Die Koninkryk van God

ALS Selgroepe
Jan – Maart 2011
Die Koninkryk van God
HANDLEIDING 1

A
L B E R TO N
L S
EW EN ENTRUM
GEMEENTE
Die tema van selstudie in 2011 is gefokuks op die drie hoofprioriteite van God:
dat ons vir sy Koninkryk en saak sal lewe;
dat ons sal werk vir die redding van alle mense;
en dat ons sal toelaat dat Hy ons na Sy beeld verander.
Koms van koninkryk
Redding van mense
Leef na Sy beeld
ALS lei dié prioriteite af uit die Skrifgedeelte wat vir ons belangrik is omdat
Jesus daarmee die hele openbaring van God opsom.
Markus 12 28 Een van die skrifkenners het nadergestaan en geluister na die
argument. Beïndruk deur Jesus se goeie antwoord aan die Sadduseërs, vra hy
Hom toe: “Watter gebod is die heel belangrikste?” 29 Jesus het hom
geantwoord: “Die belangrikste gebod is die volgende: ‘Luister, o Israel, die
Here ons God is die énigste Here. 30 Daarom moet jy die Here jou God liefhê
met jou hele hart, met jou ganse gemoed, met jou totale verstand en met al
jou krag’ (die aanhaling kom uit Deuteronomium 6:4-5). 31 Die tweede gebod
Bladsy 2 van 25

is net so belangrik: ‘Jy moet jou naaste liefhê soos jouself’ (die aanhaling kom
uit Levitikus 19:18). Dit is die allerbelangrikste opdrag.”
Soos
jouself
Jy moet jou
naaste liefhê
Jy moet die Here jou God
liefhê met jou hele hart,
met jou ganse gemoed,
met jou totale verstand en
met al jou krag
Hieruit kom ALS se visie: Om God en mens liewer te hê.
Ons meen dis die belangrikste waarmee jy as kind van God jou besig kan hou.
Daarom nooi ons jou om in 2011 saam met ons die pad te stap om dit wat vir
die Here die belangrikste prioriteite is, te verwesenlik met die manier waarop
jy leef.
Bladsy 3 van 25

INHOUDSOPGAWE
Les Tema Datum Bladsy
1 Wat is Jesus se sentrale boodskap? 25-27 Jan 5
2
3
4
5
Wat beteken die koms van die
koninkryk vir die vyand?
Die koninkryk van God en die ewige
lewe
Hoe leef ek die koninkryk van God
prakties uit?
Het die koninkryk van God alles in jou
lewe aangebreek?
1-3 Feb 8
8-10 Feb 11
15-17 Feb 13
22-24 Feb 15
6 Luister na die Koning se stem 1-3 Maart 17
7 Finale gedagtes 8-11 Maart 19
Bladsy 4 van 25

TEMA: WAT IS JESUS SE SENTRALE BOODSKAP?
LES 1: 25-27 JANUARIE 2011
VRAAG: Jesus verwys so gereeld na “die koninkryk van God” dat jy kan sê
dat dit die sentrale tema in sy verkondiging is. Wat dink jy bedoel Hy met dié
uitdrukking?
ANTWOORD: Jy kan ‘n koninkryk definieer as ‘n regeringsvorm waar ‘n
koning oor ‘n volk heers. In antieke tye het konings absolute mag gehad, sodat
hulle woord wet was. As ons aan die Suid-Afrikaanse situasie dink, dan is die
antieke koning die ekwivalent van ons president gekombineer met sy kabinet.
Die koninkryk van God is dus 'n ryk waar God as Koning oor die hemel en aarde
regeer. Alle mense is aan Hom onderworpe, maar nie alle mense erken sy
heerskappy oor hulle lewe nie. Johannes 1 verwys na Jesus en sê: “ 9 Hy wat die
betroubare lig is, wat elke mens verlig, was op pad na die mensewêreld. 10 Maar
toe Hy wel in die wêreld was – dié wêreld wat deur Hom ontstaan het – het die
mensdom Hom tog nie erken nie. 11 Hy het na sy eiendom toe gekom, en tog het
sy eie mense Hom nie aanvaar nie. 12 Aan almal wat Hom egter aanvaar het, dié
wat in sy Naam glo, het Hy die reg gegee om kinders van God te word. 13 Hulle is
nie uit fisiese oorweging gebore nie; ook nie na aanleiding van die wilsbesluit
van ’n mens nie. Hulle is uit God gebore.”
VRAAG: Wat sê dit oor God se heerskappy in ons wêreld?
ANTWOORD: Die Koning se onderdane is die mense wat in Hom glo en
daarom aan Hom gehoorsaam is. In hulle lewe kom die koninkryk.
Die eerste drie evangelies, Matteus, Markus en Lukas, vertel dat die koninkryk
in drie fases gaan kom:
1. die koninkryk het reeds gekom, want waar Jesus is, daar is die
koninkryk;
2. die koninkryk sal kom,wanneer Jesus sy bruid kom haal om met haar te
trou en saam op die nuwe aarde te gaan woon;
3. en die koninkryk is nou hier waar Jesus deur sy Gees in mense se lewens
regeer. Wat sê dit vir jou: dat God se heerskappy aangebreek het toe
Jesus as mens na die aarde gekom het; dat sy heerskappy eendag sal
Bladsy 5 van 25

