur F.W.C. Neser
Kopiereg F.W.C. Neser
Uitgewer F.W.C. Neser
Posbus 31571
Wonderboompoort
0033
Tel / Faks: (012) 379-8954
E-pos: ekklesiakassetfonds.neser@gmail.com
Webtuiste: www.israelmusthear.co.za
Kantoorure: Maandag tot Donderdag,
09h00-12h00
Drukker: Minit Print Pretoria Noord
Tel: (012) 565-5288
Fax: (012) 565-5289
E-pos info@minitprint.biz
Nuwe Druk 2009
ISBN 978-1-920298-12-8
2

Sommige Aspekte
van die
Werk van die Heilige Gees.
Filippense 3:3;
Want óns is die besnydenis, ons wat God in die Gees dien en in
Christus Jesus roem en nie op die vlees vertrou nie.
Die Heilige Gees inspireer die gelowige om te aanbid. Laat ons nou mooi
aandag gee aan wat ek nou vir u gaan voorlees soos dit hier neer geskrywe
is en dan ook my enkele bykomstige kommentare daarop.
Ons lees saam; En as u miskien nie onmiddellik nie saamstem nie, kyk ‘n
bietjie:
Gebed is nie aanbidding nie en danksegging is ook nie aanbidding nie.
Aanbidding is ‘n doelbewuste en besliste handeling van die skepsel in
verhouding tot God.
Aanbidding is ‘n besliste stelling van die skepsel voor God waarin hy
God bemin, vereer, bewonder, intens bepeins en aanbid.
Iemand het dit eenkeer baie treffend so gestel:
In ons gebede is ons gemoeid met ons behoeftes,
In ons danksegging met ons seëninge,
In ons aanbidding met onsself.
Maar daar is geen, vir God, aanneemlike aanbidding behalwe die wat deur
die Heilige Gees self ingegee en gerig word nie. Ware aanbidding moet
dus in en deur die Heilige Gees wees want die Vader soek ook sulke
mense wat Hom aanbid.
Johannes 4:23; - Ons sal nou daardie versie in geheel met mekaar saam
lees, ons gaan net voort.
Die “vlees”: en let daarop die vlees moet daar in aanhalings wees. Ons sal
vir u verder daarop verduidelik. Die “vlees” wil maar op alle gebiede van die
lewe die oorhand hê. Die vlees het beide sy aanbidding en sy
begeerlikhede. Die aanbidding van die vlees is vir God ‘n verfoeisel. Hierin
kan ons die dwaasheid sien van ‘n gesamentlike aanbiddingsdiens waarin
verskillende gelowiges “saam” wil aanbid. Let weer op na daardie; beide
die woorde met hulle aanhalings tekens.
Jy kry baie keer; kry jy by sulke groot geleenthede, veral met publieke
oomblikke, dan kry jy nou verskillende gelowe. Ek dink byvoorbeeld in die
verlede waar daar sulke tye van groot geleenthede was waar almal
bymekaar gebring is, Jode, Katolieke en Protestante. Nou gaan hulle ‘n
groot aanbiddingsdiens hê, of dankseggingsdiens hê, of wat ookal.
Jy kan dit nie doen nie!
3

Jy kan dit nie werklikwaar doen in Gees en in Waarheid nie. Dit is waarom
so baie keer selfs in groot byeenkomste, selfs van een denominasie, waar
daar nie aanbidding kan wees nie want daar is nie ‘n Gees en Waarheid
nie.
Daar is nie ‘n eenstemmigheid van geloof nie en waar daar nie ‘n
eenstemmigheid is nie, daar is die Heilige Gees nie. Daarom is dit vir ons
so belangrik, ook in ons eie dienste, of dit in ‘n biduur is of in ‘n
oggenddiens waar ons netnou sal ingaan, of waar ook al, dat ons daaroor
moet waak en dat ons, ons daarop moet toelê dat ons werklik in die Heilige
Gees bymekaar kom, in ware eenstemmigheid en dat ons ernstig daaroor
moet waak.
As daar iets is wat my ontroer, as daar miskien ‘n tweedrag in my hart is, as
daar iets is wat nie reg is in my hart teenoor my broer, of teenoor my suster
nie, dat ons daardie saak met mekaar sal regmaak. Ons moet onthou, ons
moet baie mooi daarop let. Ons ou klompie byvoorbeeld, praat baie keer
daaroor. Ja, ons is nou juis hier bymekaar. Ons het byvoorbeeld in die
Ekklesia-groep gekom, of dit het Pinkster geword. Ons wou nou juis losruk
van die ou tradisie:- waar my pa, my oupa en ouma en my oupagrootjie het
nou in dié kerk groot geword, nou gaan ek ook maar so aan want ek moet
‘n kerk hê; ek moet ‘n kerk hê waaraan ek behoort.
Nou, ek glo ‘n mens moet êrens behoort, maar ons moet nou kyk of ons nie
dalk ‘n klomp van ons ou tradisie tog met ons saamgebring het sonder dat
ons dit besef nie. Ons het gekom waar ons nou vandag is omdat ons nou
gemeenskaplik aan die waarhede glo waarvoor ons staan. Daarom is ons
nou vanmôre hier bymekaar.
Reg genoeg, dit is ‘n baie goeie fondasie. Maar nou moet ek in my eie hart;
gedurig my eie hart voor God ondersoek, dat my hart altyd in die gees met
God is. Ek kan nie in die gees met God wees as ek ook nie in die gees met
my broer en met suster is nie. Daarom is dit iets ernstig waaroor ek moet
waak en waarvoor jy in die gees moet stry dat daar nie daardie
oneenstemmigheid in my hart sal wees nie. Dat ek daarvoor alles moet
verroer om dit reg te maak sodat ons die werklike aanbidding vir die HERE
kan bid waarin die Heilige Gees vir ons sal lei. (Nog ‘n reël uitgelaat wat
later behandel sal word)
Nie alle ernstige en opregte aanbidding, is aanbidding in die gees nie.
Iemand kan baie ernstig en opreg wees in sy aanbidding en tog homself nie
aan die Heilige Gees onderwerp het nie. Sy aanbidding is dan ook in die
vlees. Selfs wanneer daar miskien groot getrouheid aan die Woord is, kan
die aanbidding nogtans nie in die gees wees nie, dit wil sê, nie deur die
Heilige Gees geïnspireer en gerig nie.
Om opreg te aanbid moet ons geen vertroue in die vlees hê nie. Ons moet
die absolute onvermoë van die vlees erken. Dit is ons natuurlike “self” in
teenstelling met die Heilige Gees, wat in die gelowige woon en wat alles
4

ehoort te vorm, dan kan ons God eers aanbid soos dit Hom behaag.
Ons moet die groot gevaar besef wat daar bestaan dat die “ou-ek” self ons
aanbidding wil binnedring en homself op die voorgrond stel. Ons moet die
“self” volkome kruisig en absoluut verloën en ons geheel en al op die
Heilige Gees werp om ons in ons aanbidding te lei.
Broers en susters laat ek vir u ‘n ernstige ding sê. U weet daar is twee
maniere, wat ons veral hier in die binnekringe; ons baie versigtig oor moet
wees, waar ek versigtig oor moet wees om nou byvoorbeeld om ‘n klompie
soos u te lei. U weet in ons manier van aanbidding, waar ons graag wil hê
dat mense moet getuig, waar ons byvoorbeeld in ‘n oggenddiens baie graag
wil hê dat ‘n persoon in die gees sal optree as hy ‘n getuienis het; dat hy dit
in die gees sal gee as die HERE vir hom ‘n lieflike Skrif oopgemaak het, wat
die HERE aan hom openbaar het.
Soos verlede keer, onthou u, het ons vir u gesê, jy kan met die slimste
verstand, die slimste persoon wees, wat die diepste betekenis in die
oorspronklike taal van ‘n teks kan navors en jy kan dit gee en dit sal nuttig
wees. Maar dan sal daar ‘n eenvoudige, miskien ‘n kind, opstaan: “Ooms
en Tannies luister, die HERE het hierdie versie vir my oopgemaak”. En as
daardie kind, jongmens of die ou skaapwagter of wie ook al, dit vir jou
oopmaak, sal jy sê:
“Prys die HERE, dit is ‘n openbaring van God”.
Nie waar nie?
Ons moedig dit aan. Ons staan daarvoor dat ons ‘n gemeenskap sal hê
waar ons die vrymoedigheid onder mekaar sal hê om dit met mekaar te
deel en wanneer daardie persoon dit uitgegee het en dit was van God af,
ons almal dit sal erken en sê: “Dankie, die HERE het dit vir ons gegee”.
Dit is die eenkant, en ons moet nooit daardie vrymoedigheid verloor nie.
Maar geliefdes, as ons vanmôre eerlik wil wees, dan moet ons ook na die
teenoorgestelde kant kyk. Jy vind dit baie keer in hierdie soort aanbidding
van ons, dat baie kere persone miskien doelbewus, maar miskien met ‘n
mengsel van inspirasie en mengsel van ek, “ekself”, dat hy opstaan en
homself deur hom manifesteer as daardie openbaring wat God hom gegee
het.
Dat daar baie keer mense is wat bid in ‘n diens, hy kan miskien mooi bid,
miskien welsprekend, dat hy meer bid oor die effek wat hy miskien voel wat
sy gebed op die gehoor het, as ‘n werklike aanbidding tot God. Dat daar
partykeer ‘n manifestasie is, en ons staan vir manifestasies, daar is tale,
uitleg van tale, daar is profesieë, daar is partykeer snaakse dinge wat ons
doen, en as jy daardie snaakse ding doen in die Heilige Gees, as dit
waaragtig van die Heilige Gees is, dan sal dit vir niemand snaaks wees nie.
Daar is baie keer in ons midde, omdat ons hierdie soort van aanbidding
5

