'N GEBED VIR DIE SIEKEKAMER “Ewige God, en in Jesus Christus ...

‘N GEBED VIR DIE SIEKEKAMER
“Ewige God, en in Jesus Christus, my
Hemelse Vader, U is Alwetend en U ken
my deur en deur; U weet alles van my:
hoe ek gekwel word deur twyfel; hoe
ek smag na vrede in my gemoed; hoe
graag ek gesond en tuis wil wees.
Daarom kom ek na U toe: ek soek rus
vir my onrustige en onstuimige hart.
In hierdie tyd van gedwonge
afsondering as gevolg van siekte, dink
ek diep na oor die groot én die klein
dinge in my lewe. Ek onthou die dinge
waaraan ek my kosbare tyd en beste
kragte bestee het; maar ook aan dié
waarvoor ek altyd te min tyd gehad het.
Nou besef ek só helder dat daar dinge is
wat van verbygaande aard is – en ander
wat altyd‐blywende waarde het!
Ek wil my verhouding met U ondersoek
en seker maak dat ek ontwyfelbaar aan
U behoort.
Dat ek onlosmaaklik U kind is.
Stort tog U liefde in my hart uit deur U
Heilige Gees, sodat ek in U onpeilbare
liefde vrede kan vind.
Mag my siekbed nie maar net ‘n
beproewing wees nie, maar ‘n leerskool
en ‘n heerlike geleentheid om vir U te
getuig.
Dit alles pleit ek in die naam van Jesus
Christus, wat nie alleen bekend is met
my siekte nie, maar ook my krankhede
op Hom geneem het en my smarte
gedra het. Amen.”
(Uit: Die Oorvloedige Lewe, Januarie – Desember 1990)
BADSELOOP
Hier maak ‘n mens nie jou oë
toe as jy bid nie
want dis ‘n stukkie heilige aarde
Hier lag God vir jou uit die son
en raak jou aan deur die gras en
die blare
Die skurwe stam van die
huilboom teen jou rug
is Sy hande
Hy praat in die ruimte die stilte
en hou jou styf teen Hom vas in
die wind
Hier vra mens eksuus of
asseblief
of sê jy dankie
in die groot onmeetlikheid van
Sy hemel rondom jou
Dis Badseloop meneer ‘n mooi
stukkie
Van die bosveld
in die Waterberge
(vir jou seker so goed
soos enige ander grond meneer
maar vir ons wat weet;
‘n stukkie hemel op aarde)
Tot siens meneer, mooi ry
(Uit: Klein Skuiling,Louise Richard)
GEBED WANNEER EK SWAK
IS
O Here, Red my uit die groef
waarin ek verval het.
Alles het vir my eentoning
en sinloos geword.
Ek is magteloos, lui, swak en
verward.
Al my pogings om fluks en
gedissiplineerd te lewe is
tevergeefs:
Een dag vorder ek twee tree
om die volgende dag weer
drie terug te val.
Vernuwe U my lewe en my
gesindheid. Maak – deur U
Heilige Gees – alles wat in
my dood is, lewend;
wat sleg is, goed;
wat onwillig is, gewillig;
wat ongehoorsaam is,
gehoorsaam.
Laat my soos ‘n goeie boom
vrugte van goeie werk dra.
Dankie dat U my Redder uit
ellende is.
Amen
(Dr P Bekker; MY GEBED; Lux Verby, Kaapstad 1986)
GEBED OM GENADE
Heilige God, Skepper van
hemel en aarde, Vader van
ons Here Jesus Christus en
daardeur ook mý Vader, baie
dankie dat U oor ‘n lang
leeftyd die skaduwee aan my
regterhand was.
U was die bron van alles wat
goed en volmaak was.
U was die teenwoordigheid
agter alles wat pynlik en
moeilik was.
U was die sterkte wanneer
die tog moeisaam was.
U was die koelte wanneer
die son skerp was.
U was die vrede wanneer
alles in beroering was.
U was die lig wanneer alles
donkerheid was.