aanbreek wanneer ons op sy nuwe aarde gaan bly; en dat sy
heerskappy in jou lewe aanbreek wanneer Hy in jou lewe regeer sodat
Hy deur jou kan lewe.
Koninkryk het gekom
Koninkryk gaan nog kom
Koninkryk kom nou
Wanneer Jesus aan die kruis sterf, bring Hy versoening vir ons sondes. Kyk na
Kolossense 2: “ 13 Julle was eintlik dood omdat julle gesondig het en omdat julle
sondige geaardheid nog nie weggeneem was nie. God het julle egter saam met
Christus lewendig gemaak toe Hy julle al julle sondes vergewe het. 14 Hy het die
dokument met voorskrifte wat as klagstaat teen ons gedien het, uitgevee en dit
van ons af weggevat deur dit aan die kruis vas te spyker. 15 So het Hy die
hemelse en aardse magte ontwapen. Hy het hulle in die openbaar bespotlik
gemaak deur aan die kruis oor hulle te triomfeer.”
VRAAG: Volgens Kolossense 2:13-15, wat het alles aan die kruis gebeur?
ANTWOORD: Volgens Markus 2 nooi Jesus vir Levi (of Matteus), ‘n
tollenaar of belastinggaarder, om sy dissipel te word. En dan lees jy: ‘ 15 Levi het
Jesus en sy dissipels genooi om saam met sy medetollenaars en ander berugte
sondaars by hom te kom eet. (Daar was baie van hierdie mense wat agter Jesus
aan gekom het.) 16 Toe sommige van die skrifkenners uit die geledere van die
Fariseërs sien dat Hy saam met sulke berugte sondaars en tollenaars eet, het
hulle vir sy dissipels gesê: “Hoe kan julle leermeester saam met sulke immorele
karakters eet?” 17 Toe Jesus dit hoor, sê Hy vir hulle: “Gesonde mense het die
dokter nie nodig nie – die siekes wel. Ek het gekom om sondaars na die koninkryk
te nooi, nie mense wat dink dat hulle alreeds goed genoeg is nie.”’
VRAAG:Volgens Markus 2, wie is welkom in Jesus se koninkryk? En wie nie?
ANTWOORD: In Markus 10:13-16 lees jy hoe ouers graag wou hê dat Rabbi
Jesus hulle kinders aanraak en seen, maar die dissipels verjaag hulle. Die
Bladsy 6 van 25

Leermeester het nie tyd nie! Jesus reageer verontwaardig as Hy dit sien en sê
dan: “Laat die kindertjies toe om na My toe te kom. Moenie hulle keer nie.
Want God se koninkryk is juis bedoel vir almal wat soos hulle is. 15 Ek verseker
julle, wie God se koninkryk nie soos ’n kindjie ontvang nie, sal beslis nie daar
ingaan nie.” Dan sit Hy sy arms om hulle, lê sy hande op hulle koppe seen hulle.
Die volgende verhaal (in Markus 10:17-27)is van ‘n jongman wat vir Jesus vra:
“Goeie leermeester, wat moet ek doen om die ewige lewe te verkry?” Jesus
antwoord: Jy moet die gebooie onderhou. Die jongman sê: Ek het dit van my
kinderdae af gedoen. En dan reageer Jesus met:“Jy kom net een iets kort. Gaan
verkoop alles wat jy het en gee die geld vir die armes. Dan sal jy ’n skat in die
hemel hê. Kom dan en word my dissipel.”Die jongman sien nie hiervoor kans
nie, en gaan teleurgesteld en verslae terug huis toe. En dan sê Jesus vir sy
dissipels: “Hoe moeilik is dit nie vir ryk mense om in God se koninkryk te kom
nie!My liewe kinders, dit is bitter moeilik om in die koninkryk van God te kom.
25 Dit is makliker vir ’n kameel om deur ’n naald se oog te kom as vir ’n ryke om
in God se koninkryk te kom.”
VRAAG:Wat dink jy bedoel Jesus hiermee?
VRAAG:Gaan dit om ryk mense as sulks?
VRAAG:Of om mense wat op hulleself aangewese is, en nie besef hoe afhanklik
hulle van God is nie, soos ‘n kind van sy/haar ouers afhanklik is?
Bladsy 7 van 25

TEMA: WAT BETEKEN DIE KOMS VAN DIE KONINKRYK VIR DIE VYAND?
LES 2: 1-3 FEBRUARIE 2011
Opsomming van Les 1:
Ons het verlede week gesels oor die koninkryk, en spesifiek oor wanneer dit
kom: God se heerskappy het aangebreek toe Jesus as mens gebore is en veral
toe Hy aan die kruis gesterf het, sy heerskappy kom elke keer wanneer ek en jy
Hom toelaat om deur ons te lewe, en sy heerskappy gaan finaal en
onverhinderd aanbreek wanneer God dié wêreldorde tot ‘n einde bring en ‘n
nuwe wêreld gaan skep.
Ons het ook gevra: vir wie kom die koninkryk? En ons het gesien God regeer in
mense se lewens wat hulle afhanklikheid van Hom bely, soos kindertjies wat
besef hoe nodig hulle hulle ouers het.
Jy lees hoe die Gees direk na sy doop vir Jesus die woestyn ingelei het in
Matteus 4:1-11. Hier vas Jesus vir veertig dae, en aan die einde daarvan kom
die duiwel, die groot versoeker, na Hom toe en versoek Hom op drie maniere.
Kyk na die derde versoeking: “ 8 Vervolgens neem die duiwel Hom na die top
van ’n baie hoë berg en wys vir Hom al die koninkryke van die wêreld met hulle
prag en praal. 9 Daarop sê hy vir Jesus: “Dit alles sal ek vir jou gee. Al wat jy
moet doen, is om neer te kniel en my te aanbid.” 10 Toe sê Jesus vir hom: “Trap,
Satan! Daar staan in die Skrif: ‘Jy moet die Here jou God aanbid en Hom alleen
vereer.’”
VRAAG: Aan wie behoort dié wêreld, volgens dié Skrifgedeelte? Kyk ook
na 2 Korintiërs 4: “ 4 Dit is die god van hierdie bedeling wat die gedagtes van die
ongelowiges verblind sodat hulle die lig van die Goeie Nuus nie kan sien nie.
Dit is die Goeie Nuus van die heerlikheid van Christus, Hy wat die ewebeeld
van God is.”
VRAAG: Wie is die god van hierdie bedeling?
Lukas 10:1-20 vertel hoe Jesus 72 dissipels gekies het en hulle in pare vooruit
gestuur het na al die dorpe en plekkies wat Hy wou besoek, met die instruksies:
“Genees die siekes, en sê: ‘Die koningsheerskappy van God is nou naby
julle.’ 10 Maar as ’n dorp weier om julle te ontvang, gaan uit in die strate en sê:
Bladsy 8 van 25

