Die - CUM Books

Arm harte
Gelukkig is dié mense wat weet hoe nodig hulle God het,
want die koninkryk van die hemele is húlle deel (Matt. 5:3).
Min mense het wat dit verg. Twintig jaar gelede het ek
ge dink ek het. My lewe was byna perfek. ’n Gelukkige
hu welik met ’n suksesvolle dokter met vier wonderlike, gehoor
same kinders. Ek was betrokke by ’n bediening in ’n kerk
waar oor ek mal was en ek het baie goeie vriende gehad. Ek het
gedink God het ons geseën omdat ons alles reg gedoen het.
Maar toe begin “goed verkeerd gaan” soos God geleidelik my
wêreld begin afbreek het.
Eerstens het my man sy werk verloor. Hierna het ’n kerkskeuring
veroorsaak dat ons ons kerk moes verlaat en so het
ons baie goeie vriende verloor. Nie lank hierna nie, het my
man ’n middeljarekrisis begin deurgaan – die sportmotor wat
hy ge koop het, was net die eerste van baie tekens. Ek het heeltyd
gedink die krisisse sal verbygaan; dat alles net ’n toets van
my geloof is. Ek het gedink ek is sterk genoeg om die storm te
weerstaan.
Ek het probeer om soveel beheer moontlik te behou, maar
dinge was besig om hand uit te ruk. Ek het gewonder wat van
God se seën geword het en gehoop as ek genoeg geloof het dat
dit sal terugkeer.
En tog, na vyf jaar se stryd en vernedering, het my lewe
soos ek vir twintig jaar daaraan gewoond was, in duie gestort.
My omstandighede het my sonder hoop gelaat. My man het
my vir ’n ander vrou verlaat en besluit dat dit tyd geword het
dat ek ’n werk kry sodat ek kan help om die kinders te onderhou.
Ek het ’n laagbesoldigde werk gekry, maar was bang
dat dit net ’n kwessie van tyd was voor ek my huis, en miskien
ook my kinders, verloor. Ek was fi siek, emosioneel en geestelik
bankrot. Tog was dit net die begin van ware lewe, ware seën
en geloof.
Ek moes ophou trots wees en leer hoe om totaal afhanklik
van God te wees. Die moontlikheid om “’n toestand van uiterste
1 les
Barbara ...
... seën deur
geestelike armoede
Woordstudie
SALIG-
SPRE KINGE
Alhoewel die woord
“saligsprekinge” nêrens
in Matteus 5:3-10
gebruik word nie, is dit
die term wat gebruik om
die agt beloftes van seën
wat Jesus tydens die
Bergrede aan die skare
beloof het, te beskryf.
Die Handwoordeboek
van die Afrikaanse Taal
(HAT) defi nieer “salig”
om “in die hoogste mate
gelukkig; aangenaam,
heerlik” te wees. As
iemand salig gemaak is,
beleef hulle die hoogste
graad van geluk. Die
doel van hierdie studie is
dat elkeen van ons salig
gemaak word deur die
Heilige Gees toe te laat
om ons harte te vernuwe.
Les 1 – Arm harte 17

Arm harte
DAG EEN
Gelukkig is dié mense
wat weet hoe nodig
hulle God het, want
die koninkryk van
die hemele is húlle
deel. Gelukkig is die
treurendes, want God
sal self hulle trane
afvee. Gelukkig is dié
wat sag van hart is,
want die nuwe aarde
sal hulle erfporsie
wees. Gelukkig is dié
wat honger en dors
na wat voor God
reg is, want Hy sal
hulle hartsverlange
bevredig. Gelukkig
is dié wat met
ontferming uitreik
na mense in nood,
want God sal Hom
oor húlle ontferm.
Gelukkig is dié wie
se harte volkome op
God gerig is, want
18 Wees ’n nuutgemaakte vrou
seën” te ervaar, het nou bestaan omdat my omstandighede en
vermoëns nie meer die rede vir sekuriteit en vreugde was nie.
God het begin om aan my die betekenis van die saligsprekinge
uit te wys. Die eerste ding wat ek moes leer, was watter seën
daar in geestelike armoede lê.
God het my geestelike armoede aan my uitgewys sodat ek
nader aan Hom moes beweeg om ’n getransformeerde hart te
kan hê. Maar solank ek selftevrede gevoel het en geglo het my
lewe is geseën as gevolg van my eie goedheid, was ek gedoem
tot mislukking. Dit was eers toe ek my eie hopeloosheid en
hulpeloosheid besef het en met leë hande na Hom gedraai het
dat Hy die werk in my kon begin wat my hart en lewe vir altyd
verander het.
I n
Abraham – die
noodsaaklikheid van ’n
verbondsvennoot
die Ou Testament was God se eerste openbaring aan die
vader van die nasie van Israel ’n belofte van seën. Daarom
is dit nie ’n verrassing dat Jesus se eerste preek aan sy dissipels
in die Nuwe Testament agt beloftes van seën bevat nie. Dit is ’n
teken van God se voortdurende begeerte om sy mense te seën.
Sy verbondsliefde word geopenbaar deur die hele Skrif en
sy seën spruit uit daardie liefde. Vandag gaan ons kyk na die
manier waarop God met die vader van geloof omgegaan het
en hoe Hy in hom ’n hart van vertroue gevorm het deur sy
belofte van seën.
Lees Genesis 12:1-4. Hoe oud was Abram toe God sy eerste verbondsbelofte
aan hom gemaak het? Watter soort seëninge was
hierby ingesluit? Wat weet jy van verbonde?
In antieke Oosterse kulture het individue en gemeenskappe
ver bonde gebruik om hulself aan mekaar te verbind. Hier die
verbonde het altyd die versekering verskaf dat die ver bonds-

