Assesserings- voorbeelde vir Lewens- wetenskappe - e-Schools' Network

Lewenswetenskappe /Graad 10 NCS
Inleiding
Hierdie brosjure bevat voorbeelde van ‘n Assesseringsprogram vir Lewenswetenskappe
Graad 10, soos beskryf in die nuwe Inhoudsdokument (Januarie
2009).
Die voorbeelde is gerangskik in die volgorde wat hul moontlik deur die jaar
gebruik sal word. Ons het sekere aannames gemaak met die volgorde bepaling.
Eerstens het ons aangeneem dat die jaarplan vir elke graad gevolg word soos
uiteengesit in die nuwe Inhoudsdokument.
Tweedens het ons aangeneem dat die twee kontroletoetse in Maart en
September afgelê word en dus die inhoud van onderskeidelik kwartaal een en
drie dek terwyl die praktiese take met die inhoud van die derde en vierde
kwartale korreleer. Die navorsingstaak brei uit op inhoud gedek in die tweede
kwartaal.
Die voorbeelde is deur die Skole Ontwikkelingseenheid (SDU) by die Universiteit
van Kaapstad voorberei vir die Wes-Kaapse Onderwysdepartement. Die
eenheid ondersteun skole in die effektiewe oordrag van die kurrikulum deur
middel van materiaalontwikkeling, kursusse, skoolgebaseerde werk en navorsing
in taal-, lewensvaardighede-, wiskunde- en wetenskaponderrig.
This book is also available in English.
Die assesseringsdoelstellings van hierdie voorbeelde
Die assesseringsriglyne is baie uitdruklik in hul beskrywing van die doel van die
assesseringstake. Die voorbeelde kan almal vir deurlopende evaluering gebruik
word, m.a.w. assessering tydens die leerproses.
Die toetse is summatief en memorandums word verskaf. Totale behaal sal
onderwysers en leerders ‘n aanduiding gee van die mate waartoe die werk
bemeester is (LU2) . Die punte van sommige items meet die bemeestering van
wetenskaplike prosesvaardighede soos die formulering van hipoteses,
interpretasie van grafieke en die maak van afleidings en gevolgtrekkings (LU1).
Sekere vrae meet leerderbetrokkenheid by wetenskap en die gemeenskap
(LU3).
3