11 ‘Ons vee die stof van julle dorp van ons voete af as ’n openbare
aankondiging van julle oordeel. En moenie vergeet dat die koningsheerskappy
van God naby is nie!’ 12 Ek verseker julle, selfs die bose Sodom sal in die
oordeelsdag beter daaraan toe wees as só ’n dorp.”Toe die 72 dissipels
terugkom, het hulle met vreugde gesê: “Here, selfs die duiwels gehoorsaam
ons wanneer ons u Naam gebruik!” Hierop antwoord Jesus hulle: “Ek het Satan
uit die hemel sien val soos ’n weerligstraal! En Ek het julle gesag gegee oor alle
mag van die vyand, en julle kan oor slange en skerpioene loop en hulle
vermorsel. Niks sal julle beseer nie. 20 Maar moenie bly wees net omdat bose
geeste julle gehoorsaam nie; wees bly omdat julle name opgeteken is as
burgers van die hemel.”
VRAAG: Wat beteken dit vir die bose magte, dat die koninkryk van God
besig is om aan te breek?
VRAAG: En watter invloed oefen jy uit wanneer jy meewerk om die
koninkryk van God in jou wêreld te laat aanbreek deur die manier waarop jy
lewe?
Nuwe
koninkryk
Duiwel
Gelowiges
Bose
magte
Jesus
ANTWOORD: Die einde is besig om aan te breek vir die bose magte en
hulle volgelinge. Volgens Matteus 13:24-30; 37-43 vertel Jesus ‘n gelykenis:
“God se koningsheerskappy kan vergelyk word met ’n man wat goeie saad op
sy land saai. 25 Maar een nag, terwyl die mense geslaap het, het sy vyand
gekom en onkruid tussen die koring gesaai en verdwyn. 26 Toe die groen koring
opskiet en in die aar begin kom, verskyn terselfdertyd ook die onkruid. 27 Die
slawe van die boer kom toe en sê vir hom: ‘Meneer, u het tog goeie saad op u
Bladsy 9 van 25

land gesaai. Waar kom die onkruid dan vandaan?’ 28 “‘Dis ’n vyand se werk!’ het
hy uitgeroep. “‘Moet ons die onkruid gaan uittrek?’ vra sy slawe hom. 29 “Maar
hy antwoord: ‘Nee, dalk trek julle die koring saam uit wanneer julle die onkruid
in bondels uittrek. 30 Laat albei saam groei tot oestyd. Dan sal ek vir die mense
wat oes, sê: ‘Maak eers die onkruid bymekaar. Bind dit dan in bondels vas om
verbrand te word. Maar bring die koring bymekaar in my skuur.’” Sy dissipels
kom vra Hom dan agterna dat Hy die gelykenis vir hulle moet verklaar. Hy doen
dit dan: “Ek, die Seun van die Mens, is die boer wat die goeie saad saai. 38 Die
saailand is die wêreld. Die goeie saad is die mense wat aan God se koninkryk
behoort. Die onkruid is hulle wat aan die Bose behoort. 39 Die duiwel is die
vyand wat die onkruid saai. Die oestyd is die voleinding van die wêreld en dié
wat oes, is die engele. 40 Net soos die onkruid bymekaargemaak word en
verbrand word, so sal dit ook wees by die voleinding van die wêreld. 41 Ek, die
Seun van die Mens, sal my engele uitstuur. Hulle sal alles wat sonde veroorsaak
en almal wat God se wet oortree uit my koninkryk verwyder 42 en hulle in die
brandende oond gooi. Daardie mense sal bitterlik huil en van selfverwyt op
hulle tande kners. 43 Dan sal dié wat reg voor God gelewe het, soos die son
skitter in die koninkryk van hulle Vader. Elkeen wat kan hoor, moet goed luister
na wat Ek sê.”
VRAAG: Volgens Matteus 13:24-30, wat is die einde wat wag op die mense van
die koninkryk, en die mense wat gekies het om nie deel van God se heerskappy
te wees nie?
Net hierna vertel Jesus nog ‘n gelykenis, in Matteus 13: 44 “God se koninkryk is
soos ’n skat wat in ’n stuk grond weggesteek lê. Iemand kry dit daar, maar steek
dit dadelik weer weg. Oorstelp van blydskap gaan verkoop hy alles wat hy het,
en koop daardie stuk grond.”Wat sê dié verhaal vir jou? Kyk ook na die
volgende verhaal in Matteus 13: 45 “God se koninkryk is ook soos ’n
pêrelhandelaar op soek na mooi pêrels. 46 As hy een baie kosbare pêrel
raakloop, gaan verkoop hy alles wat hy het, en koop daardie pêrel.”Wat is die
belangrikste in dié lewe?
Volgens Matteus 20:20-28 kom die ma van twee van Jesus se dissipels by Jesus
aan met ‘n spesiale versoek: “In u koninkryk, wanneer U op u troon sit, mag my
Bladsy 10 van 25