het, dat daar baie mense is wat dinge doen meer om gesien te word as om
werklik te aanbid.
Nou kry jy die sensitiewe persoon, en dit is hier waar ons moet groei tot
volwassenheid: wat sal sê: “Nou goed, ek sal nooit weer optree in ‘n diens
nie, want dalk probeer ek myself manifesteer of dalk dink andere ek doen
dit”. Ek gaan nou heeltemal in my dop kruip. Dit is verkeerd broers en
susters. Dan is jy ook nie in die Heilige Gees nie. Daarom het ek gehuiwer
om dit vir u te sê, maar ek moet dit sê, want dit is die waarheid.
As ons waarlik tot die heerlikheid van God en die skoonheid en in die krag
van God wil optree, dan moet ons ‘n liggaam wees waarin al hierdie dinge
vir ons baie, baie duidelik is. Aanbidding is heerlik en is wonderlik.
Loof die HERE!
Ons sal nog ‘n bietjie verder daarop inkom, ons maak net hierdie laaste
paragraaf klaar van hierdie gedeelte.
Net soos ons onsself volkome op Christus gewerp het om ons te regverdig
voor God, om ons siele te red en op geen werke van ons eie vertrou het
nie, so moet ons ook alle vermoë tot goedheid van ons eie van ons afwerp
en ons volkome op die Heilige Gees werp om ons in ‘n heilige lewe,
verstand, gebed, danksegging en aanbidding; aanbidding en in alles te lei.
Ek het nou ‘n paar keer al in hierdie reeks gesê en ek wil dit weer
beklemtoon, want ek sien ekself is nog baie skuldig daaraan, ons sê ons
lewe in die dispensasie van die Heilige Gees. My broers en susters, die
Here Jesus het gesê: “Ek gaan weg”; “Ek gaan weg, Ek is nie meer by julle
nie, maar Ek stuur vir julle die Trooster, die Heilige Gees om by julle te bly”.
En as ons dit mooi in sy verband lees en as u weer Johannes 14; 15; 16;
veral lees waar die Here Jesus so met sy dissipels gepraat het, dan is dit vir
my baie duidelik dat die Here Jesus bedoel het dat die Heilige Gees sy plek
sal kom inneem netso letterlik en netso werklik as wat Hy dit gehad het toe
Hy by sy dissipels was.
Netso letterlik soos ek byvoorbeeld hier voor u staan, met u praat en hierdie
dinge met u behandel, netso werklik soos Jesus met sy dissipels gepraat en
met hulle gehandel het. Toe is Hy weg met hemelvaart, maar: “Ek sal die
Heilige Gees in My plek stuur, julle moet net ‘n rukkie wag”.
“Julle moet net ‘n rukkie wag”.
Ek dink die Here sal vir ons meer openbaar soos die lig verder deurbreek in
die dae wat voorlê. Ek verwag groot en magtige openbaringe van God baie
vinnig en nog baie verborge dinge. Hoekom moes hulle daardie tien dae
wag? Ons weet volgens die Skrif in Pinkster (peninta – dit is vyftig) was dit
6

so.
Ons weet dat presies nadat hulle die paaslam geëet het daardie nag, toe
hulle uit Egipteland gelei is en toe die HERE vir hulle die wet daar op die
berg Sinai gegee het, die Here daar in daardie magtige vertoon op die berg
neergedaal het, was dit presies vyftig dae, presies “50 - peninta”, dit is waar
Pinkster vandaan kom, dit is so.
So, presies na die slag van die paaslam, die Here Jesus self, en die
uitstorting van die Heilige Gees, was dit presies 50 dae. So daar is ‘n
ooreenkoms daarmee. Maar ek voel daar is nog ‘n dieper betekenis wat die
Here vir ons sal wys. Net soos die Here Jesus die dissipels gelei het, met
hulle gepraat het, hulle vir Hom kon vrae vra, het Hy vir hulle dinge
geopenbaar.
Hoe baie kere, byvoorbeeld daar met die gelykenis van die onkruid en die
goeie saad. Toe hulle nou eenkant kom toe vra die dissipels vir die Here
Jesus, “Here verklaar vir ons daardie gelykenis van die onkruid”. Die Here
het dit nie voor die skare gedoen nie, want hulle sou dit nie verstaan nie.
Toe maak Hy dit vir hulle duidelik wie die onkruid is en wie die goeie saad is
en so aan.
Hy het met hulle gepraat.
Hy het hulle geleer.
Hy het vir hulle openbaringe gegee.
En so het Hy vir hulle gesê: “Ek stuur vir julle die Trooster”.
Net so glo ek, moet die Heilige Gees met ons praat. Ons sal nog hier
bykom waar ek vir u wil voorbeelde gee. Soos die Heilige Gees in die dae
van die Bybel, in die dae van die handelinge van die apostels, met mense
letterlik gepraat het, vir hulle instruksies gegee het, vir hulle gesê het wat
om te doen.
Broers en susters ons lewe nog in daardie selfde dispensasie, dit is nog
dieselfde Heilige Gees. Dank die HERE vir getuienisse van mense wat
hiervan getuig, maar ek voel dit moet nog baie duideliker in ons lewens
inkom. Ons moet die Heilige Gees weer sy plek gee waarvoor Hy gekom
het en daarvoor moet ons meer doelbewus met Hom wandel.
Neem byvoorbeeld u eie lewe, kyk na die afgelope week in u eie lewe, u
hoef my nie te antwoord nie. In u aanbidding; daar in u stiltetyd, daar in u
werk, die susters in hulle huise, hoeveel keer het u met die Heilige Gees
gepraat. Hoeveel keer het u bewustelik nou opgetree in die Heilige Gees in
die geloof en gesê: “Heilige Gees, hier is ek. Jesus het gesê U sal kom om
my te lei in alle waarheid. Ek wil so graag meer weet van Jesus. Ek het
Hom so lief, maar ek voel ek is nog so ver van Hom af en Jesus het gesê U
sal kom en by my wees en om in my te wees. Ek glo U is in my en by my,
7

ek glo U is nou hier by ons”.
Ek is nie nou besig om vir u ‘n lektuur te gee nie, dan kan u maar
universiteit toe gegaan het of wat ook al geliefdes. Kom laat ons dit besef,
dié Heilige Gees is nou hier! Dit is hoe ons wandel deur die geloof.
Dan het jy gesê: “Heilige Gees leer vir my, ek verstaan nie hierdie deel van
die Skrif mooi nie. Ek weet nie wat om vir daardie persoon te sê nie. Ek
het ‘n probleem. Ek moet iets met hierdie persoon gaan bespreek. Ek
moet iets met daardie persoon gaan regmaak. Ek moet dit gaan doen en
dat gaan doen, en ek weet nie. Heilige Gees wees my leidsman, wees my
leermeester. Ek aanbid U. Ek aanbid U Vader in die Naam van Jesus deur
die krag van die Heilige Gees.
Broers en susters, ek praat uit my eie skuldigheid in baie opsigte wanneer
ek so daaraan dink. Jesus het gesê: “Ek sal julle nie as wese agterlaat nie”.
Maar ek dink ons loop baie soos ‘n klomp weeskinders rond.
Net nog hierdie gedagtes in hierdie verband terwyl ons nog daarmee besig
is. Kyk net hoe neem towery toe. Kyk hoe neem al die duiwelse praktyke
toe.
Weet u hoekom?
Omdat hulle bonatuurlike bedrywighede het; dit is nie sommer bluf daardie
nie, daardie mense het bonatuurlike magte. Daar is natuurlik ook die
harlekyne. Daar is ook die wat ‘n rat voor jou oë draai, maar in hulle
werkinge is daardie mense erg gely deur demone en deur bose geeste. Dit
is werklikhede en hulle bring bonatuurlike dinge te voorskyn. Met die
gevolg, hulle kry aanhangers by die honderde en by die duisende.
Waar is die bonatuurlike werking van die Gees van God in ons gemeente?
Neem in die handelinge van die apostels, vir my altyd, ek weer ek het dit al
baie gebruik, maar ek kan dit nooit genoeg gebruik nie. As u Handelinge 8
neem, daar waar ou Simon die towenaar - Simon Magus, die mense
verbyster het; verbyster deur sy towerkragte en hulle het hom aangehang
as iets groots.
Maar toe Filippus daar kom in die krag van die Heilige Gees en die HERE
doen bonatuurlike kragte nog vér bokant ou Simon Magus, sien ek in my
gees hoe hy met sy oopmond agter Filippus aangeloop het.
Toe swaai die aandag van die Samaritane weg van ou Simon af. Hulle het
nie eers aan hom gedink nie en hulle het almal geluister na Filippus, en
natuurlik die Here Jesus, ontvang. Bonatuurlike krag waardeur; deur die
Heilige Gees; die Heilige Gees gekom het.
Hoekom sal ons dan nou vir Stéfanus, die eerste martelaar in Handelinge 6
en 7 bewonder, en wat al die wonderlike dinge gedoen het, die
martelaarsdood wat hy gesterf het. Ons sal vir Filippus bewonder!. Maar
8

