PRAKTIESE TEOLOGIE 1
PRAKTIESE TEOLOGIE 1
PRAKTIESE TEOLOGIE 1
Create successful ePaper yourself
Turn your PDF publications into a flip-book with our unique Google optimized e-Paper software.
<strong>PRAKTIESE</strong> <strong>TEOLOGIE</strong> 1<br />
SERTIFIKAAT IN CHRISTELIKE DIENS.<br />
Module 7<br />
Pastorale Berading.
Inhoud Bladsy<br />
1. INLEIDING. 3<br />
2. PASTORALE BERADING. 3<br />
3. DIE STRATEGIESE PASTORALE BERADINGSMODEL. 4<br />
3.1. Bondige en Tydsgebonde Berading. 5<br />
3.2. Holistiese Aanslag. 7<br />
3.3. Gestruktureerde berading. 7<br />
3.4. Huiswerk gebaseerde berading. 8<br />
3.5. Kerk gebaseerde berading. 8<br />
3.6. Geestelike gefokusde berading. 8<br />
3.7. Eksplisiete Christelike berading. 9<br />
4. FASES VAN DIE BERADINGSPROSES. 9<br />
4.1. Ontmoetingsfase. 9<br />
4.2. Koppellingsfase. 10<br />
4.3. Ontkoppelingsfase. 13<br />
5. GEVOLGTREKKING. 14<br />
6. BIBLIOGRAFIE. 16<br />
7. WERKSOPDRAG. 17
1. INLEIDING.<br />
Pastorale Berading is deel van die amp van die pastoor en daarom deel van<br />
die pastorale bediening. Somtyds raak die uitdagings van die lewe net te<br />
veel vir party mense om dit alleen te hanteer. Hulle het „n behoefte aan<br />
iemand om die las te help dra. Die Pastorale Berader kan daardie persoon<br />
wees wie kan help om die las te dra. In Pastorale Berading word<br />
Gedragswetenskappe soos Sielkunde en Godsdiens geïntegreer en vanuit<br />
„n Bybelse Perspektief aangewend om mense te ondersteun in die<br />
hantering van probleme rakende persoonlike sake, huwelik, verhoudings,<br />
familie, werksomstandighede en geestelike aangeleenthede. Hierdie<br />
module beveel „n model aan om Pastorale Berading in ons kerk aan te<br />
wend. Die Strategiese Pastorale Beradingsmodel (SPB) soos opgestel deur<br />
Benner (2003) kan nuttig aangewend word om Pastorale Berading in ons<br />
kerk te vestig.<br />
2. PASTORALE BERADING.<br />
Om ons in staat te stel om die SPB te implementeer is dit nodig om eers<br />
Pastorale Berading te definieer. Volgens Benner (2003) is Pastorale<br />
Berading „n tyd gestruktureerde verhouding tussen die Pastorale Berader<br />
en „n kliënt wat geteister is deur emosionele probleme van een of ander<br />
aard. Dit is die berader se verantwoordelikheid om vertroosting te bied aan<br />
die persoon deur sy bewustheid van God se genade en getroue<br />
teenwoordigheid te verhoog en daardeur sy die vermoë om „n lewe te leef<br />
in die lig hiervan. Benner noem dit dat die veld van Pastorale Berading daar<br />
is om mense se probleme, vertwyfelings en seer in kontak te bring met die<br />
dinamiese genesingskrag van God. Die Bybel bevestig hierdie gedagte<br />
wanneer dit ons uitnooi in 1 Pet. 5:7 om ons bekommernisse op Hom te<br />
werp. Die Amplified Bybel stel dit selfs beter: “casting the whole of your<br />
care [all your anxieties, all your worries, all your concerns, once and for all]
on Him, for He cares for you affectionately and cares about you watchfully.<br />
[Psalms 55:22]”.<br />
In Pastorale Berading word „n unieke, tyd gestruktureerde, terapeutiese<br />
verhouding gebou met die persoon wat behoefte vir genesing ervaar wat<br />
anders is as die pastoor se algemene pastorale verhouding met sy<br />
gemeentelede (Benner, 2003). Pastorale Berading is dan ook verwant aan<br />