U was die voorloper wanneer
die pad onduidelik was.
U was in Jesus Christus
oorwinnaar oor graf en
dood.
Here, ek sal nie vrees nie,
ook nie in die donker dieptes
van die doodsvallei nie; want
U is steeds my herder.
Dankie, Here, vir die genade
om te glo. Dankie dat U die
geloof van ‘n moeë ou mens
aansien en dit versterk.
Amen
(Uit: Aand van die Lewe. Gebed van ‘n bejaarde vrou,
Tafelberg‐Uitgewers, Kaapstad 1982)
I ASKED
I asked God to take away my pain.
God said, No. It is not for me to take
away, but for you to give it up.
I asked God to make my handicapped
child whole.
God said, No. Her spirit was whole, her
body only temporary.
I asked God to grand me patience.
God said No. Patience is a by‐product
of tribulations; it isn’t granted, it is
earned.
I asked God to give me happiness.
God said, No. I give you blessings.
Happiness is up to you.
I asked God to spare me pain.
God said, No. Suffering draws you
apart from worldly cares and brings
you closer to me.
I asked God to make my spirit grow.
God said, No. You must grow on your
own, but I will prune you to make you
fruitful.
I asked for all things that I might enjoy
life.
God said, No. I will give you life so that
you may enjoy all things.
I asked God to help me LOVE others, as
much as he loves me.
God said... Ahh, finally you have the
idea.
I asked God how much he loved me.
He stretched out his hands and died
for me.

‘n Gebed vir stukkende mense
Here, Almagtige, Genadige God, U is die Alwyse, die
Barmhartige, die Een wat ons diepste binneste ken. U weet
waar ons stukkend en seer is. U weet van sonde wat ons
koester. U weet van ons begeertes en hunkeringe. U weet van
alles wat verkeerd gegaan het in ons lewens, van verkeerde
invloede en emosionele skade wat deur mense en
omstandighede aangerig is. U weet van al die goeters wat ons
nog nie verwerk het nie, wat ons nog nie vergewe het nie, wat
ons nog nie vergeet het nie. U ken ons Here, soos wat ons
onsself nie ken nie.
Ons is so vasgevang in die deurmekaarspul dat ons nie weet
hoe om ooit daaruit te kom nie. Ons is soos ‘n klein goggatjie
wat vasgevang is in ‘n spinnerak, hoe meer ons spartel en
spook hoe stewiger word ons vasgeweef in die web. Op ons eie
insig en op die insig van ander mense, kan ons nie staatmaak
nie.
Net U alleen kan ons help, Here! Net U kan vir ons en vir mense
wat U wil gebruik om ons te help, die nodige wysheid gee. Ons
weet nie wat om te doen nie maar U is ons Vader en U wil ons
help. Ons is geheel en al van U afhanklik, Here. U is ons hoop.
U kan ons red! U het ons lief, net soos wat ons is selfs met ons
swakhede. U wil ons weer heelmaak. Ons pleit by U – genees
ons en gee vir ons weer vreugde.
IN JESUS SE NAAM.
AMEN.
‘n GEBED VIR WAVERLEY GEMEENTE
Heilige, Almagtige, Drie‐enige God,
Ons erken U as die enigste ware God, U wat ons Vader is en
ons by die naam geroep het om U kinders te wees en om die
blye boodskap van Jesus Christus met ander te deel. Ons was
nie altyd gehoorsaam aan U opdrag nie. Ons was dikwels
selfsugtig en liefdeloos. Ons het U nie met ywer gedien nie en
U was ook nie altyd ons eerste prioriteit nie. Ons staan skuldig
en sonder verweer voor U. Ons is jammer, Here. Baie dankie
dat U ons in U Woord verseker dat U ons in Christus reeds
vergewe het! Hoe groot is U genade!
Ons wil so graag verander. U weet hoeveel keer het ons al
probeer; U weet van al die aksies en pogings.Maar ons word
telkens weer moeg en moedeloos, en ons ywer neem af. Uit
eie krag kan ons nie. Ons is geheel en al van U afhanklik!