twee seuns op die ereplekke regs en links van U sit?” Jesus verduidelik dan dat
sy koninkryk nie te doen het met magsposisies, en heersers wat oor ander
baasspeel nie. “Julle weet in hierdie wêreld tiranniseer die maghebbers die
nasies, en die magtiges domineer hulle. 26 Maar onder julle moet dit heeltemal
anders wees. Wie onder julle ’n leier wil wees, behoort julle dienskneg te wees.
27 En wie die eerste onder julle wil wees, moet julle slaaf wees. 28 Selfs Ek, die
Seun van die Mens, het nie gekom om gedien te word nie, maar om dienste
lewer en boonop my lewe te gee as ’n losprys vir baie mense.”
VRAAG: Volgens Matteus 20:20-28, hoe dink jy werk die magstrukture in
die koninkryk?
Bladsy 11 van 25

TEMA: DIE KONINKRYK VAN GOD EN DIE EWIGE LEWE
LES 3: 8-10 FEBRUARIE 2011
Opsomming van Les 2
Ons gesels oor die koninkryk van God, en het verlede week gevra: wat beteken
die koms van die koninkryk vir die heerser van dié wêreld en sy volgelinge?
Wat is die waarde van die koninkryk? En hoe werk mag in die nuwe koninkryk?
Wat die eerste drie evangelies (Matteus, Markus & Lukas) “die koninkryk van
God” noem, beskryf die Johannesevangelieas "die ewige lewe". Daarom skryf
Johannes in die bekende Johannes 3:16 dat God die mensdom só liefgehad het
dat Hy sy enigste Seun gegee het sodat elkeen wat in Hom glo, nie verlore gaan
nie maar die ewige lewe sal hê. En dan voeg hy by in Johannes 3: “ 36 Wie glo in
die Seun, besit nou reeds die ewige lewe; wie egter aan die Seun
ongehoorsaam is, sal die lewe nie ervaar nie, maar die oordeel van God rus op
hom.”
VRAAG: Waaruit bestaan “die ewige lewe”, volgens Johannes 17:3? “ 2 U
het aan die Seun volmag gegee oor die hele mensheid om aan almal wat U aan
Hom gegee het, die ewige lewe te gee. 3 En die inhoud van die ewige lewe is dat
hulle U ken, die enigste ware God, en Jesus Christus wat U gestuur het. 4 Ek het
U op aarde verheerlik deur die werk te voltooi wat U My gegee het om te
doen. 5 Verheerlik My dan nou ook by Uself, Vader, met die heerlikheid wat Ek
by U gehad het nog voordat die wêreld bestaan het.”
Koninkryk
Ewige lewe
Om God te
ken
VRAAG: Wat beteken dit: om die enigste ware God te ken, en Jesus
Christus? Waaruit bestaan dié kennis?
Bladsy 12 van 25

ANTWOORD: In die wêreld waarin die Bybel ontstaan het, verwys “kennis”
nooit eksklusief na inligting nie, maar na ‘n verhouding tussen twee mense wat
daartoe lei dat hulle saam met mekaar leef en stap, en mettertyd mekaar beter
leer ken. God se koninkryk, of die ewige lewe, bestaan daaruit dat ‘n mens met
God ‘n pad stap, dat julle gemeenskap met mekaar het en dat Hy al meer
beheer van jou lewe oorneem.
‘n Belangrike deel van koninkryk of ewige lewe het te doen met wat dié wêreld
jou nie kan bied nie. Daarom gebruik Jesus by Lasarus se graf, volgens Johannes
11:25-28, die mees rewolusionêre woorde wat dalk nog ooit op aarde
uitgespreek is:“Ek is die opstanding en die lewe. Wie in My glo, sal lewe, al sterf
hy ook. Elkeen wat lewe en in My glo, sal in alle ewigheid nooit sterf nie.”
VRAAG: Wat hoor jy hierin? Maar hoor ook wat Jesus volgens Johannes 5
sê: 24 “Dit verseker Ek julle, wie my woorde hoor en vertrou op Hom wat My
gestuur het, het die ewige lewe. Hy kom nie in die oordeel nie, maar het reeds
oorgegaan uit die dood na die lewe. 25 Ek verseker julle, daar breek ’n uur aan,
en dit is nou, wanneer die dooies die stem van die Seun van God sal hoor en
dié wat dit gehoorsaam, sal lewe. 26 Soos die Vaderlewe in Homself het, só het
Hy dit ook aan die Seun gegee om lewe in Homself te hê. 27 Hy het Hom ook
volmag gegee om te oordeel omdat Hy die Seun van die Mens is. 28 Moenie
hieroor verwonderd wees nie: Daar kom ’n uur wanneer almal wat in die grafte
is, sy stem sal hoor 29 en sal opstaan. Dié wat goedgedoen het, sal opstaan om
vir altyd te lewe, en dié wat kwaad gedoen het, sal opstaan om veroordeel te
word. 30 Ek is nie daartoe in staat om enigiets uit My eie te doen nie. Soos Ek dit
van die Vader hoor, oordeel Ek en my oordeel is billik omdat dit nie my wil is
wat Ek najaag nie, maar die wil van Hom wat My gestuur het.”
VRAAG: Volgens Johannes 5:24-30, wat verwag die Christen van die
toekoms? Hoe beïnvloed dit ons daaglikse lewe hier op aarde?
VRAAG: Waaruit bestaan die lewe na die dood? Kyk na 1 Johannes 3:
ANTWOORD: “Kyk net hoe ’n groot liefde die Vader aan ons betoon het.
Dit is dat Hý ons sy kinders noem, en ons is dit beslis ook. Daarom ken die
wêreld ons nie, omdat dit Hom nie ken nie. 2 Geliefdes, ons is nou reeds kinders
van God, maar dit is nog nie duidelik wat ons sal wees nie. Wat ons wel weet, is
Bladsy 13 van 25

