ATEïSME NOAG EN SY ARK “DIE WARE VERHAAL”! - Ateisme.co.za

1
ATEïSME
NOAG EN SY ARK
“DIE WARE VERHAAL”!
Ons almal ken die verhaal van die groot vloed, sedert ons kinderdae. Ons wil nou
die moontlikhede van die ark en die vloed, toets met ons kennis van vandag, in die
wetenskap. Dan wil ons ook uitvind wie was die werklike Noag! Ons is oortuig
daarvan dat u baie interessante inligting hier mag bekom.
Kom ons besigtig ’n paar omskrywings:
Die Sonvloed:
Dit is in die Ou Testament, die Koran en die “Epic of Gilgamesh” (‘n antieke
Sumeriese legende), ‘n vloed wat oor veertig dae en nagte geskied het. Dit is ‘n
ramp wat alle lewe op aarde, ingesluit die mensdom, behalwe ‘n verkose groupie,
uitgewis het. Volgens die Ou Testament was die oorlewendes Noag en sy familie
en die diere paartjies wat hy op sy ark kon beskerm. God het die groot vloed
gestuur om almal wie nie wou weg beweeg van sonde, te vernietig. God het die
geregtigdes, Noag en sy gesin, wie hom gehoorsaam het, gespaar.
[Genesis 1,6:8].
Die Ark:
Dit is die vaartuig van Noag. Dit is ‘n groot boot gebou deur Noag, volgens God se
voorskrifte. Slegs die mense en diere op die ark het die sonvloed oorleef. Daar is
nog ander arke ook. Die ark van die verbond, wat ‘n houer is, wat op God se
bevele gemaak is, waarin die kliptafels van God se wette, bewaar was. Dit is nou
die kas in die Sinagoge waarin die geskrifte van die Torah (Ou Testament) gebêre
word. Dit is in die muur van die Sinagoge, wat na die tempel heuwel in Jerusalem
wys. Dit word geag die heiligste deel van die gebou te wees. ‘n Ewige vlam brand
voor hierdie ark, genaamd, die Heilige Ark. [Deut. 31:26).
So was die mandjie waarin Moses as ‘n baba geplaas was ook ‘n ark geag.
[Exodus 2: 1-5].
Noag: In die Ou Testament is hy die seun van Lameg en die vader van Gam, Sem
en Jafet. Noag was dan ‘n regverdige man wie gedurende die tyd van goed en
boosheid gelewe het. God beveel Noag om ‘n boot te bou waarmee hy sy familie
en ‘n broeipaartjie van elke bestaande lewende diere spesie, moet red. Noag was

2
500 jaar oud toe hy vader van Sem, Gam en Jafet geword het. Hy was 600 jaar
oud toe die vloed oor die aarde gekom het. Noag het hierna nog 350 jaar gelewe
en het dus op die ouderdom van 950 jaar gesterf.
Volgens die Bybel het Noag sowat 5000 jaar gelede nog gelewe. Hy was dan ‘n
goeie en regverdige man in ‘n wêreld van korrupsie. Die verhaal dateer dan sowat
3000 BCE, dus voor die jaar nul. Ons leer dat Noag ‘n baie suksesvolle wynboer
moes wees in die land van Macedonië, Noord van Griekeland. Noag as ‘n goeie en
regverdige mens, as God se uitverkorene, het blykbaar een swakheid teveel gehad,
‘n drank probleem. Die Bybel se Ou Testament beskryf volledig hoe Noag kaal,
dronk in sy tent gelê het.
Dit is duidelik dat Noag ‘n dronkaard was. Gam, die vader van Kanaän, het Noag
kaal gesien lê en sy twee broers Sem en Jafet daarvan vertel. Die twee broers het
‘n bo-kleed oor Noag gegooi, deur agteruit te loop. Sodoende het hulle hom nie
kaal gesien nie. Toe Noag uit sy dronkenskap wakker word het hy Kanaän, die
seun van Gam, vervloek tot die slaaf van Sem. Hier is ‘n man van God, ‘n
dronkaard, wie sy kleinseun vervloek omdat sy pa hom dronk en kaal sien lê het.
