Slingervel Maart 2012.indd - CJBF

Slingervel, Jaargang 53
Nommer 931, Maart 2012
in hierdie uitgawe ...
2 Die redakteur skryf ...
3 Oom Nico se Possak
4 Waar kom die Bybel
vandaan? (3)
5 Spreuke vir die tiener
verklaar
6 Die monster van
Kalabasfontein (9)
8 Inkleurprent - Jakob maak
'n pot lensiesop
9 Die OOR in Afrikaanse
idiome
Kleur die boekmerk in
10 Bybelleesrooster vir April
11 Ons Pretblad
12 Oordenkings vir
laerskoolkinders
14 Verjaardaghoekie
15 Blokkiesraaisel 434
16 Ruimtepraatjies
17 Het jy geweet?
18 Geel-bruin
20 Oordenkings vir tieners
22 Boekeblad
24 Nuwe ruimtetuig op weg
na Mars
Die redakteur skryf ...
Kleinserig
en liggeraak
Jy sal vir jouself moet vasstel of jy dalk kleinserig en liggeraak is. Dit is
mense wat baie gou beledig voel en wat sommer gou-gou seergemaak
word oor wat ander mense vir hulle of van hulle sê. Alle mense word nie
deur dieselfde dinge in die lewe geraak en omgekrap nie.
Daar is dié ouens en meisies wat ’n lewensvelletjie van melk het en
daarom so maklik verwond raak.
Daar is dié jongklomp van wie die nerfi es so dun is dat ’n effense skewe
woordjie wonde slaan wat vir hulle voel asof hulle naby die dood kom.
Dit is dié mense wat met groot oë en oop ore dophou en luister wat
ander aan hulle doen of vir of van hulle sê, sodat hulle die kwetsende
wonde met woede en vergelding kan wreek.
Ek is seker jy ken tussen jou maats of by die skool ook sulke mense.
Jy is eintlik te bang om met hulle grappies te maak en te lag ... want jy
moet jou woorde altyd so versigtig kies ... of anders tas jy hulle sensitiewe
karakter en breekbare persoonlikheid só maklik aan dat hulle woedend vir
jou is en dit vir ’n lang tyd teen jou hou.
By dit alles moet ons erken dat om fyngevoelig, fynbesnaar of sensitief
te wees, ook ’n baie mooi deug kan wees. Dit is om ’n fyn gevoel te besit
oor dinge van die lewe. ’n Keurige, verfynde gawe en gevoel wat in balans
gebruik kan word. Dit is ’n baie mooi deug om ’n fyn aanvoeling vir dinge
in die lewe te kan hê. Die teenoorgestelde van ’n fyngevoelige, sensitiewe
mens is ’n bot, buffelagtige, dikvellige, hardekop mens. Dit is iemand wat
afgestomp en pynlik ongevoelig is vir die mooi dinge van die lewe en die
ragfyn weelde van tussenmenslike verhoudinge.
Waar fyngevoeligheid ’n deug is, lê die gevaar in oordrewe fyngevoeligheid,
liggeraaktheid, kleinserigheid. ’n Mens met oordrewe fyngevoeligheid
is besig om homself te verafgod en die lewe vir ander mense baie onaangenaam
te maak. Om saam met só ’n tiener op ’n skooltoer te moet gaan,
kan ’n nagmerrie word.
In ’n oordrewe fyngevoelige mens broei die kieme van agterdog teenoor
medemense. Dit is om slegte motiewe in die woorde en dade van ander
te soek, waar dit nie is nie. Oordrewe fyngevoeligheid is die sonde
van selfoorskatting en verwaandheid. Dit bring jou tot kwade denke en
selfgesentreerdheid. Die geneesmiddel teen oordrewe fyngevoeligheid is
1 Korintiërs 13 – God vra van jou liefde teenoor almal. Sodra jy met jou
medemens in ’n liefdesverhouding staan, verdwyn al die negatiewe dinge
waarmee jy na iemand anders gekyk het en beoordeel jy sulke mense ook
anders.
Idiomaties praat ons van ’n “Kruidjie-roer-my-nie”. Dit is ’n baie gevoelige
plant met volop nektar, giftige blare en rooibruin blomme. As die plant of
die blare gekneus word, gee dit ’n slegte reuk af. Daarom word die plant
Kruidjie-roer-my-nie genoem. ’n Persoon wat baie liggeraak is, word ook
’n Kruidjie-roer-my-nie genoem. Daar is tieners wat so liggeraak is dat
wanneer jy net met jou pinkie aan hulle raak blaas hulle hulself op soos ’n
brulpadda en wil jou iets aandoen. SV
2 slingervel maart 2012

Liewe Slingervelmaats,
oom nico se
As die tienerjare aanbreek,
is dit ook die tyd
wanneer ver liefdheid
jou oorval. Die grootmense
praat gewoon lik van kalwerliefde.
Daarmee word bedoel
die liefde, gewoonlik is dit van
verbygaande aard, tussen ’n
tienerdogter en ’n tienerseun.
Veral in die puberteitsjare en
die vroeë adolessensiejare
gebeur dit dat ’n dogter en ’n
seun ’n verhouding aanknoop.
As hulle saam uitgaan, praat
hulle van “sleep” of hulle sê dat
hulle “steady” gaan of ’n “item”
is.
Daar is met ’n verhouding
tus sen ’n skooldogter en ’n
possak
skoolseun niks fout nie. God
het die mens man en vrou
geskape met die bedoeling dat
daar tussen hulle ’n verhouding
sal ontstaan. Die volwasse
verhouding tussen man en
vrou loop op die huwelik uit.
Die jare van kalwerliefde is ’n
voorbereiding vir ware liefde
eendag en die huwelik.
Jy kom seker agter dat jou
verhouding met die Here ook
’n invloed sal hê op jou fase
van kalwerliefde. Die Here
het in die Bybel riglyne gegee
vir die verhouding tussen
mede mense. Dus sal dogters
en seuns wat ’n verhouding
met mekaar het, dié Bybelse
riglyne moet nakom. Julle
as jongmense lewe in ’n tyd
waar dit baie maklik is om die
grense wat God gestel het,
uit te vee en te ignoreer. As
verbondskinders sal julle dit
nie kan doen nie. Want dit is
een kenmerk van ’n ware kind
van God dat die riglyne van die
Vader gehoorsaam word.
’n Christentiener wat sy lewe
in alle fasette laat belig deur
die verlossingsglans van sy
lewenslig, Jesus Christus,
gee ook rekenskap van die
Christelike verhouding tussen
die geslagte selfs as dit kalwerliefde
is. Ek hoop julle sal hierdie
saak met die nodige erns
bejeën.
Hartlike groete,
Oom Nico
slingervel maart 2012 3

Waar kom die Bybel vandaan? (3) Basjan
Die Ou Testament word oor
eeue erken
Die Bybel is nie ’n boek wat van mense kom nie.
As jy in ’n biblioteek kom, of jy kom in ’n boekwinkel,
dan weet jy dat al die boeke wat daar op
die rakke staan, boeke is wat mense geskryf het omdat
húlle wou. Húlle het besluit om ’n sekere boek te skrywe
en húlle het self oor die inhoud daarvan besluit. Maar
met die boeke van die Bybel is dit heeltemal anders.
God het sy Heilige Gees gestuur om mense te inspireer
om die boeke van die Bybel te skryf (2 Tim. 3:16; 2
Pet. 1:21). Onder leiding van God se Gees het gewone
mense soos ons, die verskillende boeke van die Bybel
geskryf.
Dit is God wat die opdrag aan die mense gegee het.
In Eksodus 17:14 lees ons dat God vir Moses sê: “Skryf
hierdie woorde op in ’n boek as ’n blywende herinnering.”
In Eksodus 24:4 word van Moses getuig: “Toe het Moses
al die gebooie van die Here neergeskryf.” Daar is ook
ander getuienis dat God aan Moses die opdrag gegee
het om alles wat gebeur op te skryf (Eks. 33:2; 34:27;
Deut. 31:9 & 24).
Een vir een is die verskillende boeke geskryf
Ons moet in gedagte hou dat boeke in die tyd van
die Bybel, die Ou Testament en die Nuwe Testament,
nie gedruk is soos ons vandag boeke het nie. Alles
is met die hand geskrywe op papirus of perkament.
As iemand ’n sekere boek wou hê, moes hy dit laat
oorskrywe. Daarom kan ons nie datums noem waarop
die verskillende boeke van die Bybel geskryf is nie.
Wat ons wel weet, is dat die eerste vyf boeke van die
Bybel bymekaar gevoeg is om een bundel te vorm.
Onthou, Moses word erken as die skrywer van die
eerste vyf boeke (Genesis, Eksodus, Levitikus, Numeri,
Deuteronomium). Die geskrewe boeke is van die een
geslag oorgedra na die ander geslag.
Moses het ongeveer in die jare 1527-1406 voor
Chris tus gelewe. Die vyf boeke van die Bybel het
hy heelwaarskynlik in die laaste 40 jaar van sy lewe
geskrywe, dit is van 1440-1406 voor Christus. Dié vyf
boeke gesamentlik is ongeveer in die tyd van Esra en
Nehemia, dit kan die jare 538-432 voor Christus wees,
as ’n bundel erken. Dit was die eerste gedeelte van die
Ou Testament wat as bundel erken is waardeur God
Homself aan die mens bekendstel.
Die groep boeke bekend as die “profete”
Die Profetiese boeke is al die geskiedenisboeke van
Josua tot 2 Konings en ook die profetiese boeke van
Jeremia, Esegiël, Jesaja en die 12 klein profete (kyk in
jou Bybel, dit is die boeke van die profete van Hosea tot
Maleagi). Hierdie groep boeke van die Ou Testament
het tot ’n eenheid gegroei en het ’n geslote boek geword
ongeveer in die jaar 561 voor Christus. Dit beteken dat
ná 561 voor Christus daar nie meer ander boeke by
hierdie groep gevoeg is nie.
Die groep boeke bekend as die “Hagiograwe”
Die naam Hagiograwe betelen “heilige geskrifte” en
dit is die Griekse benaming vir die derde deel van die
He breeuse Ou Testament. Hieronder val die volgende
boeke: Psalms, Job, Spreuke, Prediker, Hooglied, Klaagliedere,
Daniël, Ester, Esra, Nehemia en Kronieke.
Hierdie groep boeke is as geslote eenheid verklaar
tydens die Joodse Sinode van Jamnia in 90 nC. Daarna
is daar nie meer boeke by hierdie groep bygevoeg nie.
Die voltooiing van die Ou Testament
Tydens die tweede eeu nC was daar nog groot onsekerheid
ten opsigte van die boeke van die Ou Testament.
Verskillende geleerdes het aan hierdie saak gewerk,
onder andere Athanasius (295-373), Hieronymus (347-
419) en Augustinus (354-430).
Die vasstelling van die Ou Testament het plaasgevind
op die Konsilie van Hippo in 393 nC en ook die Konsilies
van Karthago in 397 en 419 nC. SV
4 slingervel maart 2012

