It wurk fan Gysbert Japix n-2 - Tresoar

2. Under genre ferstean ik in samling eigenskippen fan foarm, ynhâld en funksje
dy't meitsje dat in tekst by ien of mear samlingen fan oare teksten yndield wurde kin.
Soksoarte samlingen binne meastal sa los, dat de yndieling in tentatyf karakter hat.
Dêr komt noch by dat it de fraach is oft dy eigenskippen troch genre beskaat binne of
fan foarbyldteksten ôfhingje. As oanfolling op de formele eigenskippen wurde identike
strofefoarmen yn wurk fan oaren oanwiisd.
3. Datearring is it tredde ûnderdiel. Der binne mar in bytsje teksten dêr't de datearring
fan fêststiet. It belangrykste middel om se te datearjen binne de ferskiningsjierren
fan de publikaasjes dy't GJ ta foarbyld tsjinne hawwe moatte.
4. Histoaryske eleminten ûnderskiede har troch har útsûnderlikens. Oft se yn it each
falle, hinget derfan ôf hoe útsûnderlik oft se binne.
5. Under 'mynterpretaasje ferstean ik in adekwate ferklearring fan de betsjutting fan
in tekst sa't dy út 'e tekst sels op te meitsjen is. Net ta de ynterpretaasje rekkenje ik it
úndersykjen fan de betrekkingen fan de tekst ta foarbyld(en), ta libben en opfettin-
2en fan de skriuwerof tade maatskippij, of itmoatwêze datdy klearyn de tekst oan
te wizen binne.
6. By it ferklearjen fan it ûntstean ûnderskied ik oanlieding, ôftiinklikens fan foarbylden
en funksje. As de tekst sels gjin oanwizingen jout, fait nei de oanlieding allinne
mar te rieden. By ôfhinklikens fan oare teksten giet it my derom fêst te stellen yn hoefier't
in tekst as it resultaat fan debewurkingfanienof mear oare teksten te ferklearjen
is. Under funksje gean ik de ymplisite betrekkingen yn de tekst ta libben en opfettingen
fan de skriuwer en ta de maatskippij nei. De eksplisite ferwizings binne al yn
4. Histoaryske eleminten oan de oarder kommen. Yn syn betrekking ta de skriuwer
kin de tekst emulaasje of, algemiener, blyk fan literêr fakmanskip wêze, of utering
fan syn persoanlike omstannichheden of fan syn politike, godstsjinstige of kulturele
opfettingen. De fraach oft in tekst in wjerspegeling is fan de maatskippij (as ideologysk
en sosjaal superstra turn, dat literatuer dominearret), ferwiist nei de easken fan
dy maatskippij, mar ek nei ynfloeden dêr't de skriuwer amper of gjin weet fan hoecht
te hawwen. Under maatskiplike easken rekkenje ik it ferlet fan literatuer of fan literatuer
fan in bepaald slach. It ferlet fan literatuer yn it algemien, dy't foar alle literatuer
jildt, gean ik net op yn, mar it ferlet fan in bepaald slach literatuer falie bysûnderheden
fan stof of tematyk en ek de kar foar Frysk ûnder, en dy besprek ik dêrom al. Unbewitten
ynfloeden lit ik gewurde.
Tekst foar tekst (5.3)
Fanwegen grutter oersichtlikheid binne datearrings en topoi net tekst foar tekst
gearfette, mar yn listen by elkoar brocht en opnommen yn 10.5 en 10.6
(Bylagen).
De sifers tusken heakjes efter de titels fan de teksten ferwize nei de blêdsidenûmers
yn de facsimile-edysje fan diel I.
Titel (I *lr)
De titel bestiet út in haadtitel mei in ûnderferdieling yn trijen. De kritearia dy't ta
dy ûnderferdieling laat hawwe, lykje leafde as tema foar diel I, petearen oer saaklike
ûnderwerpen en gelegenheidswurk foar diel II, en psalmen en lofsangen (op ien nei
wumkes.nl
475