vennoot sal help in tye van nood. Vandag kan mense wat hul
geestelike armoede erken, kies om in soortgelyke verhoudings
te wees.
Vir hulpelose en behoeftige mense is dit wys om sekuriteit
te vind deur bindende ooreenkomste en dan staat te maak op
die hulp wat aangebied word. Hulle is baie meer geseën as dié
wat hardnekkig daarop aandring om hul probleme alleen aan
te pak. As ons dinge kortkom, moet ons aanklop by mense wat
ons kan help.
Die algemeenste voorbeeld van ’n moderne verbond is ’n
huwelik. Twee individue beloof om vir die res van hul lewe vir
mekaar daar te wees. Nog ’n voorbeeld van ’n hedendaagse
soort verbond is die gebruik onder inheemse Amerikaanse
stamme om ’n bloed-broederskap te sluit tydens ’n seremonie
waar bloed uitgeruil word.
Tog het die argetipe vir ’n verbondsverhouding bestaan
nog lank voor die mensdom eers aan die konsep gedink het.
Dit was gebaseer op die verhouding tussen die Drie-eenheid.
Die liefde, toewyding en die perfekte, harmonieuse interaksie
tussen die drie Persone van die Godheid openbaar die uiteindelike
patroon vir ’n verbondslewe hier op aarde.
Lees Genesis 12:10-20. Wat vertel hierdie storie ons oor die
graad van Abram se vertroue? Waarom dink jy was dit vir hom
so moeilik om God se belofte van seën te glo?
Die verhaal van Abraham openbaar die wonderbaarlike feit
dat God bereid is om ’n verbondsvennoot van die mens te
wees. Dit illustreer ook hoe ons begeerte om God se beloftes
te glo soms wankel. Abram het geglo dat hy homself moet
be skerm en nie op God se beloofde seën kan staatmaak nie.
(’n Soort gelyke insident is in Gen. 20 opgeteken.) Miskien het
hy in die ou gesegde geglo dat “God dié help wat hulself
help”. In teen stelling met die algemene mening is hierdie nie
’n Bybel se beginsel nie. En in die saligsprekinge leer Jesus
ons dat God dié help (en seën) wat weet dat hulle bankrot is
en ’n drin gende behoefte het om in ’n verbondsverhouding
met Christus te wees.
hulle sal vir God
sien. Gelukkig is die
vredemakers, want
God sal vir hulle sê:
“Julle is mý kinders.”
Gelukkig is dié wat
vervolg word ter wille
van wat voor God reg
is, want die koninkryk
van die hemele is
húlle deel.
MATTEUS 5:3-10
Woordstudie
ARM VAN
GEES
Die Griekse woord
wat in Matteus 5:3
(1953-vertaling) as
“arm van gees”
vertaal is, is ptochos,
wat haweloos,
armoedig en bankrot
beteken. Die Griekse
woord pneuma, wat in
sommige Afrikaanse
vertalings met die
woord “gees” vertaal
is, beteken die
element in ons wat
“voel”, waarmee ons
waarneem, oordink,
voel en begeer. 1 So,
om “arm van gees”
(soos dit in sekere
vertalings aangedui
word) te wees, is om
ons groot behoefte
aan vernuwing in
ons persepsies,
ons waarnemings,
ons gevoelens en
begeertes te besef.
Les 1 – Arm harte 19

Woordstudie
VERBOND
☐ Tussen nasies:
’n verdrag of
bondgenootskap
van vriendskap.
☐ Tussen individue:
’n eed en
ooreenkoms met
verpligtings.
☐ Tussen God
en die mens:
’n verhouding
verseël met rituele;
gepaardgaande
met tekens, offers,
en ’n plegtige
eed; verseël met
beloftes van seën
as die verbond
nagekom en
vervloeking as dit
verbreek word. 2
20 Wees ’n nuutgemaakte vrou
Lees Genesis 15. Waarom dink jy het God Abram gevra om die
bloed van diere te offer? Wat beteken dit dat God Abram se
geloof as geregtigheid beskou? Wat dink jy is die betekenis van
die feit dat Abram deur die verbondseremonie geslaap het?
Hierdie gedeelte is gevul met verbondskonsepte en -taal. Dié
wat ’n kennis daarvan het, sal baie parallelle opmerk met die
gebruike van daardie tyd in God se antwoord aan Abram in
vers 9. Toe Abram vir God vra: “Oppermagtige Here, hoe kan
ek verseker weet dat dit aan my sal behoort?” (v. 8), gee God
Abram die versekering dat hy in sy beloftes kan glo deur vleis
te sny en bloed te vergiet. God het ’n verbond gemaak volgens
die gewoontes van daardie tyd. Abram het hierdie ritueel
herken as ’n verbintenis wat in bloed verseël is dat God daar
sal wees vir Abram en dat Hy getrou aan sy beloftes sal bly.
Jare gelede het ek gehoor hoe Malcolm Smith vertel hoe beide
partye volgens die gebruik van daardie tyd tussen die geofferde
diere deur sou loop om so hul belofte van toewyding aan
mekaar te verseël. Die simboliek hiervan was dat indien ’n part y
die verbond sou verbreek, hy in die helfte gesny sou word soos
hierdie diere. 3 Die enigste ding wat Abram na die ver bond gebring
het, was sy geloof. Hy het in God se beloftes geglo.
Met ons is dit dieselfde. Ons word gered deur ons geloof.
Ons ontvang God se beloftes deur ons geloof. Ons is in ’n
verbond met God in die wete dat die bloed wat Jesus vir ons
gestort het voldoende is.
Lees Genesis 17:1-5. Lees ook hoofstuk 16 ter wille van konteks.
In hoofstuk 17 is daar ’n derde geleentheid waar God vir
Abram sê dat Hy ’n verbond met hom wil sluit. Waarom dink
jy moes God weer hierdie beloftes maak? Watter gebeure is in
hoof stuk 16 aangeteken? Waarom dink jy het Hy sy naam verander?
Die hele insident met Hagar illustreer hoe Abram God nog
steeds probeer help het om sy beloftes na te kom. Eintlik moes

