Ut de 2 Doarpen April 2013

Hast eltse dei is it wer rekke by it lêzen fan
bepaald nijs yn de krante. Men soe hast
tinke dat heal Nederlân korrupt is, fan
bedriuw oant ynstânsje. Jo wurde
besodemietere wer 't jo sels by binne en
"se" strike mekoars dwaan en litten rjocht,
mei as beleaning in slompe jild. Jo wurde
der mislik fan. Sa dat moast ik efkes kwyt.
No wat mylder nijs (jo mei it ek oerslaan) der
geane wy dan.
Jehannes rekke yn it nijs. Dit grutte bist lei
op it strân dea te gean. Dat wie wat, sels in
minister hie de lieding by it rêden fan it
joekel. En dochs knypte de fisk der tusken
út. It bliek ek noch in Jehanne te wêzen.
Lokkich komt der no in draaiboek foar sokke
gefallen. Efternei kaam de Bultrug te
ferstjerren troch in hommels opkommende
spierskea.
Yn Achtkarspelen "lekte" in riedslid. Soks
mei net foarkomme fansels. De
boargemaster hat it persoanlik oanpakt. De
útkomst wie lyk as lytse Teake seit: wa't it
net helpe kin, kin der ek neat oan dwaan.
Wol komme der maatregels. De
gemeenterie mei nei ôfrin fan in gearkomste
net langer as in oere neiprate, ek mei net
mear oerdiedich sûpt wurde yn dat oerke.
Se krije ek les yn it omgean mei de parse.
Jammer, want se wiene der altyd sa
gesellich in jûntsje út, en dan wurde jo de
lippen wol ris wat los.
No it ien en oar oer in wethâlder út Drinte.
Hy hat betocht dat wy in protte wetter
besparje troch ûnder it dûsen te pisjen. Ik
tink dat it noch goedkeaper kin troch dan ek
fourt mar te poepen. It putsje rêd der wol
mei en it kostet ek gjin hûskerôle. Eartyds
sei men wol ris fan in smoarge hûshâlding: it
binne grutte drinten en it blykt wier te wêzen.
De broek sakket my der hast fan ôf.
Dan in hiel oar ferhaal fan Fryske grûn. De
besjoerders fan in sikehûs, in soarchfersekering
en de provinsje ha elk in
ynkommen fan 380, 360 en 229 tûzen euro.
Hjir sjitte (alteast myn) wurden te koart.
Allinne al yn Fryslân spoekje der 25 fan dit
soarte "bestjoerders" om.
Der is hoop foar de boeren, want it docht
bliken dat âlderwetsk jarjen better is dan
ynjektearjen. Yn Denemarken wisten se dat
al lang. No de ambtners nog efkes oer de
sleat lûke en de pypkebrol kin efter de
Ut de 2 Doarpen April 2013
Kommentaar op it nijs begjin 2013
Pieter Hovinga
jarretank wei. As it slagget dan komme der
dan ek wer wjirms en fûgels yn de greiden.
Hawwe jim al troch dat wy no nasjonaale
plysjes ha? Noch ien reorganisaasje en der
binne Europeeske fjildwachters. Yn de
krante stie it folgjende: Bij een groot incident
wordt de Leeuwarder burgemeester als
voorzitter veiligheidsregio ingeschakeld.
Tegelijk denkt de burge-meester van
Groningen als coördinerend burgemeester
verantwoordelijk te zijn. Ook komen de
korpschef en de politiechef er aan te pas.
Over wie eindverantwoordelijk is kan de
politiewoordvoerder niets zeggen. Nei myn
betinken rint it aanst as in tierelier en dan
noch efkes harren kompjûterswierrich-
heden oanpakke en wy binne wer by de tiid.
Mids jannewaris, "code oranje", dat wie in
och heden. Troch it snijen rekke ús lân yn
disharmony. Wol fiif sintimeter snie foel der
yn it suden. Hja koene it net oan. Lokkich
hiene wy hjir yn ús Fryslân moai glêd iis al
wie it op plakken mar in flueske. Kloften
Hollanders komme der op ôf, Jan
Oostenbrug wie der suver lulk om. As hy
warskôge wurde de man útlake. Ja wiene
der ommers om kommen. En doe foel der ek
yn Fryslân snie. Sâlt struie wie it boadskip.
Altemets jage de gemeenteauto ek troch
Readtsjerk mei it skowboerd foarop en sâlt
yn 'e bak efterop. Hja sille wol struid ha nim
ik oan. It begrutte my sa om al dy minsken
fan bûten ús provinsje mei somtiiden wiete
sokken of slimmer. Wol hâlden se de
helptsjinsten sa moai oan 'e praat. Jan hie
gelyk, sels betêlje!
De bewenners fan de fillawyk Blitsaerd
binne oerstjoer. Wat is it gefal, de gemeente
wol yn de heal lege wyk goedkeapere huzen
bouwe. Dat kin net fansels want mei
arbeidersfolk op 'e buert sakje harren huzen
yn waarde. My tinkt de boppe modalen
keapje mei syn allen de lege bougrûn en
lizze in golfbaan oan. In Heras stek om it
hiele gebiet en se ha in paradyske foar har
sels.
Dan no wat goed nijs. De kommende trije
jier mei men wer ljipaai sykje en dan ek
noch 400 aaien mear. It mobieltsje moat wol
mei fansels.
Ut de 2 Doarpen 12 Mûnein/Readtsjerk