WONDERS PER DOSYN. - Die Gereformeerde Kerk Bellville
WONDERS PER DOSYN. - Die Gereformeerde Kerk Bellville
WONDERS PER DOSYN. - Die Gereformeerde Kerk Bellville
Create successful ePaper yourself
Turn your PDF publications into a flip-book with our unique Google optimized e-Paper software.
√P<br />
'n EENSINNIGE PREEK<br />
Jona 3 : 3<br />
Lees 2 Tim 4 : 1 - 5<br />
49<br />
" Nog net veertig dae en Nineve word verwoes ".<br />
" Nog net veertig dae en Nineve word verwoes ".<br />
" Nog net veertig dae en Suid Afrika word verwoes " - en die<br />
verkondiger van daardie onheilsboodskap is 'n vreemdeling met 'n<br />
uitlandse aksent en eienaardige eenvoudige klere en duidelik 'n aanhanger<br />
van 'n vreemde godsdiens . Hoe sou ons reaksie wees ? Ag<br />
wat niemand hoef daaroor te wonder nie... Hel - en - verdoemenis -<br />
preke is lankal uit die kerklike mode uit. Boonop verwerp ons<br />
vreemde godsdienste uiteraard volmondig .<br />
Jona was volgens moderne maatstawe maar 'n beroerd-swak prediker.<br />
As 'n onheilsbrenger van ouds gaan staan hy en sê keer op keer net<br />
die een sinnetjie waarin geen troos of bemoediging deurklink nie.<br />
"n Hopelose prediker met 'n hopeloos eensydige preek. Daar is geen<br />
genadeverkondiging nie en daarom dop hy die preektoets hopeloos.<br />
Intussen word skoon vergeet dat Jona gewillig sy opdrag uitvoer deur<br />
presies te sê wat die Here hom laat sê. Hy laat hom glad nie van stryk<br />
bring deur die boodskap te versag nie - geen versuikerde pil geval nie.<br />
Hy het gewillig en gehoorsaam sy roeping onmiddellik uitgevoer en<br />
begin om die stad in te gaan. Mooi skets Calvyn dit : as daar by Jona<br />
nog enige vrees was, dan sou hy die wêreldwonder van 'n stad eers<br />
besigtig het soos bang en besluitelose mense doen en die gesindheid<br />
van die mense probeer peil het om dan te besluit op watter manier opgetree<br />
moes word, wat die gemaklikste en veiligste sou wees.<br />
Maar in Jona het 'n totale ommekeer gekom. Hy wat eers so ver as<br />
moontlik van sy roeping wou wegkom, gun homself nou nie eers die<br />
geleentheid om 'n oomblik tot rus te kom na die reis nie. Hy begin<br />
onmiddellik te preek en bewys daarmee dat hy gekom het met die<br />
bedoeling om God te gehoorsaam.<br />
Dit is opvallend dat Jona in heel eenvoudige taal skets dat hy daar<br />
gekom en onmiddellik aan die werk gespring het. In hierdie paar gewone<br />
woorde lê egter baie meer krag as in die glansryke woordepraal<br />
van redenaars.<br />
Vol geloofsmoed het die onbekende profeet uit die veragte landjie van<br />
die Jode die stad ingegaan en die onheilsboodskap oor die magtigste<br />
wêreldstad uitgeroep. Uitgeroep ! Nie fluisterend vertel nie maar<br />
kliphard uitgeroep met al die Oosterse skrilheid wat by so'n<br />
vlymskerp oordeelsaankondiging pas.<br />
Op grond van Skrifgronde ( Jes. 36 ; 2 Kon 18 ) aanvaar ons dat Jona<br />
die taal van die Assiriërs gepraat het - die Bybelkritici vind dit onbelangrik<br />
want sê hulle :" in al die sprokies wat ons ken, word dit as<br />
vanselfsprekend aanvaar dat mense of mense en diere mekaar<br />
verstaan"..