Die Wet van die Here pdf - Ecclesia

Teksverse uit 1953 Vertaling
Deur: F. W. C. Neser, M.Sc.
DIE WET
VAN
DIE HERE
U woord is ‘n lamp vir my voet en ‘n lig vir my pad.
Psalm 119:105.
1

Die Wet van die HERE
Outeur F.W.C. Neser
Kopiereg F.W.C. Neser
Uitgewer F.W.C. Neser
Posbus 31571
Wonderboompoort
0033
Tel / Faks: (012) 379-8954
e-pos: ekklesia@telkomsa.net
Kantoorure: Maandag,Dinsdag
Donderdag,Vrydag
09:00-12:00
Drukker Jotha Drukkers,
CK95/28940/23
Tel: (012) 46-5964
(083) 453-0969
Nuwe Druk 2006
ISBN ISBN 1-919933-51-4
2

Die Wet van die HERE
Inleiding
Dawid het gesê:
Die wet van die HERE is volmaak. Dit verkwik die siel; die getuienis van
die HERE is gewis: dit gee wysheid aan die eenvoudige -- (Ps. 19:8).
Ons Here Jesus het gesê:
Matthéüs 5:17-19;
17 MOENIE dink dat Ek gekom het om die wet of die profete te ontbind nie.
Ek het nie gekom om te ontbind nie, maar om te vervul.
18 Want voorwaar Ek sê vir julle, voordat die hemel en die aarde verbygaan,
sal nie een jota of een titteltjie van die wet ooit verbygaan totdat alles
gebeur het nie.
19 Elkeen dus wat een van die minste van hierdie gebooie breek en die
mense só leer, sal die minste genoem word in die koninkryk van die
hemele maar elkeen wat dit doen en leer, hy sal groot genoem word in
die koninkryk van die hemele.
Jesus se Opsomming van die Wet
Toe ‘n Fariseër Jesus ‘n vraag gestel het om Hom te versoek, het Hy hulle as
volg geantwoord:
Matthéüs 22:36-40;
36 Meester, wat is die groot gebod in die wet?
37 En Jesus antwoord hom: Jy moet die Here jou God liefhê met jou hele
hart en met jou hele siel en met jou hele verstand.
38 Dit is die eerste en groot gebod.
39 En die tweede wat hiermee gelykstaan: Jy moet jou naaste liefhê soos
jouself.
40 Aan hierdie twee gebooie hang die hele wet en die profete.
Paulus se Definisie van die Wet
Romeine 13:8-10;
8 WEES aan niemand iets skuldig nie, behalwe om mekaar lief te hê; want
hy wat 'n ander lief het, het die wet vervul.
9 Want dít: Jy mag nie egbreek nie, jy mag nie doodslaan nie, jy mag nie
steel nie, jy mag geen valse getuienis gee nie, jy mag nie begeer nie, en
watter ander gebod ookal word in hierdie woord saamgevat: Jy moet jou
naaste liefhê soos jouself.
3

10 Die liefde doen die naaste geen kwaad nie; daarom is die liefde die
vervulling van die wet.
Die Bybel se Definisie van Sonde
Ons lees in:
1 Johannes 3:4;
Elkeen wat die sonde doen, doen ook die wetteloosheid, want die sonde
is die wetteloosheid.
(Ongeregtigheid / wetteloosheid is die oortreding van die wet - sien die Engelse
Bybel).
Jesus het vir die siek man van Betésda gesê, nadat Hy hom gesond gemaak het:
Johannes 5:14;
“ - - - - Kyk, jy het gesond geword; moenie meer sondig nie, sodat daar
nie iets ergers met jou gebeur nie.
Met andere woorde, Jesus het vir hom gesê moenie weer die wet oortree nie;
sodat daar nie iets ergers met jou gebeur nie.
Ek kan nie maar net leef soos ek wil, en dan as gelowige elke keer vir God vra
om my te genees of uit te help wanneer ek dan die gevolge van my eie
handelinge oor my kry nie. God sal dan sy eie wet minag. Deur die wet is die
kennis van die sonde, want anders hoe sou ek geweet het wat reg en wat
verkeerd is?
Nuwe Verbond, Dieselfde Wet
Daar is net een Goddelike Wet.
Daar is ‘n nuwe Verbond. - - - - - -
Jeremia 31:31-34;
31 Kyk, daar kom dae, spreek die HERE, dat Ek met die huis van Israel en
die huis van Juda ‘n nuwe verbond sal sluit;
32 nie soos die verbond wat Ek met julle vaders gesluit het op dié dag toe Ek
hulle hand gegryp het om hulle uit Egipteland uit te lei nie – my verbond
wat húlle verbreek het, alhoewel Ék gebieder oor hulle was, spreek die
HERE.
33 Maar die is die verbond wat Ek ná dié dae met die huis van Israel sal
sluit, spreek die HERE: Ek gee my wet in hulle binneste en skrywe dit op
hulle hart; en Ek sal vir hulle ‘n God wees, en hulle sal vir My ‘n volk
wees.
34 En hulle sal nie meer elkeen sy naaste en elkeen sy broer leer nie en sê:
Ken die HERE; want hulle sal My almal ken, klein en groot onder hulle,
spreek die HERE; want Ek sal hulle ongeregtigheid vergewe en aan hulle
sonde nie meer dink nie.
Hebreërs 8:8-12;
4