Dit is dan die goeie en geregtige uitverkorene van God. Die God wie hom
respekteer en eerbaar ag! Dit is dan Noag wat sê: “Geseënd is die Here, die God
van Sem. Maar Kanaän moet sy dienskneg wees”.
Noag doen nou Godspraak en vervloek sy kleinseun asof hy sy God voorskryf om
dit wat hy onder invloed kwytraak, wel goed te keur. Dit is ‘n normale dronkmens
verhaal. Nogtans respekteer God hom en maak ‘n dronkaard eerbaar!
[Lees gerus Genesis 9: 18-27].
In slegs drie versies, Genesis 6: 14-16, het God dan vir Noag voldoende instruksies
gegee hoe om die grootste boot van hout, ter wêreld, selfs vandag, te bou. Die
Goferhout is dan ‘n harde Sipresboom-hout.
Lengte = 300 El (300 x 45cm) = 135 meter
Breedte = 50 El (50 x 45 cm) = 22.5 meter
Hoogte = 30 El (30 x 45 cm) = 13.5 meter
Die boot sou drie dekke hê en daar sal deure en vensters wees. Die kubieke
inhoud van die boot maak dit groter as ‘n moderne super tenkskip, selfs groter as
die Titaniek. Dit was die grootste boot in die Antieke Wêreld. Om te beweer die ark
was van hout alleen gebou is ‘n algehele oordrewe begrip. Dit is nie eers ‘n
werklikheid vir vandag se moderne ingenieurs en tegnieke om ‘n boot van 135
meter, slegs uit hout te bou nie. So ‘n boot van hout sal op die see eenvoudig
uitmekaar trek en sink. Dit sal onmoontlik wees om die vele lekplekke toe te stop.
So ‘n boot kan alleenlik van staal gebou word.
Daar is ongeveer 30 miljoen spesies diere op die aarde. Die eerste vraag is
natuurlik, hoe sal die diere inpas in die ark? Daarna kan u dink aan kos en die
variasie daarvan asook water en die skoon hou deur mis en urine verwydering.

3
Elke dek moet geseël en gereinig word. Die Bybel sê die diere stap aan oor dertig
dae. Volgens ons berekeninge is dit 50 pare diere per sekonde. Op normale spoed
sal dit ongeveer 30 jaar neem en nie 30 dae nie. Daar is verskeie variasies van die
diere verhaal. Dit is dan slegs die diere in die Noordelike halfrond van die wêreld.
Ander geskrifte beweer dit was slegs 7 pare skoon diere wat vir seremoniële
offerandes gebruik was. Ander beweer weer dit was 10 spesies wat dan op sowat
140 diere uitkom. Daar is een paar van elke diersoort met ‘n totaal van 60 diere.
Daar was skoon voëls ook wat dit dan 260 diere maak. Ons wonder maar net oor
ons Olifante, Kameelperde en Kangaroos. Wie gee nou om vir die Tiere, Luiperds,
Leeus, Hiënas, Wildehonde, ens. Spekuleer maar self verder!
Hoe lank sal dit moet reën, dag en nag, totdat die wêreld algeheel bedek is. Ja,
eenvoudig alles op aarde is onder water! Kom ons kyk wat sê ons Argeoloë.
Sowat 150 jaar gelede het die soektog na die wêreldvloed-bewyse begin. Tot
datum is daar slegs oorweldigende bewyse van geen sodanige vloed gevind. Ons
sal sowat drie maal die huidige hoeveelheid seewater wat die aarde tans oor
beskik, nodig hê. Dit kan maar vir 40 dae en nagte reën of selfs langer. Die water
is see water, mere, Noord- en Suidpole ondergrond en waterdamp in die lug. Ons
praat van diep fonteine, dus in die middel van die aarde en selfs dryfsand poele. Dit
maak nie saak wat die Bybel of ander legendes aanhaal nie. Wat u moet besef, is
dat sou die aarde met water bedek word sal die lug ‘n te hoë watervog inhoud
bevat. Dit beteken dat alle long asemhalende diere en mense nie sal kan asemhaal
nie. Diere en mense sal eenvoudig versmoor. Dit is ‘n feit dat al die water op die
aardbol of daarbinne, onvoldoende is om die aarde te bedek!