Vader, daarom is ons gebed en smeking dan nou:
Gee ons asb die volheid van die Heilige Gees. Lei en inspireer
ons deur U Gees. Wek asb in ons ‘n brandende begeerte om U
te dien. Maak ons gewillig om onsself beskikbaar te stel. Wys
vir ons wat ons gawes is en waar en hoe ons dit moet
aanwend. Help ons om gehoorsaam te wees aan U gebooie en
om rein te lewe. Bewerkstellig liefde en eensgesindheid in ons
harte. Gee dat ons heelhartig saam met mekaar en nie teen
mekaar nie, sal werk. Help ons om vergewensgesind te wees
en nooit bitterheid te koester nie. Gee asb vir ons geestelike
insig en wysheid, dat ons sal kan onderskei tussen reg en
verkeerd. Hou ons by die suiwer leer volgens U Woord.
Bewaar ons asb teen die listige aanvalle van die duiwel en
keer enige bose planne wat hy mag beraam om ons werk vir U
te stuit. Laat ons onverskrokke en blymoedig van Jesus getuig.
Maak asb vir ons deure oop vir die evangelie. Bewaar asb elke
dag ons leraars en hul gesinne, en ook ons leiers. Gee hul die
nodige moed, krag, wysheid en liefde sodat hul ook vir ons die
regte leiding kan gee.
O Gees van God, werk asb kragtig in en deur ons. Stel ons in
staat om die werk waarvoor Jesus aan die kruis gesterf het,
onder U leiding voort te sit. Neem U die volle beheer oor
Waverley Gemeente. Hou dan nou hierdie gemeente onder U
sorg en verhoor tog elke gebed aangaande hiedie saak.
Ons vra dit in die Naam van Jesus Christus, ons Verlosser, deur
die kragtige werking van die Heilige Gees. Baie dankie!
Amen.
‘n Paar gedagtes oor Gebed
(Met erkenning: Die Klein Gebedeboek)
‘n Mens moenie so hard vir Christus werk dat jy geen krag oor
het om te bid nie. Om sterk te kan wees, moet jy bid. En om te
kan bid, moet jy sterk wees. J. Hudson Taylor
Moenie bid vir take wat klein genoeg is vir jou kragte nie; bid
vir krag wat groot genoeg is vir jou taak Anoniem
Gebed is om op te hou om na jou eie gedagtes te luister en
God se gedagtes te begin hoor Francois Fenelon
Gebed sonder lof is soos ‘n roos sonder geur
Johannes Chrysostumus
Die dag waarop ek nie gebid het nie, is ‘n dag waarop ek by
God gespog het met my eie krag Owen Carr
God sal die gebed van die opregte hart hoor – ook al word
geen woord gesê nie Ierse spreekwoord
Satan vrees wanneer hy selfs die swakste gelowige sien bid
William Cowper
Al word dieselfde gebed hoeveel maal herhaal – as dit uit ‘n
opregte hart kom, bly dit vas in die ore van God
Thomas Fuller
Gebed verander nie die Heilige Gees om by óns planne in te
pas nie. Die Heilige Gees verander die bidder om by Sy plan in
te pas. Soren Kierkegaard
Ons is selde bewus van die wonder dat God met ons praat,
omdat ons in ons gebede sélf so baie praat dat God nie die
geleentheid kry om vir ons iets te sê nie HJM Nouwen
God kan sin maak uit die verwardste gebed Richard Sibbes
God is altyd naby jou – moenie Hom ignoreer of beledig deur
nooit met Hom te praat nie. Broer Lawrence
Gebed moet ons eerste toevlug wees; nie ons laaste uitweg
nie Anoniem
As ek nie kan bid nie, sing ek maar Martin Luther
Dit is goed om boek te hou van ons gebede sodat ons nie in
ons dade ons gebede weerspreek nie. Matthew Henry

Son 3 Okt (Ps 33:5)
Ons wonderlike Here, U is so goed vir ons! Wat U vir ons doen,
vervul ons met verwondering. U liefde dra ons en ons geniet U
guns. U is ons sterkte en ons krag. U magtige teenwoordigheid en
U liefde vul die hele aarde. Hoe bevoorreg is ons nie om U te ken
en om U kinders te wees nie! Dankie vir alles, Here!