8 Want Hy berispe hulle en sê: Kyk, daar kom dae, spreek die Here, dat Ek
met die huis van Israel en die huis van Juda ‘n nuwe verbond tot stand
sal bring,
9 nie volgens die verbond wat Ek met hulle vaders gemaak het op die dag
toe Ek hulle aan die hand geneem het om hulle uit Egipteland uit te lei
nie; want hulle het nie gebly by my verbond nie, en Ek het hulle
veronagsaam, spreek die Here.
10 Want die is die verbond wat Ek ná dié dae sal sluit met die huis van
Israel, spreek die Here; Ek sal my wette in hulle verstand gee en dit op
hulle hart skrywe; en Ek sal vir hulle ‘n God wees, en hulle sal vir My ‘n
volk wees.
11 En hulle sal nie meer elkeen sy naaste en elkeen sy broer leer en sê: Ken
die Here nie; want almal sal My ken, klein en groot onder hulle.
12 Want Ek sal barmhartig wees oor hulle ongeregtighede en aan hulle
sondes en hulle oortredinge nooit meer dink nie.
- - - - - - En ‘n nuwe Middelaar (i.p.v. Moses).
Maar dit is nog dieselfde wet, eers geskryf op klippe, nou op die hart.
Vgl. Matt. 22:36-40.
Die wet en die profete is in die Ou Testament.
Dis nog sonde byvoorbeeld om enige van die Tien Gebooie te oortree.
In die Nuwe Testament gaan die wet dieper as die uiterlike daad - sien Jesus oor
moord, egbreek, ens. in die Bergpredikasie (Matt. 5:28).
Genade het my so verander dat ek nou die wet uit die diepte van my hart doen.
Ek het nou oorgegaan van dié posisie van ‘n slaaf tot dié van ‘n seun.
Liefde is die vervulling van die wet.
Christus wat nou in my lewe, Hy vervul die wet.
Hy het vir my ‘n voorbeeld nagelaat dat ek in sy voetstappe moet navolg.
1 Petrus 2:21;
Want hiertoe is julle geroep, omdat Christus ook vir julle gely het en julle
‘n voorbeeld nagelaat het, sodat julle sy voetstappe kan navolg;
Indeling van die Wet
Die Wet kan in drie dele ingedeel word.
(a) Die Seremoniële wette.
(b) Morele wette.
(c) Regsplegende of Burgerlike Wette.
Die eerste gedeelte, naamlik deel (a) is op Gólgota vervul want daardie gedeelte
het gewys op die Lam van God wat die sonde van die wêreld sou wegneem. Dis
nie nou meer nodig vir die besnydenis, offerandes, was van hande, waskomme,
of enige van die rituele gedeeltes nie.
5

Maar die gedeeltes (b) en (c) is ewige wette net soos die Wet van Swaartekrag of
enige ander natuurwet en ook net so bindend en net so meedoënloos as dit
oortree word.
Dit het ook bestaan sedert die begin van die Skepping en was maar net op die
berg Sinai formeel aan Israel toevertrou om te hou en aan die wêreld te
demonstreer.
Dit was alreeds aan Adam bekend toe hy heerskappy oor die Skepping ontvang
het:
Génesis 1:26-28;
26 En God het gesê: Laat Ons mense maak na ons beeld, na ons gelykenis,
en laat hulle heers oor die visse van die see en die voëls van die hemel
en die vee en oor die hele aarde en oor al die diere wat op die aarde
kruip.
27 En God het die mens geskape na sy beeld; na die beeld van God het Hy
hom geskape; man en vrou het Hy hulle geskape.
28 En God het hulle geseën, en God het vir hulle gesê: Wees vrugbaar en
vermeerder en vul die aarde, onderwerp dit en heers oor die visse van die
see en die voëls van die hemel en oor al die diere wat op die aarde kruip.
Abraham het na God se stem geluister en sy ordening, sy gebooie, sy insettinge
en sy wette onderhou.
Génesis 26:5;
Omdat Abraham na my stem geluister en my ordening, my gebooie, my
insettinge en my wette onderhou het.
En dit was amper 400 jaar voor die “gee van die wet” op berg Sinai.
Orde en Harmonie deur die Wet
Net soos daar orde en harmonie in die hemele is omdat God se wette daar
uitgevoer word, so sal daar alleen orde en harmonie op aarde kom as ons God se
wette vir die aarde gehoorsaam.
Die redding van die siel van die sondaar kom alleen deur die BLOED van Jesus
die Christus; en harmonie vir ons aardse bestaan kom deur die WET.
Daarom het Jesus ons geleer bid:
“Só moet julle dan bid: Onse Vader wat in die hemele is. laat u Naam
geheilig word, laat u koninkryk kom, laat u wil (geopenbaar in sy wet)
geskied, soos in die hemel net so ook op die aarde” - (Matt. 6: 9-10).
Die verwerping en verontagsaming van God se wette is die oorsaak van sonde,
siekte en onrus op aarde. Een van die eerste beloftes vir die Duisendjarige
Vredesryk van God op aarde is die volkome herstel van die wet.
Luister:
Jesaja 2:2-5;
6

2 En aan die einde van die dae sal die berg (koninkryk) van die huis van die
HERE vasstaan op die top van die berge en verhewe wees bo die
heuwels, en al die nasies sal daarheen toestroom.
3 En baie volke sal heengaan en sê: Kom laat ons optrek na die berg van
die HERE, na die huis van die God van Jakob, dat Hy ons sy weë kan leer
en ons in sy paaie kan wandel. Want uit Sion sal die wet uitgaan en die
woord van die HERE uit Jerusalem.
4 En Hy sal oordeel tussen die nasies en regspreek oor baie volke; en hulle
sal van hulle swaarde pikke smee en van hul spiese snoeimesse; nie
meer sal nasie teen nasie die swaard ophef nie, en hulle sal nie meer leer
oorlog te voer nie.
5 Kom, huis van Jakob, en laat ons wandel in die lig van die HERE!
Die Wet dek elke fase van die mens se bestaan: sy alledaagse lewe, sy rus,
landbou, geldwese. regspleging, voedsel, regeringstelsel, arbeidsverhoudinge,
sanitasie, huwelik, huisgesin ens.
So ‘n volmaakte wet sal nooit verander of vervang word nie. Sou God vir die
Kroon van sy skepping naamlik die “mens” dan nie ook reëls gegee het
waarvolgens hy moet leef sodat hy gelukkig kan wees nie?
As Hy dit vir die uitspansel gedoen net, en vir die natuur, hoekom nie ook vir die
mens nie? Nee, dank God, selfs die hare op ons hoof is almal getel.
Maak ons dan die wet tot niet deur die geloof? Nee, stellig nie!
Inteendeel, ons bevestig die wet -- (Rom. 3:31).
Dit bring geluk, vrede, gesondheid en welvaart.
Geen wonder dat die HERE vir Josua na die dood van Moses gesê het nie:
Josua 1:7-8;
7 Wees net baie sterk en vol moed, om nougeset te handel volgens die
hele wet wat Moses, my kneg, jou beveel het; wyk daarvan nie regs of
links af nie, sodat jy met goeie gevolg kan handel, oral waar jy mag gaan.
8 Hierdie wetboek mag nie uit jou mond wyk nie; maar bepeins dit dag en
nag, sodat jy nougeset kan handel volgens alles wat daarin geskrywe
staan; want dan al jy in jou weë voorspoedig wees, en dan sal jy met
goeie gevolge handel.
7