dat ons net soos Hy sal wees wanneer Hy verskyn. Ons sal Hom dan sien soos
Hy regtig lyk. 3 Almal wat uit hierdie Christusverwagting leef, hou hulleself
vlekkeloos soos Hy vlekkeloos is.”
VRAAG: Wat wag vir jou ná die dood?
ANTWOORD: Die koninkryk beteken dus dat jy in ‘n persoonlike
verhouding met die Here leef, dat jy oomblik-vir-oomblik in kontak met Hom bly
en doen wat Hy van jou vra. Eintlik beteken dit dat jy jou lewe vir Hom
beskikbaar stel sodat Hy deur jou kan lewe. Dink jy dis moontlik om so te lewe?
Wat gaan dit van jou vra?
Dit is immers waarvoor God die mens gemaak het – om Hom op aarde te
verteenwoordig - volgens die skeppingsverhaal in Genesis 1:26-27: ‘“Laat Ons
die mens maak volgens ons beeld, ’n afbeelding van Ons. Laat hulle soos
konings heers oor die visse in die see, oor die voëls in die lug, oor die mak diere,
oor die wilde diere, oor alles wat op die aarde kruip.” God het mense geskep na
sy beeld; volgens sy eie beeld het God hulle geskep; manlik en vroulik het Hy
hulle geskep
VRAAG: Volgens Genesis 1:26-27, wat beteken dit: om na God te lyk, of om
na sy beeld geskep te wees?
VRAAG: Wat is jou doel op aarde?
Bladsy 14 van 25

TEMA: HOE LEEF EK DIE KONINKRYK VAN GOD PRAKTIES UIT?
LES 4: 15-17 FEBRUARIE 2011
Opsomming van Les 3:
In verlede week se studie het ons gesien dat Johannes se weergawe van “die
koninkryk van God” die ewige lewe is. En die ewige lewe bestaan volgens die
Johannesevangelie daaruit dat jy God ken, dat jy in ‘n persoonlike verhouding
met Hom staan. Ons het daarop gewys dat dit te doen het met hoekom God
ons gemaak het, sodat ons namens Hom hierop aarde leef, as sy
verteenwoordiger. Maar dit gaan ook verder, en het te doen met wat
gelowiges van die toekoms verwag: ‘n nuwe wêreld wat gaan werk omdat God
oor alles en almal regeer, en alle mense onder Hom gaan floreer en gelukkig
gaan wees.
VRAAG: Wat beteken dit om die eerste drie bedes van die bekende Onse-
Vadergebed te laat gebeur in jou lewe? Matteus 6: “Ons Vader in die hemel,
laat u Naam geheilig word. 10 Laat u koningsheerskappyspoedig kom. Laat u wil
hier op aarde uitgevoer word soos in die hemel.”
VRAAG: Hoe kan jy God se teenwoordigheid in jou lewe, sy Naam, heilig en
eer?
VRAAG: Hoe kan jy Hom as Koning in jou lewe bevestig?
VRAAG: Hoe kan jy Hom toelaat om in jou lewe te doen wat Hy wil? Wat
vra dit van jou?
Kom ons wees meer konkreet:
VRAAG: Hoe sal jy die koninkryk van God in jou daaglikse lewe kan laat
kom in die spesifieke werksomstandighede waarin jy jou bevind?
VRAAG:En in die mees intieme verhoudings in jou lewe, met jou gesins- en
familielede?
VRAAG: Wat sal jy moet doen om die koninkryk te laat kom in hoe jy jou
finansies spandeer?
Bladsy 15 van 25

En in hoe jy jou vrye tyd inruim? Hoe kan jy die koninkryk daarin en daardeur
laat kom?
In Jakobus 2 praat die skrywer oor iets wat eg menslik is: dat ons ryk mense
met handskoene behandel terwyl ons geneig is om op arm mense neer te sien,
asof rykdom iets inherent aan die mens is. Nee, sê Jakobus, as jy deel van God
se koninkryk is, diskrimineer jy nie op die uiterlike af tussen mense nie. Want
God kies juis dié uit wat in die oë van die wêreld arm is, om ryk te wees in die
geloof. En dit is húlle wat die erfgename is van die koninkryk wat Hy belowe
het aan dié wat Hom liefhet. In vers 8 voeg hy dan by: ‘ 8 Julle doen inderdaad
die regte ding as julle God se koninklike wet uitleef soos dit in die Skrif staan:
“Jy moet jou naaste liefhê soos jouself.”’
VRAAG: Wat is die wet van die koninkryk? Jakobus voeg dan nog daarby:
“ 12 Sorg dus dat jou woorde en dade wys dat jy iemand is wat weet dat jy
beoordeel gaan word deur die wet wat vrymaak, die wet van liefde. 13 Jy sal
verseker geen deernis (of barmhartigheid) kry as jy nie deernis betoon nie. God
se deernis vir jou is egter sterker as sy oordeel.” Een van die belangrike
elemente van liefde is deernis, of barmhartigheid. Wat vra dit van jou, veral te
midde van baie mense rondom ons wat arm is en swaar kry en ly?
Julle is die sout
• As die sout laf geword het!
Julle is die lig
• As die lig weggesteek is!
Matteus 5 beskryf wat koninkryksmense se taak in die wêreld is. Hoor hoe
Jesus dit beskryf: 13 “Julle is die sout wat die aarde ’n beter plek moet maak.
Maar as die sout verslaan het, kry jy dit op geen manier weer sout nie. Dit is
totaal onbruikbaar. Al waarvoor dit goed is, is om buite op die straat uitgegooi
en deur die mense platgetrap te word. 14 Julle is die lig wat die wêreld moet
Bladsy 16 van 25