God aanhou terugkeer om te sê: “Wag, laat Ek dit doen!” Maar
God het nooit moed opgegee met Abram nie. God gee nie
moed op met ons net omdat ons geloof swak is nie. Mettertyd,
en met groot geduld, laat Hy ons geloof groei.
Miskien wou Hy hul behoefte aan afhanklikheid beklemtoon
deur hul name (Abram en Sarai) te verander en ’n deel van
sy Naam (JehovAH) in hul name (AbrAHam en SarA[H]) te
sit. Naamsverandering was dikwels deel van ’n verbondseremonie
net soos bruide vandag hul vanne na dié van hul mans
verander as ’n teken van hul verbintenis, toewyding en afhank
likheid. God het belowe om op hierdie manier “in” hulle
te wees sodat hulle in staat sal wees om sy wil en plan vir hul
lewe uit te voer. 4
Lees Genesis 22:1-18. Hoeveel jaar het dit vir Abraham geneem
om God volkome te vertrou? (Kyk na Gen. 12:4; 16:16; 17:1;
21:34; 23:1 om ’n tydlyn op te stel.)
Wat in hoofstuk 22 plaasvind, is waarskynlik omtrent veertig
jaar nadat die aanvanklike verbondsbeloftes gemaak is. Abraham
moes soms tussen tien tot vyftien jaar se stilte tussen
open barings van God verduur. G’n wonder nie hy het soveel
twy fel gehad en was in soveel versoeking om te probeer help
dat hierdie beloftes wel vervul sou word. Maar hier sien ons
dat Abraham uiteindelik begryp het dat hy volkome op God
se seën kan vertrou selfs al het God hom gevra om die seun
van die belofte op te offer.
Lees Matteus 26:26-28; Romeine 8:32 en Hebreërs 2:14-16; 4:14-
16. Watter tipe hulp is vir verbondsvennote beskikbaar? Wat ter
prys is betaal om dit te koop?
Toe Christus die vloek vir ons aan die kruis gedra het, het Hy
die verbond nagekom wat God met Abraham ge maak het en
’n nuwe verbond gesluit met almal wat sal glo soos Abraham
geglo het. Elke Christen is deur Christus in ’n ve r bonds-
Ekstra myl
BLOED-
VERBOND
Lees Eksodus 3:2;
13:21; 19:18; 24:17
en Handelinge 2:3
om uit te vind wat
die vuur en die rook
heel waarskynlik
gesimboliseer het.
Deur sonder Abram
tussen die stukke
vleis deur te loop, het
God nie net belowe
om getrou te wees
aan die verbond
nie, maar ook sy
bereidheid openbaar
om die vloek op Hom
te neem as enige een
van hulle die verbond
sou breek. Clay
Trumball maak in sy
boek Blood Covenant
hierdie belangrike
waarneming: “Oor
die wêreld heen
was mans wat in
bloedvriendskappe
met mekaar verbind
was nie net gereed
– of veronderstel om
gereed te wees –
om hul lewens vir
mekaar te gee nie,
maar selfs dít wat vir
hulle kosbaarder was
as hul eie lewe ...
’n Oosterse pa heg
meer waarde aan sy
enigste seun se lewe
as aan sy eie. 5
Les 1 – Arm harte 21

Het jy geweet?
TESTAMENT
Die woord
“testament” is ’n
ander woord vir
verbond. In beide
die Ou en die Nuwe
Testament openbaar
God aan ons dat
Hy ’n God is wat sy
beloftes hou. Die Ou
Testament handel oor
die geskiedenis van
die verbond wat God
met die Israeliete
gemaak het. Die
Nuwe Testament
is die openbaring
van die verbond
wat Christus met
sy kerk aangegaan
het. In wese is
hierdie twee beloftes
eintlik dieselfde
verbond, want al die
bloed wat in die Ou
Testament gestort
is, wys heen en is
in vervulling gebring
deur die versoening
van Christus.
Beide verbonde is
gebaseer op God se
ongeloofl ike liefde vir
ons.
22 Wees ’n nuutgemaakte vrou
verhouding met God. Elke keer wanneer ons Nagmaal vier,
vier ons ’n verbondsmaaltyd. Christus het nie net die duiwel
ver slaan nie, maar Hy het ook die deur oopgemaak na die
hemel en verbonds hulp. Hy beloof om ons te help in tye van
gees telike nood. Ons moet net erken dat ons sonder Hom hulpeloos
is.
Die besef van ons geestelike bankrotskap is die eerste stap
na vryheid van ons geestelike bindings. Dit openbaar ons totale
onvermoë om vanuit onsself te verander. Net soos Abraham
en Sara niks kon doen om die beloftes van God te laat
gebeur nie, kan ons ook nie. Die beginpunt vir ons almal is by
die troon van genade. Al wat God in hierdie stadium van ons
verwag, is ons geloof in sy liefde vir ons.
Hoe gereed is jy om te erken dat jy hulp nodig het?
Sien jy jouself in ’n verbond met God?
Watter alternatiewe bronne van hulp of ontvlugting kies jy in plaas
daarvan om jou na die troon van genade te wend?
Hoe dikwels gaan jy na die troon van genade? Besef jy wanneer jy
nie vir genade bid nie, impliseer dit dat jy dink jy kan leef sonder God
se hulp?
Hoeveel dae/ure/minute het jy verlede week laat verbygaan sonder
om te bid?