Ma 4 Okt (1Tim 1:14-17)
Lewende Here, U het ons oorlaai met U genade. Deur U Gees het
U die geloof in Christus en Sy liefde in ons harte bewerkstellig.
Gebruik ons gemeente dan nou om die betroubare woord, nl. dat
Jesus in die wêreld gekom het om sondaars te verlos, deur die
hele Pretoria te versprei. Laat ons lewens ‘n voorbeeld wees van
hierdie waarheid sodat dit in die hele stad ‘n verskil sal maak.
Di 5 Okt (2Tess 3:2-3)
Here, ons Beskermer, dankie vir al die beloftes in U Woord dat
ons veilig is by U. Versterk ons geloof en vertroue in U en
bewaar ons van die bose. Rig ons gedagtes asb op U liefde en
op die volharding van Christus. Dankie dat U getrou is. Ons bid
ook dat U ons sal beskerm teen mense met verkeerde motiewe
en teen misdadigers.
Woe 6 Okt (2Kor 10:5)
Here, leer ons om dankbaar te wees! Help ons om vergenoegd en
tevrede te wees met wat ons het. Dankie vir die pragtige nuwe
lewe in die natuur wat ons herinner aan U grootheid. Laat ons
doelbewus ons gedagtes fokus op die mooi dinge en weerhou ons
van enige negatiewe denke en kritiek. Laat ons nie eie eer of
erkenning soek nie, maar aan U al die lof en die eer gee wat U
toekom.
Do 7 Okt (Ps 124:8)
Getroue God, baie dankie vir elke senior lidmaat in ons
gemeente, wat deur U genade nog soveel beteken vir U kerk.
Dankie vir die mate van gesondheid en krag wat hulle nog het.
Dankie vir die wysheid en blymoedigheid waarmee hulle ander
versterk en bemoedig. Dankie dat hulle hul talente en gawes
en ondervinding nog so kan aanwend. Seën asb elkeen wat nie
meer jonk is nie.
Vry 8 Okt (Spr 4:1-27)
Alwyse God en Hemelse Vader, waar die skole nou weer begin
het, dra ons elke kind aan U op en vra dat U hulle sal seën en
sal help met die skoolwerk en ander verpligtinge. Ons bid
spesiaal vir die matrieks wat nou ‘n belangrike tydperk beleef.
Gee hulle asb die moed vir die voorbereiding en skryf van die
eksamen. Ons bid vir kalmte, gesondheid en wysheid.
Sat 9 Okt (2Kor 2:14-16)
Ons Koning, dis regtig ‘n groot voorreg en genade dat U U kinders
gebruik om die kennis van Christus oral te versprei soos ‘n
aangename geur. U het ons daaraan herinner dat ons onsself
moet gee as ‘n lewende en heilige offer, wat soos wierook deur
Christus vir God gebrand word. Help asb U dienaars om U opdrag
in opregtheid, in verbondenheid met Christus en met
verantwoordelikheid uit te voer.
V
O
L
H
A
R
D
Son 10 Okt (2Kor 5:17-19)
Heilige, Drie-eninge God, seën asb die eredienste wat vandag
gehou sal word, hier in ons gemeente en reg oor die wêreld. Laat
daar vandag in die hemel en op aarde groot blydskap wees oor
menige siele wat tot bekering kom. Maak die verkondiging van U
Woord verstaanbaar vir mense sodat hulle die waarheid sal begryp
en in Jesus sal glo.
Ma 11 Okt (2Kor 5:20-6:1)
Ewige God, dankie dat U deur Christus die wêreld met Uself
versoen het en die mense hulle oortredings nie toereken nie.