ander vorme van berading en word in hierdie gestruktureerde model<br />
aangewend om mense se ellende te verlig en groei te fasiliteer. Dit word<br />
altyd aangebied in die lig van God se Woord, soos verwag word van die<br />
pastoor as verteenwoordiger van die kerk en dit verskil van enige ander<br />
pastorale verpligting. Benner stel voor dat al die strukture, dissiplines en<br />
tegnieke verbonde aan Pastorale Berading die persoon in direkte kontak<br />
met God moet bring terwyl die berader die proses lei. Prioriteite word<br />
vasgestel om „n veilige fokus te behou. Pastorale Berading kan dus gesien<br />
word as „n gespesialiseerde vorm van berading met essensiele grense om<br />
die besondere doel te beskerm. Dit sluit dan ook aan by ander vorme van<br />
pastorale sorg wat die lewe van die kerk uitmaak.<br />
Die Pastorale Berader handhaaf „n holistiese perspektief wat die siel, gees<br />
en liggaam insluit met „n selfs groter klem op die innerlike self. As pastore<br />
is dit nodig om te voldoen aan die wens van die Apostel Johannes dat dit in<br />
alles met die kind van God goed sal gaan soos dit met sy siel gaan (3 Joh.<br />
2). Die Strategiese Pastorale Beradingsmodel (SPB) help die Pastorale<br />
Berader om die gewenste beradingsresultate te verkry.<br />
3. DIE STRATEGIESE PASTORALE BERADINGSMODEL (SPB).<br />
Benner (2003) stel „n kort, gestruktureerde beradingsmodel voor met<br />
duidelike Christelike inspraak en beradingsteorie geskik vir die tyd waarin<br />
ons lewe. Die konsepte “strategies” en “pastorale” benadruk „n
goedgefokusde en tydsgebonde vorm van berading aangebied deur „n<br />
verteenwoordiger van die kerk.<br />
3.1. Bondige en tydsgebonde berading.<br />
Die SPB proses vind plaas in die tydsbestek van vyf sessies. Navorsing<br />
(Benner, 2003) het getoon dat vyf sessies voldoende is om holistiese,<br />
gestruktureerde, kerkgebaseerde, geestelike en eksplisiete Christelike<br />
berading met sukses aan te bied vir kerk lidmate. Hierdie gedagte plaas<br />
druk op die terapeutiese proses om te vorder, voorkom onnodige hantering<br />
van irrelevante informasie, verhinder dat die kliënt oordrewe afhanklik word<br />
van die berader en is gefokus op suksesvolle resultate. Na die vyf sessies<br />
kan die kliënt verwys word na „n professionele persoon in die veld van<br />
geestesgesondheid as dit dan nog sou nodig wees. Alhoewel die<br />
beradingsproses aktief en gefokus is, mag goeie luistervaardighede en<br />
gefokusde aandag, nie geminag word nie. Om hierby aan te sluit is dit van<br />
groot belang om aandag te gee aan luistervaardighede soos deur Egan<br />
voorgestel (Egan, 1994 in Van Niekerk & Prins, 2001). Egan gebruik die<br />
Engelse woord en afkorting “SOLER” om luister tegnieke in die<br />
beradingskantoor te verduidelik:<br />
S (Squarely): Kyk die persoon reguit in die oë. Dit dui op betrokkenheid in<br />
die geselskap.<br />
O (Open posture): Neem „n postuur aan wat die persoon nooi om te praat.<br />
Gekruisde arms en bene mag voorkom asof die luisteraar nie beskikbaar is<br />
nie.<br />
L (Lean forward): Leun vorentoe na die kliënt toe. Dit dui op<br />
geïnteresseerdheid in wat gesê word.<br />
E (Eye contact): Oogkontak is belangrik aangesien dit vir die spreker sê dat<br />
die luisteraar betrokke wil raak in die gesprek.