Waarom dink jy nooi God ons om “sonder ophou” te bid? Wat het dit
te doen met ’n verbondsverhouding met God?
Gideon – die noodsaaklikheid
om te laat gaan
W at
ons gister bestudeer het, is alles goed en wel in teorie,
maar wanneer ons van aangesig tot aangesig met ons
alle daagse probleme kom, is dit moeilik om ons eie steunpi
lare te laat vaar. Vandag gaan ons kyk na die verhaal van
Gideon, en hopelik sal God ons die noodsaaklikheid wys om
’n paar valse afhanklikhede te verwyder. Soms moet God baie
snoei werk doen om ons te kry om ons bankrotskap te besef.
Tog kan sy doel om ons vertroue te bou en ons die koninkryk
te gee, beswaarlik op enige ander wyse bereik word.
Gideon was een van die rigters wat die Israeliete gelei het
nadat hulle die Beloofde Land ingeneem het en voordat daar
konings vir die Israeliete aangewys is. In Rigters 6:12 het die
engel van God hom ’n “dapper man” genoem selfs al het hy
in daardie stadium vir die Midianiete weggekruip. Hy was ’n
onwillige leier wat daarop aangedring het dat God sy roeping
bevestig deur ’n reeks wonderwerke te doen. (Daardie ge deelte
van die verhaal is in Rig. 6.)
Lees Rigters 7. Wat dink jy is die belangrikste punt van die verhaal
van Gideon? Waarom het God Gideon se troepe na slegs
driehonderd man verminder? (Sien Rig. 8:10 om uit te vind
hoeveel was in die vyand se kamp.) Hoe simboliseer hierdie
ver skil in getalle die nederigheid van gees? Hoe is hul oor winning
’n bewys van die koninkryk van die hemele?
Soms sal God beelde gebruik om verskillende geestelike realiteite
aan ons te verduidelik. In Efesiërs 6:12 sê Hy dat ons
vyande die “bose geeste” is. Om hierdie vreesaanjaende vyand
op enige manier uit ons eie krag te probeer oorwin, is dwaas
Arm harte
DAG TWEE
Les 1 – Arm harte 23

ABSOLUTE
AFHANK LIKHEID
Ons is volkome
afhanklik hier, en ek
verheug my in hierdie
absolute afhanklikheid ...
Dit is goed om swak te
wees in onsself, en nog
beter om niks te wees
nie: om net die pen in die
hand van die Gees van
God te wees; nie in staat
om ’n enkele letter op die
tafels van die menslike
hart te skryf nie, behalwe
wanneer die hand van die
Heilige Gees ons gebruik
vir hierdie doel. Dit is
wat ons is en ons moet
voortdurend roep na die
Gees van God om sy
lewe te stort in alles wat
ons doen en sê. 6
CHARLES HADDON
SPURGEON
24 Wees ’n nuutgemaakte vrou
en sal altyd in ’n nederlaag eindig. Soos Gideon moet ons God
toelaat om enigiets anders wat ons hoop kan gee behalwe God
uit ons lewe te verwyder.
Soos die mense van Israel bestaan die koninkryk van die
hemel uit dié wat uit die slawerny van die onderdrukkers
bevry is en wat volkome op die Koning van konings vertrou.
Wanneer ons Koning ons lei om van ’n valse afhanklikheid af
te sien, is dit dwaas om steeds daaraan vas te klou.
Lees Rigters 8:22-27. Gideon het in sy nederigheid geweier om
die koning te word en het geglo dat die Here oor die volk van
Israel moet heers. Watter groot fout het hy hierna begaan?
Gideon het geweet dat hy nie van die stoffasie gemaak is wat
nodig is om ’n koning te wees nie, maar het gehoop dat hy
’n mate van geestelike belangrikheid kan verkry deur die juwele
van die verslane Ismaeliete te gebruik om ’n efod in plaas
van ’n kroon te maak. Dit was deel van die gewyde drag van
’n Hebreeuse priester. Miskien was hierdie efod vir Gideon ’n
herinnering aan sy groot oorwinning (selfs al het die oor winning
aan God behoort). Die efod was vir hom ’n strik net soos
ons geestelike oorwinnings en bedieningspogings strikke vir
ons kan word wanneer ons op ons eie pogings fokus en van
God se genade vergeet.
Lees 2 Korintiërs 9:8-10. Watter geskenk gee die Here aan die
armes van hart? Wat moet ons met hierdie geskenk doen, en
watter soort oes kan ons verwag as ons dit doen?
My gunsteling defi nisie van genade is “die vermoë wat God
ons gee om Hom te gehoorsaam deur die krag van sy Gees”.
Wanneer genade oorvloedig aan ons gegee word, het ons alles
wat ons nodig het vir ’n oes van regverdigheid. Ons is die
arm boere, en sy genade is die saad wat ons saai. Ons kan
op God vertrou om ons te gee wat ons nodig het om die ver-