Hierdie boodskap van versoening het U aan ons toevertrou. Help
ons om gehoorsaam te wees en as gesante van Christus op te
tree. Gebruik ons om ‘n veskil in Suid-Afrika te maak. Gee asb vir
ons geleenthede om vir die uitbreiding van U Koninkryk te werk.
Di 12 Okt (Luk 6:19)
Here, U is die groot Geneesheer, wat medelye het met mense
wat swaarkry. Ons bid vandag vir almal wat deur ‘n moeilike
tyd gaan wat hul gesondheid betref. Niks is vir U onmoontlik
nie! As dit U wil is, bring asb genesing vir mense in ons
gemeente wat siek is. Verlig asb die pyn en ongemak van
mense wat seer het. In Jesus se Naam.
Wo 13 Okt (Fil 1:6)
Here, ons besef dat alles, alles genade is – selfs die behoefte
om U beter te ken en die begeerte om geestelik te groei is die
werking van U Heilige Gees. Dankie daarvoor. Ons besef ook
dat ons ‘n verantwoordelikheid het om reg te lewe, om die regte
besluite te neem, om versigtig te wees met ons gedagtes, om
bybel te lees en met U te praat – help ons asb om te volhard.
Do 14 Okt (Ef 2:19)
Hemelse Vader, dankie dat ons deel is van U familie. Gebruik
asb die kleingroepbediening en gebedsbediening om ons
geestelik te laat groei. Dankie dat ons iewers kan behoort, dat
ons geleenthede het om vir mekaar om te gee en mekaar te
ondersteun. Wys ook vir die groepe waar U hul wil gebruik om
uit te reik en maak U wil aan ons bekend.
Vr 15 Okt (Fil 1:9-10)
Liefdevolle Vader, vandag bid ons vir die senior Jeugbediening.
Seën asb die senior kategese, die tieners, die koffiekroeg, die
Krummels en al die ander aksies onder die kinders. Laat U Naam
verheerlik word in alles wat hulle doen. Gee asb vir die leiers die
nodige wysheid en insig om hulle reg te hanteer. Laat U Woord
inslag vind in hul harte en lewens sodat hulle ook ander na U toe
sal lei.
Sat 16 Okt (Ef 3:7)
Here, ons dra ons leraars en die kerkleiers aan U op. Vervul
hulle asb met U Gees sodat hulle U werk effektief kan doen.
Ons bid vir insig, dat hulle U Woord reg sal interpreteer en dat
hulle dit reg sal oordra. Gee asb aan hul wysheid en groot
geduld om moeilike situasies en moeilike mense te hanteer.
Laat hulle U wil in elke situasie verstaan. Seën hulle asb.
V
O
L
H
A
R
D
GEBEDSPROGRAM: N.G. Kerk Waverley
Sondag 12 Sept tot Saterdag 16 Okt 2010
Na 40 Dae
Ses weke gelede het ons gevra: Wat op aarde maak ek hier?
Maande voor die tyd het ons al begin om eendragtig te bid met
die verwagting dat God ons sal help om geestelik te groei. Ons
het gehoop dat Hy ons harte sou aanraak. En hoe het Hy ons
nie geseën nie! Hy het sowaar al ons verwagtings oortref en Sy
genade en liefde oorvloedig op ons uitgestort, sodat ons nou
byna wil vra: “Wat op aarde het hier gebeur?”
Ons moet egter ook erken dat dit nie aldag maklik en sonder
probleme gegaan het nie. Feitlik elke gesin of groep het
teenspoed van een of ander aard beleef – siekte, operasies,
ongelukke, probleme by die werk, toerusting wat breek,
voertuig probleme, diefstal, werkverlies, hartseer,
verhoudingsprobleme. Vir baie van ons was dit ‘n moeilike
tyd.