wat van onsself?
Hoekom kan ons nie Stéfanusse wees nie?
Hoekom kan ons nie Filippusse wees nie?
Die een rede is, miskien die hoofrede, ons gee nie die Heilige Gees die plek
en die aandag nie.
Hy is hier; Hy het gekom! Dit is vir u en dit is vir my!
Kom ons kry die aanbidding!
Kom ons kom op daardie plek waar ons alleen kom met God in aanbidding
as enkelinge, en ook as ons, in ons gesamentlike dienste is. Kom ons vra
die HERE vanmôre dat Hy ons sal leer, ook as ‘n gemeente, hoe om werklik
te aanbid in gees en in waarheid. Kom ons verwag dan die Heilige Gees,
om in ons midde te opereer en homself te manifesteer en ons sal sien, daar
is ‘n wêreld daar buitekant wat wag daarvoor.
As ons dit nie doen nie dan gaan dié wat die demone aanbid en die bose
geeste aanbid, die mense agter hulle aantrek. Die mense vra ‘n
bonatuurlike manifestasie. As hy dit dan nie van God kry nie dan gaan hy
dit van die duiwel ontvang. Kom ons gaan nou na ons volgende een toe, dit
is ook ‘n baie belangrike een.
Handeling 13:1-4;
1 EN daar was in die plaaslike gemeente in Antiochíë sekere profete en
leraars, naamlik Bárnabas en Simeon wat Niger genoem word, en
Lúcius, die Cirenéër, en Manáen, wat saam met Herodes, die
viervors, grootgeword het, en Saulus.
2 En terwyl hulle besig was om die Here te dien en te vas, het die
Heilige Gees gesê: Sonder nou Bárnabas en Saulus vir My af vir die
werk waarvoor Ek hulle geroep het.
3. En toe hulle gevas en gebid het en hulle die hande opgelê het, laat
hulle hul gaan.
4 So het hulle dan, deur die Heilige Gees uitgestuur, afgegaan na
Seleúcië en daarvandaan weggevaar na Ciprus.
Ons sien daar in die tweede vers terwyl hulle besig was om die Here te dien
en te vas, het die Heilige Gees gesê, hier het die Heilige Gees gepraat en
gesê: “Sonder nou Bárnabas en Saulus vir My af vir die werk waarvoor Ek
hulle geroep het”. In die vierde vers: “So het hulle dan, deur die Heilige
Gees uitgestuur, afgegaan na Seleúcië en daarvandaan weggevaar na
Ciprus”.
Kom ons lees net gou ‘n kommentaar en dan sê ons ‘n ietsie meer.
Die Heilige Gees roep mense en stuur hulle in die bediening uit, die Heilige
Gees roep nie net mense in ‘n algemene manier tot Christelike diens nie,
maar kies ook vir jou, jou spesifieke werk en wys dit vir jou uit. Jy kan nie
vir jouself sê: “Ek wil hierheen of daarheen gaan of dit of dat doen nie”. Die
HERE alleen weet wat Hy wil hê, wat jy moet doen, en Hy is gewillig om dit
9

vir jou te wys.
Hoe doen die HERE dit?
Soms praat Hy direk deur profesie.
Soms deur ‘n openbaring.
Soms deur omstandighede.
Soms deur die Woord direk.
Hy sal dit altyd bevestig deur ten minste twee onafhanklike getuies. God
werk nooit stereotiep nie, sodat ons nie aan die Here kan voorskryf hoe Hy
moet werk nie. Die hoofsaak is dat God altyd sy “wil” baie duidelik te kenne
sal maak. Daar is groot behoefte vandag vir manne en vroue wat waarlik
deur die Heilige Gees geroep en gestuur wil word. Daar is helaas baie
manne en vroue vandag wat deur mense geroep is; wat deur die mens
geroep is of wat hulle self geroep het.
Hoe sal ons die roeping van die Heilige Gees ontvang?
Elke gelowige is geroep en gestuur om ‘n getuie vir Jesus te wees.
Dit is nou reg genoeg. Kom ons kyk net vinnig daarna:
Handelinge 1:8;
maar julle sal krag ontvang wanneer die Heilige Gees oor julle kom,
en julle sal my getuies wees in Jerusalem sowel as in die hele Judéa
en Samaría en tot aan die uiterste van die aarde.
Amen!
Prys die HERE!
Lukas 24:46-49;
46 En Hy sê vir hulle: So is dit geskrywe, en so moet die Christus ly en
op die derde dag uit die dode opstaan,
47 en bekering en vergewing van sondes in sy Naam verkondig word
aan al die nasies, van Jerusalem af en verder.
48 En julle is getuies van hierdie dinge.
49 En kyk, Ek stuur die belofte van my Vader op julle. Maar julle moet in
die stad Jerusalem bly totdat julle toegerus is met krag uit die hoogte.
“totdat julle toegerus is met krag uit die hoogte”
Dit is die algemene roeping vir elke Christen, elkeen van ons word geroep
om dit te doen maar dit is nie die spesifieke saak wat ons nou hier onder oë
het nie. Kom ons lees nou klaar dan sê ek verder.
Maar vir ‘n spesifieke roeping moet ons dit waarlik begeer, dit soek, op die
Here wag en dit verwag.
“En terwyl hulle besig was om die Here te dien en te vas”; sê die verslag,
onthou u daar in Handelinge 13:2, hulle was ernstig. U kan self daaraan
dink in daardie dae, u weet hoe hulle vervolg was, u weet die Christelike
geloof het toe maar net begin.
Ons een probleem is ons dink waarom ons die Heilige Gees nie nodig het
nie; Ek hoop u verstaan, wat ek nou bedoel is omdat ons so goed
10

georganiseer, veral hier in ons land, is. Die Christendom is mos gevestig,
ons het ons kerke, ons het ons instellings, ons het ons gebruike, ons het
ons Bybels, ons word nie vervolg nie.
Nou is dit maklik, daardie ou vlees, wat ek netnou na wil terugkom, ek wil
nog net vir u Johannes 4:23 nog lees, ek het vergeet
Nou sonder dat ons dit besef, in ons ernstige oomblikke, is dit meer die
vlees en daarby bedoel dit ons natuurlike vermoëns, ons verstand, soos
ons verlede Sondag oor die wedergeboorte gepraat het. Oor die drie
aspekte van die mens, jou gees, jou siel, “mind” soos die Engels sê, en jou
vlees.
Dat baie van ons aanbiddingsveld, kan ‘n mens selfs emosioneel raak in jou
godsdiens. Jy kan emosioneel raak as ‘n paartjie op mekaar verlief raak.
Jy kan emosioneel raak oor jou kinders. Jy kan emosioneel raak oor baie
dinge. Daar is ‘n opwelling van emosie, maar dit is meer wat “uit” die siel
uitkom.
Die ware aanbidding kom uit die Gees, uit die kontak met God.
So, ons kan in ons prediking - - - -
(Ek het baie keer, toe ek dié dinge nie verstaan nie, gedink, hoe kan dit
wees?).
- - - - neem ‘n persoon wat byvoorbeeld preek. Sy gesig kan partykeer rooi
word van emosie en baie keer sal jy sê: “Daardie man het ‘n salwing op
hom”. Dan is dit nooit ‘n salwing nie. Broers en susters dit is sy emosies!
Party persone is , ons het mos gebid dat die HERE vir ons seën, ek probeer
om vir julle te leer, ek weet nie of ons weer so ‘n geleentheid sal kry nie. U
moet mooi kyk, in baie predikings, party predikers is professionele predikers
net soos ‘n professionele politikus.
Ek kon dié dinge nie verstaan nie. Ek het gedink, byvoorbeeld elkeen wat
partykeer hard skree dat die sweet hom afloop en al die dinge, dit is die
Heilige Gees wat op hom is.
Nie noodwendig nie, toe dink ek so terug, toe ek nog ‘n jong seun was, hier
in my skooljare, ons is ‘n ou volkie wat maar baie lief is vir ons politiek,
maar die politiek is deesdae nie meer baie mooi nie, maar toe ons jong
kinders was het ons daardie politieke vergaderinge baie geniet. ‘n Politikus
het lekker sêgoed aan hom, die een ou sê die ander ou lekker en die ander
ou sê die een weer lekker. Ek dink veral aan ‘n sekere persoon, (Ek sal nie
nou sy naam noem nie, party ken hom, hy het later Minister van Poswese
geword maar hy was daar in ons wêreld, eers in politiek in daardie dae in
die opposisie en toe in die Nasionale Party ingekom en so aan). Ek sien
hom nou nog op politieke vergaderinge. Hy kon geweldig emosioneel raak.
Sy gesig kon eintlik bewe van aandoening, maar ek is seker daarvan dat u
met my sal saamstem, dit was nie die Heilige Gees se salwing daardie nie!
Dit was ‘n politieke salwing! So moet ons hierdie sake ook ernstig onder oë
kry.
11