R (Relaxed): Wees op jou gemak selfs al openbaar die spreker sake wat jou<br />
hare laat rys. Bly kalm ongeag die kliënt se gedrag.<br />
Met die SPB moet „n sterk beradingsvennootskap met die kliënt gevestig<br />
word. Dit is noodsaaklik om die gepaste doelwitte in die bondige beradings<br />
proses te bereik. In hierdie beradingsvennootskap moet elkeen van die<br />
vennote „n deel bydra. Die rol van die kliënt is om die probleem te openbaar<br />
terwyl die berader daarna luister, fokus en die proses van genesing stuur<br />
met die leiding van die Heilige Gees.<br />
In die proses van berading word net een probleem hanteer. Die min tyd<br />
beskikbaar bring mee dat daar net met een aspek van lewensondervinding<br />
gedeel kan word.<br />
Een probleem sal dus aandag geniet in die tydsbestek van vyf sessies. In<br />
die aanvang sessie sal die berader alreeds die nodige grense<br />
(“boundaries”) in plek kry. Cloud en Townsend (1992) verduidelik grense<br />
as: Wie ons is, Waarvoor ons verantwoordelik is en Waar die een party se<br />
verantwoordelikheid eindig en die ander party se verantwoordelikheid<br />
begin. Grense onderskei ook die geestelike, emosionele, en materiële<br />
“eiendom” van elke party. Hierdie grense kan soos volg daar uitsien:<br />
„n Onderlinge ooreenkoms oor die tydsbestek van die<br />
beradingstydperk (Vyf weke).<br />
Klem word gelê op dissipline (Om betyds te wees en huiswerk te<br />
doen waar nodig).<br />
Wat word van die kliënt verwag?<br />
Die probleem wat die berading tot gevolg het.<br />
Hier word vertroulikheid ook beklemtoon.<br />
Hoop word gegee en die kliënt word bemoedig dat alle dinge<br />
moontlik is by die Here (Mark. 9:22).
3.2. Holistiese Aanslag.<br />
Die SPB deel met die kliënt holisties om emosionele gesondheid te verkry.<br />
Die gedrag (Optrede), denke (Gedagtes) en gevoelens (Emosies) word<br />
aangespreek. Van Niekerk en Prins (2001) wys daarop dat die woord<br />
“gesondheid” eintlik kom van „n antieke Engelse woord wat dui op om<br />
“heel” te wees. Volgens hulle is die woord in die oorspronklike taal ook „n<br />
beskrywing van “om geestelik heel” te wees. Die Wêreld<br />
Gesondheidsorganisasie definieer gesondheid as „n staat van volkome<br />
fisiese, sielkundige en sosiale welvaart (Van Niekerk & Prins, 2001). Dit<br />
sluit ook goed aan by die woorde van die Here Jesus aan die vroutjie wie<br />
aan bloedvloeiing gely het (Matt. 9:22). Die King James Vertaling gee dit<br />
goed weer: “Daughter, be of good comfort; thy faith hath made thee whole<br />
(HEEL). And the woman was made whole from that hour” Christus het haar<br />
nie net gesond gemaak van „n fisiese siekte nie maar haar in geheel<br />
genees.<br />
3.3. Gestruktureerde berading.<br />
Benner (2003) verduidelik die aard van die struktuur van die SPB. Dit moet<br />
wees: “sufficiently tight so that the pastor can provide a holistic<br />
assessment and counselling intervention within a maximum of five<br />
sessions” (Benner, 2003:57). In gesonde berading behoort daar „n goeie<br />
verwantskap te wees tussen struktuur en vryheid. Alhoewel die reëls,<br />
tegnieke en teorie struktuur verseker, is dit nodig dat daar altyd genoeg<br />
geleentheid sal wees vir vryheid vir die kliënt om homself vrylik te kan<br />
uitdruk. Die struktuur van die beradingsmodel moet ruimte laat vir die<br />
aanvanklike assessering (om te bepaal wat die omvang van die probleem<br />
is), die ontwikkeling van „n goeie insig omtrent die kliënt se behoefte<br />
(presies weet wat die kliënt benodig) en die keuse en implementering van
die nodige en gepaste ingryping (dit wat die berader gaan doen om te help)<br />
en benodighede wat hulp sal verseker.<br />
3.4. Huiswerk gebaseerde berading.<br />
Omdat die beradingstyd so beperk is, word dit van die kliënt verwag om<br />
“huiswerk” te gaan doen. Dit behels dat hy nuwe gedragstegnieke wat<br />
gedurende die berading sessie bespreek is op die proef gaan stel of selfs<br />
leeswerk net gaan doen. Die terapeutiese waarde van lees kan beklemtoon<br />
word en volgens Benner is dit baie populêr onder beraders. Die aanbevole<br />
leeswerk sal natuurlik ook Bybel gebaseer wees en bruikbaar vir geestelike<br />
genesing en leiding.<br />
3.5. Kerk gebaseerde berading.<br />
Die belangrikheid van „n betekenisvolle skakel tussen die berading en die<br />
kerk is baie noodsaaklik en word beklemtoon met die SPB. Dis ook van<br />