Spreuke vir die tiener
verklaar
Die skepping
kom voort uit
Dr. Nico van der Merwe
God se wysheid (Spr. 8:22)
In Spreuke 8 leer God wat die rede is dat wysheid so belangrik is. In hierdie
hoofstuk begin wysheid praat soos ’n mens. Die wysheid deel skatte aan die
mens uit. Hierdie skatte wat sy aan die mense uitdeel is veel meer werd as die
kosbaarste edelmetaal wat daar is. Sy kan van nuttelose mense wyse mense maak
wat veel in die samelewing beteken.
Daar is nog ’n ander manier waarop die belangrikheid van die wysheid uitgedruk
kan word. Wysheid is belangrik vir die hele skepping. Soos die Here hemel en
aarde gemaak het, het Hy ook die wysheid gemaak. God het egter die wysheid
eerste geskep. Daar was ’n tyd toe daar nog niks was nie, nie berge, waters en die
lug nie. Op daardie stadium het die Here reeds wysheid geskep (vs. 22). Spreuke
8:22 is ’n skeppingslied. God begin die skepping van hemel en aarde nie sonder
wysheid nie. Inteendeel, Hy ag die wysheid as onmisbaar by die skepping. Vers 22
leer ons ’n diepe lewensles: die orde waarna ons lewe behoort ingepas te word, is
die orde wat God openbaar het in die Bybel.
Lewenswysheid is ook: jy skik jou na God se skeppings wysheid. Daaraan hang
jou geluk en welslae elke oomblik. Hoe wonderlik is wysheid! God het dit van
ewigheid af. Voordat God nog enigiets geskep het, was die wysheid daar. Hierin lê
die waarde van die Spreuke met die deugde van God se keuse.
Daarom is opgeskryf dat Jesus Christus opgegroei het en toegeneem het in
wysheid (Luk. 2:52). In Christus is al die verborge skatte van wysheid en kennis te
vind (Kol. 2:3). Die skepping was nie God se optrede waar Hy telkens uit sy foute
kon leer nie. Dit is mos ’n faset van die mens se leer – jy leer uit jou foute. Met
die skepping het God nie geëksperimenteer nie. Hy het volkome wysheid en die
hele skepping, elke faset daarvan, het uit hierdie goddelike wysheid voort gekom.
Daarom was alles wat God geskep het goed (Gen. 1:31). Daar was nie ’n enkele
fout nie. Nêrens nie!
Vanweë die sondeval het die gebrokenheid in die skepping gekom. Gelukkig
het God in sy genade en liefde nie die skep ping weggegooi nie. God het belowe
dat alles herstel sal word en vir die mens het God die verlossing in Jesus Chris tus
bestem en die wedergeboorte deur die werking van die Heilige Gees (Joh. 3). SV
Redakteur
Dr Nico vd Merwe
e-pos: slingervel@telkomsa.net
Tipografi e en uitleg
Joey Fourie
e-pos: kerkblad@gksa.co.za
MEDEWERKERS
Dr. Nico van der Merwe
Oordenkings vir tieners en laerskoolkinders
Marina Kotze
Junior Rubrieke en Penmaats
Riana Jonker
Verjaardaghoekie
Susan Lourens
Boekeblad
Tersia van der Merwe en Rina Myburgh
Blokkiesraaisels en Kopkrappers
Attie Venter
Wetenskap-Artikels
Rika du Plessis en Sophia van der Walt
Stories
Artikelskrywers dié uitgawe
Dr. Nico van der Merwe
Basjan
Oom Carel
Eienaars en uitgewers
Deputate vir Kerklike Tydskrifte
Gereformeerde Kerke in Suid-Afrika
Posbus 20008, Noordbrug 2522
Drukkers
V & R Drukkery
Tel. 012 328 7180
Intekening
Administratiewe Buro
Afdeling Publikasies
Posbus 20008, Noordbrug 2522
Tel: 018 297 3986
Intekengeld
R168,00 per jaar
(posgeld en BTW ingesluit)
Advertensietarief
Op aanvraag beskikbaar
by Wymie du Plessis, tel. 018 297 3986
Die Redakteur
Posbus 6433, Flamwood 2572
Bydraes en briewe
Posbus 6433,
Flamwood 2572
Jaargang 53
Nommer 931, Maart 2012
ISSN 0037 685 X
slingervel maart 2012 5

Die MONSTER van
Kalabasfontein (9)
Die tornado is nou sekondes
ver van hulle
motor af. Die lug word
baie donkerder. Die motor beweeg
steeds met ’n vreeslike,
vinnige spoed vorentoe. Dan
skielik, links van hulle, sien hulle
nou net veld en nie meer die
wind nie. Almal swaai om en kyk
vinnig na agter toe. Net betyds
om te sien hoe die verskriklike,
breë wind al dwarrelend, met
’n groot gedruis, reg agter hulle
verby oor die pad verby
spoed. Ontsaglik vinnig op sy
ver nietigende pad vo ren toe.
Dadelik verminder hulle pa die
motor se spoed en hulle ry veilig
verder.
“Dit was nou ’n noue ontkoming,”
sê hulle pa en hy blaas
sy asem stadig uit. Hulle hoor
hoe hy met groot eerbied in sy
stem sê: “Elkeen van ons kan
maar net baie dankie sê dat
ons veilig bewaar is. Dit kon vir
ons vanmiddag rampspoedig
gewees het.”
Hulle stem saam, maar
sê niks en sit net doodstil. Te
verskrik en stom voor die almag
en krag van die Allerhoogste
wat hulle nou net met hulle eie
oë gesien het. Skielik begin daar
swaar drup pels een-een op die
vooruit val. Dit kom al vinniger,
totdat dit sous. Dit lyk behoorlik
of iemand emmers water teen
hulle motor vasgooi.
Dit reën verskriklik hard,
maar toe hulle by die plaashuis
stop, val daar nie meer ’n enkele
druppel nie en alles is doodstil.
Outomaties kyk almal in
die rig ting waar die wind suid
van die plaas verbygetrek het
en sien dit lyk vreemd en kaal
daar. Vroeër kon hulle nie van
hulle plaashuis af die huisies
daar teen die bult sien nie. Die
tornado het alles wat voor hom
in sy pad gekom het, die lug
in gewaai. Nou kan hulle die
huisies duidelik sien. Gelukkig
het die dakke nie afgewaai nie,
maar daar is groot, wit kolle op
die grond. Dit lyk of ’n groot
haelbui saam met die wind daar
was.
Later het hulle gehoor dat
die wind hoenders en ander
goed in die lug opgetrek het
so ver soos wat hy beweeg
het. Gelukkig het nie een mens
seergekry nie.
Die volgende Saterdagnag
raas die kiewietjies weer vreeslik.
Johan hoor hulle en dink,
dis miskien weer die luiperd
wat buite rondsluip. Sy ooglede
word swaar en hy raak aan die
slaap. Toe maak ’n geluid hom
wakker. Ja, daar is dit weer.
Ie mand klop dringend aan
die kamervenster waar sy ma
slaap. Hy voel benoud, want
sy pa werk nagdiens en hulle
is alleen by die huis. Hy hou sy
asem op en luister.
“Wie is daar?” vra sy ma.
“Dis ek, Jorsie.”
Oom Koot se seun, dink
Johan en hy is dadelik gerus.
“Jorsie. Wag net ’n oomblik,
ek wil my japon aantrek, dan
maak ek vir jou die deur oop.”
Kort daarna hoor Johan hoe
sy ma die deur oopmaak en vra:
“Wat’s fout?”
Jorsie antwoord: “Net hier
bo in die pad, naby julle hek,
het ’n bees skielik voor my
kar ingeloop en ek het hom
ge stamp. My kar is voor lelik
beskadig en ek kan nie tot by
ons plaas ry nie. Kan julle my
as se blief huis toe vat?”
“Ek is jammer, ek kan nie dade
lik help nie, hier is nie ’n kar
'n Ware verhaal vir laerskoolkinders deur Sophia van der Walt
6 slingervel maart 2012

nie. My man werk nagdiens,
so ons sal jou eers môre vroeg
kan help om huis toe te gaan.
Kom in, dan gaan maak ek vir
ons koffi e.” Sy ma klink asof sy
jammer is.
Sondagoggend vroeg ry
almal saam om vir Jorsie na sy
pa se plaas toe te vat.
“Hoe gaan dit met die varkie?”
vra oom Koot vir hulle
kin ders, nadat almal ’n rukkie
gesels het.
“Varkie?” vra hulle ma.
“Sokkies, die klein, pienk varkie,
is nou al ’n yslike vark en
baie stout. Moenie dink hy wil
in sy hok bly nie. O nee, hy wil
glad nie daar wees nie. Elke
keer wanneer ons hom daarin
jaag, wag hy net totdat ons van
die hok af weg is, dan spring
hy weer uit om in die tuin te
vroetel. Ongehoorsaam. Nes ’n
stout kind.”
Almal lag en ’n rukkie word
daar oor varke gesels, totdat
dit tyd word om Jorsie se stukkende
motor te gaan haal. Dis
waar, dink Johan toe hy later
in die dag weer vir Sokkies terug
jaag in sy hok. “Jy is net
soos ’n stout kind,” raas hy met
die vark. Niemand sal weet of
Sokkies verstaan wat Johan sê
nie. Hy loer net vir Johan en dit
lyk of sy varksnoet lag terwyl hy
kort, snork-varkgeluidjies die
lug instuur. ’n Rukkie later is hy
maar weer buite sy hok.
Een middag speel die kinders
soos gewoonlik weer buite.
Van middag speel Ricka
saam, maar sy is lui, sy wil nie
self loop nie. “Hanlie, stoot my
in die stootkarretjie asseblief?”
teem sy.
“Waar is die stootkarretjie?
Ek weet nie waar is hy nie,” sê
Hanlie.
“Ek sal hom gou gaan haal,”
sê Ricka en sy hardloop met
haar dun beentjies in die huis
in. ’n Baie klein rukkie daarna
kom sy met die stootkarretjie
uit en toe sy by die kinders
kom, klim sy in. “Nou kan julle
my stoot,” sê sy en wag dat dit
moet gebeur.
Hanlie is dadelik gereed en
begin om haar te stoot en Ricka
ry lekker. Saam loop die vier
nou oral rond. Eers weer by die
stoor in om molasse te eet. Dis
heerlik soet, net soos lekkers.
Hulle steek hulle hande in die
drom en lek dan hulle vingers
af. In die stoor is dit heerlik
koel, maar toe hulle weer buite
kom, bak die son warm op hulle
vier neer. Suiwer klavierklanke
kom na hulle toe aangesweef
en hulle weet dis hulle ma wat
besig is om in die huis klavier
te speel.
Die voëltjies is baie stil vanmiddag.
Hulle kroppies is seker
dik gevreet en nou sit hulle in
die koelte van die bome om ’n
middagslapie te vang. Veraf
bulk ’n bees en daar by die
werks mense se huise blaf ’n
hond aanhoudend. Alles is so
rustig.
”Ek wonder of daar nog pere
aan die peerbome is,” sê Johan.
“Kom ons gaan kyk.”
In die huis sit hulle ma voor
die klavier en konsentreer op
die bladmusiek voor haar. Dis
lekker om hier op die plaas
klavier te speel. Sy weet sy
sal niemand hinder nie. Dis nie
soos op die dorp, waar die bure
baie naby langs hulle gebly het
nie. Daar was sy altyd bang dat
sy hulle met haar klavierspel
sal hinder wanneer sy hard wil
speel.
Skielik hoor sy ander geluide
as die klanke van die klavier.
Sy spring op en luister. Duidelik
hoor sy hoe haar kinders
benoud gil en huil. Sy kan hoor
hulle is nie naby die huis nie.
Sonder om nog ’n oomblik te
aarsel, hardloop sy vinnig na
buite toe om hulle te gaan soek.
Sy hardloop in die rigting waar
sy hulle kan hoor huil. Dis verby
die stoor in die grondpaadjie af
na die peerbome toe.
Dan sien sy hoe die drie grote
res van voor af na haar toe
aan gehardloop kom. Hulle lyk
verskrik en kom vinnig nader,
maar Ricka is nie by hulle nie.
“Waar’s Ricka?” skree-vra
sy dringend.
“Hy’t vir ons gebrul!” skree
Johan hard.
“Hy is in die peerboom!”
skree Hanlie senuweeagtig.
“Ricka is nog daar!” skree
Neelsie met ’n angstige gesiggie.
Asof daar vlerke aan haar
voete is, hardloop hulle ma in
die rigting van die peerbome.
Sy hoor Ricka hard huil en dan
Word vervolg
is dit stil.
slingervel maart 2012 7

Jakob maak 'n pot lensiesop in Genesis 25:29
Kleur die prentjie in. MARINA
8 slingervel maart 2012

Die OOR in Afrikaanse idiome
Mens het nie ore gekry as versiersels aan jou kop nie. Die Here het die mens met ore geskape sodat hy in staat kan
'n wees om te hoor. Jy moet dus jou ore gebruik. Jou ore gebruik jy omtrent elke sekonde van jou lewe. Daarom is dit
nie snaaks dat daar in Afrikaans baie idiome is wat met die oor te doen het. Ons noem net 'n paar as voorbeeld:
Iemand ore aansit = Iemand verkul of iemand wen.
Die ene ore wees = Baie aandagtig luister.
Iemand se ore hang = Iemand voel mismoedig.
In/aan die oor knoop = Probeer om te onthou.
Iemand se ore tuit = Daar word van iemand geskinder.
Jou ore uitleen = Na allerhande praatjies luister.
Oor en oor = Herhaaldelik.
Oor en weer = Wedersyds.
Geen ore aan jou kop hê nie = Ongehoorsaam wees.
Maats, hoe dink julle wat is die betekenis van die volgende idiome?
1. Dis by die een oor in en by die ander oor uit.
__________________________________________________________
2. Nog nie droog agter die ore nie.
__________________________________________________________
3. Tot oor die ore verlief wees.
__________________________________________________________
MARINA
Kleur die
boekmerkie
in.
Knip dit uit en
bêre dit in jou
Bybel.
(Bron: Idiome-woordeboek. 1988; Spreekwoorde en waar hulle vandaan kom. Anton F. Prinsloo.2004)
“Naby jou is die woord,
in jou mond en in jou
hart ... en dit is wat ons
verkondig.”
- Romeine 10:8
Oom Carel
slingervel maart 2012 9