Hoe sal jy weet wanneer dit die Heilige Gees is en wanneer nie? Wanneer
dit jou gees is en wanneer dit die Gees van God is? Dit moet jy leer; om die
Gees van God te onderskei.
Jy weet ons het by; ons het nog nie in hierdie Bybelklas nie, maar ons het in
Vanderbyl Park die Gawes van die Heilige Gees behandel. Ons het ook die
onderskeiding van geeste behandel, (ons het dit op kasset), hoedat jy die
geeste moet onderskei en dit beteken nie net altyd bose geeste onderskei
nie.
Jy moet ook leer om die Heilige Gees te onderskei. Dit is jou belangrikste
onderskeiding. Om te onderskei wanneer beweeg die Heilige Gees en
wanneer beweeg die mens se eie gees of dalk ‘n ander gees. Dit sal jy ook
leer deur aanbidding.
Ons lees net gou uit Johannes 4:23, as u sal onthou ons het vroeër daarvan
melding gemaak:
Johannes 4:23;
23 Maar daar kom ‘n uur, en dit is nou, wanneer die ware aanbidders die
Vader in gees en waarheid sal aanbid; want die Vader soek ook
mense wat Hom só aanbid.
“Die Vader soek sulke mense wat Hom aanbid, wat Hom sal aanbid in gees
en waarheid”
Kom ons vra die HERE,..............
Ek wou dit net vir u netnou genoem het, ek is bly dit het na my terug gekom
want dit was in my gedagte en toe ek so praat toe ontgaan dit my.
As jy byvoorbeeld neem die Jogi en jy neem nou die wyse manne wat jy
baie van lees in die Ooste, jy neem vir Ghandi, hoe lank hy gevas het, en
die Oosterse gelowe van meditasie. Hoeveel van ons weet wat dit is om te
mediteer in die HERE? Hoeveel van ons weet wat dit beteken om ‘n paar
oomblikke stil te gaan sit voor die Here? Of op jou knieë voor die HERE, om
die HERE waarlik te aanbid, jou hart en jou gees vir God oop te maak? Is
daar nie baie van ons aanbidding, ons biddery, wat alles uit my verstand
kom nie?
Ek het probleme, ek het dit, ek het dat, ek is omgekrap; ek het dit en dat, ek
is partykeer dalk ‘n uur op my knieë maar dit was ‘n worsteling in die vlees.
Ek het nie gewag vir die HERE dat Hy ook met my moet praat nie. Ek het
nie stil geword voor die HERE en Hom waarlik aanbid nie. Ek het nie vir
Hom begin vertel hoe lief ek Hom het nie, al sê die duiwel eenkant: “Jy lieg,
jy het die HERE nie lief nie”. Jy moet begin; jy móét begin, ek sê vir jou jy
het die HERE lief; jý het die HERE lief. Broers en susters, julle het elkeen
die HERE lief anders sou julle nie vanmôre hier gewees het nie. Ons het
elkeen die HERE lief. Laat die duiwel sê wat hy wil. Sê: “Wyk Satan”.
Onthou jy het met híérdie dinge te doen.
12

Kom, doen ‘n poging om God te aanbid in gees en in waarheid en kyk wat
die Heilige Gees aan u gaan openbaar in u tye van aanbidding. Dat ons sal
saamkom en meer leer hoe om God as ‘n gemeente te aanbid en ons gaan
kyk wat die HERE vir ons gaan doen en wat die HERE vir ons gaan sê.
Handelinge 8:27-29;
27 Toe het hy opgestaan en gegaan. En daar was ‘n man van Ethiópië,
‘n hofdienaar, ‘n staatsamptenaar van Kandacé, die koningin van die
Ethiópiërs, wat oor al haar skatte was en na Jerusalem gekom het
om te aanbid.
28 En hy was op die terugreis en het op sy wa gesit en die profeet
Jesaja gelees.
29 Toe sê die Gees vir Filippus: Gaan daarheen en bly by daardie wa.
Handelinge 16:6-7;
6 En hulle het deur land Frígië en Galásië gegaan, omdat die Heilige
Gees hulle verhinder het om in Asië die woord te verkondig.
7 En toe hulle by Mísië kom, het hulle probeer om na Bithínië te gaan,
maar die Gees het hulle dit nie toegelaat nie.
Ek dink dit is twee wonderlike Skrifgedeeltes daardie.
Kom ons kyk na die gevolgtrekking in die algemene opsomming van hierdie
lering:
Die Heilige Gees lei in die besonderhede van die daaglikse lewe ‘n diens
om te sê waar om te gaan en waar om nie te gaan nie; wat om te doen en
wat om nie te doen nie.
Die volgende kommentaar:
Dit is vir ons moontlik om die duidelike leiding van die Heilige Gees in elke
fase van ons daaglikse lewe te hê.
Dit is belangrike dinge hierdie!
Ek wil maar net weer, al is dit tot vervelens toe, wil ek net weer vir u sê, ons
moet onthou ons is nie nou net hier om ‘n Bybelklas af te handel nie, ons is
nie hier om maar ‘n klomp reëls op papier te stel en met mekaar deur te
gaan nie. Dit is van lewensbelang en ewigheidsbelang, dié dinge wat ons
besig is om te behandel.
Ons Christelike lewe sal nie net tot ‘n mate ‘n klug wees nie, maar sal
tevergeefs wees as ons hierdie dinge nie in uitwerking en toepassing in ons
lewens in het nie. Ek dink dit is verlede keer wat ek vir u gesê het, waar ek
melding gemaak het van die toename van towery en waarsêers en al
hierdie dinge, waar mense na toe gaan.
Mense is vandag in groot moeilikhede, groot spanninge, en groot
onsekerheid. Ons sal verbaas wees, (u wat miskien nog nie nou in sulke
dinge beweeg nie en nie daaromtrent lees of met mense in aanraking kom
nie), u sal verbaas wees as u sou hoor hoeveel mense, van ons eie mense,
ek bedoel nie Ekklesia nie, ek bedoel ons Christelike mense in ons land,
13

hoeveel mense vandag na waarsêers toe gaan. Slamse, soos ons ou
boeregesegde dit noem, om iets uit te vind omtrent die toekoms. Iets uit te
vind omtrent probleme in hulle lewe.
Ek dink ons ou boere volkie ken die woord “toordery” taamlik goed. O, hy is
getoor en al die dinge. Ek onthou van my kinderdae af, het ek van hierdie
dinge gehoor. As iemand nou siek is en hy kan nie gesond word nie en ‘n
dokter kan niks aan hom doen nie: O, hy is getoor of kan julle onthou
daardie snaakse huisbediende of daardie snaakse tuinbediende wat in die
tuin gewerk het. Onthou jy toe jou pa hom weggejaag het of toe hy hom ‘n
klap gegee het en daardie soort van dinge.
Ek wil nie gedagtes in u kop insit nie. Party dinge moet ‘n mens nie eers
oor praat nie. Kyk geliefdes ons glo ons lewe aan die einde van die eeu.
Satan gaan as’t ware, die boomskraapsels van die hel opskraap, om uit te
gooi in hierdie tyd, en daarom ons as kinders van God moet hierdie dinge
weet en ons moet bely vanmôre.
Ons praat van die Heilige Gees.
Ons noem die Heilige Gees se naam in ons gebede maar wat weet ons
werklik van die Heilige Gees? Ek dank die HERE vir dit wat ons in Pinkster
het.
Prys die HERE!
Moenie dink ek verkleineer dit nie. Ek dank God daarvoor. Maar ons weet
nog so min en ons ondervind so min in vergelyking met dit wat die HERE vir
ons het. Die ware kind van God moet waarlik wees soos dit daar sê in:
Romeine 8:14;
Want almal wat deur die Gees van God gelei word, dié is ‘n kinders
van God.
Dit is ons erfenis!
Dit is wat die Here Jesus voor gesterf het en opgestaan het en waarvoor Hy
nou aan die regterhand van die Vader is.
Petrus sê op Pinksterdag:
Handelinge 2:33;
Nadat hy dan deur die regterhand van God verhoog is en van die
Vader die belofte van die Heilige Gees ontvang het, het Hy dít
uitgestort, wat julle nou sien en hoor.
Die Here Jesus het die Heilige Gees uitgestort. Dit is nog presies dieselfde
vandag. Daardie ondervindinge moet ons kan hê.
Hierdie is maar net ‘n paar voorbeelde.
Kyk wat sê die Heilige Gees vir Filippus, die Heilige Gees praat met
Filippus: “Filippus gaan na daardie wa toe”. Dit is vir ons iets mooi, ons het
daarmee groot geword. Ons lees dit in die Handelinge van die apostels. O,
Filippus was ‘n wonderlike man. Dit is ‘n wonderlike verhaal. Ons in
Pinkster gebruik dit as een van die dele om vir mense te wys van die doop
14