Ja, maar wag so ‘n bietjie, sê ons gelowiges. God kon ‘n komeet van gevriesde
water gestuur het, ongeveer 1 600 kilometer wyd! Dit is al wat nodig is om die
water aanvulling te doen! Min weet hierdie mense dat sou so ‘n komeet die aarde
tref, sal eenvoudig niks oorleef nie. Dit sal die grootste ontploffing ooit op aarde
wees. ‘n Geskatte 12 triljoen ton dinamiet ontploffing in vergelyking. Selfs die
temperatuur op aarde sal styg tot sowat 12 000 grade farnheit. Niks op aarde sal
die skokgolwe of temperatuur oorleef nie. Daar sal geen lewe op aarde oor wees
om op ‘n ark te plaas nie. Alles sal eenvoudig verkool wees.
Die Bybel sê die ark land op die berg Ararat, dus, Oos in Turkye. Die hout sal egter
verrot binne ‘n paar eeue maar nogtans word ekspedisies gereeld gereël maar tot
vandag is nog geen bewys gevind nie. Dit is natuurlik ‘n besondere bron van
toerisme bevordering, die berg, die ekspedisies in die soeke na die mistieke ark, boop
die berg. So is ‘n stuk hout deur ‘n ene Ian Palmer gevind, wat na ontleding die
hout van ‘n kerk-struktuur blyk te wees. By vele geleenthede het die gelowiges se
hoop weer ontvlam. In 1949 het die VSA-lugmag ‘n foto geneem wat eers in 1955
vrygestel was. Dit was beweer daar was ‘n boot struktuur in die ys wat aan die ark
kon voldoen. Daar was geen bewyse nie. Volgens die Argeoloë is dit onoortuiglik
volgens die swak foto en kan dit enigiets wees, afhangende van die skaduwees. In
2 000 was daar nuwe hoop wat weereens bewys was as die vorm van die ys in ‘n
smelt proses. Die waarheid is, dat sou die ark op die berg geland het, sal dit saam

4
met die ys of die gletser afbeweeg het. Die ark van 5 000 jaar gelede sou lankal op
die berghange vervlenterd en verrot uitgewerp wees.
Alle bewerings is deeglik ondersoek en alles is vals bevind. Volgens die Argeoloë
is daar geen boot of ark, geen hout te vind nie en gevolglik is daar geen waarheid
daarin nie!
Daar is egter ‘n ander vloed verhaal wat sowat 600 BCE in Mesopotamië (vandag
Irak) bestaan het. Mesopotamië is die land tussen die Tigris en Euphrates riviere.
Hier het die beskawings van Sumeria, Babilon en Assirië gefloreer. Sumerië, sowat
3500 BCE, was vermoedelik die vroegste bekende beskawing. Dit word dan
beweer dat alle stories ‘n basis van waarheid het. Vroeg in 1900 het ‘n Argeoloog
‘n 1851 oorlogsveld in Mesopotamië ondersoek. Hy het kleitablette gevind wat aan
die Britse museum oorhandig was, omdat hy geen begrip gehad het, wat daarop
staan nie. ‘n Ene George Smith het dit ontleed en bevind die “Epic of Gilgamesh”.
Hy was baie opgewonde oor die baie ooreenkomste met die storie van Noag van
die Bybel. Meer weergawes en bewyse van die vloed in Mesopotamië is ontdek
met bevestiging dat dit sowat 5000 jaar terug dateer. Die storie is dat God die
mensdom straf deur ‘n vloed te stuur, maar ‘n paar mense ontvlug. Daar was wel
plaaslike vloede in Mesopotamië en redelik gereeld. Bewyse van drie vloede is
gevind, wat 5000 jaar en ouer dateer. Die Sumeriane het dit vermeng met ander
stories en mites met ‘n eindresultaat van ‘n wêreld vloed, ‘n geboude boot en dan
die landing op die berg (Arrarat). Selfs die bekende Mana (Skepper) van Indië se
bote het altyd op die berge geland.