uiterste belang dat die kliënt ondersteuning geniet in die kerk van<br />
gemeentelede of selgroepe. Die gemeente behoort ook bewus te wees dat<br />
pastorale berading „n noodsaaklik deel van die pastoor se amp uitmaak.<br />
3.6. Geestelik gefokuste berading.<br />
Die mens is „n geestelike skepsel. Die mens is „n gees wat in „n liggaam<br />
woon en „n siel besit. Geestelike fokus verskaf „n sentrale doelwit en<br />
rigting. Bybelse geestelikheid word die sentrale tema van die<br />
beradingsproses en dui op God, Wie „n Gees is en Sy liefde in die<br />
formering van die mens. Gedurende die berading behoort die berader te<br />
luister vir die “storie agter die storie” spesifiek om te bepaal wat die<br />
geestelike behoefte by die kliënt is. Die fokus op geestelikheid beteken<br />
egter nie dat die gerading omgeskakel moet word na godsdienstige
aangeleenthede nie. Daar moet duidelik onderskei word tussen die<br />
geestelike deel van die berading en godsdienstige sake. Die probleem van<br />
die kliënt mag dalk juis spruit uit godsdienstige aangeleenthede.<br />
3.7. Eksplisiete Christelike berading.<br />
Pastorale berading is eksplisiete Christelike berading en die kliënt behoort<br />
vanaf die eerste kennismaking daarvan bewus te wees om verwarring te<br />
voorkom. Die kliënt moet ook bewus wees van „n duidelike uitnodiging van<br />
die Here om homself oor te gee aan die Here. Steun op die Heilige Gees<br />
gedurende die beradingsproses is noodsaaklik alhoewel dit nooit die<br />
dominante faktor moet word nie.<br />
4. FASES VAN DIE BERADINGSPROSES.<br />
Die proses van berading volgens die SPB behels drie fases van berading<br />
wat moet plaasvind gedurende die vyf toegelate sessies om terapeutiese<br />
groei te verkry. Hierdie fases is:<br />
4.1. Ontmoetingsfase.<br />
In die ontmoetingsfase vind kennismaking en die bepaling van grense<br />
plaas. Die kwaliteite van die Pastorale Berader is belangrik en eienskappe<br />
soos empatie, respek en egtheid word beklemtoon. Empatie verwys na die<br />
vermoë om waarlik die perspektief van die kliënt te kan insien. Dit sluit ook<br />
in om dit dan te kan kommunikeer tot die kliënt deur die gevoelens van die<br />
kliënt te kan reflekteer. Om te reflekteer is om dit wat die kliënt sê te kan<br />
beantwoord in ander woorde sodat die kliënt bewus raak dat die berader<br />
verstaan hoe die kliënt voel en wat die betekenis is van dit wat hy sê (Van<br />
Niekerk & Prins, 2001). Empatie verwag van die berader om sy eie<br />
verwysingsraamwerk te verlaat en om homself in die van die kliënt te kan
plaas. Volgens Egan (1998) in Van Dyk (2008) behels basiese empatie om te<br />
luister na die kliënt, hom met sy probleem so goed moontlik te verstaan,<br />
en om dit so aan die kliënt te kommunikeer dat die kliënt homself beter<br />
verstaan en daarvolgens kan begin beter funksioneer. Vir die berader om<br />
dit te doen beteken hy sal sy eie vooropgestelde verwysingsraamwerk ter<br />
syde moet stel en begin dink soos die kliënt dink. Empatie verwys ook na<br />
die vermoë om die gevoelens van die kliënt te kan herken en erken sonder<br />
om ten prooi te val vir dieselfde gevoelens. Respek, aan die ander kant,<br />
volgens Benner (2003) verwys na die kommunikasie van die diep waarde<br />
van die kliënt aan hom. Egtheid op sy beurt, is die staat van opregtheid en<br />
om eg te wees sonder om voor te gee en aan te sit. Wanneer hierdie<br />
eienskappe deur die Pastorale Berader geopenbaar word begin daar „n<br />
vennootskap wat die kliënt op sy gemak stel en laat voel.<br />
Pastorale diagnose.<br />
In die ontmoetingsfase behoort daar ook „n “pastorale diagnose” gemaak<br />
te word. Hierdie konsep se doel is om die bewustheid van God en die<br />
posisie met God van die kliënt, te bepaal. Dit behels dan ook:<br />
Die kliënt se gevoel oor God, die aard en kwaliteit van „n verhouding<br />
met Jesus Christus en die ondervinding van ware gebed.<br />
Bekering en verantwoordelikheid is baie belangrik in die pastorale<br />
diagnose en dui op die kliënt se siening oor wat die rede van sy<br />
probleme in die lewe is, die motivering vir bekering en om<br />
persoonlike verantwoordelikheid te neem vir sy emosies en gedrag.<br />
Die betrokkenheid van die kliënt by „n kerklike denominasie word<br />
ook hier vasgestel asook die kwaliteit en kwantiteit daarvan.<br />
Vrae behoort ook gevra te word om die kliënt se verhouding met<br />
ander Christene te bepaal.<br />
Etiese opvattings word ondersoek.