anderings te sien wat Hy in ons wil maak. Daar is niks in ons
persoonlike pakhuis van geregtigheid nie. Die goeie dade of
die verandering in houding wat ons wil sien, moet uit sy voorraad
genade kom. Ons is geestelik arm en hoe gouer ons dit
erken, hoe gouer kan ons geestelike groei en ’n ge seën de lewe
ervaar.
Lees Matteus 19:16-26. Hoekom sê Jesus dat dit moeilik is vir ’n
ryk man om in die koninkryk van God te kom? Waarom het die
ryk jong man weggegaan toe Jesus voorgestel het dat hy al sy
rykdom weggee?
Hoe meer afhanklik ons is van ander dinge, hoe minder is
ons afhanklik van God. Hierdie geld nie net vir ons stryd teen
spesifi eke sondes nie, maar ook in ons hoop vir die ewige lewe.
Op watter ekstra “manskappe” maak jy staat om die grootste
uitdagings van jou lewe te oorwin?
Hoe beïnvloed tydelike gemoedsveranderende medikasie en alkohol
(of enige gekose verslawing) jou ervaring van seën?
Hoekom is dit ’n gevaarlike manier om ’n verandering in jou gesindheid
te probeer bring?
Waarom is permanente verandering die enigste ware oorwinning?
Wie kan daardie verandering in jou bewerkstellig? Waarvan moet jy
Aan God kom
ons dank toe – Hy
wat aan ons die
oorwinning oor die
sonde en die dood
gee deur Jesus
Christus ons Here!
1 KORINTIËRS 15:57
Les 1 – Arm harte 25

Arm harte
DAG DRIE
WAT GOD AAN ONS
TOEGEKEN HET
Deurdat ons Hom
regtig ken, het sy
Goddelike krag ons
alles laat kry wat ons
nodig het om naby
aan Hom te lewe.
Hy het ons geroep
om sy heerlikheid
en goedheid te
ontvang! Deur hierdie
selfde krag het Hy
sy kosbaarste en
allergrootste beloftes
vir ons laat waar
word. Die gevolg
hiervan is dat julle
deel gekry het aan
sy Goddelike natuur.
Só het julle vrygekom
van die proses van
agteruitgang wat,
as gevolg van die
neigings van ons
menslike natuur, oral
alles en almal laat
sleg word.
2 PETRUS 1:3-4
26 Wees ’n nuutgemaakte vrou
afsien om Hom toe te laat om in jou te werk?
PETRUS – DIE
NOODSAAKLIKHEID
OM VAN TROTS AF TE SIEN
Simon was een van Jesus se eerste dissipels. Die Here het
hom Petrus genoem toe hulle die eerste keer ontmoet het.
Petrus was saam met Jesus deur sy bediening en was deel van
Jesus se nabye vriendekring. Na Jesus se dood en op standing
het Petrus die leier van die vroeë kerk geword.
Omtrent almal hou van die apostel Petrus. Hy verpersoonlik
ons geneigdheid tot voortvarendheid, en ons kan met sy
tekortko min gs identifi seer omdat dit so deel is van die menslike
natuur. Ons sien onsself dikwels in sy mislukte, dikwels
oordrewe, pogings om “die geloof te behou”.
Vandag gaan ons kyk na ’n paar insidente wat in sy lewe
voorgekom het en dan lees wat hy kort voor sy dood geskryf
het. Uiteindelik het hy geleer wat ek hoop ons almal hopelik
uit hierdie les sal leer.
Lees Matteus 4:18-20; 14:26-32; 16:21-23. Hoe sal jy Petrus beskryf?
Waarop dink jy het hy, benewens Christus, vertrou?
Die feit dat Petrus nie gehuiwer het om sy visvangbesig heid en
bron van fi nansiële ondersteuning agter te laat nie, dui daarop
dat hy nie sekere algemene afhanklikheidskwessies gehad het
nie. Tog het sy onafhanklike gees, wat staatgemaak het op sy
eie krag en idees, hom dikwels in die moeilikheid laat be land.
Hoe veel van ons sukkel nie met dieselfde geneigdheid nie?
Ons kul tuur moedig sulke selfvertroue aan. Van ons vroeë kinder
tyd word ons geleer om onafhanklik en trots te wees. Baie
mense dink om liefdadigheid te aanvaar, is vernederend en