Die vloed storie van Mesopotamië (Irak), is dan die Sumeriese verhaal van ‘n
Sumeriese Noag, ‘n ryk man met geen tekort aan goud en silwer. Hy bou dan ‘n
groot boot om meer geld te maak met die vervoer en spekulasie van bokke, graan
en bier. Dit is dan ‘n vragskuit waarvan baie in gebruik was. Syne moet die
grootste moontlike boot wees. Die vraag is of die Sumeriane wel oor die nodige
kennis beskik het om so ‘n groot boot te bou. Noag neem eendag waar hoe ‘n
seuntjie met sy bootjies in die water speel. Hy het vier klein bootjies aan mekaar
vasgemaak en sodoende een groot boot laat dryf. Dit is toe wat Noag dadelik
gedoen het en hy het sy besonder groot platvorm van ‘n vragskuit vir massa
vervoer. Sommige mense beweer dat Noag die koning van Shurupak was. Hy het
egter baie skuld gehad en gevrees dat hy soos die gebruik in Mesopotamië was, die
skuldeiser se slaaf moes word, indien hy in onvermoë is om sy skuld te betaal.
Daar was ‘n vloed in Mesopotamië wat ‘n frats gebeurtenis is, wat glo een keer per
1000 jaar gebeur. Die sneeu op die Armeniaanse berge het gesmelt wat die
Shurupak vloed veroorsaak het. Noag het glo ‘n fees op die rivierbank gehou, toe
die storm losbars. Dit was ‘n orkaan of ‘n tropiese storm wat tot tien maal die
normale reënval meebring. Die gebeure het die Mesopotamiese vloed veroorsaak.
Volgens die Bybel was dit ‘n 40 dae en nagte neerslag terwyl die Mesopotaniese
vloed slegs 7 dae lank was.
Noag en sy familie het die vloed sien kom en na sy reuse vragskuit gehaas. Hulle
is in die rivier afgespoel en was aan die genade van die vloed oorgelaat. Die

5
meeste van sy kosbare vrag was verlore. Die volgende dag kon hulle nie enige
land sien nie en so het hulle vir sewe dae rond gedryf. Hulle het die water probeer
drink en bevind dit is sout. Hulle is op die see. Noag is nou in die persiese golf.
Die see van Babilonië. Varswater was nie beskikbaar nie en sodoende drink hulle
en die oorlewende diere die bier wat aan boord is. Bier bevat egter 98% water en is
voedsaam, sonder sout. Volgens hierdie storie land Noag ook op die berg Arrarat.
Die Babiloniese storie van Noag gaan nog verder. Weens al die skuld van Noag is
sy koningskap onvergewerp en kan hy nie terugkeer nie. Hy moet sy skuld betaal
of as slaaf sy skuld afwerk. Hy moes blykbaar ontvlug en daarom die verhaal. Hy
het met sy familie en vrag ontvlug na die destydse Idilliese plek, soos dan deur God
voorsien “Damun” soos vandag bekend as Barein. Alhoewel dit destyds ‘n ideale
herbegin plek was, is dit vandag slegs ‘n woestyn met vele grafte.
Sowat 2000 jaar later moes die Joodse skrywers Genesis skryf, asook Noag se
verhaal van die vloed, ten einde ‘n begin tot die beweerde Moses se skrywes te
bied. Hulle het volledig kennis gedra van die “Epic of Gilgamesh” en sy variasies
wat dan die basis van die Bybelse Noag verhaal vorm. Die boodskap van die
Joodse skrywers was dat “die mens moet weet dat God hom sal straf”.
Ten spyte van die plagiatiese vloed verhaal en algeheel gebrek aan bewyse of
waarheid, het die Joodse God se massamoord geen boosheid uitgewis nie. Die
godsprekende en god-voorskriftelike dronklap van ‘n wynboer in die Bybel word
vandag in die wêreld voortgesit met miljoene alkohol verslaafdes en ook boosheid,
wie nie deur God gestraf word nie.
Sou u nog steeds glo dat die Bybel die ware woord van ‘n God, of jou God is, kan jy
beslis enigiets glo. Jy het dan geen bewyse of redenasie tot oortuiging nodig nie.
Dit is wat geloof beslis is, anders sou u dit geskiedenis genoem het. Dit is so
kinnderlik aanvaarbaar om fabels as waar te aanvaar.
Xian le Roux 2010

.
6