Bybelleesrooster vir April
Jy ontvang van jou geboorte af
tot in jou tienerjare God se genade
Sondag 1 April – Lees: Deuteronomium 6:4-12 (vs. 11)
God versorg ten volle uit sy Vaderlike genade.
Maandag 2 April – Lees: Eks. 32:1-3, 9-14, 30-31 (vs. 32)
God se Middelaar staan uit genade vir jou in.
Dinsdag 3 April – Lees: Esegiël 16:1-14 (vs. 5-6)
God gee lewe in jou sondige doodstoestand. Dit is genade!
Woensdag 4 April – Lees: Eksodus 6:1-8 (vs. 8)
Om begryp te word, is genade van God.
Donderdag 5 April – Lees: Deuteronomium 4:31-35 en 7:7-
11 (vs. 7)
Genade is dat jy ten spyte van jou sonde God kan dien.
Vrydag 6 April (Goeie Vrydag) – Lees: Markus 15:21-47
Ter wille van God se genade sterf Jesus aan die kruis.
Saterdag 7 April – Lees: Johannes 19:28-42
Na sy kruisdood word Christus begrawe as Verlosser.
Sondag 8 April (Opstandingsdag) – Lees: Johannes 20:1-
18
Christus oorwin die dood en staan op uit die graf.
Maandag 9 April – Lees: Genesis 12:1-6 (vs. 1)
Jou sondige verlede val weg uit God se genade.
Dinsdag 10 April – Lees: Genesis 22:1-19 (vs. 2)
Jy moet ten volle vertrou op God se reddende genade.
Woensdag 11 April – Lees: 1 Petrus 2:18-25 (vs. 21)
Genade is om in Christus se voetspore te trap.
Donderdag 12 April – Lees: Genesis 22:1-19 (vs. 1)
Genade vra van jou geloofsinspanning en -oefening.
Vrydag 13 April – Lees: Matteus 6:21-24 (vs. 24)
Dit is genade om te kan vergewe, want jy is uit genade
vergewe.
Saterdag 14 April – Lees: 1 Petrus 2:18-20 en 3:13-17 (vs.
19)
Genade is om onskuldig te kan swaarkry.
Sondag 15 April – Lees: Esegiël 18:1-9 (vs. 9)
Genade is om met toewyding aan God te lewe.
Maandag 16 April – Lees: Deuteronomium 24:10-15
Dr. Nico van der Merwe
God se genade laat jou met ’n goeie gemoed aan jou medemens
gee.
Dinsdag 17 April – Lees: Deuteronomium 14:22-29 (vs.
27)
Genade is om deur ’n spesiale bril te kan kyk.
Woensdag 18 April – Lees: Deuteronomium 20:19-20 en
22:6-7 (vs. 19)
Dit is genade om jou lewe nougeset op te pas en te koester.
Donderdag 19 April – Lees: Deuteronomium 16:18-20 (vs.
20)
Genade is om dinge reg te laat geskied.
Vrydag 20 April – Lees: Levitikus 19:9-10 (vs. 10)
Genade is om nie inhalig te wees nie.
Saterdag 21 April – Lees: Esegiël 18:4-9 (vs. 7)
Vanweë God se genade verdruk jy nie ander mense nie.
Sondag 22 April – Lees: Levitikus 19:15-16 (vs. 16)
Vanweë God se genade skinder jy nie van ander mense nie.
Maandag 23 April – Lees: Levitikus 19:17-18 (vs. 18)
Vanweë God se genade dra jy nie griewe teen ander mense
nie.
Dinsdag 24 April – Lees: Levitikus 19:35-37 (vs. 36)
Vanweë God se genade is jy nie oneerlik teenoor ander mense
nie.
Woensdag 25 April – Lees: Lukas 15:11-31 (vs. 20)
Vanweë God se genade kan jy geduld met ander mense hê.
Donderdag 26 April – Lees: 1 Korintiërs 13:4-7 (vs. 7)
Vanweë God se genade kan jy altyd die beste verwag.
Vrydag 27 April – Lees: Deuteronomium 10:10-22 (vs. 19)
Genade het ’n oorsaak wat in God geleë is.
Saterdag 28 April – Lees: Deuteronomium 26:1-12 (vs.
10)
Genade is om te kan dankie sê.
Sondag 29 April – Lees: Levitikus 19:1-19 (vs. 2)
Genade is om te wees soos God wil.
Maandag 30 April – Lees: Matteus 25:31-46 (vs. 32)
Genade is die fi nale toets om aan te voldoen.
10 slingervel maart 2012

Musiekraaisel
Gebruik die leidrade om al 11 sangers/sangeresse se name/vanne te ontrafel:
1. Sy sing die temalied van Titanic (naam).
2. Hy het ’n treffer gehad: “Lief vir alles hier” (van).
3. Phil Collins sing die temalied van dié fl iek (naam).
4. Die groep sing: “No Matter What” (naam).
5. Sy (naam) sing: “Stuur groete aan Mannetjies Roux.”
6. ’n Latynse sanger (naam) se treffer: “She’s all I ever had.”
7. Hulle sing “Tradegy” en doen uitgewerkte danse saam met die liedjie.
8. Hy (naam) en Olivia Newton John sing saam in die fl iek “Grease”.
9. Sy is 18 jaar oud en sing liedjies soos: “Crazy” en “One more time” (naam).
10. Hy (naam) speel in die rolprent “Wild Wild West” en sing ook die temalied
daarvan.
11. Sy (naam) sing “Simply the best.”
Stuur julle antwoorde aan: Musiekraaisel, Posbus 337, Klerksdorp 2570
Wiskundeboeke
Die een wiskundeboek sê vir die ander wiskundeboek: “Man, het ek baie probleme!”
Een muur aan die ander
Die een muur sê vir die ander muur: “Ek sien jou in die hoek!”
’n Regte egte opvoering
Seuntjie sê baie opgewonde vir sy ma: “Het Mammie gehoor van die opvoering wat
ons gaan hou? Ons gaan ’n regte gehoor hê en nie net pa’s en ma’s nie!”
Wat sê jou pa aan tafel?
’n Predikant kry die seuntjie aan’t speel op die grasperk voor hulle huis. Hy dink
ons pretblad
hy wil gou uitvind hoe dit in die huis
van hierdie gesin gaan. Hy vra die
seuntjie: “Ou seun, wat sê jou pa aan
tafel voordat julle eet?” Die seuntjie:
“Nee, hoe bedoel dominee nou? Hy sê
niks.” Predikant: “Maar sê jou pa dan
nooit iets voordat julle begin eet nie?”
Seuntjie: “O ja, dominee, hy sê: stadig
met die botter, geld groei nie op my rug
nie!”
Ek en Pa weet alles
Jannie: “Ek en my pa weet alles in die
wêreld!”
Pietie: “Nou maar goed, sê my waar
Zurich is?”
Jannie: “Dis een van die dinge wat my
pa weet.”
Ek is gewoond aan tieners
Die man kom by die bank om geld in te
betaal. Maar hy het nie ’n depositostrokie
ingevul nie en hy het ook nie die geld
mooi gesorteer nie. Die kassier raas
met hom en sê hy moet teruggaan en
alles regmaak soos dit hoort. Toe die
man uiteindelik weer by die kassier
kom, maak dié baie verskoning omdat
hy die man so gekritiseer het en met
hom geraas het. “Toemaar,” sê die man,
“ek is gewoond daaraan, drie van my
kinders is tieners.”
Beter as die onderwysers
Gert: “Kan jy enigiets doen wat jou
onderwysers nie kan doen nie?”
Jan: “Ja! Ek kan my eie handskrif lees!”
Sny ’n gat in die middel
Die seuntjie sê vir die haarkapper: “Ek
wil my hare gesny hê soos my pa s’n,
met ’n gat in die middel.”
Hoe oud is die vrou?
Die onderwyser: “Klas, kan julle vir my
sê hoe ou is ’n persoon wat in 1925
gebore is?”
Henk: “’n Vrou of ’n man, meneer?”
slingervel maart 2012 11

dr. nico van der merwe
25. Die wonderteken van die groot visvangs
Lees in jou Bybel Lukas 5:1-11
In Lukas 5:1-11 roep Jesus Christus vir Simon Petrus,
Johannes en Jakobus om sy dissipels te word. Voordat
hulle antwoord op Jesus se roeping, oortuig Jesus hulle met
’n wonderteken. Petrus en die ander vissers het die hele nag
hulle nette van die skuite af in die see gegooi, maar het niks
gevang nie. Jesus sê hulle moet weer in die see ingaan en
die nette uitgooi. Hulle vang toe soveel visse dat die net wou
skeur.
Deur die wonderteken van die visvangs wys Jesus Christus
vir almal dat Hy almagtig is en oor alles op die aarde
beskik. Soms kom ons in ons lewe ook te staan voor iets wat
vir ons te groot lyk.
As jy in alles op die Here vertrou, sal Hy vir jou die krag
gee om ook so ’n situasie tot sy eer te hanteer.
27. God kyk nie hoe jy uiterlik lyk nie!
Lees in jou Bybel 1 Samuel 16:1-13 (vs. 7)
As ’n kind is jy baie gesteld oor hoe jy lyk. Dink maar hoe
ongelukkig is jy as jy las het van puisies of jou hare is
nie netjies nie. Jy is ook baie fyngevoelig oor hoe jy lyk as jy
na ’n partytjie toe gaan of iewers saam met jou maats in ’n
restaurant iets gaan eet of drink. As daar leiers vir die skool
gekies moet word, kyk julle na die uiterlike beeld en optrede
van kinders. In jou beoordeling van ander mense, sê die
Here, moet dit net die teenoorgestelde wees. Die innerlike
mens is die regtige mens. Uiterlik kan jy mense nog ’n rat
voor die oë draai, maar nie wat jou innerlike betref nie (Spr.
31:30). As jou verhouding met God innerlik opreg is, sal jy
ook ’n opregte verhouding met ander mense hê.
Sorg dat dit in jou lewe innerlik goed gaan en moet nie
uiterlik ’n masker dra nie.
29. Sondae moet jy in die eredienste wees
Lees in jou Bybel Handelinge 2:43-47
Sondae is deel van die naweek. Heel dikwels word dit
ook beskou as ’n dag van ontspanning, speel en jolyt. ’n
Lekker dag vir branderplank ry of skaats, swem of piekniek,
draf en sport oefen, vleisbraai en uitkamp. Dit is so dat ons
God elke dag van die week moet dien. In sy wysheid het
God vir ons as mense gevra om een dag uit die sewe dae af
te sonder en meer aandag aan ons verhouding met Hom te
gee waarvoor ons nie in die week tyd het nie. Sondae is in die
eerste plek dag van eredienste, katkisasie en Bybelstudie.
Natuurlik kan jy op Sondae ook ontspan, maar die bywoning
van die eredienste en die katkisasie is die belangrikste.
Ons lees in Handelinge 2:46-47 dat die bekeerde mense
in Jerusalem selfs daagliks na die tempel gegaan het. Jy sal
jou prioriteite in hierdie opsig opnuut moet bepaal.
26. Lewe daagliks soos God dit wil!
Lees in jou Bybel Efesiërs 5:6-20 (vs. 17)
As gelowige kind van God weet jy dat God van jou verwag
om te lewe soos Hy wil. As jy wil lewe soos jý wil, dan
beteken dit dat jy so deur Satan oorheers word dat jy nie die
minste belang het om goed te lewe nie.
Wat sê die Bybel vir ons in hierdie opsig? As kind van God
moet jy versigtig wees hoe jy lewe (vs. 15-16). Dit is omdat
die sonde so ’n geweldige groot krag is. Dit is nie genoeg om
net te weet wat God van sy verloste kinders verwag nie. Dis
nie genoeg nie! Jy moet ook die goeie lewe waarvan jy weet,
elke dag uitleef. Op watter manier sal jy seker wees dat dit
wat jy doen volgens die Here se wil is? Deur gereeld jou
Bybel aandagtig te lees. Deur in die eredienste opmerksaam
na die preke te luister. En deur in die katkisasie aandagtig te
hoor wat God van jou vra.
28. Jou taal sê of jy God regtig liefhet
Lees in jou Bybel Efesiërs 5:1-5 (vs. 4)
Jy mag dalk dink dat die Here jou nie hoor as jy tussen jou
maats is en vuil grappe en praatjies met hulle maak nie.
Jy mag dalk dink dat die Here nie die vloekwoorde hoor wat
uit jou mond kom as jy kwaad is nie. Jy mag dalk dink dat die
Here nie jou lelike woorde hoor wat jy by die skool gebruik
sodat jou maats vir jou skaterlag nie. Hierdie oordenking is
nie net vir seuns nie, maar ook vir dogters.
God sê: “Growwe, ligsinnige of vuil praatjies pas nie by
julle nie.” So ’n optrede pas nie by iemand wat sê dat hy in
God glo nie. Die waarheid is dat die mond oorloop waar die
hart van vol is. Jou liederlike praatjies, al die vloekwoorde
en die skurwe grappe wat jy vertel, wys hoe dit binne in jou
hart gaan. Wat pas by ’n gelowige? “Dank aan God” pas by
die gelowige, want Hy het jou van jou sonde verlos.
30. Vreugde, genot en plesier is kort van duur
Lees in jou Bybel Genesis 25:29-34
In die tyd van die Ou Testament is aan die oudste seun in
die gesin ’n groter deel van die pa se testament bemaak.
Hy kry meer as die ander seuns. Hy word ook hoof van die
familie. Dit was ’n baie belangrike en gewigtige reëling van
God. Esau het hom egter nie daaraan gesteur nie. Toe hy
moeg en honger van die jagtog af by die huis kom, is al
waaraan hy gedink het, sy honger en hoe lekker dit sal wees
om van die brood en lensiesop te eet wat Jakob voorberei
het. Toe verkoop hy sy eersgeboortereg aan Jakob in ruil vir
die sop. Vir ’n kort rukkie se plesier gee Esau sy hele eersgeboortereg
weg.
Elke gelowige het ook ’n gewigtige geskenk van God ontvang
– die verlossing van sondes. Wees waaksaam dat jy
nie vir ’n kort rukkie se wêreldse plesier dit verloor nie!
12 slingervel maart 2012