Openhartigheid van geloof. Dit verwys na hoe openhartig die kliënt is<br />
om oor sy geloof met ander mense te deel. Dit wys vir ons die<br />
kwaliteit van sy geloof.<br />
4.2. Koppellingsfase.<br />
Wanneer die berading die tweede of koppellingsfase bereik beteken dit dat<br />
die berader nou aktief betrokke is by die beradingsproses en nie net besig<br />
is om die kliënt met advies te bedien nie. In hierdie fase help die berader<br />
die kliënt om gevoelens te ondersoek en deur te werk. Hierdie gevoelens<br />
mag dalk woede, verwarring, vrees, innerlike pyn, angs, ongevoeligheid of<br />
self depressie wees. Die berader moet daarop let om nie self oorweldig of<br />
beïnvloed te word deur hierdie emosies nie. Hy moet egter nog steeds<br />
genoeg ruimte laat vir die kliënt om te kan uitdrukking gee aan sy<br />
gevoelens. Volgens die SPB is dit noodsaaklik dat die berader nie<br />
veroordelend is of vatbaar vir negatiewe invloed van die kliënt nie, maar<br />
empaties luister. Die kliënt moet sy verlede aanvaar en dit sy eiendom<br />
maak.<br />
Kognitiewe Gedragsterapie.<br />
Daar moet met gedagtes gedeel word. Die Kognitiewe Gedragsaanslag is<br />
baie doeltreffend om foutiewe denkpatrone te identifiseer. Kognitiewe<br />
Gedragsterapie (KG) verwys na psigoterapeutiese behandeling wat die<br />
kliënt help om die gedagtes en emosies wat aanleiding gee tot negatiewe<br />
gedrag, te kan verstaan. KG word algemeen aangewend om „n<br />
verskeidenheid van van afwykings soos fobies, verslawings en angs te<br />
behandel. Dit is kort termyn terapie en handig om mense te help met „n<br />
spesifieke probleem. Gedurende die verloop van die terapie leer die<br />
persoon om denkpatrone wat vernietigend en versteurend is en „n invloed<br />
het op sy gedragspatrone, te identifiseer ten einde daaraan te kan werk.