Emosioneel en geestelik het dit ook party dae minder goed
gegaan as ander dae... Soos wat die Heilige Gees in ons harte
gewerk het, het daar dae gekom van onsekerheid,
neerslagtigheid, skuldbesef, onwaardigheid. Daar was allerlei
vrae, spanning, selfs misverstand. Dit was ook nie aldag
maklik om tyd te maak om te volhard met die lees van die
dagstukkies en Skrifgedeeltes nie.
Mens wonder soms watter teëspoed was dalk aanslae van die
bose. Ons weet mos dat die duiwel soos ‘n brullende leeu is
wat kyk wie hy kan verslind. Ek glo dat hy alles in sy vermoë
sou doen om te verhinder dat ons groei in ons verhouding met
die Here en in ons liefde vir mekaar. Hy het verseker probeer
keer dat God Sy doel met ons bereik. Hoe besiger ons raak,
hoe meer probleme ons het, hoe makliker is dit om ons fokus
van die Doelgerigte Veldslag van Geestelike Groei weg te
neem en ons fokus op ander dinge te plaas.
Maar God was getrou! In al hierdie dinge het Hy ons
bygestaan en deurgehelp. Hy het juis die teenspoed en lyding
gebruik om ons sterker te maak. En boonop was daar medegelowiges
wat mekaar kon ondersteun en help en vir mekaar
bid. Die kleingroepe het gegroei in hul onderlinge verhoudinge
en liefde vir mekaar. Ons het mekaar aanvaar net soos ons is,
met al ons foute! Die twee bedieningspunte het ook ‘n sterker
eenheid geword, daar was meer interaksie, samewerking,
kommunikasie en eensgesindheid. Mag dit steeds groei!
Ons kan nie anders as om God te eer en te dank vir alles wat
ons geleer het en beleef het in hierdie veldtog nie. Die
studiemateriaal en die besondere preke was kosbaar. Ons bede
is dat die gemeente nooit weer sal terugkyk nie, dat ons sal
volhard in die goeie werk waarvoor God ons bestem het, dat
ons ‘n verskil sal maak in die wêreld t.w.v. die Koninkryk van
God. Aan Hom al die eer!!!
Seënwense.
Kobie. (Tel. 012 333 2916)

Son 12 Sept (Joh 4:14)
Allerhoogste Here, ons loof U! Aan U al die eer! U het ons binneste
volgemaak met die fontein van die Lewende Water! Here, baie
dankie vir U onverdiende genade! Dankie vir oorvloedige seën!
Dankie dat U hierdie tydperk van 40Dae gebruik het om ons nader
aan U te bring. Dankie vir alles wat ons kon leer. Help ons om dit
toe te pas in ons lewens.
Ma 13 Sept (Mark 4:21)
Grote God, laat ons nou vir almal wat ons teëkom vertel wat U
vir ons gedoen het in hierdie 40Dae. Laat ons oorborrel en
getuig wat dit vir ons beteken het en hoe U ons harte
aangeraak het. Laat ons getuienis nie nie net by praat bly nie,
maar leer ons ook om so te lewe dat almal ‘n nuwe vreugde sal
kan raaksien.
Di 14 Sept (Ps 89:12)
Skepper-God, vandag wil ons vir U dankie sê vir die wonder
van die natuur. Die bome is weer groen, die clivias blom
vanjaar weelderig en uitspattig! Die lentegeure wat in die lug
hang herinner ons aan U liefde. Die voëltjies kwetter al van
vroeg-oggend af vrolik en maak hul nessies reg om te broei. Al
die blomme is so mooi! U het alles so wonderlik gemaak Here!
Woe 15 Sept (Fil 3:14)
Leermeester, dankie dat U ons help om geestelik te groei.
Dankie dat U ons geleer het om elke dag tyd in te ruim om U
Woord te bestudeer, om met U te praat en om te besin oor ons
persoonlike verhouding met U. Ons besef dat ons so ver tekort
skiet, ook wat ons onderlinge verhoudinge in die gemeente en
gemeenskap betref. Ons is egter vol hoop en blydskap omdat
U met ons besig is.