verlig. ’n Stad wat bo-op ’n berg lê, kan mos nie weggesteek word nie! 15 ’n
Mens steek ook nie ’n lamp op en maak dit dan onder ’n emmer toe nie.
Allesbehalwe! Jy sit dit bo-op ’n lampstaander. Dan maak dit lig vir almal in die
huis. 16 Julle moet so voorbeeldig lewe dat julle ’n helder lig sal laat uitstraal.
Dan sal die mense dit sien en julle hemelse Vader daarvoor prys!” Gesels
bietjie daaroor: wat beteken dit om sout en lig in jou wêreld te wees? Hoe kan
jy die koninkryk laat kom deur sout en lig te wees?
Bladsy 17 van 25

TEMA: HET DIE KONINKRYK VAN GOD ALLES IN JOU LEWE
AANGEBREEK?
LES 5: 22-24 FEBRUARIE 2011
Opsomming van Les 4:
Verlede week het die studie gevra: hoe kan ek en jy die koninkryk in ons
daaglikse lewe laat aanbreek? Wat sal ons anders moet doen? Op watter
manier sal ons anders moet wees? Ons het gesien dat die wet van die
koninkryk van God liefde is, en dat dit deernis en barmhartigheid teenoor
ander mense insluit. Jesus het ons taak as koninkryksmense beskryf in terme
daarvan dat ons die wêreld se lig en sout moet word.
Jesus begin sy bergrede in Matteus 5 met ‘n beskrywing van hoe die burgers
van God se koninkryk lyk, en wat hulle gelukkig maak. Die koninkryk dra nuwe
waardes in jou lewe in, en dit is waaroor dit hier gaan. Luister wat sê Jesus:
3 “Gelukkigis dié mense wat weet hoe nodig hulle God het, want hulle het deel
aan sy koninkryk. 4 Gelukkig is die treurendes, want God sal self hulle trane
afvee.” Gesels bietjie hieroor:
VRAAG: Hoekom hou die koms van die koninkryk verband met mense wat
weet hoe nodig hulle God het, en wat daarom gereeld treur omdat hulle besef
hoe dikwels hulle Hom teleur stel?
Koninkryksmense is mense wat sag van hart is, en die nuwe aarde sal hulle
erfporsie wees. Daarom is hulle gelukkige mense.
VRAAG: Wat beteken dit: om sag van hart te wees?
ANTWOORD: Vervolgens sê Jesus: “ 6 Gelukkig is dié wat honger en dors na
wat voor God reg is,want Hy sal hulle hartsverlange bevredig.” Wat beteken
dit, in die wêreld waarin jy leef? In vers 10 voeg Jesus by: “Gelukkigis dié wat
vervolg word ter wille van wat voor God reg is, want hulle het deel aan sy
koninkryk.” Wat beteken dit?
Jesus voeg by: “ 7 Gelukkig is dié wat met deernis uitreik na mense in nood, want
God sal aan húlle deernis bewys.”
VRAAG: Hoe kan jy hieraan uitvoering gee?
Bladsy 18 van 25

In vers 8 hoor ons: “Gelukkig is dié wie se hartevolkome op God gerig is, want
hulle sal vir God sien.” Ons gaan volgende week hieroor gesels.
VRAAG: Hoe gaan dit met jou stiltetyd?
Jesus sê ook: “ 9 Gelukkigis die vredemakers, want God sal vir hulle sê: ‘Julle is
mý kinders.’”
VRAAG: Wat bedoel Hy met dié woorde?
Matteus se evangelie is spesifiek aan Jode gerig. Daarom praat hy eerder van:
die koninkryk van die hemele, omdat Jode nie direk na God wou verwys nie
omdat hulle so ‘n groot respek vir Hom gehad het. Jode het probeer om God te
behaag deur die Wet van Moses te onderhou. Wat kom leer Jesus hulle? Om
die Wet nie meer te onderhou nie? In Matteus 5:17-20 verduidelik Jesus dat Hy
nie gekom het om ’n streep deur die wet of die profete te trek nie, maar
eerder om die ware bedoeling van God se wet te laat uitkom. Dan noem hy
enkele voorbeelde waaruit jy duidelik sien dat daar slegs een manier is om die
hele Wet te onderhou, en dit is om soos God lief te hê – onvoorwaardelik en
aanhoudend. Die Wet sê:“Jy mag nie moord pleeg nie. As jy moord pleeg, sal jy
voor die regbank rekenskap moet gee.” Jesus se eis van liefde sê: “As jy kwaad
bly vir jou medemens, sal jy reeds voor die regbank moet verantwoording doen.
En as jy vir iemand sê ‘jou gek’, sal jy jou voor die hoogste regbank moet verantwoord.
En as jy vir iemand sê ‘jou onnosel’, sal jy jou in die hel moet ver-
antwoord. 23 “As jy dus jou offer na die altaar toe bring en dit val jou daar by dat
jou medemens ’n grief teen jou koester, 24 los jou offer net daar voor die altaar
en gaan maak eers vredemet daardie persoon. Kom dan terug en bring jou
offer.” Wat hoor jy hierin oor die lewenswyse van koninkryksmense?
Bladsy 19 van 25