(http://psychology.about.com/od/psychotherapy/a/cbt.htm). Die Bybel<br />
verklaar dat soos „n persoon in sy hart dink so is hy (Spr. 23:7). Om<br />
persepsies wat „n oorsprong in die verlede het te verstaan vereis dat die<br />
berader die kliënt daarin moet onderrig. Bybelse insig sal nuwe persepsies<br />
van die bestaande probleem aan die lig laat kom. Die Bybelse term<br />
daarvoor is die vernuwing van ons gemoed (Rom. 12:2).<br />
Mense ervaar dikwels gedagtes en gevoelens wat negatiewe denke<br />
versterk. Hierdie opvattings veroorsaak problematiese gedrag in verskeie<br />
areas van die lewe insluitende die familie, romantiese verhoudings,<br />
werksomstandighede en akademie. Wanneer „n persoon wie „n swak<br />
selfbeeld het, byvoorbeeld, negatiewe gedagtes ervaar oor sy voorkoms of<br />
vermoëns, mag hy homself dalk onttrek van sosiale situasies en<br />
geleenthede in die skool of by die werk om voor uit te gaan, mis.<br />
Om hierdie vernietigende denke en gedrag die hoof te kan bied moet die<br />
Pastorale Berader hom help om die negatiewe gedagtes en opvattings te<br />
identifiseer. Hierdie vlak van KG staan bekend as funksionele analise en dit<br />
stel die kliënt in staat om te besef hoe gedagtes, gevoelens en situasies<br />
bydra tot verkeerd aangepasde gedrag. Hierdie proses is soms moeilik<br />
wanneer die kliënt sukkel met introspeksie maar kan uiteindelik lei tot self-<br />
ontdekking en insig wat essensieel is in die behandelingsproses.<br />
Die tweede deel van KG fokus op die eintlike gedrag wat bydra tot die<br />
probleem. Die kliënt leer om nuwe vaardighede toe te pas in ware<br />
lewensomstandighede. Die persoon wat „n dwelmprobleem het sal<br />
byvoorbeeld leer om nuwe vaardighede te beoefen om te deel met<br />
omstandighede wat kan lei daartoe dat hy weer in dwelms verval. KG<br />
daarom help dus die kliënt om sy denkpatrone (manier wat iemand dink) te<br />
verander. Albert Ellis se Rasionele Emotiewe Gedragsterapie is baie handig<br />
in KG. Ellis sien sterk emosies as die resultaat van „n interaksie tussen
gebeure in die omgewing rondom ons en dit wat ons glo met die<br />
verwagtinge wat ons koester. Soms is die dinge wat ons glo baie rigied. „n<br />
Voorbeeld hiervan is „n kliënt wat byvoorbeeld bevange is met die gedagte:<br />
“Almal behoort van my te hou”. Die kliënt word nou geleer om hierdie<br />
manier van glo te verander na: “Ek hou daarvan dat mense van my hou en<br />
dit laat my goed voel, maar ek weet dit is nie altyd moontlik nie”.<br />
(http://mentalhealth.about.com/cs/psychotherapy/a/psychotherapy.htm.).<br />
Sulke wanopvattings kan verander wanneer Bybelse insig deel gemaak<br />
word van die probleem. Die kliënt moet leer om dinge te sien soos God dit<br />
sien. Die Pastorale Berader pas terapie toe vanuit „n Bybelse perspektief.<br />
Vergifnis moet ook hanteer word in hierdie fase en belydenis is ook<br />
somtyds nodig om vry te kom. Nadat moontlike areas geïdentifiseer is waar<br />
verandering moontlik is, ondersoek die Berader en die kliënt die moontlike<br />
resultate wat verwag kan word as die negatiewe gedrag voortduur, teenoor<br />
die resultate as positiewe gedrag kon plaasvind. Konkrete en realistiese<br />
doelwitte word nagejaag en goddelike ingryping word gesoek om sukses te<br />
behaal.<br />
4.3. Ontkoppellingsfase.<br />
Die beëindiging van die beradingsproses vind plaas in hierdie fase.<br />
Beëindiging van die proses behoort betyds gedurende die beradingsproses<br />
bespreek te word. Soms is dit nodig om dit te repeteer (“rehearse”) wat die<br />
kliënt gaan doen nadat die berading beëindig is. Die kliënt moet besef<br />
alhoewel hy nie meer die berader kom sien nie is God nog steeds met hom<br />
om hom by te staan. Voor dat die beëindiging plaasvind moet daar ook „n<br />
behoorlike evaluasie gedoen word. Volgens die SPB bied die evaluasie vir<br />
beide die kliënt en die berader groot beloning en dit kan in vroeëre sessies<br />
al reeds gedoen word. Die resultate van die evaluasie is verrykend tot die<br />
lewe van die berader omdat hy deur ondervinding leer en meer volwasse in<br />