Die Wêreld Stuur af op Vernietiging
Adam was aan God se wet ongehoorsaam en die resultaat was chaos!
Met al ons geleerdheid en wetenskap neem siektes, peste, onluste, ekonomiese
moeilikhede en oorloë by die dag toe.
Lees self Levítikus 26; Deuteronómium 28 en 30.
Israel het nie eers één gehad wat gestruikel het nie toe hulle Kanaän ingegaan
het nie.
Sien Psalm 105:37;
Toe het Hy hulle laat uitgaan met silwer en goud, en onder sy stamme
was daar niemand wat struikel nie.
Moses het sterk gebly tot die einde toe.
Deuteronómium 34:7;
En Moses was honderd-en-twintig jaar oud toe hy gesterf het; sy oog was
nie verswak nie, en sy krag het nie vergaan nie.
En hulle het nie dokters, hospitale, penicillin entstowwe ens. gehad nie!
Droogtes
Elke jaar word een of ander gedeelte van ons land geknel deur verskriklike
droogtes.
Lees nou Deuteronómium 28:12;
Die HERE sal sy goeie skatkamer, die hemel, vir jou oopmaak om die
reën van jou land op sy tyd te gee en om al die werk van jou hand te
seën; en jy sal aan baie nasie uitleen, maar self nie hoef te leen nie.
Vandag oortree ons God se gebooie en dink ons kan deur beter kunsmistoedienings,
bewerking metodes, bastersaad ens. alleen ons oeste verseker. As
ons die reën nie op sy tyd kry nie, is alles tevergeefs.
Grondbesit
Die kinders van Israel was nie geregtig om hulle grond te verkoop sodat hulle
nageslag dan geen grond gehad het om te besit nie.
Levítikus 25:23;
DIE grond moet ook nie vir altyd verkoop word nie; want die land is myne,
omdat julle vreemdelinge en bywoners by My is.
8

As hulle vir een of ander rede die grond wil of moet verkoop, dan is die eienaar
geregtig om dit na nege-en-veertig jaar in die Jubileumjaar terug te eis.
Levítikus 25:10, 13-17;
10 En julle moet die vyftigste jaar heilig en ‘n vrylating in die land uitroep aan
al sy bewoners. Dit moet vir julle ‘n jubeljaar wees; dan moet elkeen na
sy besitting en elkeen na sy geslag teruggaan.
13 In hierdie jubeljaar moet julle elkeen na sy besitting teruggaan.
14 Daarom, as jy iets aan jou naaste verkoop of van jou naaste koop, moet
julle mekaar nie verdruk nie;
15 volgens die getal jare ná die jubeljaar moet jy van jou naaste koop;
volgens die getal jare dat daar ‘n oes is, moet hy dit aan jou verkoop;
16 volgens die groter aantal jare moet jy die koopprys daarvan vermeerder,
en volgens die kleiner aantal jare moet jy die koopprys daarvan
verminder, want hy verkoop aan jou die aantal oeste.
17 Laat niemand dan sy naaste verdruk nie, en vrees jy jou God; want Ek is
die HERE julle God.
Op hierdie manier sal ‘n geslag dan nooit uit sy erfenis uitgedruk word nie, en sal
jy altyd jou ou stam families op hulle plase behou, en dis hulle wat die ruggraat
van jou volk is.
Dan sou ons volk nooit met ‘n “armblanke” probleem gesit het nie. Dan sou ons
ook nie die situasie gehad het wat nou vinnig aan die ontwikkel is, dat jy groot
Finansiële Maatskappye het wat groot lappe aarde aanmekaar koop en dan
naturelle daarop plaas nie. Die eienaar is miskien deur droogte of een of ander
ramp gedwing om te verkoop, en sy erfenis is vir hom vir ewig verlore. Hy moet
‘n dorpsbewoner gaan word, ongeskik vir geskoolde arbeid en met ‘n heimwee in
sy hart vir sy grond, wat na allerhande euwels lei.
God wil geregtigheid hê:
Miga 6:8;
Hy het jou bekend gemaak, o mens, wat goed is; en wat vra die HERE
van jou anders as om reg te doen en liefde te betrag en ootmoedig te
wandel met jou God?
So waarsku God teen groot grondbesit en die span van huis teen huis - -
(woonstelle / meenthuise).
God se wet voorsien huise vir almal:
Jesaja 5:8;
Wee hulle wat huis aan huis trek, akker aan akker voeg, totdat daar geen
plek meer is nie, en julle alleen grondeienaars in die land is.
Jesaja 65:21-22;
21 En hulle sal huise bou en bewoon, en wingerde plant en die vrug daarvan
eet:
22 hulle sal nie bou dat ‘n ander dit bewoon nie; hulle sal nie plant dat ‘n
ander dit eet nie; want die dae van my volk sal wees soos die dae van die
bome, en my uitverkorenes sal die werk van hulle hande self geniet.
9

