Ut de 2 Doarpen April 2013

Ut de 2 Doarpen April 2013
We hawwe it ek noch efkes oer de
mountainbikers die't de paden ferniele, ek
Attema fynt it mar neat die ploechen fietsers
yn it bosk. En sa komt him ynienen noch
wat bisunders yn it sin; moat jim ris efkes
meikomme. By tafal fûn ik wat nijsgjirrichs.
Wolris heart fan geo-catching, freget er. Ja,
dat hat alris yn ús doarpskrante stien, sei ik.
No kom ris mei.... en wiist ús in plak wer't
ûnder de blêden in hânfet te foarskien
komt... it deksel wurd optilt en in bakje mei
alderhanne attributen der yn komt te
foarskyn. Is it net nijsgjirrich, sei er, sa moai
ferstoppe hjir yn it bosk. De schat in het
bos....
Wy nimme ôfskie, winskje him sterkte mei
syn stikkene masine.
Sa sjoche we mei oare eachen nei de
kealslach yn it bosk. Ea delset as
iikhakhoutboskjes troch de Van Sminia's,
wêr't de perselen út die tiid no min of meer
wer foar it ljocht komme. Ek doe wurde der
kape om it hout te ferkeapjen. De râne sille
no fêst wer mear it karakter krije fan
doedestiids, want doe stiene der fêst gjin
heeche beammen yn Grikelân en Turkije.
Sa komt my mei die skat yn it bosk nog in
aardich ferhaal yn it sin wat ik alris lêzen ha
yn in boekje fan Rinze Visser oer de adel yn
de Trynwâlden. Op de hoeke fan de Van
Sminiawei en de Klaas Douweswei die't nei
Readtsjerk rint, stie oan it ein fan 1800 It
Nije Slotsje boud troch de Van Sminia's.
Doe't it slotsje yn 1916 ôfbrutsen waard en
de grûn sljuchte wurde, fûnen de arbeiders
in kistke. In ticht soldjeare kistke, in skat, sa
tocht men en gau rûnen se der mei nei de
Klinze, nei Jhr. Hobbe Van Baerdt Van
Sminia. Doe't dizze it kistke iepenje liet, siet
der net de sa begearde skat fan sulver en
goud yn, mar in yn doeken wikkele
geraamte fan in lyts hûntsje......
Ut de 2 Doarpen 9 Mûnein/Readtsjerk