31. Gehoorsaam God se opdragte
Lees Josua 1:1-9 (vs. 9)
As God hier met Josua praat, staan die Israeliete op die
punt om Kanaän in te neem. Dit sal ’n gevaarlike situasie
wees, want die Israeliete sal eers die heidene wat in
Kanaän bly, moet oorwin. Daarom kom die Here spesiaal
na Josua toe om hom voor te berei vir die taak wat voorlê.
Josua moet nie bang wees nie, want die Here is by hom.
Beteken dit nou dat die Here by elke gelowige is en
dat niks met hom sal gebeur nie? Ons moet mooi lees
wat in Josua 1 staan. Josua moet ’n opdrag van die Here
gaan uitvoer. En as hy in die uitvoering van die opdrag gehoorsaam
is aan God, dan sal die Here hom beskerm. Jy
kan nie sommer jou lewe in gevaar wil stel en dan sê die
Here sal jou help nie. As jy gehoorsaam is aan God en daar
kom dán gevaar, dán sal die Here jou beskermer wees.
33. God is ’n voorbeeld om na te volg
Lees Efesiërs 5:1-7 (vs. 1)
God verwag van elke gelowige kind om hulle ouers te
ge hoorsaam. Ma en Pa is die leiers in die huisgesin
en die kinders moet hulle in gehoorsaamheid volg. Hiervan
maak Paulus ’n voorbeeld vir jou geloofslewe. Almal wat in
Jesus glo, is kinders van God die Vader. As jy gedoop is,
dan beteken dit dat God jou gemerk het as sy kind! Soldate
van God se leër moet Hom volg as die veldslag plaasvind.
Omdat God ons liefhet en aan ons die verlossing van sondes
gee deur Jesus Christus, daarom moet ons die pad stap wat
die Here vir ons wys. Dit is ’n pad waarop God nie alleen vir
ons die verlossing gee nie, maar dit is ook die pad waarop
die Here ons innerlik voed. Jy moet jou Bybel so lees dat jy
elke dag nuwe voorskrifte kry om reg te lewe en met dankbaarheid
op God se pad te stap.
35. God se Woord is jou lamp en jou lig
Lees Psalm 119:105-112 (vs. 105)
Jy wonder seker hoekom die dominee, die ouderling en
die katkisasieonderwyser telkens vir jou sê om gereeld
jou Bybel te lees. Hoekom is dit vir mense, groot en klein,
nodig om die eredienste en Bybelstudie by te woon? In die
eerste plek is dit omdat God dit van ons vra. Daarmee het
die Here ’n doel. As dit pikgietswart donker is in die nag, gebruik
ons lampe of fl itse om oor die weg te kom. Jy het iets
nodig wat lig gee as dit rondom jou donker is.
In ’n mens se geestelike lewe kan dit soms net so donker
word. Die sonde bring geestelike duisternis oor ons as mense.
Die Here het ons sy Bybel gegee dat ons in hierdie donkerte
kan sien wat om te doen. Die Bybel is die lig waarmee jy op
die donker pad van die sonde lig om te kan sien waarheen
moet jy gaan. Daarom moet jy die Bybel ken.
32. Die smal pad en die breë pad
Lees Matt eus 7:13-23 (vs. 14)
Ons as moderne mense is kenners van paaie. As daar
’n breë dubbelpad is met duidelik geverfde strepe en
tekens op, is dit ’n pad waarop ’n mens baie maklik ry. Maar
as ons die enkelpad kry, of dalk ’n baie nou grondpad, dan
gaan dit nie so maklik nie.
Dit is die beeld wat Jesus gebruik as Hy die pad na die
ewi ge lewe verduidelik. Dié pad is smal omdat jou volle gehoorsaamheid
aan God en sy wet gevra word. Die poort is
nou omdat net dié wat deur die geloof aan Jesus behoort,
daar kan ingaan. Dit is die enigste pad, sê Jesus. As iemand
vir jou die regte pad na ’n dorp of ’n huis wys, sal jy tog sekerlik
dié pad kies. Dit is wat Jesus vir jou sê.
Die enigste en die veiligste pad vir God se kinders is die
pad waarop jy in gehoorsaamheid aan God se wet stap.
34. Stry met alle mag teen die sonde
Lees Leviti kus 2:1-13 (vs. 13)
In die Bybelse tyd het die mense sout gebruik om te keer
dat kos bederf, want hulle het nie yskaste en vrieskaste
ge had soos ons nie. Ons weet ook dat die offers in die Ou
Tes tament ’n baie belangrike deel was van die mense se
godsdiens. Daar was verskillende soorte offers. Deur tot God
te offer het die Israeliete gesê dat hulle van God afhanklik
is en dat hulle deur Hom van hulle sonde verlos word. Die
graanoffer was ’n voorbeeld van die mens se lewe. Die sout
is ’n aanduiding dat hulle teen die bederf van die sonde moet
stry. Jou lewe volgens die wet van God moet ’n lewe wees
waarin jy die bederf keer.
Jy stry met alle mag teen die sonde. Dit is nie altyd so
maklik nie, maar dit is die opdrag wat jy van die Here ontvang
het. Hierin moet jy ook ’n voorbeeld vir jou maats wees.
36. Goeie werke adverteer nie!!
Lees Matt eus 6:1-4 (vs. 3 & 4)
In hierdie paar verse leer Christus ons dat jy nie moet
“brag” daarmee as jy goed doen aan iemand anders nie. In
daardie tyd was daar mense wat aan ander goed doen, maar
dan maak hulle seker dat ander mense hulle sien, sodat hulle
geprys kan word as goeie, mededeelsame mense. As jy God
waarlik liefhet en jou naaste soos jouself, doen jy graag iets
vir iemand wat in die nood verkeer. Maar jy mag dit nie met
skewe bedoelings doen nie. As jy ander mense help met die
doel dat hulle jou gaan prys en ’n ophef van jou gaan maak,
was dit nie in God se oë ’n liefdesdaad nie.
Hoe moet jy ’n maat wat arm is of ’n maat wat baie siek
is, hanteer? Jesus sê jou linkerhand moet nie weet wat jou
regterhand doen nie. As jy goeddoen, is jy besig met geheime
werk wat net God raaksien.
slingervel maart 2012 13

verjaardaghoekie
Die volgende Vellies verjaar gedurende MAART 2012. Baie geluk aan elkeen van
julle. Mag julle 'n mooi jaar beleef! Baie dankie aan al die gemeentes wat vir die eerste
keer hulle verbondsjeug ingeskryf het. My adres is: Tannie Riana Jonker, Posbus 614,
Paardekraal 1752; of e-pos jonkerp@mweb.co.za
Groete, Tannie Riana
1
Ashley du Plessis (George),
Christi Storm (Bloemfontein-
Noord), Frikkie Aucamp (Kuruman), Heliané
Aucamp (Krugersdorp), Marizette
Allers (Messina-Tshikondeni), Marna
van der Schyff (Die Bult-Potch), Monré
Ja cobs (Die Bult-Potch).
2
Adriaan van Niekerk (Wolmaransstad),
Douwlené van der Walt
(Pot chefstroom-Oos), Fra Brummer
(Port Elizabeth), Gabriëlle Texeira (Heilbron),
Mia de Jager (Messina), Pieter
Grové (Duineveld).
3
Andrea Hamman (Lydenburg),
Cor lia van der Merwe (Barberton),
David van der Merwe (Magol), Eben
Steyn (Krugersdorp), Gerdo van der
Walt (Kuruman), Hannes van Eeden
(Lind ley), Lincke Doinet (Potchefstroom-
Oos), Lizel Booysen (Magol), Marica
van der Merwe (Magol), Ruané van Aswe
gen (Bloemfontein-Suid), Suné Rennie
(Krugersdorp), William Mathee (Die
Bult-Potch).
4
5
Christiaan Erasmus (Kathu),
Chris to Botes (Wonderboom-
Suid), Wian Jansen (Benoni).
Chanél Vorster (Bloemfontein-
Noord), Leanka Jansen van
Vuu ren (Wolmaransstad), Libbie-Anne
Muller (Heilbron), Marnus van der Walt
(Bloemfontein-Suid), Michelle Human
(Wol maransstad).
6
Coenie Labuschagne (Trinitas-
Vanderbijlpark), Coreen van
Jaars veld (Bloemfontein-Noord), Danielle
Terblanche (Potchefstroom-Oos),
Hein van Tonder (Benoni), Hendrik le
Roux (Waterkloofrand), Henlo Grové
(Dui neveld), Nelia Grobler (Magol).
7
Albert Victor (Kuruman), Andries Stefan Erasmus (Bloemfontein-Noord).
Buys (Trinitas-Vanderbijlpark),
Santi Badenhorst (Die Bult-
Gideon van der Merwe (Waterkloofrand), 15 Potch).
Hannes van Niekerk (Wolmaransstad),
Dane Botha (Bethal), Louis
Mike Henn (Heilbron). 16 Seegers (George), Marinel
AJ Lotter (Potchefstroom-Oos), van der Walt (Magol), Maristi Swanepoel
8 Juan Eduard Bisschoff (Ver- (Buffeldoorns), Mhyne van Wyk (Bethal),
ee ni ging-Oos), TC Pretorius (Wolma- Robin van Loggerenberg (Buffeldoorns).
ransstad).
Marijke Boonzaier (Ma gol),
Andries van der Heever (Boks-
9
17 Michelle Viljoen (Wol maburg-Suid),
Barend du Plessis rans stad), Werner Pieters (Trini tas-
(Magol), Bianke Pienaar (Vaalpark), Vanderbijlpark), Wilri Storm (Bloem-
Carla Lottering (Messina), Edward Lomfontein-Noord).bard (Alberton-Wes), Heini Ferreira (Lae-
Jackie Roets (Messina),
veld), Herman Steyn (Magol), Lianca 18 Ja na Alberts (Benoni), LP
Coet zee (Trinitas-Vanderbijlpark), Vlooi Steyn (Kathu), Pamela Geere (Trinitas-
Coetzee (Potchefstroom-Oos).
Vanderbijlpark), Sohanje Pretorius (Ma-
Cherelle de Klerk (Wolmagol), Sumané Janeke (Trinitas-Van-
10 rans stad), Duan Booysen derbijlpark).
(Ma gol), Luzel Jansen van Vuuren (Wol-
Werno van Niekerk (Boksmaransstad).
19 burg-Suid).
Christo du Plessis (Alberton-
Elardus Aucamp (Magol),
11 Wes), Cian Pile (Trinitas-Van- 20 Ger rit Coetzer Trinitas-Vanderbijlpark),
Elisma Jansen van Vuuder bijlpark), Hannetjie Flemming (Heilren
(Trinitas-Vanderbijlpark), Jan drian bron), Leenmarie van der Walt (Magol),
Bonthuys (Reitz), Nathan Katz (Benoni). Mari-Alet Smit (Agulhas).
Carina Badenhorst (Zee-
Juan Hoffmann (Wolmarans-
12 rust), Catie Hoogendyk 21 stad), Marnus Haasbroek
(Wa ter kloofrand), Emile Oosthuizen (Ver eeniging-Oos).
(Wa terkloofrand), Joubert Venter
Charné Scholtemeyer (Beno-
(Bloem fontein-Noord), Leona-Kumi 22 ni), Naomi Arlow (Stilbaai),
Bo tha (Port Elizabeth), Meinhardt Gel- Rianca Lotter (Potchefstroom-Oos).
denhuys (Krugersdorp).
Annimie Labuschagne (Tri-
Carmen Bronkhorst (Barber-
13
23 ni tas-Vanderbijlpark), Arton),
Dominic van Staden mand Meintjes (Messina), Elisma
(Ma gol), Hilde van Staden (Magol). Rie kert (Lydenburg), Hanre Smith (Wa-
Branden Clements (Krugersterkloofrand), Leonard Bridges (Magol),
14 dorp), Chandeline McIntyre Yselle Pieters (Potchefstroom-Oos).
(Wonderboom-Suid), Jana Claasen
Carin de Klerk (Wolmarans-
(Reitz), Jordan Milligan (Port Elizabeth),
stad), David Vos (Magol),
24
14 slingervel maart 2012

