Ut de 2 Doarpen April 2013

Dizze kear ris wat in oar túnpaad. It waar is
noch net bisunder foar in stapke troch de
tún by immen. Utsein wat snieklokjes en
winterakonieten is der ek noch net safolle te
belibjen yn de measte tunen. En... myn
eigen tún rôp om oandacht en de pear
moaie dagen yn maart binne troch my dan
ek benut op myn eigen stikje grûn. De boel
opskjinje en wat omsmiete, nij sied bestelle
by de Cruydthoek. Ik haw it al wer hielendal
foar eachen hoe as it wurde moat, die wylde
blommetún fan my.
Myn túnpaadferhaal fûn ik dizze keer yn it
Grikelân en Turkijebosk. Wy kamen Attema
út Aldstjerk tsjin die't begjin maart drok oan
it beamseachjen wie yn it bosk oan de
Earnebuorren. No ja, drok, syn seage wie
der krekt mei opholden dat hy hie wol tiid
foar in praatsje. Hy klom sels de ljedder op
foar my om plaatsjes te sjitten fan it keale
stik bosk.
Attema kapet yn opdracht fan it Fryske Gea
de grutte ikenbeammen die't sa'n 50/60 jier
yn de bosk stean. Dizze binne der oan ta op
opromme te wurden. De groei is derút en de
measte beammen binne oantaaste. “Moat
dat no sa freget mannich kuierder him of har
ôf, moat it no sa keal wurde?” Hy kriege hiel
wat opmerkings te ferwurkjen, aardiche en
minder aardiche, sa sei er.
Der wie ek immen die't graach in stik beam
ha woe foar it bouwen fan syn boat, dat hie
Ut de 2 Doarpen April 2013
It túnpaad op ........ It bosk yn
Grytsje Dijkstra
krekt de slach die't hy nedich hie.
De bêste man stekt fan wâl en nimt ús mei
lâns siike eksemplaren. “Sjoche jim dizze
iik, oan de binnenkant hielendal sêft, die is
net sûn mear. In oare beam fertoant in grut
gat midden yn de kearn. De beammen yn
de bosk yn dizze omjouwing hawwe it swier,
der is mar in lytse humuslaach en it sân sit
net sa djip. Yn die hurde sânlaach woartelje
de beammen net fier de grûn yn. Ek troch
de lêste lette winter fan ferliene jier binne in
protte beammen oantaaste. De sopstream
wie al op gong en mei de hurde frost
befearzen de beammen oant de kearn ta.
Gjin goeie saak. Fansels sitte der ek noch
sûne iiken tusken. Die stronken rinne wol
wer út ta fris grien, sa seit de man. It Fryske
Gea wol ek graach dat it bosk in wat oar
oansjoch krijt. Oan de râne wat leecher
beammeguod en strûkeboel sadat der wat
meer natoer, wat meer fûgeltsjeboel
beskutting fient. It Gea sil de keale plakken
wer beplantsje mei wat leechere soarten sa
as koetsebeibeam en dat soarte fan spul.
Tal fan kape beammen die't sûn wiene gean
nei de houtyndustry, dizze dikke stammen
lizze opslein oan it sânpaad. De oare wurde
yn stikken seage, en geane mei de tiid de
kachel yn. Tiid foar in plaatsje. Attema set
de ljedder tsjin in heeche iik en sjit sa fan
boppe ôf in pear foto's foar de
doarpskrante.
Ut de 2 Doarpen 8 Mûnein/Readtsjerk