Dis waar al die onheile uitbroei want die mens is vervreemd van dit waarvoor hy
van nature aangelê is. So ontstaan die massamens en die diktatuur met die
resultate wat ons oral rondom ons sien en die bestaan van die mensdom bedreig.
Rente
Die wet het Israel verbied om hulle geld aan mekaar op rente uit te leen.
Lees:
Levítikus 25:37;
Jou geld mag jy hom nie op rente gee nie, en jou eetware mag jy nie teen
wins gee nie
Deuteronómium 23:19;
Jy mag jou broer geen rente oplê nie, rente van geld, rente van eetware,
rente van enigiets wat ‘n mens teen rente uitleen nie.
Exodus 22:25;
As jy aan my volk, aan die arme by jou, geld leen, mag jy vir hom nie
soos ‘n skuldeiser wees nie; julle mag hom geen rente oplê nie.
Eségiël 18:17;
Sy hand van die ellendige afhou, geen rente of woeker neem nie, my
verordeninge volbring en in my insettinge wandel – hy sal nie sterwe
weens die ongeregtigheid van sy vader nie, hy sal sekerlik lewe.
Vandag is ons ganse ekonomiese stelsel op rente gebaseer. Dit het van geld die
MAMMON gemaak, die tiran, wat die mens verslaaf het. Aan ‘n dooie ding wat net
as ruilmiddel moes dien, is die mag verleen om homself voort te plant.
Die mag van voortplanting is deur God net aan lewende wesens gegee. Die
persoon wat geld het kan van sy rente lewe sonder om te werk, en dit is
teenstrydig met die wet van God dat jy in die sweet van jou aanskyn jou brood
moet eet.
Geen Verpligte Inkomstebelasting nie
God het ‘n vrywillige gawe van een tiende van die inkomste van sy volk geëis en
dit was al. As hulle volgens God se volmaakte wette en voorskrifte geleef het,
sou dit heeltemal voldoende gewees het om die Leviete in stand te hou wat vir die
administrasie van die volk verantwoordelik was.
As gevolg van al die dinge wat met ons verkeerd loop omdat ons, ons eie wette
maak, het ons so ‘n groot burokrasie (Staatsdiens) nodig, dat ons groot belastings
moet betaal om dit in stand te hou. Die gevolg is die meeste mense betaal hulle
inkomstebelasting (die wet van die land verplig hulle) maar hulle betaal nie wat
aan God toekom nie.
10

Lees:
Númeri 18:21;
En kyk, Ek gee aan die kinders van Levi al die tiendes in Israel as erfdeel
vir hulle dienswerk wat hulle verrig, die dienswerk van die tent van
samekoms.
Deuteronómium 16:10;
Dan moet jy die fees van die weke hou vir die HERE jou God
ooreenkomstig die vrywillige offer van jou hand wat jy sal gee, namate die
HERE jou God jou sal seën.
Maleági 3:6-12;
6 Want Ek, die HERE, het nie verander nie; en julle, kinders van Jakob, is
nie verteer nie.
7 Sedert die dae van julle vaders het julle van my insettinge afgewyk en dit
nie onderhou nie. Keer terug na My, en Ek wil na julle terugkeer, sê die
HERE van die leërskare. Maar julle vra: Waarin moet ons terugkeer?
8 Mag ‘n mens God beroof? Want julle beroof My, en julle sê: Waarin het
ons U beroof? In die tiendes en offergawe.
9 Met die vloek is julle belaai, en tog beroof julle My, julle, die hele nasie!
10 Bring die hele tiende na die skathuis, sodat daar spys in my huis kan
wees; en beproef My tog hierin,sê die HERE van die leërskare, of Ek vir
julle nie die vensters van die hemel sal oopmaak en op julle ‘n
oorvloedige seën sal uitstort nie.
11 Ek sal ook die sprinkaan vir julle afweer, sodat hy die opbrings van julle
grond nie sal verwoes nie; ook die wynstok op die land sal vir julle nie
onvrugbaar wees nie, sê die HERE van die leërskare.
12 En al die nasies sal julle gelukkig prys, omdat julle die land van welbehae
sal wees, sê die HERE van die leërskare.
Spreuke 28:8-9;
8 Wie sy goed vermeerder deur rente en deur woeker, maak bymekaar vir
een wat hom oor die armes sal ontferm.
9 Wie sy oor wegdraai om nie na die wet te luister nie, selfs sy gebed is ‘n
gruwel.
Alle Skulde Elke 7de jaar Afgeskryf
Elke sewende jaar moes alle skulde binne die volk afgeskryf word.
Deuteronómium 15:1-10;
1 AAN die einde van sewe jaar moet jy ‘n kwytskelding laat plaasvind.
2 En dit is die saak van die kwytskelding: elke skuldeiser moet kwytskeld
wat hy aan sy naaste geleen het; hy moet sy naaste en sy broer nie
aanmaan nie, want tot eer van die HERE is daar ‘n kwytskelding
uitgeroep.
11