Divan Steyn (Kathu), Heinrich Bisschoff
(Vereeniging-Oos), Herman Viljoen
(Klein mond), JE Franck (Magol), Mia
Steyn (Buffeldoorns).
25
Bernice Janse van Rensburg
(Boksburg-Suid), Carl Potgie
ter (Krugersdorp), Clarise du Plessis
(Magol), Pieter van Rooy (Port
Eli za beth), Zida-Lee Venter (Trinitas-
Vanderbijlpark).
26
Ananke Meintjies (Bloemfontein-Suid),
Ansune Kruger
(Ku ruman), Ben Harmse (Magol), Cronjé
Lourens (Trinitas-Vanderbijlpark), Jaco
Viljoen (Wolmaransstad), Mika
Coet zee (Wonderboom-Suid), Naomi
Maartens (Bloemfontein-Suid), Nicolene
Louw (Benoni), Tharine Short (Wolmaransstad).
Anina Erasmus (Magol), Re-
27
28
nier Nienaber (Bethal).
Angelica Botes (Boksburg-
Suid), Bertus Beetge (Boksburg-Suid),
Brittaney Leë (Krugersdorp),
Charlotte van Dyk (Bethal), Jané
Shep pard (Trinitas-Vanderbijlpark),
Marli Greeff (Trinitas-Vanderbijlpark),
Rijk Venter (Kathu), Talita Robbertse
(Bloemfontein-Noord), Wiehan van der
Berg (Port Elizabeth), Yolandi van der
Heever (Boksburg-Suid).
blokkiesraaisel 434
Slingervel het van die volgende maats oplossings vir die
blokkiesraaisels gekry:
• No. 428 & 429 van maats wat nie hulle name by geskryf
het nie.
• No. 430 van Carin de Klerk van Leeudoringstad.
• No. 430 van Jo-Deé Marman van Elsiesrivier.
• No. 430, 431 & 432van die Bybelstudiegroepie van
Waterkloofrand.
Jo-Deé het namens hulle katkisasieklas geskryf:
Liewe Oom Nico
Ek skryf namens ons katkisasieklas van 2011. Dit is die Gereformeerde
Kerk Elsiesrivier.
My naam is Jo-Deé Marman. Ek is 14 jaar oud en in Graad 7. Ons
is 'n klein groepie, maar is bevoorreg om katkisasie te loop onder
leiding van br. Danie Marman, Caroline Daniels en Glenda Robinson.
Ons geniet die stories, blokraaisels en veral die pretblad in Slingervel
terdeë.
Oom gaan gou weer van my hoor.
Groete, Jo-Deé
Jo-Deé, baie dankie vir jou welkom briefi e namens julle klas.
Ons is bly dat julle die inhoud van die Slingervel geniet. Julle
moet tog nie ophou om deel te neem nie. Stuur asseblief 'n
volgende keer 'n foto saam van julle klompie. - Oom Nico
DWARS
1. Dié plek was vroeër bekend as Kirjat-Sefer (Rigt.
1:11).
3. Uit dié stad het Dawid 'n groot hoeveelheid brons
gebring (1 KRon. 18:8).
5. Die eerste een uit die Parosfamilie (Esra 10:25).
7. Die tweede seun van Jehallel (1 Kron. 4:16).
8. Elifas se tweede seun (Gen. 36:11).
10. Artemis word hier 'n groot ______ genoem (Hand.
19:27).
12. Tirhaka was koning van hierdie land (2 Kon. 19:9).
13. Joktan se sewende seun (Gen. 10:27).
29
Berli Venter (De Aar), Dian
Au camp (Potchefstroom-
Oos), Gerrit du Plooy (Heilbron), Inge
Hig gens (Brooklyn-Pretoria), Stefan
Strydom (Port Elizabeth).
30
Carien Erasmus (Bloemfontein-Noord),
Duvan le Roux
(Bethal), Hendri Rautenbach (Vaalpark),
Kraynu Kruger (Zeerust), Lea van Vollenstee
(Heilbron), Machiel van der
Walt (Krugersdorp), Raymond Kruger
(Boksburg-Suid).
31
Ben Snyman (Wonderboom-
Suid), Demmé Duvenhage
(Pot chefstroom-Oos), Marruschka Venter
(Kuruman).
TERSIA
Pos julle antwoorde aan:
Posbus 6433, Flamwood 2572
AF
1. Moses het gesê hierdie man is 'n jong leeu (Deut.
33:22).
2. Baesa het die bouwerk hier gestaak (1 Kon.
15:21).
4. Simeon is ook ______ genoem (Hand. 13:1).
5. Beria se oudste seun (1 Kron. 7:25).
6. Mefi boset se broer (sonder die i (2 Sam. 21:8).
7. Hy was 'n Ammoniet (2 Sam. 23:37).
9. Asarja se pa (2 Kron. 15:1).
11. Ruben was haar oudste seun (Gen. 29:32).
slingervel maart 2012 15

Oom Attie Venter
Ruimtepraatjies
NASA se Keppler-sending het bekendgemaak
dat hy sy eerste rotsagtige planeet buite ons
son nestelsel ontdek het. Julle weet seker teen
dié tyd al dat net Mercurius, Venus, Aarde en Mars
rotsagtige planete is. Die res (Jupiter, Saturnus, Uranus
en Neptunus) is gasplanete. Pluto word nie meer as ’n
planeet beskou nie.
Dié planeet wat Keppler B genoem word, is 1,4
maal so groot as die aarde en die kleinste wat buite
ons sonnestelsel ontdek is. Daarbenewens is die planeet
se son of ster – Keppler 10 – die eerste ster wat
geïdentifi seer is as ’n liggaam wat so ’n klein planeet
kan huisves. Keppler 10 B is 20 maal nader aan sy son
as wat Mercurius aan ons son is!
Nou kan julle self ’n idee vorm van hoe warm dit op
daardie planeet moet wees.
ROTS OF GAS
Hoe kan wetenskaplikes vasstel of so ’n planeet
rots agtig of gasagtig is? Of hoe groot hy is en hoe
vinnig hy om sy ster draai?
Om dit te waardeer, moet ons onthou dat die afstande
tussen die aarde en die naaste sterre ontsaglik ver is.
Jy kan netsowel probeer om met ’n verkyker vas te stel
of ’n brommer op ’n boomtak in jou naaste buurdorp ’n
mannetjie of ’n wyfi e is!
GROOTTE EN DIGTHEID
Hulle kan eerstens bepaal hoe groot die planeet is,
deur die effek wat dit op die ster se lig het, waar hy voor
verbybeweeg. Hoe groter die planeet is, hoe meer lig
sal dit wegsteek wanneer dit voor die ster verbygaan.
Die effek is natuurlik baie klein, maar deesdae se
teleskope tel dit op.
Tweedens wil ons weet wat die digtheid van die planeet
is. Ons weet dat ’n gasplaneet se digtheid laer
as dié van ’n rotsagtige planeet is. Dus wil ons graag
vasstel wat sy massa is, want dan kan sy digtheid bereken
word (digtheid = massa ÷ volume). Gelukkig is
die betrokke ster ’n taamlik helder een, dus kan hulle
dit goed genoeg bestudeer om sy massa te kry.
In hierdie geval wentel die planeet baie vinnig om
die ster. Deur die massa van die ster en die wentelperiode
(sy jaar is 84 dae lank!) kan die massa van
die planeet bepaal word, asook die volume en die digtheid.
Laasgenoemde is nogal hoog (8,88 g/cm 3 ) as
ons dit met dié van water vergelyk, wat natuurlik 1 g/
cm 3 is. Die planeet se digtheid is vergelykbaar met dié
van yster, dus kan dit nie ’n gasplaneet wees nie. Sy
deursnee is 4x en sy massa 4,6x dié van die aarde.
SUPERTELESKOOP
Om so ’n ontdekking op prys te stel, moet ons in
gedagte hou dat dit geweldige toewyding verg. In die
eerste plek het ’n mens ’n baie goeie ruimteteleskoop
nodig. Die een wat hier gebruik is, maak elke sekonde
’n ligmeting van 150 000 sterre waarna hy op een slag
kyk. Hy kyk met ander woorde na een spesifi eke veld
van die sterrehemel en dit is maar ’n klein stukkie. Dit
is al wat hy doen! Daardie data word dan na die aarde
gestuur. Die data wat in bogenoemde geval gebruik is,
is meer as ’n jaar terug verkry, maar dit neem geweldig
lank om dit te verwerk. Die rekenaars moet ook eers
geprogrammeer word om na hierdie ligmetings te kyk
en die reëlmatige verandering te verwerk.
Dit is interessant om te weet dat iemand wat
self ’n “planeetjagter” wil word, kan inskakel by die
sogenaamde “zoomiverse”-projek. Met hierdie projek
het hulle reeds 300 000 vrywilligers wat help kyk na
16 slingervel maart 2012

die data. ’n Rekenaar kan net soek waarvoor hy gesê
is om te soek, maar ’n mens se brein is baie goed om
patrone te herken. Jy kan in ’n oomblik patrone in die
data sien wat ’n rekenaar baie lank sal vat om waar te
neem, vandaar die behoefte aan “breinhulp”.
Hierdie planeet is so dig omdat hy so na aan die
son is, want al die ligte materiale soos gasse word deur
die ster se strale weggedryf (amper soos ’n komeet se
fyn deeltjies wat die stert van die komeet vorm). Dus:
geen atmosfeer of selfs vloeibare water, nog minder
waterdamp, bly agter nie.
SEISMIESE GOLWE
Omdat die betrokke ster so helder is, kan hulle die
variasies in die lig vasstel, nie net in helderheid nie,
maar ook in frekwensies. Dit hou verband met asteroseismologie
deurdat dit aantoon hoe seismiese golwe
deur die ster beweeg, amper soos die klankgolwe deur
’n groot klok wat lui. Ons weet dat wetenskaplikes op
die aarde ook seismiese golwe meet om só die binnekant
van die aarde te bestudeer.
Daar is dus nogal ’n hele klompie dinge wat gedoen
moet word voordat die legkaart inmekaar pas!
DOPPLER-EFFEK
Dis interessant dat jy bogenoemde data ook op
ander maniere kan bevestig deur hierdie waarnemings
op te volg met waarnemings van die “Doppler-effek”.
Het jy geweet?
Het jy geweet ... dat jou hart die sterkste spier in jou liggaam is?? Die feite
in verband met jou hart is:
Die planeet pluk die ster ’n bietjie rond en die frekwensie
van die liggolwe wat dit uitstuur, verander gevolglik van
rooi na blou en andersom. Hierdie twee verskillende
tegnieke bevestig mekaar.
Miskien is daar van julle jongerige outjies wat nog
nie weet wat die “Doppler-effek” is nie. Hier is ’n kort
ver duideliking: As ’n trein in jou rigting aankom terwyl
sy fl uitjie blaas, het die geluid natuurlik ’n sekere
toon hoogte vir jou. Die oomblik wanneer hy verby
jou beweeg, daal die toonhoogte. Die rede? Met
die naderkom word die luggolwe wat in jou rigting
beweeg, saamgepers sodat jou ore ’n betreklik hoë
geluid waarneem. Terwyl die trein wegbeweeg, word
die luggolwe uitgerek sodat jy die klank met ’n laer
toonhoogte waarneem.
Liggolwe is natuurlik van ’n heeltemal ander aard,
maar in hierdie geval is die beginsel dieselfde. As ’n
liggewende voorwerp, soos bogenoemde ster, in die
waarnemer se rigting beweeg, sal die liggolwe korter
as normaal wees, sodat dit effens blouer sal voorkom.
As die ligbron weg van jou beweeg, word die liggolwe
langer uitgerek, sodat dit effens rooier voorkom.
Hierdie verskynsel staan bekend as die “Dopplereffek”.
(Aangepas uit Sterre en planete, RSG) SV
Jou hart klop 100 800 keer per dag.
Elke dag sirkuleer jou hart genoeg bloed om 170 baddens vol te maak.
Teen die tyd dat jy 72 jaar oud is, sal jou hart meer as 2,5 miljard keer geklop het.
Jou hart is omtrent so groot soos ’n vuis.
(Uit: FASSINERENDE FEITE – Dawid van Lill, 2003)
slingervel maart 2012 17