enede hulle. Dit is vir ons trots ’n soortgely ke uitda ging om
God se genade te aanvaar. Ons sal dit eerder self doen met ’n
bietjie hulp as om te erken dat ons arm is en geen sins in staat
is om verandering in ons eie harte te bring nie.
Lees Matteus 26:33, 51-53, 69-75. Wat wys Petrus se verkla ring
in vers 33 en sy optrede in vers 52 oor sy trots? Waarom dink jy
was hy so seker van homself?
Petrus het homself nie so goed geken soos Christus hom geken
het nie. Ons oorskat onsself dikwels. Soms neem dit ’n paar
mis lukkings om ons ons ware aard en behoefte aan Christus
te wys.
Lees 2 Petrus 1:1-11. Waar kom geloof volgens die eerste vers
vandaan? Wat gee God aan ons volgens vers 3-7?
In vers 9 noem Petrus sommige mense blind en kortsigtig. Wat sien
hulle nie? Hoe word die toegang na die koninkryk aan ons gegee (v.
11)?
Party mense maak die fout deur vers 5-7 uit konteks te neem
en te dink dat Petrus vir ons sê om deur harde werk hierdie
gedrag by ons lewens toe te voeg deur ons eie toedoen. Die
oorspronklike Grieks beteken letterlik “om die geloof ín te
bring”. Dit is al wat ons kan doen, geloof inbring, want self is
ons geestelik bankrot en kan ons niks uit ons eie krag doen nie.
Petrus het die siklus voltooi. Aan die begin het hy gedink
hy kan die wêreld oorwin met ’n bietjie hulp van Jesus. Nou
sien hy alles gaan eintlik oor Jesus, en hy is maar net die arm
ontvanger van waardevolle en manjifi eke geskenke van God.
God kry al die lof, want van die begin tot die einde is dit sy
Woordstudie
LAAT KRY
Die Griekse woord
doreomai word net
drie keer (1 Petrus
2:3, 4 en Markus
15:45) in die Nuwe
Testament gebruik.
As jy iemand iets
laat kry, gee jy dit
met ’n spesifi eke
doel. Die persoon
wat dit ontvang,
moet dit gebruik
vir die spesifi eke
doel waarvoor dit
toegeken is.
Les 1 – Arm harte 27

28 Wees ’n nuutgemaakte vrou
werk en sy voorsiening. Die koninkryk van die hemel is ’n gawe.
Dié wat hul armoede besef, is gereed om hierdie ge skenk
te ontvang. Dit is waarom hulle geseën is.
Het jy al op ’n punt gekom waar jy nie net jou nood besef nie,
maar waar jy ook gewillig is om hulp te aanvaar?
Ondersteuningsgroepe en vriende kan baie aanmoediging verskaf,
maar hoekom is dit nie genoeg om langdurige innerlike verandering
teweeg te bring nie?
Waarom is goddelike hulp ons enigste ware hoop?
Sou jy eerder wou hê dat die toegang na die ewige lewe in oor vloed
aan jou voorsien word of sou jy verkies om dit met harde werk te
verdien? Waarom?
Watter soort verligting vind jy in die idee dat jy nie enige van hierdie
dinge self hoef te bereik nie?
Pas enige van die veranderings wat jy graag in jou lewe sou wou

sien gebeur in die kategorieë wat in 2 Petrus 1 genoem word? Indien
wel, watter?
Paulus – die noodsaaklikheid
om van werke af te sien
Die meeste van ons vind dit baie moeilik om materialistiese
of geestelike armoede te aanvaar. Trouens, Jesus sê in
Matteus 19 dat dit makliker sou wees vir ’n kameel om deur
die oog van ’n naald te kom as vir ’n ryk man om die koninkryk
van God te betree.
Saulus, Paulus se naam voor God dit verander het, was ’n
ryk man, soos die ryk jong man waarvan Jesus vertel het, maar
sy “rykdom” was geestelik. Sy kennis van die Joodse teologie
en sy ywer om die Joodse tradisie en geloof te verdedig, het
hom laat dink dat hy “ryk van gees” was.
Terwyl jy Paulus se bekende verhaal lees, dink na oor wat in
sy lewe moes gebeur het om hom van die “rykdom” te stroop
waarop hy vertrou het om vir hom lewe te bring.
Lees Filippense 3:4-6 en Handelinge 9:1-4. Wat beteken dit om
“op menslike dinge te vertou”? Maak ’n lys van al die menslike
dinge waarop Saulus ver trou het voor hy Christus ontmoet het.
Watter soortgelyke dinge het jou laat dink dat jy in staat sal
wees om God te beïndruk met jou vermoë om die konink ryk te
verdien? Miskien sal jy nie so ver gaan nie, maar is daar da de
in jou lewe of persoonlikheidseienskappe wat jy hoop jou in
staat kan stel om die nodige veranderings in jou lewe te maak?
Lees Filippense 3:3, 7-9 en Handelinge 9:5-19. Maak ’n lys van al
die dinge wat God gedoen het om Saulus te oortuig dat hy arm
Arm harte
DAG VIER
Les 1 – Arm harte 29