3 Die uitlander mag jy aanmaan; maar wat jy by jou broer het, moet jou
hand kwytskeld.
4 Maar daar moet geen arme by jou wees nie, want die HERE sal jou ryklik
seën in die land wat die HERE jou God jou as erfenis sal gee om dit in
besit te neem;
5 as jy net goed luister na die stem van die HERE jou God om sorgvuldig te
hou al hierdie gebooie wat ek jou vandag beveel.
6 Want die HERE jou God seën jou soos Hy jou beloof het, sodat jy aan
baie nasies sal uitleen, maar self nie hoef te leen nie; en jy sal oor baie
nasies heers, maar oor jou sal hulle nie heers nie.
7 AS daar by jou ‘n arme is, een uit jou broers, in een van jou poorte, in jou
land wat die HERE jou God jou sal gee, dan moet jy jou hart nie verhard
nie.
8 Maar jy moet jou hand wyd oopmaak vir hom, en jy moet gewillig aan
hom leen, genoegsaam vir sy behoefte, wat hom ontbreek.
9 Neem jou in ag, dat daar in jou hart geen slegte gedagte is nie, naamlik:
Die sewende jaar, die jaar van kwytskelding, is naby – en jou oog dan jou
arm broer skeef aankyk, en jy hom niks gee nie, en hy teen jou na die
HERE roep, en dit sonde in jou word.
10 Jy moet aan hom gewillig gee, en jou hart moet nie bedroef wees as jy
aan hom gee nie; want ter wille hiervan sal die HERE jou God jou seën in
al jou werk en in alles waar jy jou hand aan slaan.
Dink net watter verligting dit sou wees as almal elke sewende jaar skoon kon
begin.
Let op die gees van hierdie wet en nie op die letter nie.
Al God se wette is gegee met die doel om ons gelukkig te maak.
Deuteronómium 6:24;
En die HERE het ons beveel om al hierdie insettinge te volbring, om die
Here onse God te vrees, dat dit met ons altyd goed mag gaan, om ons in
die lewe te hou soos dit vandag is.
Grond Moet Elke 7de jaar Rus
Alle landbougrond moet elke 7de jaar braak lê.
Lees:
Levítikus 25:3-4;
3 Ses jaar mag jy jou land saai en ses jaar lank jou wingerd snoei en die
opbrings daarvan insamel;
4 maar in die sewende jaar moet daar in die land volkome rus wees, ‘n
sabbat vir die HERE; jou land mag jy nie saai en jou wingerd nie snoei
nie.
12

Exodus 23:10-12;
10 En ses jaar lank moet jy jou land besaai en die opbrings daarvan insamel;
11 maar in die sewende moet jy dit ongebruik en braak laat lê, dat die arm
mense van jou volk kan eet; en wat hulle laat oorbly, kan die diere van die
veld opeet. So moet jy doen met jou wingerd en jou olyfbome.
12 Ses dae moet jy werk verrig, maar op die sewende dag moet jy rus, dat
jou os en jou esel kan uitrus en die seun van jou slavin en die
vreemdeling kan asem skep.
Die Wetenskap het bewys dat sulke periodes van rus voldoende is om die krag
van die grond te herstel en die plante ‘n kans te gee om saad te skiet en
sodoende hulleself te bewaar van uitsterwing.
In ons gierigheid en ongehoorsaamheid “myn” ons maar net ons grond, van jaar
tot jaar, en put al die ware lewenskrag uit die grond uit, wat nie kan herstel word
met kunsmis nie.
Die gevolg is die plante het geen weerstand teen peste en siektes nie. Dit lei
weer na die gebruik van gifstowwe en insektedoders wat baie skadelik is vir die
menslike gestel en baie van ons nuwe soorte siektes veroorsaak. Dit is in
Amerika bewys dat elk bord kos met groente of vrugte daarop, spore van hierdie
insek gifstowwe bevat. Dit word nie deur die liggaam afgeskei nie en werk
kumulatief en versamel gewoonlik in die lewer.
Daar is eksperimenteel vasgestel dat melkkoeie wat met DDT bespuit is teen
vlieë, hierdie gifstof in hulle melk bevat het - dit is deur die vel in die liggaam
geabsorbeer.
(Lees “Silent Spring” deur Rachel Carson. Uitgewers Hamish Hamilton, London).
Gesondheidswette
Alle gesondheidswette moet onderhou word.
Lees ons artikel:”Waarom die Bybel die eet van Varkvleis verbied”.
In Levítikus 11 en Deuteronómium 14; lees ons van al die voedselsoorte wat
geëet en nie geëet mag word nie.
So bv. mag die volgende nie geëet word nie:
Die kameel, das, haas, vark, arend, lammervanger, aasvoël, volstruis, ens.
Lees:
Exodus 15:26;
- - - As jy getrou na die stem van die HERE jou God luister en doen wat
reg is in sy oë, en luister na sy gebooie en al sy insettinge hou, dan sal
Ek geeneen van die siektes op jou lê wat Ek op Egipteland gelê het nie;
want Ek is die HERE wat jou gesond maak.
13

Deuteronómium 7:9-15;
9 Jy moet dan weet dat die HERE jou God God is, die getroue God wat die
verbond en die goedertierenheid hou vir die wat Hom liefhet en sy
gebooie onderhou, in duisend geslagte.
10 Maar aan die wat Hom haat, aan elkeen persoonlik, vergeld Hy dit, om
hom te vernietig; Hy sal met sy hater nie versuim nie, hom persoonlik sal
Hy dit vergelde.
11 Hou dan die gebod en die insettinge en die verordeninge wat ek jou
vandag beveel om dit te volbring.
12 En omdat julle na hierdie verordeninge sal luister en dit hou en volbring,
sal die HERE jou God vir jou die verbond en die goedertierenheid hou wat
Hy jou vaders besweer het;
13 en Hy sal jou liefhê en jou seën en jou vermenigvuldig, en Hy sal die vrug
van jou liggaam seën en die vrugte van jou land, jou koring en jou mos en
jou olie, die aanteel van jou beeste en die aanteel van jou kleinvee, in die
land wat Hy aan jou vaders met ‘n eed beloof het om aan jou te gee.
14 Geseënd sal jy wees bo al die volke; daar sal by jou geen man of vrou
onvrugbaar wees nie, ook nie onder jou vee nie.
15 En die HERE sal elke krankheid van jou wegneem en al die kwaai siektes
van Egipte wat jy ken, nie op jou lê nie; maar Hy sal dit lê op almal wat
jou haat.
Dit is ontdek dat die mummies van Egipte gely het aan presies dieselfde siektes
as wat ons vandag aan ly want ons eet dieselfde onrein voedsel as wat die
Egiptenare geëet het.
Ook die eet van bloed was verbode.
Lees:
Levítikus 7:26-27;
26 Ook mag julle géén bloed van voëls of van vee in enigeen van julle
woonplekke eet nie.
27 Elkeen wat maar enigsins bloed eet, dié siel moet uit sy volksgenote
uitgeroei word.
Levítikus 17:13;
En elkeen uit die kinders van Israel en uit die vreemdelinge wat onder
hulle vertoef, wat ‘n stuk wild of ‘n voël vang wat geëet mag word – hy
moet die bloed daarvan laat uitloop en dit met grond toemaak;
Bloed is onder andere ook die rioolstelsel van die liggaam, want deur die are vloei
al die afval produkte van die liggaam vir suiwering deur die longe en ander
organe.
Alle groente en vrugte wat saad dra kan geëet word. God het ‘n groot
verskeidenheid van hierdie voedselsoorte voorsien.
14