Geel-bruin
Ons plaas hierdie maand ’n storie wat deur een van ons
eie maats, RINA DE KLERK van Leeudoringstad,
geskryf is. Lekker lees!
Die blou lug is wolkeloos en die son bak warm op die
nege tieners wat teen die heuwel uitklim. Hulle stap
al skertsende met die voetpaadjie aan. Voor loop die
leier, geel-bruin oë en bruin hare, Reinier van der Watt. Agter
hom loop ek, Emien Combrink. Blou oë en bruin hare.
Na ’n ent se stap roep ons eers halt en Reinier wys na ’n
trop rooibokke wat rustig loop en wei. Dan loop ons verder.
Skielik trek Reinier sy asem skerp in en tree agteruit, reg in
my vas.
“Reinier, wat is dit?” vra ek vies.
Hy praat nie, maar beduie net na die grond voor hom. Daar
lê ’n yslike swart slang. Ek beduie vir die ander om agtertoe
te beweeg. Eers toe ons op ’n veilige afstand is, sien ek dat
Reinier se gesig vertrek is van pyn. Nou besef ek dat die slang
hom moes gepik het. Tog het hy nie ’n woord gesê nie. Dan
sak hy inmekaar. Daar is gelukkig meer as genoeg seuns om
hom af te dra na waar die grootmense by die kampterrein is.
By die kampterrein beveel die oom dat die bakkie nader
gebring moet word. Ek klim op die bak en gaan sit langs
Reinier wat styf in komberse toegedraai is. Ek sien die oom
wil eers teëpraat, maar hy weet daar is nie nou tyd nie.
Ek gee ’n sug van verligting toe ons uiteindelik voor die
hospitaal stilhou. Daar is dadelik dokters en verpleegsters by.
Na ’n ruk sien die dokter my eers raak. Hy wil weet of ek
weet watter soort slang dit was, maar al wat ek kan sê, is dat
dit ’n groot, swart slang was. Ons wag sowat ’n uur voor die
verpleegster kom sê dat alles nou onder beheer is en ons kan
huis toe gaan.
Nie ek of die oom praat op pad terug na die kampterrein
nie. Toe ons stilhou, bedank hy my net dat ek saamgegaan het
en loop in die rigting van die kombuis waar ons kos voorberei
word. Ek loop tot by die groep kinders wat gretig lyk om te
hoor wat alles by die hospitaal gebeur het. Ek kon nie veel sê
nie, behalwe dat dit klink of Reinier se lewe buite gevaar is.
Die res van die week verloop stadig ... te stadig. Uiteindelik
is die twee weke-lange kamp verby. Ek is bly toe my pahulle
uit die wit Ford Ranger-bakkie klim en my glimlaggend
omhels. My ma kyk geskok na my oor die sitplek se leuning
toe ek hulle van Reinier vertel en sy begin dadelik om met my
pa te raas omdat hy my na so ’n gevaarlike plek toe gestuur
het. Ek begin dadelik vure doodslaan.
Dis al twee dae sedert my ouers my by die kamp kom haal
het en tog kan ek nie van Reinier vergeet nie. Ek het al ’n paar
keer gedink ek moet bel, maar ek het geen kontaknommer vir
hom nie.
Dis drie-uur die middag en ek is besig met my Engelse
huiswerk. Ek moet ’n opstel skryf. Dis ’n interessante
onderwerp: Die eerste keer toe ek die verhoog betree het. Ek
tree gereeld op, want mense vra my baie om viool te speel, al
speel ek nog net ’n jaar of twee viool. Hier op die platteland
waar ek bly, is daar nie baie vioolspelers nie.
Ek word uit my gedagtegang geruk deur die ge-tirr-tirr van
ons huistelefoon. Ek wag eers ’n rukkie om te hoor of iemand
nie antwoord nie. Ná die vyfde lui hardloop ek telefoon toe en
tel die gehoorbuis op.
Ek rammel gou die rympie “Goeiemiddag, dis Tiaan
Combrink se huis, kan ek help?” af, wat my ma my geleer het
toe ek vyf was. My pa is een van Molatek se agente en daar
bel baie van sy kliënte, maar hierdie keer is dit nie ’n kliënt
nie.
“Bly daar dalk ’n Emien Combrink daar?” vra die vrou
sonder om te groet, duidelik gespanne.
Ek aarsel ’n oomblik voor ek positief antwoord.
“Ag, dankie tog!” roep die vrou uit en dit klink asof sy baie
na aan trane is.
“Mevrou, is daar iets waarmee ek kan help?” vra ek ietwat
onseker.
“Ek is Anja van der Watt, Reinier van der Watt se ma,”
verduidelik die vrou nou kalmer.
“Reinier!” eggo ek agter haar aan. Hoekom sal sy my nou
bel, is Reinier dood? Nee, dan sou hulle my tog nie gebel
het nie, ek was maar net in die span waarvan hy leier was.
Ek was beslis nie sy gunsteling spanmaat nie. Dit was ’n
avontuurkamp en ek is ’n kunstenaar. Die twee moet eintlik
nooit bymekaarkom nie, maar in my het dit. Ek het nie
wonderlik gevaar nie, maar ek het dit gemaak.
Vir die tweede keer vandag ruk Anja van der Watt my uit
my gedagtegang. “Reinier is in ’n koma en hy praat soms van
’n Emien. Al die ander mense van wie hy praat, ken ek, net
nie die Emien nie. Soms klink dit of hy vir haar kwaad is en
ander kere asof hy haa vir iets bedank. Hoekom praat hy so,
Emien?” vra Anja nou baie meer rustig.
“Ek ken Reinier van die avontuurkamp af. Hy klink
kwaad omdat ek die span in die steek gelaat het toe ons die
hindernisbaan gedoen het. Hy wil vir my dankie sê omdat
ek saamgery het hospitaal toe.” Ek dink skielik daaraan dat
Reinier nooit verwytend teenoor my was nie.
“Emien, ek wil jou nou ’n groot ding vra. Is dit enigsins
moontlik dat jy hierheen kan kom?”
Sy vang my heeltemal onkant. “Ek weet nie ...” aarsel ek
voor sy my onderbreek.
“Asseblief, Emien. Die dokters is nie baie optimisties nie.
Jy is dalk ons laaste kans,” smeek sy.
“Ek sal met my ouers praat. Kan ek net asseblief ’n
kontaknommer kry?” belowe ek.
Sy rammel ’n nommer af en dan groet sy.
18 slingervel maart 2012

Na ’n rukkie loer my ma om my kamerdeur. “Hoe gaan dit
met die Engelse opstel?” vra sy glimlaggend.
“Ag, Ma, soos gewoonlik, ek vorder darem.”
“Wil jy koeldrank hê?”
Ek knik voor ek weer afkyk om my eindparagraaf klaar te
skryf.
Ek lees net vir die laaste keer die opstel deur toe my ma
by die deur inkom met ’n lang glas koeldrank.
“Ma, waar is Pa?” Ek het besluit ek wil die storie sodra
moontlik agter die rug kry.
“Hy is in die kombuis, besig om koffi e te drink en al die
beskuit op te eet,” sê my ma laggend, ons weet albei hoe lief
my pa vir boerebeskuit is.
“Mooi, want ek moet met julle praat.”
My ma kyk my nuuskierig aan, maar sy sê niks.
In die kombuis is my pa besig om sy tweede beskuit in sy
koffi e te doop. Hy kyk verbaas op. “Is jou huiswerk klaar?” vra
hy streng.
“Nie heeltemal nie, maar daar is iets belangriker waaroor
ek eers met Ma-hulle wil praat.” Ek bly eers ’n oomblik stil voor
ek verder praat. Toe ek vra of hulle van Reinier onthou, knik
albei instemmend.
“Hy is in ’n koma en praat blykbaar soms van my. Sy ma
het netnou gebel en sy wil hê ek moet hospitaal toe kom.” Ek
kyk na my pa, ek is nie seker wat hy gaan sê nie.
“Wel, as dit so ernstig is, kan ons seker ’n plan maak,”
antwoord my pa tot my verbasing, ek was seker dit sou baie
woorde gevat het om my pa te oortuig om te gaan.
Dan vra my ma Anja se nommer en verdwyn telefoon toe.
Die volgende dag is ons op pad Klerksdorp toe. Die pad
voel vir my vandag baie langer as ooit tevore. Uiteindelik draai
ons by die hospitaal se hoofi ngang in. My hart klop in my keel,
ek weet skielik nie meer of ek regtig vir Reinier wil sien nie.
Sê nou hy lyk soos in die fl ieks, vol pype en naalde? Ons loop
stilswyend deur die wit gange. Voor Reinier se saaldeur gaan
staan ons eers. Ek haal ’n keer diep asem en stoot dan die
deur oop.
Ek kyk reg in Anja se oë vas. Ek weet skielik waar Reinier
sy snaakse oë vandaan kry, maar verder is hy ’n jonger
weergawe van die man wat langs Anja staan. Ek neem aan dis
Reinier se pa. Dan kyk ek vir die eerste keer na die stil liggaam
tussen die wit lakens wat hom nog bleker laat voorkom as wat
hy regtig is. My ma stoot my vorentoe en ek loop tot langs die
bed en gaan sit op die hospitaalbankie langs die bed.
“Praat met hom, Elmien,” por Anja aan.
Ek lek ’n keer oor my droë lippe voor ek praat. “Hi, Reinier.
Dis ek, Emien.” Verder kom ek nie, wat op aarde moet ek nou
sê? Ek kyk hulpsoekend na my ma, maar dis my pa wat tot
my redding kom. Hy stel voor ek moet hom vertel hoe dit in die
skool gaan. Skoolwerk, wil die arme siel nou van skoolwerk
hoor in sy toestand, maar ek kan aan niks beter dink nie.
“Ag, met die skool gaan dit goed genoeg. Wiskunde is ’n
pyn, maar Wetenskap is nogal lekker. Ek is amper spyt ek
los dit volgende jaar ...” So praat ek seker ’n hele halfuur om.
Later kom sê my pa dis tyd om huis toe te gaan en my ma wil
nog by Pick ’n Pay aangaan, daar is glo ’n spesiale aanbod op
botter. Reinier se ouers stap saam tot in die ingangsportaal.
Dan draai Anja na my.
“Dankie, Emien, ons waardeer dat jy gekom het.”
Voor ek enigiets kan sê, praat my pa. “Dit was ’n plesier,
Anja,” sê hy terwyl hy sy hand bemoedigend ’n oomblik op
haar skouer laat rus.
So gaan dit omtrent twee weke aan. Ek sit nou al byna
die hele Saterdag hier by Reinier se bed. Sy ouers het net
gou gaan bad en skoon aantrek. My boek is besig om my te
verveel. Ek kyk op en laat my oë ’n oomblik op Reinier se stil
gesig rus. Ek wil net weer afkyk om verder te probeer lees, toe
ek ’n fl addering van ooglede opmerk, of het ek my verbeel?
Nee, ek het nie, daar is dit weer. Ek staan dadelik op en gryp
Reinier se hand in my twee hande vas.
“Reinier, kan jy my hoor? Reinier, maak oop jou oë, praat
as jy kan.” Maar dan los ek Reinier se hand asof dit my brand
en hardloop in die gang uit, op soek na ’n dokter. In die gang
loop ek teen ’n lang man vas. Al wat ek weet, is dat hy ’n
dokter is, want hy het ’n wit jas aan. Hy wil nog verduidelik dat
daar iewers vir hom ’n pasiënt wag, maar ek wil niks hoor nie.
Op die oomblik is Reinier besig om reg te kom en daar is niks
belangriker as dit nie.
Toe ons in die kamer kom, kyk ek reg in Reinier se geelbruin
oë vas. Nie dat Reinier se oë baie mooi was nie, maar
op hierdie stadium is daar vir my nie mooier oë op aarde nie,
want nou kan ons uiteindelik weer sy oë sien. Die dokter roep
dadelik verpleegsters en ek gaan staan buite om Reinier se
ouers te bel. Anja klink of sy enige oomblik in trane gaan
uitbars.
Na ’n week is Reinier weer heel gesond en die dokter het
belowe dat hy môre huis toe kan gaan. Die volgende dag
gaan ons vir oulaas vir Reinier in die hospitaal kuier. Ek stap
by die deur in net toe Reinier sy tas toeknip. Ons ouers gesels
in die parkeerarea.
“Hi, Emien,” groet Reinier vrolik.
“Hi, jy klink bly om huis toe te gaan,” groet ek laggend,
maar Reinier kyk my snaaks aan. Het hy nou die hartseer in
my stem gehoor of in my oë gelees? My ma sê altyd my oë
verklap al my geheime aan haar.
“Wat is fout?” vra Reinier en dit klink wraggies of hy wil
weet.
“Daar is niks fout nie.”
“Kom nou, Emien. Ek het jou in hierdie week darem leer
ken. En ek kon jou hoor praat, al was ek in ’n koma.”
“Ons gaan al weer trek. Twee keer in een jaar. En hierdie
keer heeltemal weg. Ons trek Kaap toe.” Ek voel die trane in
my keel brand.
“Gaan ek jou weer sien by die kamp voor die tyd?”
“Nee, ons trek aan die einde van die kwartaal.” Ek wil
sommer net daar op die vloer gaan sit.
“Wel, dan is dit seker die laaste keer wat ek jou sal sien.”
Daar is nie ’n greintjie emosie in Reinier se stem te bespeur
nie.
“Ag, moenie so pessimisties wees nie.” Ek glimlag, maar
dit help net mooi niks.
Ek staan nog daar met my gedagtes wat my hele kop vol
dwarrel toe Reinier my teen hom vasdruk en my vol op my
mond soen. Toe hy my los, sê ek niks, ek kyk vir die laaste
keer weer in sy geel-bruin oë vas en dan druk ek ’n papier met
my selfoonnommer in sy hand. As hy bel, dan bel hy. Ek draai
om en loop sonder om een keer terug te kyk vir die laaste keer
deur die lang, wit gange na die parkeerarea waar my ma-hulle
op my wag. Met ’n pak geel tjips en bruin koffi e.
Net soos Reinier se oë. Geel-bruin. SV
slingervel maart 2012 19