TEMA: LUISTER NA DIE KONING SE STEM
LES 6: 1-3 MAART 2011
Opsomming van Les 5:
Verlede week het ons by Jesus kers opgesteek oor hoe iemand se lewenswyse
lyk in wie se lewe die koninkryk aanbreek. Jesus het verduidelik dat sulke
mense weet hoe afhanklik hulle van God is, en wat gereeld treur omdat hulle
telkemale die bestuur van hulle lewe in eie hande geneem het. Dit is mense
wat sag van hart is en deernis het met ander, wat honger en dors na wat reg is
en bereid is om daarvoor vervolg te word, vredemakers wat hulle hele hart op
God rig. Dit is mense wat die hele Wet van Moses onderhou omdat hulle
liefhet, soos God ons liefhet.
Matteus 5:8 het gesê: “Gelukkig is dié wie se harte volkome op God gerig is,
want hulle sal vir God sien.” Wat beteken dit as jou hart volkome op God gerig
is? En dat jy God sal sien?
Hoe gaan dit met jou stiltetyd? Hoe gereeld kom jy by die Here uit? Hoeveel
tyd spandeer jy daaraan?En wat gebeur in daardie tyd? Hoor jy van God?
STILTETYD
Gebed Bybel
God se
stem
1 Petrus 2:4-5 gebruik ‘n mooi beeld: “ 4 Julle het na Christus toe gekom, Hy wat
die lewende hoekklip is van God se geestelike tempel. Die mense het Hom
afgekeur as hoekklip, maar God het Hom vir dié ereplek uitgekies. 5 Laat julle as
lewende, gekapte klippe inbou in God se geestelike tempel. Julle taak as
tempel is om heilige priesters te wees wat geestelike offers bring. God aanvaar
hierdie offers juis omdat Jesus Christus die hoekklip is.” En dan gaan vers 9
aan: “Julle is ’n koninkryk wat uit priesters bestaan, ’n nasie wat heeltemal in
God se diens staan, ’n volk wat heeltemal God s’n is.” Wat beteken dit: dat jy ‘n
Bladsy 20 van 25

priester is wat in die tempel geestelike offers bring, deel van ‘n volk wat
heeltemal aan God behoort en aan Hom toegewy is?
Johannes gebruik in Openbaring 1:5-6 dieselfde terme: “Aan Hom wat ons
steeds liefhet en ons deur sy bloed van ons sondes verlos het, 6 en ons sy koninkryksmense
gemaak het, priesters vir God, sy Vader, behoort die
heerlikheid en die krag vir ewig en altyd. Amen.” ‘n Priester is iemand wat
afgesonder is om in die tempel voor God diens te doen, en hy wy sy lewe
daaraan om God te aanbid en tot Hom te bid. Die offers wat hy bring, is ook
gebede, die gelowiges se gebede om vir God te vra vir versoening en seën, en
om hulle dank en blydskap te toon. Hoe kan jy ‘n priester in jou stiltetyd
word?
Frustreer jou gebedstyd jou soms omdat jy elke keer dieselfde gedagtes
herhaal? Jy moet onthou dat gebed ‘n tweerigting-gesprek is, en dat God ook
aan die Woord moet kom sodat die gesprek nie slegs jou monoloog met Hom
word nie. Hoe kan Hy aan die Woord kom? Lees sy Woord biddend en luister
met jou gees om te hoor wat Hy vir jou, in vandag se omstandighede, wil sê.
Onthou wat Jesus in Matteus 4:4 gesê het: ‘’n Mens het meer as brood nodig
om van te lewe. Wat jy eintlik nodig het, is om te leef van elke woord uit God
se mond.’ Lees ‘n kort stukkie biddend, met die doel om van God te hoor.
Luister dan in jou gees, en oordink wat Hy vir jou wil sê. Skep die ruimte (en
tyd) sodat Hy met jou kan praat. Moenie haastig raak nie. En wanneer jy klaar
gebid het, lees een van die Psalms op dieselfde manier, biddend en
nadenkend. Jy gaan verstom wees oor hoe getrou die Gees van die Here is om
op ‘n relevante wyse by jou daaglikse nood aan te sluit en met jou te praat.
Watter rol het die Bybel in die verlede in jou gebedslewe gespeel?
Wanneer jy bid, waak daarteen om vir die Here voor te skryf wat Hy moet
doen. Onthou wat Jesus in Matteus 6:8 sê: “julle Vader weet presies wat julle
behoeftes is, selfs nog voordat julle Hom vra!” Bid met die versoek: dit is my
nood. Wat wil U daarmee bereik? Hoe kan ek u medewerker word sodat U u
doel kan bereik? Het jy al so gebid? En wat het gebeur?
Die koninkryk en ewige lewe bestaan daaruit dat jy God leer ken, dat jy ‘n pad
met Hom in ‘n persoonlike verhouding stap. Wanneer jy in dié verhouding
groei, sal jy vind dat Hy al meer belangrik vir jou word. En dan sal die dood van
Bladsy 21 van 25

etekenis verander. In plaas daarvan dat jy die dood vrees omdat dit jou lewe
gaan vernietig, begin jy na die dood kyk as die boodskapper wat jou kom haal
sodat jy onverhinderd met God gemeenskap kan hou, iets wat op aarde net
nooit moontlik is nie. Kyk na 1 Korintiërs 15: “ 54 Wanneer dit gebeur – wanneer
ons verganklike aardse liggame in hemelse liggame omskep word wat nooit sal
sterf nie – dan uiteindelik sal die Skrifwoord waar word: “Die dood is totaal
uitgewis, want dit is heeltemal oorwin.” 55 “O dood, waar is jou oorwinning?
Dood, wat het van jou angel geword?” 56 Want sonde is die angel wat die dood
veroorsaak. En dit is die wet wat aan die sonde sy slaankrag gee. 57 Aan God
kom ons dank toe – Hy wat aan ons die oorwinning oor die sonde en die dood
gee deur Jesus Christus ons Here!” Wat beteken dié gedeelte vir jou wanneer
jy oor die dood dink?
Bladsy 22 van 25