Die Sabbatdag
Dit is die vierde gebod.
Lees Exodus 20:8-11;
8 Gedenk die sabbatdag, dat jy dit heilig
9 Ses dae moet jy arbei en al jou werk doen;
10 maar die sewende dag is die sabbat van die HERE jou God; dan mag jy
géén werk doen nie – jy of jou seun of jou dogter of jou dienskneg of jou
diensmaagd, of jou vee of jou vreemdeling wat in jou poorte is nie.
11 Want in ses dae het die HERE die hemel en die aarde gemaak, die see
en alles wat daarin is, en op die sewende dag het Hy gerus. Daarom het
die HERE die sabbatdag geseën en dit geheilig.
Deuteronómium 5:12-15;
12 Onderhou die sabbatdag, dat jy dit heilig soos die HERE jou God jou
beveel het.
13 Ses dae moet jy arbei en al jou werk doen;
14 maar die sewende dag is die sabbat van die HERE jou God; dan mag jy
géén werk doen nie – jy of jou seun of jou dogter, of jou dienskneg of jou
diensmaagd, of jou os of jou esel of enige dier van jou, of jou vreemdeling
wat in jou poorte is nie; sodat jou dienskneg en jou diensmaagd kan rus
soos jy.
15 En jy moet daaraan dink dat jy in Egipteland ‘n slaaf was, en die HERE
jou God jou daarvandaan uitgelei het deur ‘n sterke hand en ‘n
uitgestrekte arm; daarom het die HERE jou God jou beveel om die
sabbatdag te hou.
Die woord Sabbat beteken rus en nie Saterdag nie.
Die mens moes rus, een dag uit die sewe, met ander woorde na ses dae van
arbeid. Dan moes hy verkwikking kry vir liggaam en gees. Die meeste mense is
so besig met hulle daaglikse arbeid en bedrywighede dat hulle amper geen tyd of
aandag aan hulle siele wei nie. En Jesus het gesê wat sal dit die mens baat al
sal hy ook die hele wêreld wen en skade aan sy siel ly.
Die meeste mense in ons volk weet nie eers wat die basiese beginsels van ons
geloof is nie, want hulle is so besig met aardse dinge.
Wanneer gaan u tyd kry of neem om U Bybel te ondersoek? Of om ernstig te bid
en ook te peins oor Gods Woord en sy wette? As u nie die vierde gebod van die
Sabbat onderhou nie, sal die antwoord op hierdie vraag wees: NOOIT!
Jesus het die Sabbat onderhou!
Lees 1 Petrus 2:21;
Want hiertoe is julle geroep, omdat Christus ook vir julle gely het en julle
‘n voorbeeld nagelaat het, sodat julle sy voetstappe kan navolg;
15

Markus 2:27-28;
27 En Hy sê vir hulle: Die sabbat is gemaak vir die mens, nie die mens vir
die sabbat nie.
28 Daarom is die Seun van die mens Here ook van die sabbat.
Die hou van die Sabbat is net so bindend as die gebod teen moord, egbreek en
enige van die ander tien gebooie. Gedurende ses dae moet jy werk en die
sewende dag rus. Die wat gedurende die ses dae nie werk nie is net so skuldig
soos die wat op die sewende dag werk. Die man wat op die sewende dag nie rus
en kontak met sy Skepper in aanbidding maak nie, is ongeskik en ontoegerus vir
sy ses dae van arbeid. Die sewende dag van rus is gemaak om ons geestelik en
liggaamlik te verkwik en te verfris.
Die Heer belowe om ons so te seën in ons ses dae van arbeid, dat ons sewende
dag ‘n betaalde vakansiedag sal wees. Maar omdat ons hierdie wet verbreek, net
soos al die ander wette, rus daar so baie vloeke op ons dat selfs sewe dae van
arbeid nog nie genoeg is om in al die behoeftes te voorsien nie.
Lees Jesaja 58:13-14;
13 As jy jou voet terughou van die sabbat - om nie jou besigheid op my
heilige dag te doen nie, en as jy die sabbat ‘n verlustiging noem en die
heilige dag van die HERE hooghou; en as jy dit eer deur nie jou gewone
gang te gaan nie, nie geleentheid vir jou sake soek of ydele taal spreek
nie;
14 dan sal jy jou verlustig in die HERE, en Ek sal jou laat ry oor die hoogtes
van die aarde en jou laat geniet die erfdeel van jou vader Jakob; want die
mond van die HERE het dit gespreek.
Let wel, die Heer sê as ons ons verlustig in die sabbat en nie menslike plesier
soek nie, maar geestelike: - - - - - -
[Ons moet nie eers ons eie woorde spreek nie, maar die dag deurbring in gebed,
bestudering, bespreking en bepeinsing van Gods Woord - ons gedagtes en harte
letterlik versadig met die Wese van God].
- - - - - So ‘n onderhouding van die sabbat sal diepe blydskap en vreugde bring,
want ons sal volkome rus van tydelike werk en ons siele in ons Maker kan
versterk.
Ons sal ons etes, huis skoonmaak, inkope, volmaak van ons karre met brandstof
en so meer sonsondergang van die sesde dag voltooi. So baie Christene wag tot
Sondagoggend om hulle melk. brood, koerante ens. by die Kafee te gaan koop.
Hulle dryf handel op die Here se Dag.
Om nie eers te praat van die Sondagkoerant met al sy misdade, sport en
sataniese advertensies waarmee die gedagte en die siel dan gevul word totdat dit
tyd is om Kerktoe te gaan vir die wat nog opgaan na die Huis van die Here. Die
gedagtes is dan so vol van daardie “goed” dat die Here Jesus dan maar moet
buitekant staan en klop. Dis ‘n gruwel.
16