dr. nico van der merwe
33. Die bedrog ontdek en gestraf
Lees: Josua 9:16-27
Josua en die Israeliete het van die bedrog van die Gibeoniete
ver neem. Die volk is opstandig en wil die Gibeoniete aanval en
uit wis (vs. 18). Die leiers sê vir die volk dat hulle ’n verdrag met die
Gibeoniete gesluit het om hulle nie dood te maak nie. Die verdrag
moet nagekom word (vs. 19-20). Die Gibeoniete moet egter gestraf
word! Israel sal hulle nie doodmaak nie, maar die Gibeoniete sal van
daardie oomblik af Israel se slawe wees (vs. 23). As gelowige kind
van God moet jy weet dat jy nie bedrog onbepaald kan wegsteek
nie. Dit sál ontdek word. Bedrog is erger as jy God bedrieg. Vir jou
bedrog sal God jou tug. Die gelowige mens in Jesus Christus ontvang
van God genade in Christus, want by Hom is vergifnis omdat
Hy jou sondestraf gedra en jou sondeskuld betaal het.
35. Gevang in hulle eie strikke
Lees: Josua 10:15-27
Die vyf konings van die Amoriete (Adoni-Sedek, Hoham, Piram,
Jafi a en Debir) het na ’n grot by Makkeda gevlug en daarin
gaan wegkruip om weg te kom van die magte van Israel (vs. 16-17).
Hulle word deur die Israelitiese leër uitgesnuffel en doodgemaak.
Die skuilplek het hulle geen bedekking teen God gegee nie. Die
grot wat hulle lewe moes beskerm, word die plek waar hulle lewe
weg geneem word, want hulle was soos voëls in ’n wip in die grot
vasgekeer. Die gelowiges hoef nie bang te wees vir die vyande van
die siel nie. As jy getrou bly aan die Here sal jou sielsvyande hulle eie
graf grawe. Jy hoef dus nie in aardse skuilplekke te gaan wegkruip
om aan die sonde te ontkom nie. God is ’n toevlug in die nood, ’n rots
waaragter jy kan skuil.
37. Geen vrees vir die menigte nie
Lees: Josua 11:1-10
God se opdrag aan die volk was dat hulle Kanaän moet inneem
en hulle daar vestig. Hulle moet die heidene verdryf sodat hulle
as God se volk alleen daar kan bly. In dié proses het God hulle gehelp,
beskerm en met sukses laat optree. Is dit omdat Israel so ’n
won derlike volk was en die heidene nie? God sê dat dit uit genade
is en nie uit verdienste nie (vs. 6). Van Israel is ook getrouheid en
gehoorsaamheid gevra teenoor God. Niemand hoef bevrees te wees
vir die vyande van God en sy gelowige kinders nie, want God is daar
en Hy lei die lewensweg en lewenstryd van sy uitverkore kinders
(vs. 7). Dié wat hulle teen God verhard het en nie na sy bevel luister
nie, het nie God se beskerming geniet nie. Die sterkste magte kan jy
teenstaan en oorwin in die krag wat die Here jou gee.
39. Die vrystede
Lees: Josua 20:1-9
God het die vrystede ingestel ter wille van die waarde van ’n
mens se lewe. Dit is ook gebruik as ’n beskermmiddel vir die
mens se lewe. As ’n persoon per ongeluk ’n moord gepleeg het, kon
hy na die vrystede vlug en daar kwytskelding kry vir die daad. Verskillende
male is daar melding van die vrystede (Eks. 21:13; Num.
35:9-34; Deut. 19:1-13). Soms word aan Christus gedink as die Nuwe-Testamentiese
vervulling van die Ou-Testamentiese vrystede.
Die verlossing in Christus is egter oneindig ryker en voller as die
vei lig heid wat die vrystad kon bied. Nie net onskuldiges nie, maar
doem waardiges vind in Hom redding. Hulle word nie net van die
skuld van die sonde verlos nie, maar van die sonde self. Christus
gee ’n stroom van hoër en heiliger seëninge.
34. Getrou aan sy belofte
Lees: Josua 10:1-14
Die vyf konings van die Amoriete trek teen die Gibeoniete op. Hulle
is kwaad vir die Gibeoniete omdat hulle die verdrag met Israel
gesluit het. Die Gibeoniete het Josua toe daaraan herinner dat Israel
’n verdrag met hulle het om hulle te help in tye van gevaar. Josua
hou die volk aan die ooreenkoms met die Gibeoniete en verdryf die
vyand. Hulle seëvier omdat die Here met Josua was en hy getrou
gebly het aan die beloftes wat aan die Gibeoniete gemaak is.
So tree God ook met ons op as ons getrou bly aan Hom. Die gelo
wiges wat aan Jesus Christus vashou, sal nie nederlae teen Satan
en sy magte ly nie. So handel die Here ook met ons as ons getrou
bly aan ons beloftes aan God. Ons sal nie nederlae ly teen die Bose
nie, al kom hy met bose liste om ons te verlei.
36. Die Here is aan die kant van die getroues
Lees: Josua 10:28-43
Josua lei die Israeliete teen die heidense nasies in Kanaän soos
hulle in opdrag van die Here die land moet verower van Kades-
Barnea tot by Gasa en die hele land Goosen tot by Gibeon. Waarom
was die Israeliete so suksesvol en voorspoedig? Omdat die Here aan
hulle kant was. As die Here vír jou is, wie kan teen jou wees? (Rom.
8:31-39). Dit is God se belofte vir hulle wat Hom getrou dien en elke
dag volg. Hy sal dié wat aan Hom behoort nie verlaat of begewe nie.
In die moderne tyd is Satan en al sy afbrekende magte die vyande
van die Here. Satan probeer elke lewenskring en elke lewensterrein
inpalm. Daarteen moet die kinders van God optrek en oorlog maak.
In hierdie oorlog is God met elke kind wat getrou en gehoorsaam bly
by die opdragte van die Here.
38. Die oorwinning verseker as God gehoorsaam
word
Lees: Josua 11:11-23
Josua trek aan die spits van die volk as hulle optrek teen die
heidense nasies om hulle te verdryf en uit te roei sodat Israel
as God se uitverkore volk alleen in Kanaän kan bly. Onder leiding
van Josua was die volk gehoorsaam aan die bevele van die Here.
As ons verseker wil wees van ons stryd teen die Bose, moet ons
ge durig waak en bid, want dan sal die Here jou laat seëvier. Jy
moet daagliks die Here raadpleeg en dan sy bevel getrou en sekuur
uitvoer. Maar dan moet jy lewe soos God dit in sy Woord opgeskryf
het en jou beveel het. Dit wil nie sê dat God jou sal red, maak nie
saak wat jy doen nie. God is ’n God van orde en hy verwag dat die
gelowige sal lewe en optree soos wat die Here dit beplan het. Dan
word God se beskerming vir jou ’n werklikheid.
40. Die erfdeel van die Leviete
Lees: Josua 21:1-42
Die Levistam is afgesonder om priesters te wees (Num. 3; Eks.
32:25-29). Daarom kry hulle nie ’n stuk grond in Kanaän nie:
God was hulle erfdeel. Hulle kry 48 stede as woonplekke. Hier
moes hulle getuies van God wees en die oë van Israel omhoog,
he melwaarts rig. Die bestemming van die mens was nie net om in
die grond te krap nie, maar sy hoogste eer was om in gemeenskap
met God te lewe. Vandag moet die kinders van God steeds lewe
soos mense wie se erfdeel die Here is. Ongeloof kan nooit begryp
dat daar ’n lewe in God is nie, ’n ware lewe só vol genot dat van die
ander geluk afgesien word (Matt. 6:33; Luk. 12:31). Ons fout is dat
ons ons eie belange met dié van God se Koninkryk vermeng, terwyl
ons voorgee dat ons ten volle aan sy diens oorgegee is.
20 slingervel maart 2012

41. God se getrouheid
Lees: Josua 21:43-45
Nadat Kanaän verdeel is en elke stam sy grondgebied ontvang en
hulle daar gaan vestig het, het daar ’n tydjie van rus aangebreek.
Hulle kan ver terugdink tot by Abraham in wie se geskiedenis God se
besondere weg met Israel ’n begin gehad het. Daar kan gedink word
aan die pad waarlangs die Here sy volk gelei het. Daar kan tot die
gevolgtrekking gekom word dat daar nie ’n enkele belofte van God is
wat nie waar geword het nie (vs. 45). God het Hom teenoor sy volk
bewys as die groot Getroue (Deut. 7:9). Sy kant van die verbond het
die Here nagekom. Waar Israel misluk het, kan die fout in Israel se
eie ontrou en ongeloof gewyt word en nie aan God nie.
Die onwrikbare trouheid van God is die basis van die geloof. Wat
Hy van die mens verwag, is kinderlike vertroue.
43. ’n Misverstand
Lees: Josua 22:10-20
Die Ruben-, Gad- en halwe Manassestam het vir hulle ’n altaar
op gerig sonder om met die leiers te besin. Die res van Israel
het geoordeel dat die altaar in opposisie gestaan het teenoor die
sen trale heiligdom in Silo. Hulle wil met die swaard teen hulle broers
optrek. Gedagtig aan God se seëninge oor hulle, ontbrand daar
in hulle harte ’n ywer vir die diens van die Here. Dit was egter ’n
misverstand. Hulle was oorhaastig om kwaad van hulle broers te
dink. Gelukkig gaan hulle nie oorlog maak nie, maar hulle stuur ’n
afvaardiging om eers te onderhandel en agter die ware feite te kom.
Twee gesonde stelreëls vir Israel sou gewees het: Onthou julle aan
elke vorm van kwaad (1 Tess. 5:22) en: die liefde bedek alles (1 Kor.
13:7). Vergelyk ook Spreuke 10:12, 17:9 en Jakobus 5:20.
45. Die Here is met Juda
Lees: Rigters 1:9-19 Teks: Rigters 1:18
Juda het die opdrag wat God hom gegee het, uitgevoer en die een
volk na die ander in Kanaän verslaan. God was met Juda gewees
(vs. 18). Uit Juda het later die koningskap gekom, in die persoon van
Dawid en sy opvolgers. Nadat die ryk van Israel in twee dele geskeur
het (1 Kon. 12) was Juda die draer van die Godsboodskap. Juda het
ná die ballingskap na Palestina teruggekeer en uit hulle is Christus
gebore. Die stam van Juda het in die begin, toe dit ’n jong volk was,
met durf en gehoorsaamheid opgetree en hom, deur die genade van
God, bevestig tot ’n nasie vir die res van die geskiedenis van die
mens heid. Die hulp en bewaring van die Here het nie en sal ook nie
van Juda wyk nie. Wie in sy jeug aan God gehoorsaam is, sal in sy
latere lewe deur God gedra word.
47. Die vyande in eie midde
Lees: Rigters 2:1-9
Heel aan die begin van die inname van Kanaän was die volk al
traag en onwillig om die bevele van God te gehoorsaam. Israel
is as volk uitgekies om die pad van die Messias na Jerusalem en
Golgota gelyk te maak. Deur hulle ongehoorsaamheid het hulle
strui kel blokke vir hulleself geword. God laat hulle dade op hulleself
neerkom. As hulle die nasies volgens God se opdrag verslaan het,
dan het hulle die land as eie besitting gehad, maar toe het hulle
aartsvyande vir die res van hulle geskiedenis in hulle midde gebly.
Dit leer ons duidelik dat wie homself volgens die wil van God red,
deur God gered word; wie hom in Christus van sy sonde bevry, deur
Hom bevry word; en wie met sy talente werk, kry dubbele loon. Maar
wie niks wil doen nie, verloor eintlik alles.
42. Trou word beloon
Lees: Josua 22:1-9
Die Ruben-, Gad- en die halwe Manassestam het hulle erfdeel
aan die oostekant van die Jordaanrivier in besit neem. Hulle
het hulle volksgenote nie in die steek gelaat nie, maar hulle volle
ge wig in die stryd vir die inname van Kanaän ingooi. Josua gee aan
hulle twee brokstukkies raad: [1] Gaan deel die buit met julle broers
wat agtergebly het (vs. 8); en [2] verloor God nooit uit die oog nie (vs.
5). Daar, ver van die sentrale heiligdom, sou die versoeking om aan
God ontrou te word, sterk wees. Maar hulle moet onthou dat hulle
welvaart, hulle geluk, ja, hulle hele lewe van hulle getrouheid aan
die Here sou afhang.
In hoeverre is ons aan God getrou, ook waar ons soms is waar
niemand anders ons sien nie?
44. Jerusalem word verower
Lees: Rigters 1:1-8 Teks: Rigters 1:8
Ná Josua sit Juda die inname van die land voort (vs. 2). Heel
eerste neem hulle Jerusalem in (vs. 8), die tempelstad wat God
ver kies het (1 Kon. 11:13). Die tempel in Jerusalem wys na Christus
se koms. Hy is in Jerusalem gevang, veroordeel en gekruisig. Daarom
moes Jerusalem verower word, dat die Messias in die mid del
van die wêreld kon staan. Daar is die sentrale punt van die heilsgeskiedenis.
Elke oorwinning was ’n oorwinning vir ons en bind elke
gelowige aan die geskiedenis van die Rigters.
Dit is ook die belangrikheid van die boek Rigters as geskiedkundige
periode van die volk van God. Uit hierdie volksgeskiedenis leer ons
dat God sy kinders op ’n plek bring waar hulle self hulle heil en voorspoed
met sy hulp moet uitwerk (Fil. 2:12-13).
46. Die Here is met Juda
Lees: Rigters 1:30-36
Die heidene in Kanaän moes dwangarbeid vir die Israeliete
verrig. Húlle het die werk vir Israel gedoen. Die werksvermoë
van die heidene het al hoe beter geword en die werksvermoë van
die Israeliete al hoe swakker. Arbeidsvermoë is ’n belangrike bestaans
vermoë van ’n volk. Die verdrukte volk het daarin al hoe
ster ker geword en die heersende volk al hoe swakker. So het die
diens pligtige Kanaäniete ’n bedreiging vir Israel ingehou, soos ook
later in die geskiedenis gesien word. Hieruit leer ons ’n dure les.
Deur enige ding aan jouself diensbaar te maak of dit te gebruik,
stel ’n persoon jouself in moontlike gevaar. Paulus stel dit in hierdie
woorde. Daarom: wie meen dat hy staan, moet oppas dat hy nie val
nie (1 Kor. 10:12; 1:1-12).
48. Die Here voorsien
Lees: Rigters 2:10-16
God het Israel uitgekies om Kanaän in te neem en voor te berei
vir die koms van die Messias. Maar Israel verval deur die
heidene in afgodsaanbidding. Dit kan nie sonder gevolge bly nie.
God ontneem hulle die voorregte as Godsvolk.
Voorreg en verantwoordelikheid word nie van mekaar geskei
nie. Om sy heilsplan te verwerklik, het God sy volk deur beproewing
verplig om sy wil te doen. In plaas daarvan dat die volk van God deur
kinderlike diensplig die ryke loon van al God se beloftes geërf het,
was hulle gedwonge plig opgelê.
Hulle moes die heiligdom van Jerusalem oppas en in stand hou,
tot die koms van Christus en daarná is hulle verdryf en oor die hele
aarde verstrooi.
slingervel maart 2012 21