Do 16 Sept (Eks 18:14-26, Hand 6:1-7)
Here, baie dankie vir voorbeelde in die bybel wat ons wys dat
die werk in ‘n gemeente verdeel moet word. Dankie dat U ‘n
God van orde is en dat U nie verwag dat 1 of 2 mense al die
werk moet doen nie. Wys dan nou ook vir ons hoe om
geleenthede te skep waar elkeen hulle gawes kan gebruik.
Dankie vir lidmate wat gawes soos administrasie, organisasie
en wysheid het.
Vry 17 Sept (Matt 18:10)
Heilige Gees, dankie dat U die 40Dae gebruik het om groter
samewerking en eensgesindheid by die jeugbediening te
bewerkstellig. Dankie dat daar soveel entoesiasme en ywer is
om die kinders met U Woord te bedien. Dankie vir gewillige
hande en dat mense bereid is om op te offer. Ons bid vir U
leiding en U seën op die pad vorentoe.
Sat 18 Sept (Luk 10:16-20)
Lofwaardige God, aan U kom al die eer toe. U is die Een wat
mense roep vir ‘n taak. U maak mense gewillig en bekwaam.
Dankie dat U ons leraars die afgelope tyd ook so op ‘n spesiale
manier gebruik het om die gemeente te lei. Dankie dat U hand oor
hulle was en dat U hulle elke dag bygestaan het in die groot taak.
Help hulle asb ook met die beplanning vir die toekoms.
V
O
L
H
A
R
D
Son 19 Sept (Open 4:11, Open 5:11-13)
Here ons God, U is die Almagtige, U is heilig, ons aanbid U. U
is waardig om die hemelse heerlikheid en die eer, en die mag
te ontvang omdat U alle dinge geskape het; deur U wil is alles
wat bestaan geskape. Die lofprysing, die eerbetoning en die
heerlikheid kom U toe. Alle mag, rykdom, wysheid en sterkte
behoort aan U.
Ma 20 Sept 2Tim 4:5)
God van al die nasies, ons bid vandag vir die gemeenskap in die
Moot. Hier tussen ons woon en werk mense van ander gelowe, wat
nie die waarheid omtrent Jesus ken nie. Ons besef nou dat U
opdrag om te getuig, nie net vir party bedoel is nie! Gee ons asb ‘n
hart vir verloregaande siele. Inspireer ons om in ons gemeenskap
uit te reik met die Goeie Nuus.
Di 21 Sept (Mark 10:27)
Ons Vader, dankie dat U ons gebede verhoor het en in al ons
behoeftes vir die afgelope veldtog voorsien het. U het dikwels
selfs ons verwagtinge oortref! Dankie dat U die nodige middele,
die nodige leiers en helpers voorsien het. Dankie dat so ‘n
groot klomp mense ingeskakel het en dat U ons aangeraak het
met die krag van U Gees.
Wo 22 Sept (1Kor 2:4)
Heilige Gees, dankie vir die werk wat U in ons binneste doen. Alles
is genade, Here! Ons geloof in Jesus is nie deur indrukwekkende
toesprake of oortuigingswerk van mense nie, maar deur U krag.
Dankie dat U ons ook help om geestelik te groei, dat U ons leer en
inspireer vir die werk wat ons moet doen. Ons verbind ons opnuut
tot U en vra dat U in beheer van ons lewens sal wees.
Do. 23 Sept (Matt 6:1-4)
God van ontferming, ons bid vandag veral vir die bediening van
Deernis en van Versorging. So baie mense mense om ons kry
swaar – maak ons oë oop dat ons die geleenthede sal raaksien.
Maak ons gehoorsaam om ‘n hand uit te steek na ander sodat
ons nie eendag sal hoor: Ek was honger en dors en julle het
my nie versorg nie.