Watter dag?
Die wet vereis een dag in sewe.
Tyd verskil van plek tot plek. Twee-uur namiddag in Durban – Suid-Afrika, is
10uur namiddag G.M.T. in Sydney, Australië.
Dit is die Gees van die wet wat onderhou moet word.
(1) Die eerste sabbat wat herdenk was in Exodus 20 gedenk die vierde gebod
die Skepping –
(2) Die tweede sabbat wat herdenk was in Deuteronómium 5:12-15;
(Deuteros = tweede, en NOMOS = wet) toe die wet herhaal is, is die motief
nou nie meer die Skepping nie maar die verlossing uit Egipte. Met ander
woorde toe moes Israel saam met rus en te aanbid, ook bly wees oor hulle
verlossing uit die slawehuis van Farao. Die beginsel is nog dieselfde
naamlik een dag uit sewe, maar die herdenking is anders.
(3) Die derde sabbat wat herdenk word is die van die Christen, wat die
Opstanding van Jesus Christus herdenk. Jesus het op die eerste dag van
die week opgestaan.
Lees:
Matthéüs 28:1;
EN laat ná die sabbat toe dit begin lig word, teen die eerste dag van die
week, kom Maria Magdaléna en die ander Maria om na die graf te gaan
kyk.
Markus 16:2;
En baie vroeg op die eerste dag van die week, net ná sonop, kom hulle
by die graf.
Lukas 23:56;
Daarop het hulle teruggegaan en speserye en salf berei en op die sabbat
gerus volgens die gebod.
Lukas 24:1;
EN baie vroeg in die môre, op die eerste dag van die week, het hulle en
die ander saam met hulle by die graf gekom en die speserye gebring wat
deur hulle toeberei was.
Johannes 20:1.
EN op die eerste dag van die week kom Maria Magdaléna vroeg, terwyl
dit nog donker was, by die graf en sien dat die steen van die graf
weggeneem was.
Van daardie dag af hou die Apostels hulle Sabbat op die eerste dag van die
week.
Lees:
Handelinge 20:7;
En op die eerste dag van die week, toe die dissipels vergader het om
brood te breek, het Paulus hulle toegespreek, omdat hy die volgende dag
sou vertrek, en hy het sy rede gerek tot middernag toe.
17

1 Korinthiërs 16:2;
Op elke eerste dag van die week moet elkeen van julle self opsy sit en
opspaar namate sy voorspoed is, sodat die insameling nie eers plaasvind
as ek kom nie.
Openbaring 1:10;
Ek was in die Gees op die dag van die Here, en ek het agter my ‘n groot
stem gehoor, soos van ‘n basuin,
Die Keiser Konstatinus het, net nadat hy die Christelike Geloof aangeneem het,
die Dag van die Here, soos toe alreeds vir drie eeue deur die Christene gehou,
die amptelike Sabbatdag gemaak.
Pinksterdag was ook op die eerste dag van die week. Ons het dus nie net die
Opstanding uit die Dode nie, maar ook die Gawe van die Heilige Gees om op die
dag te herdenk.
Ignatius wat ‘n metgesel van die Apostel Johannes was het gesê ons hou die
Dag van die Here waarop ons lewe herrys het.
Justin Martyr, teen die einde van die eerste eeu en aan die begin van die
tweede het gesê dat “Op die dag wat ons Sondag noem, kom almal in die Stad en
van die platteland bymekaar en dan lees ons die gedenkskrifte van die Apostels
en die geskrifte van die Profete. Dit is die dag waarop die Skepping van die
wêreld begin het en waarop Christus uit die dode opgestaan het”.
Irenaeus, ‘n dissipel van Polycarp, wat weer ‘n dissipel van die Apostel Johannes
was het gesê, ”Op die Dag van die Here, hou al ons Christene die Sabbat en dan
oorpeins ons die Wet en verbly ons in die werke van God."
So kan ons nog baie ander bewyse aanhaal, maar vir hierdie doel moet dit nou
volstaan. Ons hoop om in die nabye toekoms ‘n veel meer volledige verhandeling
oor die Sabbat te gee.
Vir my is dit net te wonderlik dat presies 50 dae na die uittog uit Egipte, toe gee
die Heer die Wet aan Israel op berg Sinai. En weer presies 50 dae na die
Opstanding toe gee die Heer die Heilige Gees, wie die krag sou gee om daardie
Wet te onderhou.
Daar is nog baie ander wette en aspekte daarvan, maar hierdie is net gegee om u
te prikkel tot verdere ondersoek van die Skrifte en om dit te gehoorsaam.
Amen!
18