TEMA: FINALE GEDAGTES RONDOM DIE KONINKRYK VAN GOD
LES 7: 8-11 MAART 2011
Opsomming van Les 7:
Die sentrale tema in Jesus se verkondiging is “die koninkryk van God” of “die
ewige lewe”, soos die Johannesevangelie daarna verwys. Wat verstaan jy
onder dié term? Wat beteken dit vir jou in jou daaglikse lewe? Hoe lyk ‘n mens
in wie se lewe die koninkryk kom?
Kom ons vat saam wat ons die afgelope kwartaal gesê het:
Die koninkryk van God is 'n ryk waar God as Koning oor die hemel en aarde
regeer. Die Koning se onderdane is die mense wat in Hom glo en daarom aan
Hom gehoorsaam is. In hulle lewe kom die koninkryk elke dag.
Die koninkryk het gekom toe Jesus gebore is en aan die kruis gesterf het.
Die koninkryk sal kom wanneer Jesus ons kom haal as die burgers van die nuwe
aarde waar Hy regeer
Die koninkryk kom nou waar Jesus in mense se lewens regeer.
Die koninkryk kom nie vir mense wat dink dat hulle alreeds goed genoeg is nie,
maar vir mense wat soos kinders besef hoe nodig hulle God het.
Dié wêreld behoort aan Satan en sy soldate, maar Jesus se bediening
veroorsaak dat hy uit die hemel val soos ’n weerligstraal, want Jesus het aan sy
volgelinge gesag gegee oor alle mag van die vyand. Die einde is besig om aan
te breek vir die bose magte en hulle volgelinge.
Die koninkryk is so waardevol dat jy bereid moet wees om alles te verkoop wat
jy het om dit in die hande te kry. Dit is die belangrikste skat wat jy in dié lewe
kan kry.
In die koninkryk werk mag so dat die een wat die eerste is, die ander se slaaf is.
Jy sien dit in die Koning se lewe, wat gekom het om dienste lewer en boonop
sy lewe te gee as ’n losprys vir ons.
Die ewige lewe bestaan daaruit dat jy die enigste ware God ken, en Jesus
Christus wat Hy gestuur het. “Kennis” verwys nooit net na inligting nie, maar
Bladsy 23 van 25

na ‘n verhouding tussen twee mense wat groei en ontwikkel tot vriendskap,
kameraadskap en uiteindelik intimiteit.
‘n Belangrike deel van koninkryk of ewige lewe het te doen met wat dié wêreld
jou nie kan bied nie. Dit handel oor wat wag: die lewe waar ons God gaan ken
soos Hy werklik is, en waar Hy alles in almal gaan wees. Daarom verloor ons
ook ons natuurlike vrees vir die dood.
Die koninkryk beteken dus dat jy in ‘n persoonlike verhouding met die Here
leef, dat jy oomblik-vir-oomblik in kontak met Hom bly en doen wat Hy van jou
vra. Jy stel jou lewe vir Hom beskikbaar sodat Hy deur jou kan lewe. Dit is
waarvoor God die mens gemaak het – om Hom op aarde te verteenwoordig.
In die proses maak jy die eerste drie bedes van die Onse-Vadergebed waar:
“laat u Naam geheilig word, laat u koningsheerskappyspoedig kom, laat u wil
hier op aarde uitgevoer word soos in die hemel.” Die koninkryk van God kom in
jou daaglikse lewe - in jou werksomstandighede, die verhoudings in jou lewe,
jou gesins- en familielewe.
Die wet van die koninkryk is die liefde, wat onder andere uit deernis teenoor
ander mense bestaan. Om dit anders te stel, Christene is die sout wat die aarde
’n beter plek moet maak en die lig wat die wêreld moet verlig.
Matteus 5 bevat ‘n beskrywing van hoe die burgers van God se koninkryk lyk,
en wat hulle gelukkig maak. Die koninkryk dra nuwe waardes in jou lewe in, en
dit is waaroor dit hier gaan. Koninkryksmenseis dié mense wat weet hoe nodig
hulle God het, wat treur omdat hulle dikwels die beheer van hulle lewe in hulle
eie hande terugneem, mense wat sag van hart is, wat honger en dors na wat
voor God reg is, wat vervolg word ter wille van wat voor God reg is, wat met
deernis uitreik na mense in nood, wie se harte volkome op God gerig is,
vredemakers.
Christene is lewende, gekapte klippe wat in God se geestelike tempel ingebou
is, ’n koninkryk wat uit priesters bestaan, ’n nasie wat heeltemal in God se
diens staan. Hulle taak as tempel is om heilige priesters te wees wat geestelike
offers bring.‘n Priester is afgesonder om God te aanbid en tot Hom te bid.
Bladsy 24 van 25

Die koninkryk en ewige lewe bestaan daaruit dat jy God leer ken, dat jy ‘n pad
met Hom in ‘n persoonlike verhouding stap. Wanneer jy in dié verhouding
groei, sal jy vind dat Hy al meer belangrik vir jou word.
Bladsy 25 van 25