Vry 24 Sept (Ps128)
Here, wees asb met elke huisgesin in die Moot. Ons bid vir
huweliksgeluk, vir vrede, vir ondersteuning en liefde. Laat egpare
getrou wees aan mekaar, laat hulle mekaar in ag neem en mekaar
respekteer. Wees U die Hoof van elke huis. Waar daar
gesinsgeweld of emosionele mishandeling is, bid ons vir genesing,
herstel en radikale bekering.
Sat 25 Sept (Ps 112)
Here Jesus, ons leraars en leiers se husigesinne is op baie
maniere blootgestel aan die aanslag van die bose. Ons bid vir
hul huwelike, vir vrede, bedagsaamheid en genoeg tyd met
mekaar. Laat die kinders ook genoeg liefde en aandag kry.
Gee asb aan die ouers wysheid met die opvoeding en
onderlinge verhoudings. Laat kinders nie in opstand kom teen
God nie.
V
O
L
H
A
R
D
Son 26 Sept (Ps122:1)
Lofwaardige Koning, ons dra ons eredienste aan U op. Lei ons
sodat dit geleenthede van aanbidding sal wees wat U sal
behaag. Inspireer ook die lidmate wat gawes ontvang het om
behulpsaam te wees met die reëlings rondom die eredienste.
Gee asb dat elkeen wat U daar wil gebruik, die geleentheid sal
kry om dit te doen.
Ma 27 Sept (Mark 4:20)
Enigste God, wees asb met die span wat Noord-Kaap toe is vir
‘n uitreik. Dankie vir die geleentheid om die evangelie uit te dra.
Gee hulle die vrymoedigheid om te getuig en praat U deur
hulle. Raak asb mense aan wat nog nie U Seun, Jesus
Christus, aangeneem het as hul Verlosser nie. En laat U Gees
die saad wat geplant word laat ontkiem en groot word.
Di 28 Sept (1Kor 15:57, Jak 5:16)
Skepper-God, U het ons gemaak met emosies en dis wonderlik
om U ook daarmee te kan dien. Maar soms speel die vyand op
ons gevoelens om ons erg neerslagtig te maak, en probeer hy
daardeur om te verhinder dat ons U voluit kan dien. Bevry ons
asb van die nare houvas wat dit op ons het. Maak ons denke
nuut, help ons om op U te fokus en U te vertrou
Wo 29 Sept (1Kron 4:10)
Almagtige God, werk asb kragtig in ons gemeente, sodat die
infrastruktuur sal uitbrei en voorsiening sal maak vir almal wat
hulself verbind het om betrokke te raak. Help ons om kreatief te
dink. Bewaar ons daarvan om steeds op die ou patroon te wil
voortgaan. Laat ons nooit mense wegwys wat wil inskakel nie,
en laat ons nuwelinge met ope arms verwelkom.
Do 30 Sept (1Kon 8:59-61)
Here, ons neem die vrymoedigheid om ook vandag die
gholfdag aan U op te dra. Laat dit alles tot eer van U Naam
geskied en seën ook die fondse wat ingesamel word. Dankie
dat U ‘n God van verskeidenheid en van balans is. Laat ons
alles wat ons doen, met verantwoordelikheid en vreugde doen
sodat almal kan sien dat ons U kinders is.
Vry 1 Okt (Ef 3:20-21)
Almagtige God, U is in staat om veel meer te doen as wat ons
ooit kan bid of dink! Seën asb die kleuterkerk, die Junior
Kategese en die Raakvat Vingertjies. Laat die boodskap van
Jesus soos ‘n veldbrand versprei en ook ander kinders bereik.
Wys asb ook vir die leiers wat U plan vir hulle is en help hulle
asb daarmee.
Sat 2 Okt (2Kor 1:21-22)
Here, die werk wat ons leraars en groepleiers doen gaan nie om
mense nie, maar om die eer van God. Die werk wat hulle doen is
gevestig op die Rots, Jesus Christus. Dankie dat hulle nie op eie
krag hoef staat te maak nie, maar op die krag van die Heilige
Gees. Dankie dat U hulle toerus vir die werk, om openhartig en
eerlik die Woord te verkondig. Aan U al die eer!