wat reg is. Lateraan toe hulle nou by die water gekom het toe sê die
kamerling vir Filippus: “Kyk hier is water, wat verhinder my om gedoop te
word”.
Ons sal met groot besonderhede wys en sê, kyk die wa het stilgehou en
hulle het altwee afgeklim en hulle het altwee in die water ingegaan. Hulle
het altwee opgekom uit die water, dit is die waarheid. Dit is die doop! Dit is
weer die onderdompeling nadat jy tot geloof gekom het. Dit is heeltemal
reg. Maar kyk die HERE het met Filippus gepraat. Die HERE het vir
Filippus gesê: “Gaan doen dit”. Hy het die stem van God gehoor en toe hy
klaar is, toe kom neem die Heilige Gees hom weg.
Ek weet nou nie, ek is nie dogmaties daaromtrent nie, maar dit lyk vir my of
die Heilige Gees hom deur die lug gedra het want die volgende oomblik sê
dit hy is in Gasa gevind. Dit was ‘n vér ent daarvandaan af. Die Heilige
Gees het hom (Philippus) self getransporteer.
Die Here Jesus het gesê: “Ek sal julle nie as wese agterlaat nie. Ek stuur
vir julle ‘n ander Een in My plek, die Heilige Gees”, broers en susters en kyk
wat het Jesus gedoen met sy dissipels. Solank Hy by sy dissipels was, was
hulle nie bang nie. Hy het die dooies lewendig gemaak. Hy het brood en
visse vermeerder as die mense honger was. Hy het die storm stil gemaak.
Wat het Jesus nie alles gedoen nie.
Nou as Hy iemand anders stuur in sy plek, om sy plek te neem, sal Hy dan
nie dieselfde doen nie? Maar nou onthou die Heilige Gees is ook Gees. U
en ek is liggame. Hy sal nou daardie dinge wat Jesus gedoen het en eintlik
as ons dit mooi bestudeer sal u sien dit was ook die Heilige Gees wat dit in
Jesus gedoen het, want Jesus was deur die Vader gestuur.
Nie net om vir ons sonde te sterwe nie, dit is baie belangrik, maar Jesus
was ook deur die Vader gestuur om aan die mens te kom demonstreer hoe
die mens kan lewe wat weer terug gebring is in die ware verwantskap en
die verhouding tot God as kind tot Vader. Die kinders van dié Vader, die
Almagtige Vader. Dit is wat Jesus gedoen het. Niks in sy hoedanigheid as
God self nie, maar vervul met die Heilige Gees.
Toe sê Jesus:
Johannes 14:12;
Voorwaar, voorwaar Ek sê vir julle, wie in My glo, - die werke wat Ek
doen, sal hy ook doen; en hy sal groter werke doen as dit, omdat Ek
na my Vader gaan.
Waar is dit broers en susters?
Ons hoef nie die vinger te wys na iemand anders as behalwe na myself nie.
Sal dit my help om rond te hardloop, wag, dalk sal ek dit daar kry. Dit wat
ons weet, hier staan dit, ons het die lig, ons het die waarheid. Ons moet
15

dan net op die plek kom en sê: HERE, dit is U belofte.
Nou wil ek nog net ‘n belangrike ding vir u sê. Baie van die dinge moet u
maar weer oordink wat ek met u praat. Ek het nie tyd om dit in
besonderhede vir u te verduidelik nie. U moet die Heilige Gees vra om ook
vir u te verduidelik wat ek vir u sê.
Ek vra mos, ek staan hier, nie om vir u te sê hoe ‘n wonderlike leraar, of ‘n
wonderlike persoon nie, maar ek sê dit op grond van ons gemeenskaplike
geloof. As ek dan nou die Here gevra het, die Heilige Gees gevra het om
my te help om u vanmôre te onderrig, dan moet ek mos glo dat Hy dit vir my
doen. Dan moet u ook glo, dat dit wat ek vir u sê, dat daar groot krag in
steek, nie omdat dit ek is nie, maar ek het my aangebied as die kanaal van
die HERE.
Baie van ons, kyk daar is sonde belydenis, dit is reg; daar is heiligmaking,
dit is reg; daar is ‘n heilige lewe, dit is reg. Maar baie van ons is te geneig,
as ons nou nie het wat God belowe het nie, en sien hoe ver tekort skiet ons,
om onsself te verknies. “Ag HERE, ek is maar hopeloos; ag HERE, ek is
nog ‘n ou sondaar; ag HERE, ek is nog dit; ag HERE, ek sal dit seker nooit
bereik nie.
Sekerlik, ek moet nooit selfvoldaan raak nie. Dit is reg genoeg, maar
solank as wat u so bid en so praat, kry die duiwel baie, baie lekker. U moet
ook opstaan en u moet saam met die Aapostel Paulus sê: “Ek is tot alles in
staat deur Christus wat vir my die krag gee”.
Dit is God se belofte dat ek deur die Heilige Gees gelei sal word.
Dit is God se belofte dat u die Heilige Gees sal ontvang.
Daarom ontvang ons die Heilige Gees, daarom stap ek hierdie dag in,
daarom stap ek daardie geleentheid binne in die krag van die Heilige Gees.
Broers en susters, gaan en doen die ding vir God en kyk wat die HERE vir u
sal doen.
Prys die HERE!
U moet mooi kyk, as u na die Bybel kyk, kyk mooi na die Heilige Gees. Die
Heilige Gees het soos ‘n magtige rukwind gekom op die dag van Pinkster.
Dit sê reg aan die begin in Génesis 1:1-2;
1 IN die begin het God die hemel en die aarde geskape.
2 En die aarde was woes en leeg, en duisternis was op die
wêreldvloed, en die Gees van God het gesweef op die waters.
“God het die hemel en aarde geskape en die aarde was woes en leeg en
die Gees van God het oor die water gesweef”.
Die Here Jesus sê vir Nikodémus:
“Die Heilige Gees is soos die wind;” so is ook elkeen wat uit die Heilige
Gees gebore is, jy weet nie waar hy vandaan kom nie of waarheen hy gaan
16

nie.
Johannes 3:8;
Die wind waai waar hy wil, en jy hoor sy geluid, maar jy weet nie
vanwaar hy kom en waarheen hy gaan nie. So is ook elkeen wat uit
die Gees gebore is.
“jy weet nie waar hy vandaan kom nie en jy weet nie waarheen hy gaan
nie”.
Kyk na die blare vanmôre, daar waai ‘n windjie!
Die Heilige Gees is “beweging”, ook in ons geestelike lewe is die krag van
die Heilige Gees. Jy kan jouself moeg bid. Ek sê dit (die HERE help my dat
u nie my verkeerd verstaan nie) jy kan jou moeg bid dag en nag, maar as jy
nie nou gaan opstaan en nou gaan wandel en handel in die naam van die
HERE nie, gaan jy niks uitvoer nie.
Dit wat jy vir die HERE voor vra, vir die Heilige Gees voor vra wat jy nodig
het in jou binnekamer; is openbaringe, oortuiging van dinge wat verkeerd is
in jou lewe. As jy jouself voor God verootmoedig, reg genoeg, dit wat jy in
jou binnekamer nodig het, sal die Heilige Gees vir jou in die binnekamer
gee.
Maar die HERE sal nie vir jou krag gee om vir ‘n sieke te gaan bid in ‘n
ander straat of in ‘n ander dorp “in jou binnekamer nie”. Hy sal vir jou die
krag gee daar waar jy moet gaan. Ek hoop u verstaan wat ek bedoel?
Die Heilige Gees se werking in ons is “beweging”.
Jy moet beweeg.
Die HERE sê:
Gaan en verkondig die evangelie,
Gaan maak die siekes gesond,
Gaan reinig die melaatses,
Gaan en wek die dooies op ens.
Filippus het hierdie dinge gedoen.
Hoekom dan net met Filippus?
Hoekom nie met u en met my nie?
Hierdie dinge is juis vir ons gegee om te wys wat die Heilige Gees sal doen.
Dit is vir ons moontlik om die duidelike leiding van die Heilige Gees in elke
fase van ons daaglikse lewe te hê. Dit is byvoorbeeld nie God se bedoeling
dat ons met elke persoon wat ons ontmoet, mee moet praat nie. Daar is
sommige met wie ons nie moet praat nie. Die tyd wat daaraan bestee
word, sal net verspil word. Daar is geen twyfel nie dat Filippus seker baie
mense langs die pad ontmoet het op weg na Gasa toe waar die Heilige
Gees hom beveel het, om hom daar by die wa te gaan voeg. Netso is die
Heilige Gees bereid om ons te lei in ons besigheid, in ons studies. In alles
kan ons op die wysheid van God aanspraak maak.
17