30 Wees ’n nuutgemaakte vrou
en behoeftig was. Wat dink jy het die Here bedoel toe Hy gesê
het: “Ek sal hom wys hoeveel hy moet ly”? Wat was Saulus/
Paulus se gevolgtrekking: hoeveel waarde het sy eie vermoëns?
Nie al die dinge wat God in Paulus se lewe gedoen het, word
in hierdie twee gedeeltes genoem nie. Nie net was hy blind en
moes een van die mans wat hy in die tronk wou stop, vir hom
bid nie, maar hy is ook gevange geneem, geslaan, gestenig en
vervolg (2 Kor. 11:24-27). Hierdie ervarings en lyding het alles
deel gevorm van die proses om “alle ander dinge as ’n verlies
te beskou”. Party van die probleme wat jy op die oomblik
trotseer, kan op hierdie manier beskryf word. God bring soms
hierdie dinge oor jou pad sodat jy kan besef dat die dinge waarop
jy staatmaak, nie vergelyk kan word met ’n verhouding met
die Here nie.
Lees Filippense 3:10-11 in die 1983-vertaling. Watter drie dinge
wil Paulus graag ken (v. 10)? Hoe sal hierdie kennis ons gelyk
maak met Christus se dood? Wat dink jy be teken dit? Wat dink
jy bedoel Paulus deur sy begeerte om “deel te hê aan die opstanding
uit die dood”?
Daar is fases in ’n verhouding met Christus. Dit begin met ’n
wittebroodsperiode wanneer ons die eerste vreugdes van intimiteit
met Hom ervaar. Dan is daar groei in die kennis van
die krag van sy Gees wat in en deur ons werk. Maar dikwels is
dit in die volgende fase, van omgaan met sy lyding, waar ons
kennis van Hom nog dieper word. Al hierdie groei, is wat ons
by ’n plek bring van ooreenstemming met sy dood, of na ’n
plek waar ons aan onsself sterf, en begin leef saam met Hom.
Soos Paulus in Galasiërs 2:20 skryf, is ons saam met Christus
gekruisig sodat Christus kan leef in en deur ons. Die op standings
lewe het ’n huidige realiteit en ’n toekomstige vervulling.

Lees Galasiërs 2:16; 3:2-7. Waarom is dit volgens hierdie ver se
nodig om van ons dade te vergeet wanneer ons na geestelike
rykdom verwys?
In hierdie verse verduidelik Paulus dat ons nie deur ons dade
geregverdig, perfek of heilig gemaak word nie. Ons word geregverdig
en geheilig deur ons geloof in Christus en deur die
werk van sy Gees in ons.
Dink aan geestelike rykdom as ’n bankrekening in die hemel.
Aangesien ons geestelik in onsself bankrot is, het Jesus ’n
de posito tot ons regverdigmaking ge maak en die Heilige Gees
maak al die de posito’s tot ons heiligmaking. Deur die geloof
maak ons ont trek kings uit beide rekeninge. Ons goeie werke is
die vrug van daardie onttrekkings, maar kan nooit deel wees
van die de posito’s nie, want ons is geestelik arm. Ons het niks
om by te dra nie. Ons kan egter onttrekkings maak omdat ons
die kinders van Abraham is, en ons moet dit daagliks doen,
want ons het geen geestelike geld van ons eie nie.
Waarom is die gesindheid van selfgenoegsaamheid so gevaar
lik?
Waarom dink jy het Christus Saulus blind gemaak?
Wat is nodig om jou te beweeg van selfgenoegsaamheid tot ’n afhank
like gees?
Les 1 – Arm harte 31

Arm harte
DAG VYF
Probeer jou indink
hoe dit vir Jesus
moes wees voor Hy
mens geword het.
32 Wees ’n nuutgemaakte vrou
Hoe maak jy daaglikse onttrekkings uit jou geestelike bankrekening?
Jesus – die noodsaaklikheid
om van die Heilige Gees
afhanklik te wees
Probeer jou indink hoe dit vir Jesus moes wees om ’n mens
te word. Johannes se beskrywing van die hemel met strate
van goud en skoonheid sonder gelyke help ons om die rykdom
van sy omgewing daar te sien. Die bietjie wat ons van die
verhouding van die Drie-eenheid weet, gee ons ’n idee van die
relasionele rykdom van liefde sonder grense. Die vlugtige kykie
wat God aan Jesaja gegee het van die aanbidding wat Hy van
engele ontvang het, help ons om ’n begrip te vorm van die eer
waarvan Hy afstand moes gedoen het toe Hy aarde toe gekom
het. Die beskrywing van sy krag tydens die skepping wat Hy
aan ons gegee het in Genesis 1 en die verklaring in Kolossense
1:16-17: “álle dinge is deur Hom en vir Hom geskep. Hý was
daar vóór alles, en in Hom word alles saamgebind,” wys aan
ons die krag wat Hy onderdruk het toe Hy die beperkings van
die mens aangeneem het. Vandag gaan ons kyk waarom Hy
sulke rykdom en krag vir armoede en swakheid verruil het.
Lees Lukas 2:7; Matteus 8:20 en Filippense 2:5-11. Hoekom dink
jy was dit deel van God se plan dat Jesus in ’n krip gebore moes
word? Hoe sou jy die gesindheid van Jesus beskryf soos dit in
Filippense 2:5-11 opgeteken staan? Hoekom moet ons ’n soortge
lyke ingesteldheid hê?
Maria het die baba Jesus in ’n krip neergelê, want dit was al
wat die Vader God vir haar voorsien het. Die skaapwagters
was in staat om die Messias te identifi seer, want die engele het
vir hulle gesê dat Hy in ’n krip sal wees. God het gekies om