die lewe word en sy eie vaardighede ontwikkel in sy bediening. Die berader
help in hierdie fase ook die kliënt om homself voor te berei en selfs te<br />
repeteer hoe hy sou optree in sekere lewens situasies. In hierdie fase vind<br />
verwysings ook plaas as daar nog dieperliggende probleme is wat deur<br />
ander professionele gehanteer moet word. Om iemand te verwys na ander<br />
professionele hulp beteken nie dat die berader onbevoeg is om die<br />
probleem op te los nie maar suiwer dat hy sy eie beperkings ken en soveel<br />
vir die kliënt omgee dat hy hom na „n ander wil stuur om seker te maak dat<br />
die probleem opgelos word. Alles geskied tot voordeel van die geestelike<br />
welvaart van die kliënt. Benner (2003:98) beskryf dit ook so: “Recognition<br />
of one‟s limitations, experience, training and ability is an indispensable<br />
component of the practice of any professional”<br />
5. GEVOLGTREKKING.<br />
In hierdie module het ons gekyk na die Strategiese Pastorale<br />
Beradingsmodel van Benner en ons besef die effektiwiteit van die<br />
tydgebonde, gestruktureerde, gefokusde, holistiese, Bybelgebaseerde,<br />
direkte, raamwerk. Die Pastorale Berader word geforseer deur die tydfaktor<br />
om aktief te wees en so gou moontlik in die beradingsproses een sentrale<br />
probleem te identifiseer en te hanteer met „n holistiese aanslag binne te<br />
tydsbestek van vyf sessies. Die noodsaaklikheid van „n kliënt om<br />
samewerking te bied en bereid is om selfs tussen die verskillende sessies<br />
huiswerk te doen, is baie belangrik. Die Kognitiewe Gedragsteorie verskaf<br />
hulp om die verstoorde denkpatrone van die kliënt te identifiseer wat<br />
aanleiding gee tot onwenslike gedrag. „n Pastorale Diagnose in die<br />
Koppellingsfase skep ook „n duidelike idee van die kliënt se geestelike<br />
welvaart en stel die berader in staat om kerk gebaseerde, geestelik<br />
gefokusde, eksplisiet Christelike, doelwitte te bereik. In hierdie metode van<br />
berading is die berader sowel as die persoon wie berading ontvang bewus<br />
van die kwaliteit en vordering van die terapeutiese verhouding ten einde<br />
verwagte resultate te verkry. Alhoewel hierdie model baie effektief is as
gevolg van die uitleg besef die berader egter nog steeds die<br />
noodsaaklikheid van die inwerking van die Heilige Gees gedurende die<br />
beradingsproses. Op die einde van die dag salf God nie modelle nie, maar<br />
mense!
6. BIBLIOGRAFIE.<br />
Amplified Bible. (1987). Michigan.<br />
Benner, D.G. (2003). Strategic Pastoral Counselling, A short term<br />
Structured Model. Baker Books: USA.<br />
Cloud, H., & Townsend, J. (1992). Boundaries. Zondervan: Grand Rapids,<br />
Michigan, USA.<br />
http://mentalhealth.about.com/cs/psychotherapy/a/psychotherapy.htm.<br />
Ontleen van die webwerf: Augustus, 27, 2010.<br />
http://psychology.about.com/od/psychotherapy/a/cbt.htm. Ontleen van die<br />
webwerf: Augustus, 27, 2010.<br />
Van Dyk, A. (2008). HIVAIDS Care & Counselling. A Multidisciplinary<br />
Approach. Fourth Edition. Pearson Onderwys: South Africa.<br />
Van Niekerk, E.S., & Prins, A. (2001). Counselling in South Africa, A Youth<br />
Perspective. Sandton: Heinemann Publiseerders (Pty) Ltd, Sandton.
7. WERKSOPDRAG.<br />
7.1. Definieer “Pastorale Berading”. (10)<br />
7.2. Bespreek 7 eienskappe van die SPB. (25)<br />
7.3. Wat verstaan u onder “Luistervaardighede”? (10)<br />
7.5. Vind „n persoon wat „n behoefte aan pastorale berading het en pas die<br />
SPB toe. Ontwerp ook „n vrywaringsvorm waarin u verduidelik dat die<br />
berading deel van die vak Pastorale Berading is. Dit is noodsaaklik dat die<br />
kliënt die vorm sal teken. In aansluiting hiermee moet „n verslag ingehandig<br />
word wat die volgende afdelings hanteer: (25)<br />
Persoonlike besonderhede: Naam, Van, Telefoon nommer.<br />
Agtergrond geskiedenis en presenterende probleem.<br />
Sessie 1.<br />
Sessie 2.<br />
Sessie 3.<br />
Sessie 4.<br />
Sessie 5.<br />
- Pastorale Diagnose.<br />
- U persoonlike ondervinding van die Beradingsproses.<br />
TOTAAL: 100