Daar is geen belofte meer duidelik en spesifiek as in Jakobus 1:5, hoe sal
ons die wysheid bekom? Lees Jakobus 1:5-7.
Onthou u toe die Here Jesus op pad was na Jerusalem, op sy laaste
gedeelte van sy reis na Jerusalem, toe gaan Hy deur Samaría, Ek kan die
Skrif nie op die oomblik nie onthou nie maar u kan dit naslaan as dit my nie
binne val nie. Die idee is daar, dit sê ook profeties in Jesaja 50.
“Sy gesig was soos ‘n keisteen gerig op die kruis”.
Die mense in Samaría het die Here Jesus baie kwalik geneem op daardie
oomblik toe Hy deur Samaría gegaan het. Want as jy mooi lees dan lyk dit
of die Here Jesus nie eers na hulle gekyk het nie, want Hy was toe besig
met ‘n ander saak.
So ook as ek terugkyk in my eie lewe in die bediening, geliefdes, en ek kyk
terug dan sê ek: “HERE ek wens ek kon die dae as ek hulle bymekaar tel,
die weke en miskien maande terug kry wat ek vermors het op mense na wie
ek nooit mag gegaan het nie”.
Dae, nagte, by mense! Ek sien nou nog party van hulle voor my oë; party is
al dood, party van hulle is vandag nog netso in die wêreld as wat hulle
daardie tyd was. Al my besoeke, al my getuienisse. Ons aanryery van
hulle na die kerk, dit het niks gehelp nie. Ek moes hulle nie eers besoek het
nie.
Ek moes meer op die Heilige Gees gewag het dat Hy vir my gewys het na
wie toe om te gaan, op wie my kragte en my tyd en my energie uit te giet.
As die Here dan vir jou daardie persoon gewys het, dat jy dan niks sal
spaar nie, soos Filippus ook niks gespaar het nie.
Soos Jesus ook niks gespaar het nie:
Daardie vrou by die put van Samaría, op die hitte van die dag. Hoeveel
mense, nader, kon Hy nie besoek het nie. Daardie myle het Hy afgeloop vir
een vrou daar by die put van Samaría, want Jesus was volkome onder die
beheer en die leiding van die Heilige Gees.
So baie van ons Christelike aktiwiteite partykeer, ek kan amper sê
veldtogte, organisasies, al die dinge, is verspeelde krag, energie, middele,
onkoste, jou brandstof wat jy gedaan gery het en al die dinge. Laat ons
meer bid en wag op die HERE:
“HERE, hier is ek”.
Kom ons kyk na hierdie belofte om byvoorbeeld meer wysheid te verkry om
die leiding van die HERE meer te kry.
Ons lees nou:
Jakobus 1:5-7;
5 En as iemand van julle wysheid kortkom, laat hom dit van God bid,
wat aan almal eenvoudig gee sonder om te verwyt, en dit sal aan
18

hom gegee word.
6 Maar hy moet in die geloof bid, sonder om te twyfel; want hy wat
twyfel, is soos ‘n golf van die see wat deur die wind gedrywe en
voortgesweep word.
7 Want dié mens moenie dink dat hy iets van die Here sal ontvang nie -
Ja, Prys die HERE
Kom ons kyk gou hier na ons vyf stappe.
Hier is in werklikheid vyf stappe.
1) Ons kom wysheid kort.
Wie kan vanmôre sê: “Ek kom nie wysheid kort nie”. Elkeen van ons kom
wysheid kort. As ons dit dan erken dan weet ons mos nou hier wat om te
doen. Ons moet daarvan bewus wees en dit ten volle erken dat ons in
onsself onbekwaam is om ‘n wyse besluit te neem. Nie net moet die
sondigheid van die vlees afgelê word nie, maar ook sy wysheid.
Kom dat ons na nog iets kyk. Kom ons maak ‘n erkenning voor die HERE.
U kan dit maar in u eie hart maak as u skuldig is. Neem jou daaglikse lewe.
Ons hele dag se beweging bestaan tog tot ‘n groot mate uit ‘n
opeenvolging van besluite wat jy neem. Jy besluit nou jy gaan nou winkel
toe. Die vrou sê: “Ek moet vandag huis skoonmaak”. Die man besluit hy
moet dit of dat doen. En jy het jou werk waarheen jy moet gaan.
Hoeveel van ons besluit: “Ek moet ‘n nuwe motorkar koop, ‘n nuwe pak
klere, ‘n nuwe rok; soos die sjokolade waarvoor ek lus het. “Ek” doen dit,
ék, ék, ék! Hoeveel van ons gaan op ons knieë en sê: “HERE die dag lê
voor. Dit is ‘n onbekende dag. Dit is ‘n wonderlike dag, want hy is nog nie
gebore nie. Dit is ‘n dag in u hand. HERE lei vir my in al my besluite. Want
party van my besluite wat ek vandag mag neem, mag my so affekteer, dalk
vir die res van my lewe”.
Nie waar nie?
Ek kom wysheid kort.
Ek erken ek het dit nie, al hierdie wat ek nou moet koop of doen.
Hoeveel van ons het werklikwaar dit ‘n saak van gebed gemaak? As u nou
so terugdink, ons is almal groot mense, hoe baie van die groot dinge wat
ons, in ons lewens gedoen het, het ons maar net gaan doen. Ons het dit
nie werklik ‘n saak van gebed gemaak nie. Ons het nie werklik vir wysheid
gevra nie.
As u so terug kyk oor u lewe en as ek so terugkyk oor my lewe, HERE daar
is so baie wat ek so baie spyt oor is, waar ek sulke dom dinge gedoen het.
Waar ek dinge gedoen het waarin ek mislei was. HERE as dit nie vir U
genade was nie, ten spyte van dat ek nie U leiding erken het nie, as dit nie
vir u genade was nie, waar was ek vandag.
Maar broers en susters, hoeveel beter kan ons nie wees nie? Hoe kan ons
19

die wil van God weet as ek nou nie net my sondigheid voor God erken nie?
Ons weet dit is die eerste stap van ware bekering tot God.
Ek moet erken:
“HERE, ek erken in hierdie vlees van my leef niks goeds nie.
HERE, ek is ‘n sondaar.
HERE, wees my arme sondaar genadig”.
Dit is hoe ons tot bekering gekom het. Hoeveel van ons erken: “HERE,
hierdie ou wysheid van my is maar menslike wysheid, dit is vleeslike
wysheid HERE. Dit beteken niks. HERE, van nou af wil ek beweeg alleen in
die wysheid wat U my kan gee, dit is in die Heilige Gees”.
Ek hoop u kan begin sien, sonder dat ons dit moedswillig gedoen het, dat
ons kan sien, hoeveel van ons belydenis van die Heilige Gees is eintlik
lippetaal, miskien omdat dit uit onkunde is. Dat die HERE vir ons genadig
sal wees om vir ons oor te sien. Ons moet bid, nie net die sondigheid van
die vlees af te lê nie, maar ook die denke van die vlees moet ek af lê. Ek
moet dit verwerp en sê: “HERE ek soek U wysheid”.
Ek wou hier in geskryf het toe ek dit hier afgeskryf het, dit val my nou net
by, u kan dit maar miskien met ‘n pen inskrywe. U ken die ou woord
“eiewysheid’, Ons weet wat is eiewysheid, dit is nie ‘n goeie naam nie,
maar baie van ons handelinge is maar eiewysheid.
2) Ons moet waarlik begerig wees:
Om God se weg te ken.
Om Sy wil te doen.
Dit word in die vrae veronderstel as ons dit opreg bedoel het. As ek opreg
is voor God en ek vra vir Hom wysheid, dan beteken dit ek erken: ek wil U
wysheid hê. HERE, ek lê my wysheid af. Hierdie is ‘n saak van uiterste
belang. Hierin vind ons die rede waarom mense soms nie die wil van God
ken nie en ook nie die leiding van die Heilige Gees het nie.
Hulle is nie waarlik gewillig om te doen soos die Heilige Gees lei nie. Die
Heilige Gees se leiding is in meeste gevalle teenstrydig met dit wat ons wil
doen, en daarom wil ons dit nie altyd hê nie. Daarom sê ons baie keer, ag
HERE, moet nie vir my sê wat ek moet doen nie, want ék wil dáárdie ding
doen ék wil dáárdie ding hê!. Dit is nie altyd lekker vir die vlees nie, want
die vlees is ook nog nie dood nie; as u my boodskap onthou oor die
wedergeboorte.
Jy as wedergebore mens, net een deel van jou is weergebore, net jou gees.
Jou liggaam en jou siel is nog nie weergebore nie. Dáárdie wedergeboorte
kom die dag van die opstanding. Daardie dag van die opstanding, dan is
aldrie in harmonie met mekaar.
Ons kan maar net sê: “HERE, verhaas daardie dag”!
Wat ‘n heerlike dag wanneer daar nie meer botsings is hier binnekant nie;
20