DIE BOODSKAP VAN F.W.C. NESER—
“ISRAEL MOET HOOR!”
lets oor die Skrywer
F.W.C. Neser is as wetenskaplike opgelei maar is ‘n toegewyde Christen vanaf sy
kinderjare. Vir hom is die Bybel die Woord van God vanaf Génesis tot
Openbaring.
Reeds vroeg in sy lewe was hy daarvan oortuig dat die mens self daarvoor
verantwoordelik is dat daar oorloë, depressies, hongersnood, droogtes. siektes
en ellende op aarde is.
Hy het gesien dat God sy volmaakte Wet aan sy volk Israel gegee het, en aan
hulle gesê het dat as hulle daarvolgens sou lewe, daar nie een van hierdie rampe
sou wees nie; en ook dat Israel as God se demonstrasievolk op aarde is. Dit was
egter vir hom duidelik dat hierdie volk nie die Jood of die Kerk is of kan wees nie.
Mettertyd het hy tot sy groot blydskap ontdek dat die Angel-Saksies, Keltiese en
Germaanse nasies inderdaad die nakomelinge van die Huis van Israel is.
By die Wederkoms van Christus (nou op hande) sal hierdie nasies tot ‘n ware
wedergeboorte kom, met die Heilige Gees vervul word en met Jesus die Christus
as hul Heer en Koning hierdie wêreld teruglei na volkome harmonie met God.
Met die oog daarop dat die Bybelse boodskap aangaande Israel uitgedra moet
word aan al die nakomelinge van die Huis van Israel, het F.W.C. Neser die
onderstaande werke tot stand gebring sodat ISRAEL KAN HOOR!
Bylae:
Boeke beskikbaar van Ekklesia.
No Titel
1 Afrikaner -- ‘n Unieke Volk Die
2 Apartheid -- Wat sê die Skrif?
3 Bedienings Gawes van Jesus Christus Die
4 Berou en Bekering
5 Bybel is Waar Die
6 Christendom en Kommunisme
7 Daniël Die Boek van
8 Daniël se 70ste Week
9 Derde dag Opstanding van Christus Die
10 Deur Lyding na Volmaaktheid
11 Die Brief van die Apostel Paulus aan die Efésiërs
12 Die Bybel Voorspel Atoomoorlog
19

No Titel
13 Doop Die
14 Doop, in watter Naam (pamflet) Die
15 Doping in die Heilige Gees Die
16 Duiwel Die
17 Engele
18 Fondament van die Christelike Lewe Die
19 Gawes van die Heilige Gees Die
20 God se Groot Week
21 Goddelike Genesing
22 Hoséa Die Profeet
23 Israel in die Nuwe Testament
24 Israelwaarheid - TV Onderhoud Die
25 Jesaja Die Boek van
26 Jesus van Nasaret
27 Joël Die Boek van
28 Kerk van Rome en die Mens van Sonde Die
29 Kruis Die
30 Insig in die Verlede en die Hede bring Uitsig op die Toekoms
31 Moses en sy Kusitiese Vrou
32 Na die Dood – Wat Dan?
33 Name van God Die
34 Nuwe Hemel en die Nuwe Aarde Die
35 Openbaring Die Boek van
36 Openbaringe van die Apostel Paulus Die
37 Opraping Die
38 Romeine Die Brief aan die
39 Rusland in Profesie
40 Sabbat Die
41 Slang van Génesis 3 Die
42 Sommige Aspekte van die Werk van die Heilige Gees
43 Terwille van die Engele
44 Twee Sade op Aarde. Die
45 Tyd van die Heiden Die
46 Verdrukking Die Groot
47 Verlore Tien Stamme van Israel Deel 1 Die
48 Verlore Tien Stamme van Israel Die
49 Vrug van die Heilige Gees Die
50 Waar het Kain sy Vrou Gekry?
20

No Titel
51 Waarom die Bybel die Eet van Varkvleis Verbied
52 Wat die Bybel ons Leer Aangaande die Heilige Gees
53 Wat die Bybel ons Leer Aangaande die Mens
54 Wat die Bybel ons Leer Aangaande God
55 Wederkoms van Christus Die
56 Wet van die Here Die
57 Wie is my Naaste?
58 Wie was Hulle?
59 Wêreldgebeure
No Titel
1 After Death What Then?
2 Apartheid – What saith the Scripture?
3 Bible Predicts "Atomic War" The
4 Book of Joel The
5 Book of Revelation The
6 Christianity and Communism
7 Daniel’s 70 th week
8 Great Tribulation The
9 Israel Truth T.V. Interview The
10 Lost Ten Tribes Of Israel Part 1 The
11 Lost Ten Tribes of Israel The
12 New Heavens and the New Earth The
13 Origin, History and Destiny of the White Race The
14 Past the Present and the Future in the Light of Scripture The
15 Rapture The
16 Russia in Prophecy
17 Serpent of Genesis 3 The
18 Why the Bible Prohibits Pork
19 World Affairs
21

Ander boeke beskikbaar (ander Skrywers).
Die Vrou in Onderdanigheid / Pta. Ekklesia Susters
Wat is Regtig sy naam / J.A.Dreyer
The Bible Distinction between the House of Israel / House of Juda / F.F.Bosworth
F.W.C. Neser, 'n Lewensbeskrywing / R. Searle
Pilate's Report to Caesar of the Arrest, Trail and Crucifixion of Jesus
The Master Plan / Revd. Albion S. Gaunt
Pastor F.W.C.Neser, A Biography (abridged) / R. Searle
Wêreldgebeure
Sedert 1986 publiseer F.WC. Neser ‘n kwartaallikse oorsig in Afrikaans onder die
titel “Wêreldgebeure” en in Engels onder die titel “World Affairs”.
‘n Biografie van F.W.C. Neser
Vir diegene wat meer oor F.W.C. Neser te wete wil kom is daar ‘n biografie
beskikbaar wat deur Richard Searle geskryf is.
Oudiokassette / CD’s en Videobande
Daar is sowat 2000 oudiokassette / CD’s en ‘n videobande beskikbaar waarin
pastoor F.W.C. Neser se boodskappe vasgelê is.
22