sy heerlikheid in ’n baba te openbaar aan eenvoudige mense
in die nederigste van omstandighede. Het Hy dit gedoen om
te bewys dat almal na Hom kan kom? Hy het die armste van
die armes geword sodat niemand kan sê: “Hy het nie vir my
gekom nie; daarom kan ek nie na Hom toe gaan nie.” Die
ingesteldheid van geestelike armoede stel ons in staat om na
Hom te gaan, ons voor Hom te verneder en moedig ons aan
om Hom te aanbid.
Lees Markus 1:8-13. Waarom sou die Skepper van die heelal
en gele nodig hê om Hom te versorg? Hoekom dink jy was dit
nodig dat Jesus met die Heilige Gees gedoop moes word?
Selfs al kan ons nie verstaan hoe Christus beide God en mens
kon wees nie, glo ek sy menslikheid het Hom van die Gees
afhanklik gemaak, net soos ons moet wees. Dit was nodig dat
Hy so swak en arm soos ons moes word om versoekings te
ervaar soos ons moet doen (Heb. 4:15). Om ons ontwil het Hy
arm geword sodat ons ryk kan word in Hom (2 Kor. 8:9).
Lees Matteus 14:23; Markus 1:35; Lukas 5:16; 6:12; 9:28; 22:39-41
en Johannes 14:16; 17:9, 20. Waarom dink jy was dit vir Jesus
nodig om te bid? Waaroor dink jy het Hy gebid?
Gebed is dié maatstaf van ons afhanklikheid van God en ons
begeerte om in ’n verhouding met Hom te wees. As ons sê
ons het God lief en vertrou op Hom, maar ons bring selde tyd
in gebed deur, mislei ons onsself. Ons leef uit ons eie krag en
afhanklikheid van ander dinge wanneer ons min bid. Jesus het
nie net gekom om ons te verlos van ons sondes nie, maar ook
om ons te wys hoe om in afhanklikheid van God te leef. Net
soos Hy sy dissipels geleer het om te bid, sal Hy ons ook leer
om te bid.
Lees Handelinge 11:26 en Openbaring 2:17. Wat is die be langrikheid
daarvan dat “Christen” afgelei is van Christus se Naam?
Les 1 – Arm harte 33

GEDAGTES OOR
GEBED
Gebed is iets dieper
as woorde ... Dit is
’n gesindheid van
die hart ... Of dit in
die vorm van woorde
is of nie, is nie vir
God belangrik nie,
net vir ons ... Dit
is hulpeloosheid ...
Gebed is net om elke
dag vir God te sê op
watter maniere ons
voel ons kan niks
doen nie. Ons word
genoop om te bid
elke keer wanneer
die Gees van God,
wat die gees van
gebed is, opnuut
aan ons beklemtoon
hoe onbevoeg ons is
om uit nature te glo,
lief te hê, te hoop,
te dien, op te offer,
te ly, die Bybel te
lees, te bid en te stry
teen ons sondige
begeertes. 7
O. HALLESBY
34 Wees ’n nuutgemaakte vrou
Wat dink jy beteken dit dat die Gees almal wat tot bekering kom
’n nuwe naam sal gee?
Net soos Christus afhanklik is van sy verhouding met die
Vader en die Gees en hul Naam een God is, is ons eenheid en
ver bonds verhouding met die drie-enige God verseël deur die
naam “Christen”. God het al die karakters wat ons in hierdie
hoof stuk bestudeer het se naam verander as ’n weerspieëling
van die verandering wat Hy in elkeen van hulle bring. En Hy
sal aan elkeen van ons getrou bly deur ons met sy Gees te verander
en aan ons ’n nu we naam, wat op ’n wit steen geskryf is,
te gee as teken van die veranderings wat Hy in ons sal maak.
Hier mee sal ons in staat wees om elke vyand te oorkom, en
selfs ons eie vleeslike be geertes en versoekings te oorwin.
As Christus nie kon leef en ander bedien sonder die hulp van
die Heilige Gees nie, hoeveel te meer het jy God nodig! Hoeveel
vertrou jy op Hom?
Oor watter dinge bid jy en watter dinge dink jy is nie die moeite werd
om voor te bid nie? Wat verklap dit van jou armoede van gees?
Hoe dikwels bid jy dat jy gevul moet word met die Heilige Gees? As
ons werklik arm van gees is, sou dit nie nodig wees dat die Gees van
God elke oomblik van ons lewens vul nie?

Bring ’n bietjie tyd saam met die Here deur in gebed
Hemelse Vader, ek prys U dat U my so liefhet dat U ’n
verbond met my gesluit het. Dankie dat U altyd u beloftes
nakom. Ek loof U omdat u genade genoeg is vir my.
Ek bely dat ek nie afhanklik genoeg is van u genade nie. Ek maak
staat op my eie krag en wysheid. Ek vertrou op ander asof hulle gode
is. Ek gebruik gemoedsveranderende middels of kos om my beter te
laat voel. Ek maak staat op materiële dinge om my tevrede te hou.
Vergewe my asseblief my trots wat my laat glo dat ek kan oorleef
met die hulp van hierdie valse steunpilare, eerder as om na U te kom
in die besef van my uiterste geestelike armoede en diepe behoefte
aan u genade. Ek bely dat ek soms aan my dade vir U en bediening
aan ander gedink het as geestelike rykdom wat vir my waarde in die
koninkryk sal gee. Help my eerder om hierdie dinge te beskou as die
vrug van u liefde in my hart.
Here, ek bid dat U my sal vul met die Heilige Gees. Gee my
asseblief die tyd en die begeerte om baie in gesprek met U te wees.
Verlos my van alle afl eiding en onsekerheid wat my van u troon van
genade weghou. Dankie vir die belofte dat die koninkryk van die
hemel aan die armes van gees behoort. Laat u koninkryk kom en u
wil geskied in my lewe. Vernuwe my hart, o God.
Gebruik die spasie hieronder om jou eie gebed neer te skryf.
Les 1 – Arm harte 35

Aantekeninge