een deel wil soontoe en die ander deel anderkant toe.
Die HERE se wysheid is in die meeste gevalle teenstrydig met jou eie
begeertes. Hierin vind ons die rede waarom mense soms nie die wil van
God ken nie en ook nie die leiding van die Heilige Gees het nie. Hulle is
nie waarlik gewillig om te doen soos die Heilige Gees lei nie.
Dit is die ootmoediges wat Hy lei in die reg en aan die ootmoediges wat
Hy sy weg leer.
Kom ons lees Psalm 25:9;
Hy sal ootmoediges lei in die reg en die ootmoediges sy weg leer.
Ootmoedigheid is ‘n wonderlike woord en ‘n wonderlike betekenis.
Dit is hy wat gewillig is om Sy wil te doen wat sal weet.
Johannes 7:17;
As iemand gewillig is om sy wil te doen, sal hy aangaande die leer
weet of dit uit God is, en of Ek uit Myself spreek.
As iemand gewillig is sal hy weet.
As jy nie gewillig is om jou aan die wil en leiding van God, werklik te
onderwerp nie, sal jy nie eers weet nie. Die HERE laat jou maar jou eie weg
gaan behalwe waar Hy natuurlik ingryp deur sy grenslose genade.
3) Ons moet bid, baie beslis vir leiding bid.
Ons moet bid, baie beslis vir leiding bid, dit is ook daarin begrip as iemand
wysheid kort, kom laat hom dit van God bid, laat hy bid daaroor. Hoeveel
van ons, hoeveel van ons spandeer tyd daaraan om werklik te bid vir
wysheid?
Ons wat jong kinders het, veral in hierdie dae, jong seuns, jong dogters. Ek
is seker daarvan dat u wat jong ouers is, wat kinders het wat in die
ontluikende stadium van hulle lewens begin kom het, ek is daar seker van u
besef dit vandag terdeë. Jy weet nie; jy weet nie hoe om daardie kinders te
lei nie. Jy weet nie wat om vir hulle te sê, wat om voor ja te sê, wat om voor
nee te sê nie, in ‘n tyd soos hierdie nie. Jesus het gesê as daar ooit ‘n tyd
was waarin jy wysheid nodig gehad het, is dit vandag. Lê op u aangesig
voor God vir wysheid vir u kinders. Dat u die regte ding op die regte tyd sal
doen.
Baie keer in ons erns voor God; Ons is ernstig volgens ons beginsels. Ons
is ernstig in hierdie dinge en ons bedoel dit met die beste bedoeling in die
wêreld; maar u doen ‘n verkeerde ding. U kan self daaroor uitwei, want u
kan dae daaroor uitwei.
4) Ons moet met volle vertroue leiding verwag.
Dit is met enigiets so. Ons sê vir mense wat ons na die HERE toe lei, jy het
nou klaar gebid, jy het nou klaar vir die Here gesê: “Here ek is ‘n “hel
verdiende” sondaar. Here, vergewe my sonde, was my in die kosbare
21

loed van die Here Jesus”.
Neem nou jou verlossing aan.
Neem dit nou van die Here.
Die Here kan dit nie vir jou gee as jy dit nie neem nie.
Ons ken dit mos. Dit is die ou weg. Dit is dieselfde met goddelike
genesing. Ag daardie broer of daardie suster kan nou net nie sy of haar
genesing neem nie. Eers is hande opgelê. Die HERE sê: “deur sy wonde
het daar vir ons genesing gekom”, ensovoorts. Ons kom nou al in Pinkster
en dank die HERE daarvoor vir die groot waarheid van die geloof dat jy jou
genesing moet aanneem. Ons kom nou al in die geloof, dat jy jou genesing
moet aanneem.
Maar neem nou jou wysheid ook so van God.
As jy voor die HERE erken: “Ek het geen wysheid nie, ek lê my wysheid
neer en ek ontvang U wysheid”. Dit is hoe u alles van God ontvang, deur
die geloof. Sonder geloof sal jy nie die HERE behaag nie. Nou moet jy die
HERE se wysheid ontvang en nie bang wees en sê: “Ag nou sal ek dalk ook
nog ‘n fout maak”. Dit is ongeloof. Jy moet nou begin handel.
As ek so terugkyk oor die lewe, dan kan ek sien hoekom jy nog heel
moontlik in party dinge dalk nog ‘n paar foute sal maak, maar ek kan sien,
ook in die lig van die Gees, dit is oefening soos enigiets anders.
Die HERE sê in sy woord:
“Beoefen jou in die Godsaligheid”, nie waar nie?.
Jy moet jou beoefen in die geloof.
Jy moet jou beoefen om nou God op sy woord te neem.
Jy het nou sekere besluite wat jy moet neem.
Jy moet besluit oor jou kinders.
Jy moet besluit oor jou werk, oor jou huishouding, wat ook al.
Nou vra jy die HERE vir wysheid:
Jy verootmoedig jou voor God.
Jy lê voor Hom en sê:
“HERE, hier is ek. Deurgrond my as daar iets verkeerd is in my hart”. Dit is
die eerste ding wat ons altyd moet doen as ons na God toe kom.
“HERE, deursoek my hart en kyk of daar by my ‘n weg is van smart en lei
my op die ewige weg. Reinig my deur U kosbare bloed, as daar iets
verkeerd is, HERE, dat ek sal regmaak. HERE, dat my hart skoon is met U”.
Net terloops by dit, weet u nie dat die duiwel met u maak, soos ons wat nou
boere was, ek onthou; ek wil net van hierdie gevalletjie vertel: Die boere
daar waar ek groot geword het, het ons hierdie sekere tipe meerkat, die
22

waaierstertmeerkat. Ek weet nie of hier baie in die Transvaal is nie? Die
boere het ‘n vreeslike sonde met hulle. As jy jou mielies geplant het, daar
waar hy nou ontkiem het en die pit so lekker uitgeswel het dan is daar
partykeer so ‘n lang kaal strook, dan het die meerkat van een mieliepit na
die ander gegaan, dan het hy dit uitgegrawe en opgeëet, te lekker. ‘n
Meerkat kan grawe!
Eendag is daar ‘n ou broer, ook oor sonde belydenis en ernstig met die
HERE, maar hy kon net nie regkom nie. Hy bid toe saam met ‘n ander broer
en die HERE wys toe duidelik vir dié broer ‘n meerkat. Die HERE wys vir
hom daar is baie van sy sondes wat al lankal begrawe is. Die HERE het
daardie sondes vergeet. Die HERE het daardie sondes vergewe. Nou kom
die duiwel soos die meerkat en kom grawe weer daardie sonde uit: “Hier is
jou sonde; Hier is jou sonde; Hier is jou sonde!”. En die HERE wys vir hom
duidelik die meerkat wat so agterna loop agter die mieliepitte aan.
Broers en susters, u wat sonde bely het en die HERE gevra het vir genade,
die HERE sê in:
1 Johannes1:9;
As ons, ons sondes bely, Hy is getrou en regverdig om ons die
sondes te vergewe en ons van alle ongeregtigheid te reinig.
Ons moet nou versigtig wees as ons God se aangesig soek, nou vir ‘n rein
hart, en die HERE ons lewens skoonmaak. Moenie laat die duiwel met jou
“meerkat” speel nie en weer ‘n klomp ou goed uitgrawe en dit voor jou gooi
nie.
Dit sê in Romeine 5:1, en ook in Romeine 8:1, die twee kom ooreen:
Romeine 8:1;
1 DAAR is dan nou geen veroordeling vir die wat in Christus Jesus is
nie.
Onthou daardie deel! Die wat nou klaar is en jou hart voor God
skoongemaak het, en jy het vir God gevra vir wysheid:
“Dankie HERE, U het nou vir my die wysheid gegee” en nou gaan ek - - - - ,
(Ek weet nie of u onthou het, ‘n tydjie gelede het ek met u gepraat van ‘n
kliekkertjie, ek dink dit is in hierdie reeks, so ‘n entjie terug: Die HERE gee
vir jou so ‘n dingetjie wat so kliek-kliek hier binnekant. Jy moet luister na sy
stem).
- - - - ‘n verkeerde ding doen, luister Hy sal vir jou sê. As Hy nie
werklikwaar vir jou die groen lig gee nie, staan eers ‘n bietjie stil, luister na
die stem hier binnekant jou.
Met ander woorde geliefdes, dit kom weer daarop terug, wandel in die
geloof, vertrou God, laat die HERE ‘n groter werklikheid in ons lewe word en
u sal sien, u het dan die leiding van die Heilige Gees in u lewe ontvang, die
wysheid deur die geloof.
23

