Assesserings- voorbeelde vir Lewens- wetenskappe - e-Schools' Network

Lewenswetenskappe /Graad 10 NCS
Taalleer tydens onderrig
Die aktiwiteite in hierdie taak sal leerders in staat stel om:
• Verskillende weefseltipes, insluitend spiere en bindweefsel (wat vetweefsel,
kraakbeen, been, tendons en ligamente insluit), senuweeweefsel en
bloedvate, sowel as hul funksies, te identifiseer en te beskryf.
• Siekteveroorsakende mikrobes te bespreek.
Hulpbronne
• Sekondêre bronne wat data oor verskillende weefseltipes verskaf (bv. ‘n tabel
wat die verskillende weefseltipes en hul samestellende dele aantoon).
• Koerante en ander artikels oor salmoneliose.
• Die volgende webtuistes kan van hulp wees:
http://www.cdc.gov/nczved/dfbmd/disease_listing/salmonellosis_gi.html
http://www.capetown.gov.za/en/CityHealth/EnviroHealth/
Verrykingsaktiwiteit
Leerders kan pamflette, koerante, boeke en die internet gebruik om meer uit te
vind omtrent Salmonella voedselvergiftiging en ander siektes.
Antwoorde op vrae en bykomende inligting vir die onderwyser
Aktiwiteit 1:
Wanneer aan die trisep spiergroep getrek word, sprei die vlerk oop. Wanneer
aan die biseps getrek word, buig die vlerk. Tendons bestaan uit baie sterk, maar
buigbare bindweefsel en heg spier aan been. Tendons kan nie rek nie.
Ligamente is meer elasties as tendons en kan rek.
Nota: Klem moet geplaas word op die strukturele geskiktheid van die skeletale
komponent vir die funksie wat dit moet uitvoer.
Memorandum vir Aktiwiteit 2:
Ken punte toe vir netheid en byskrifte. Die tekening behoort die invoeging van die
bisep- en triseptendons op die humerus, radius en/of ulna en skouer duidelik aan
te toon.
28