tannie susan
Wat kan ek lees?
Dirks, Cor. 2011. Die Uile en die rampokkers.
4e uitg. Pretoria: Protea Boekhuis. 204 p.
Prys: R100,00. ISBN: 978-1-86919-442-0. (Die
Uile-reeks, 2.)
Die vyf Uile, Philip, Hennie, Berrie, Vaatjie en Jorsie,
is nou in graad 10 in Hoërskool Kranskop en hulle
sien baie daarna uit om die langnaweek in Mei saam
op Philip-hulle se plaas, Boskuil, deur te bring.
Hulle geliefde onderwyser, Meneer Scholtz, raak
een nag op geheimsinnige wyse weg. Al was daar ’n
lo giese verklaring vir sy afwesigheid, het die Uile swaar
daaraan gesluk en op hulle eie speurwerk begin doen.
So het hulle paaie met byna rampspoedige gevolge dié
van ’n bende gewetenlose rampokkers gekruis. Deur
vernuf en spangees het hulle die genadelose bende
probeer uitoorlê. Of en hoe hulle dit kon regkry, is ’n
ter gen de vraag wat lesers maar self moet uitvind.
Hierdie spannende jeugverhaal boei tot die einde.
Die taalgebruik is gemaklik en dis heerlik om nog ’n
avontuur met reeds-bekende karakters te kan meemaak.
Tienerlesers sal maklik met die karakters kan
identifi seer en gretig na die volgende boek in die reeks
uitsien.
Holmes, Andy. 2011. My prinsesbybel.
Illustrasies deur Sergey Eliseer. Vereeniging:
Christelike Uitgewersmaatskappy. 60 p. Prys:
R119,95. ISBN: 978-1-77000-997-4.
My prinsesbybel is spesiaal vir jong dogtertjies
geskryf. Dogtertjies wil graag prinsessies wees
en kan leer dat God die Koning is en hulle elkeen uniek
is en as God se kinders dus ’n ware prinses is.
In hierdie boekie word die verhale van 20 vroue
in die Bybel kursories vertel – vroue soos Sara, Rut,
Gulda, Maria, die vrou wat Jesus se voete gewas het
en Lidia om slegs enkeles te noem, kom aan die bod. In
elke verhaal word ’n karaktereienskap van die betrokke
vrou beklemtoon. Hierdeur word navolgenswaardige
deugde aan die lesertjies voorgehou wat elkeen as God
se prinsessie kan naleef. Kinders leer onder andere dat
’n prinses (en per implikasie dus ’n kind van die Here)
altyd die waarheid praat, beloftes hou, hulpvaardig is,
goed is vir ander mense, aan God gehoorsaam is en
Hom loof, vir ander mense bid, graag met God praat en
Hom net die beste van jouself gee en dat jy vir ander
mense moet wys hoe bly jy is om vir Jesus te ken.
Bo-aan elke verhaal word die betrokke Skrifverwysing
verskaf, sodat die betrokke Bybeldeel maklik opgesoek
kan word. Die stewige kartonboekie is mooi kleurvol en
met blinkers versier en sal ’n klein prinsessie se hart
steel en vinniger laat klop.
Damm, Antje. 2011. Karnallies. Vertaal deur
Daniel Hugo. Pretoria: Protea Boekhuis. Prys:
R100,00. ISBN: 978-1-86919-483-3.
Karnallies vertel die verhaal van jong kinders dwars
oor die wêreld. Karnallies is stout, doen kattekwaad,
eet morsig, raas baie, terg die hond, speel en
baklei met mekaar, dink aan niemand anders as hulleself
nie – maar as daar moeiliheid is, staan boeties
en sussies bymekaar. Kinders is regte karnallies!
Hierdie kartonboekie met sy humoristiese prente sal
kleuters en peuters stomslaan met verbasing en laat
skaterlag oor al die manewales van die twee stouterts.
Ouers mag dalk ook ontdek dan hulle eie karnallies
dus eintlik heeltemal normaal is!
Rodriguez, Béatrice. 2011. Die hoenderdief.
Pretoria: Protea Boekhuis. Prys: R90,00.
ISBN: 978-1-86919-407-9.
Die hoenderdief is ’n storie sonder woorde en is gerig
op jong kinders. Ouer kinders en volwassenes
sal hierdie prettige storietjie ook geniet. Beer, Haas,
Hoenderhaan en die henne met kuikens is een rustige
somersoggend besig met ontbyt toe Jakkals een van
die henne “steel” en weghardloop. Beer, Haas en Hoenderhaan
is baie ontsteld en sit die ontvoerder agterna.
Die detail en humor in die kleurtekening is kostelik.
Die hele reddingspoging word met baie detail uitge
beeld – hoe die vriende moeg word en mekaar
on der steun, hoe albei groepe die nag deurbring en
die volgende dag die agtervolging (en vlug) voortsit,
tot dat die eindbestemming bereik word – en wat ’n
verrassende einde het hierdie opwindende storie nie!
Hierdie boek leen hom uitstekend daarvoor om kinders
se taalvaardigheid en verbale vermoëns te help
ontwikkel asook om hulle verbeelding te stimuleer. Die
boek is werklik ’n klein juweeltjie!
Diedericks-Hugo, Carina. 2011. thomas@
rock-star.net. Pretoria: LAPA Uitgewers. 132
p. Prys: R80,00. ISBN: 978 0 7993 5080 7.
Thomas is baie ontsteld en voel gebelgd omdat sy
vrien de ’n rock-band begin het sonder om hom te
sê of te nooi om deel te neem. Hulle besluit om deel
te neem aan die rock-kompetisie wat by hulle skool
22 slingervel maart 2012

Wenners! W
In die Januarie-Slingervel was daar ’n kompetisie waarin twee
Vellies ’n boek en CD kon wen – Carike, Ghoempie en Ghoeghoe
kuier in Kinderland. Die volgende twee lesertjies het (hopelik
teen dié tyd) al hulle pryse ontvang:
Magda du Plooy van Vanderbijlpark (11 jaar)
Elzaan Hanson van Elsiesrivier, Kaapstad (8 jaar)
Baie geluk!
gehou gaan word. In sy slegte bui skop Thomas ’n leë
koeldrankblikkie – ongelukkig vas teen die skoolhoof,
mnr. Volschenk. Ou Oros-man het lankal sy mes in vir
Thomas en as straf moet hy die hele saalkompleks se
mure alleen verf.
Thomas voel werklik asof die lewe hom nou ’n paar
lelike houe toedien. Dit pla hom ook dat sy meisie,
Alex, en beste pêl, Hannes, deesdae baie danig met
mekaar is. Fleur Vermeulen, ’n TV-ster en ou bekende,
maak weer haar verskyning en ’n reeks gebeure gee
tot ’n misverstand aanleiding waarin Alex sowaar met
hom uitmaak. Hy is platgeslaan. Om alles te kroon, tart
een van die kapokhaantjies in sy standerd, Billy Fourie
met sy handlanger Piet Senekal, hom erg en maak die
lewe vir hom moeilik. Boonop neem hulle ook deel aan
die rock-kompetisie en sal selfs vuil speel om te wen.
Maar dan raak Billy die kluts heeltemal kwyt in sy haat
vir Thomas en mense wat vir Thomas belangrik is, se
lewe is in gevaar.
Thomas@rock-star.net is ’n spannende tienerverhaal
geskryf in die moderne tieneridioom. Allerlei opwin
dende moderne elektroniese middels word ingespan
om die boek nog meer opwindend te maak soos
QR-kodes wat lei na ’n foto, klankgreep en video, ’n
spesiale MXit-kanaal, ’n rekenaarspeletjie, Fangs, en
toegang tot die Radikale Rockfees se webblad waar
die leser sy eie musiek kan meng.
In die persperklaring word gesê dat die boek
“aan die leser ’n geïntegreerde leeservaring [bied]
met opwindende ekstras ... Die gedrukte boek lei die
leser na elektroniese platforms wat die storie en teks
ondersteun en die leeservaring verryk ... Die leser
het internettoegang deur middel van ’n rekenaar en
slimfoon nodig om die digitale ondervinding te beleef.”
Tieners kan volkome met die meeste van die karakters
identifi seer en sal die uitdaging om die elektroniese
ekstras te probeer met albei hande aangryp.
Voorwaar ’n “radikale boek wat rock”! SV
slingervel maart 2012 23

tellie skoop
Nuwe ruimtetuig op weg
na Mars
Ons het in die SLINGERVEL al ’n paar
maal oor die planeer Mars gesels. Die
planeet Mars is een van die agt planete
wat deel vorm van ons sonnestelsel. Dié planete
is: Mercurius, die planeet naaste aan die son. Dan
volg Venus, die Aarde, Mars, Jupiter, Saturnus,
Uranus en Neptunus. Mars is dus die vierde
planeet van die son af in ons sonnestelsel en het
twee mane: Phobos en Deimos.
Mars is al ’n paar keer deur ruimtetuie van die
aarde af besoek:
In 1965 het Mariner 4 verby Mars beweeg en is
’n groot hoeveelheid inligting versamel.
In 1971 is Mariner 9 in ’n wentelbaan om Mars
geplaas.
In 1975 bereik Viking 1 Mars vir ondersoeke.
In 1976 het Viking 2 op Mars geland.
In 1977 het Voyager 1 foto’s van Mars geneem
in ’n verbyvlug.
In 2004 land twee ruimtetuie, Spirit en Opportunity,
kort na mekaar op Mars.
Onlangs is bekendgemaak dat die Amerikaanse
ruimteprogram op 4 Januarie 2012 ’n nuwe ruimtetuig,
Curiosity, na Mars gelanseer het. Daar word
beplan dat die ruimtetuig op 5 Augustus 2012 op
Mars sal land, na ’n reis van agt-en-’n-half maande,
en ondersoeke sal doen en weer na die aarde
sal terugkeer.
Curiosity is omtrent so groot soos ’n motorkar
en kan op Mars land en dan rondbeweeg om opna
mes te doen. Dit is die grootste en bes toegeruste
ruimtetuig wat nog na ’n ander planeet gestuur
is. Daar is tien wetenskaplike instrumente
op Curiosity om die nodige toetse en opnames te
doen. Daar is ook ’n “weerstasie” op die ruimtetuig
wat die temperatuur op Mars sal meet en ook gegewens
sal terugstuur aarde toe oor die wind en
die voggehalte van die atmosfeer.
Curiosity sal ’n minimum van twee jaar op Mars
rondbeweeg en toetse en opnames doen. Dit sal
ten minste ’n area van 20 kilometer om die Gale-
Krater dek.
(Bronne: Astronomy, April 2011, Atlas of the Universe, 1994,
NASA)
24 slingervel maart 2012