Ons lees weer die 4de stap: Ons moet met volle vertroue leiding verwag.
Hy moet in die geloof bid sonder om te twyfel.
5) Ons moet een stap op ‘n keer volg soos die leiding kom.
Presies hoe dit sal kom, kan niemand jou sê nie, maar dit sal kom. Dit is al
wat ons nodig het om te weet.
Die volgende stap:
Baie is in die duister aangaande leiding, omdat hulle nie weet wat God wil
hê hulle volgende week moet doen nie; let daarop – volgende week of
maand of volgende jaar moet doen nie. Weet u wat die volgende stap is?
Dit is genoeg - “One step at a time”.
Matthéüs 6:11; - gee ons vandag ons daaglikse brood; Gee ons nie môre
se brood nie. Die Here Jesus het ons so geleer bid:
“Gee ons vandag ons daaglikse brood”.
Númeri 9:17-23;
17 En so dikwels as die wolk van die tent af optrek, het die kinders van
Israel daarna weggetrek; en op die plek waar die wolk rus, daar het
die kinders van Israel laer opgeslaan -
18 volgens die bevel van die HERE het die kinders van Israel
weggetrek en volgens die bevel van die HERE laer opgeslaan; al
die dae wat die wolk oor die tabernakel gerus het, het hulle in die
laer gestaan.
19. En as die wolk baie dae oor die tabernakel bly, het die kinders van
Israel die diens van die HERE waargeneem en nie weggetrek nie.
20. Maar soms was die wolk net ‘n paar dae oor die tabernakel –
volgens die bevel van die HERE het hulle laer opgeslaan, en
volgens die bevel van die HERE het hulle weggetrek.
21 En somtyds was die wolk daar van die aand tot die môre - as die
wolk in die môre optrek, het hulle weggetrek; of by dag of by nag -
as die wolk optrek, het hulle weggetrek;
22 of na twee dae of ‘n maand of langer - as die wolk lank oor die
tabernakel bly, het die kinders van Israel in die laer gestaan en nie
weggetrek nie; en as dit optrek, het hulle weggetrek.
23 Volgens die bevel van die HERE het hulle laer opgeslaan, en
volgens die bevel van die HERE het hulle weggetrek. Hulle het die
voorskrif van die HERE in ag geneem volgens die bevel van die
HERE deur die diens van Moses.
Prys die HERE!
Is dit nie wonderlik nie!
Al hierdie dinge is “tipes” vir ons.
Is tipes vir ons, aan die einde van die eeue wat gekom het.
Amen.
24

Iets oor die Skrywer
F.W.C. Neser is as wetenskaplike opgelei maar is ‘n toegewyde Christen
vanaf sy kinderjare. Vir hom is die Bybel die Woord van God vanaf Génesis
tot Openbaring.
Reeds vroeg in sy lewe was hy daarvan oortuig dat die mens self daarvoor
verantwoordelik is dat daar oorloë, depressies, hongersnood, droogtes.
siektes en ellende op aarde is.
Hy het gesien dat God sy volmaakte Wet aan sy volk Israel gegee het, en
aan hulle gesê het dat as hulle daarvolgens sou lewe, daar nie een van
hierdie rampe sou wees nie; en ook dat Israel as God se Demonstrasie
Volk op aarde is. Dit was egter vir hom duidelik dat hierdie volk nie die
Jood of die Kerk is of kan wees nie. Mettertyd het hy tot sy groot blydskap
ontdek dat die Angel-Saksies, Keltiese en Germaanse nasies inderdaad die
nakomelinge van die Huis van Israel is.
By die Wederkoms van Christus (nou op hande) sal hierdie nasies tot ‘n
ware wedergeboorte kom, met die Heilige Gees vervul word en met Jesus
die Christus as hul Heer en Koning hierdie wêreld teruglei na volkome
harmonie met God.
Met die oog daarop dat die Bybelse boodskap aangaande Israel uitgedra
moet word aan al die nakomelinge van die Huis van Israel, het
F.W.C. Neser die onderstaande werke tot stand gebring sodat ISRAEL KAN
HOOR!
Bylae:
Boeke beskikbaar by Ekklesia kantoor:
No Titel
1 Die Afrikaner -- ‘n Unieke Volk
2 Ander Evangelie
3 Segregasie -- Wat sê die Skrif?
4 Die Bedienings Gawes van Jesus Christus
5 Die Bybel is Waar
6 Christendom en Kommunisme
7 Die Boek van Daniël
8 Daniël se 70ste Week
9 Die Derde dag Opstanding van Christus
10 Deur Lyding na Volmaaktheid
11 Die Brief van die Apostel Paulus aan die Efésiërs
12 Die Bybel Voorspel Atoomoorlog
25

No Titel
13 Die Doop, in watter Naam (pamflet)
14 Die Duiwel
15 Engele
16 Die Fondament van die Christelike Lewe
17 Die Gawes van die Heilige Gees
18 God se Groot Week
19 Goddelike Genesing
20 Die Profeet Hoséa
21 In die Oppersaal
22 Insig in die Verlede en die Hede bring Uitsig op die Toekoms
23 Israel in die Nuwe Testament
24 Die Israelwaarheid - TV Onderhoud
25 Die Boek van Jesaja
26 Jesus van Nasaret
27 Die Boek van Joël
28 Die Kerk van Rome en die Mens van Sonde
29 Krag van die dwaling
30 Die Kruis
31 Moses en sy “Kusitiese” Vrou
32 Mure van Jerusalem
33 Na die Dood – Wat Dan?
34 Die Name van God
35 Die Nuwe Hemel en die Nuwe Aarde
36 Die Boek van Openbaring
37 Die Openbaringe van die Apostel Paulus
38 Die Opraping
39 Die Brief aan die Romeine
40 Rusland in Profesie
41 Die Sabbat
42 Die Slang van Génesis 3
43 Sommige Aspekte van die Werk van die Heilige Gees
44 Tempel van God
45 Terwille van die Engele
26

No Titel
46 Troos, troos my Volk sê julle God
47 Die Twee Sade op Aarde.
48 Die Tyd van die Heiden
49 Verblinding van Sinne
50 Verdrukking Die Groot
51 Die Verlore Tien Stamme van Israel Deel 1
52 Die Verlore Tien Stamme van Israel
53 Versterk mekaar in ‘n tyd soos hierdie
54 Die Vrug van die Heilige Gees
55 Waar het Kain sy Vrou Gekry?
56 Waarom die Bybel die Eet van Varkvleis Verbied
57 Wat die Bybel ons Leer Aangaande die Heilige Gees
58 Wat die Bybel ons Leer Aangaande die Mens
59 Wat die Bybel ons Leer Aangaande God
60 Die Wederkoms van Christus
61 Wêreldgebeure
62 Die Wet van die Here
63 Wie is my Naaste?
64 Wie was Hulle?
Nuwe Byvoegings:
No Titel
65 Hoe sal ons ontvlug
66 Wat ek vrees kom oor my
67 Laat U wil geskied
68 Die Arsenale van God
69 Die kinders van God
70 Noag die Opregte
71 Ken U Vyand
72 Die Groot Opdrag
73 Die wonderlike wêreld van môre
74 Die volk en verootmoediging
75 Die Troon van Dawid
27

English books available
No Titel
1 After Death What Then?
2 Segregation – What saith the Scripture?
3 The Bible Predicts "Atomic War"
4 The Book of Joel
5 The Book of Revelation
6 Christianity and Communism
7 Daniel’s 70 th week
8 The Great Tribulation
9 The Israel Truth T.V. Interview
10 The Lost Ten Tribes Of Israel Part 1
11 The Lost Ten Tribes of Israel
12 The New Heavens and the New Earth
13 The Origin, History and Destiny of the White Race
14 The Past the Present and the Future in the Light of Scripture
15 The Rapture
16 Russia in Prophecy
17 The Serpent of Genesis 3
18 Why the Bible Prohibits Pork
19 World Affairs
New Additions:
No Titel
20 Sons of God
21 The Two Seeds Upon Earth
22 The Bible is True
23 Noah the Man without Blemish
24 Israel in the New Testament
25 Moses and his “Cushite” Wife
26 Unpublished Writings
28

Naslaan Biblioteek: Boeke oor verskillende onderwerpe is beskikbaar
‘n Biografie van F.W.C. Neser
Vir diegene wat meer oor F.W.C. Neser te wete wil kom is daar ‘n biografie
beskikbaar wat deur Richard Searle geskryf is.
Oudiokassette / CD’s en Videobande
Daar is sowat 2000 oudiokassette / CD’s en videobande beskikbaar waarin
pastoor F.W.C. Neser se boodskappe vasgelê is.
Webtuiste:
Besoek ook ons webtuiste: www.israelmusthear.co.za waar u bykans
1500 preke/leringe van Pastoor Neser en ± 100 Afr. en Eng. boeke wat
deur Pastoor Neser geskryf is, volledig kan aflaai. Hierdie diens is gratis.
E pos Adres: ekklesiekassetfonds.neser@gmail.com
Gebruik die adres om u bestelling van boeke/CD’s/of DVD’s te plaas of om
met ons in die kantoor kontak te maak.
29