Ut de 2 Doarpen April 2013

Ut de 2 Doarpen April 2013
Culturele Commissie Roodkerkje
Johan de Lange
Passykonsert yn it Readtsjerkje op snein 17 maart
De Passytiid is wer oanbrutsen. En dêr by
past dan in Passykonsert, muzyk oer de
lijenswei fan Jezus.
Eltsenien kent wol de Matthéus - of de Jehannespassion,
yn grut ferbân útfierd, mei
koar en orkest.
Yn it tsjerkje fan Readtsjerk in beheinder
selskip, besteande út twa sjongeressen;
Tetsje van der Kooi, sopraan, earder te
hearen yn it Readtsjerkje en mezzosopraan
Inez Carsouw.
De begelieding is fan Jacco Lamfers op it
oargel fan it tsjerkje - hiel bysûnder ! - en
Yulia Kharitonova, cello.
De froulju sjonge allinne en tegearre fan
César Frank “O vos omnes” en fan J.S.
Bach inkelde stikken út de Matthéus Passion.
Foar it skoft spilet it oargel in sonate fan
Vivaldi, tiidgenoat fan Bach.
Yulia spilet op de cello, solo, in suite fan
Bach.
Nei it skoft in lange, mar boeiende útfiering
fan it Stabat Mater fan Pergolesi, in
kleisang oer it lijen en dea fan Christus
oan it krús en syn djipdrôviche mem, Maria,
dy’t dit oansjocht.
Muzyk dy’t rekket ! De cello mei syn donkere
lûd, rekket lyk yn it ûnderliif !
Dêr tsjinoer de ljochte toanen fan it oargel.
In prachtige kombinaasje. In fynst ek; de
cello boppe neist it oargel, de sjongeressen
foar yn de tsjerke; it lûd is foar it publyk
yn in perfekte balâns.
Tetsje hat in heldere foardracht, kleuret
prachtich by de waarme, natuerlike mezzo
fan Inez.
Ut de 2 Doarpen 15 Mûnein/Readtsjerk