It wurk fan Gysbert Japix n-2 - Tresoar
It wurk fan Gysbert Japix n-2 - Tresoar
It wurk fan Gysbert Japix n-2 - Tresoar
Create successful ePaper yourself
Turn your PDF publications into a flip-book with our unique Google optimized e-Paper software.
Doel en oanpak (1.2)<br />
Doel <strong>fan</strong> dizze stúdzje is in bydrage te leverjen oan de ferklearring <strong>fan</strong> it ûntstean<br />
<strong>fan</strong> literêre teksten yn de santjinde ieu. <strong>It</strong> ûndersyk beheint him ta stof en ynhâld.<br />
Taal en styl krije allinne omtinken as der eleminten út helle wurde kinne dy't foar de<br />
redenearring <strong>fan</strong> belang binne. Nivo <strong>fan</strong> ûndersyk is de yndividuele tekst, probleemstelling<br />
syn ferhâlding ta oare literêre teksten en ta de net-literêre werklikheid dêr't er<br />
yn ûntstien is. <strong>It</strong> ûndersyk nei de ferhâlding mei oare teksten rjochtet him op it opspoaren<br />
<strong>fan</strong> foarbylden, it synjalearjen <strong>fan</strong> topoi en it yndielen nei genre. <strong>It</strong> ûndersyk<br />
nei de ferhâlding mei de werklikheid is rjochte op it oanwizen yn de tekst <strong>fan</strong> eleminten<br />
<strong>fan</strong> tiid en plak en <strong>fan</strong> feiten út it libben <strong>fan</strong> de skriuwer, en op it formulearjen <strong>fan</strong><br />
de mooglike funksje <strong>fan</strong> in tekst yn relaasje ta it persoanlike libben <strong>fan</strong> de skriuwer,<br />
ta aktuele ûnderwerpen en ta maatskiplik ferlet Mei it each op dit ûndersyk wurde<br />
de teksten sa krekt mooglik datearre en wurdt <strong>fan</strong> elke tekst in ynterpretaasje jûn. De<br />
opset liedt ta in analysemodel <strong>fan</strong> seis ûnderdielen, dat beskreaun wurdt yn Tekstkommentaar,<br />
Oanpak (5.1).<br />
De analyse wurdt tapast op in kar út it <strong>wurk</strong> <strong>fan</strong> de dichter, dy't makke is op grûn<br />
<strong>fan</strong> represintativens. Behanneling bart yn haadstik 5. Yn in apart haadstik, 4, wurde<br />
libbensomstannichheden en libbensopfettingen <strong>fan</strong> de skriuwer ûndersocht, mei 't<br />
dat it diel <strong>fan</strong> de werklikheid is dat op it earste each gjin ferbân mei de teksten<br />
hat.<br />
Grûnslach <strong>fan</strong> ferklearring is de kombinaasje <strong>fan</strong> literêr en histoarysk ûndersyk.<br />
Dy is yn 'e GJ-stúdzje net earder tapast. De kar dêrfoar waard ûnôfhinklik <strong>fan</strong> Spies<br />
1987a makke, dy't in ferlykbere oanpak jout. Referinsjeramt <strong>fan</strong> it literêre ûndersyk<br />
is de retoarika. <strong>It</strong> histoarysk ûndersyk is tentatyf. De kar foar in behanneling tekst<br />
foar tekst hat te krijen mei de opfetting dat it net sinfol is om generalisearjende útspraken<br />
oer it werklikheidsgehalte (of it literêre gehalte) <strong>fan</strong> literatuer te dwaan, as<br />
dy net op yngeand ûndersyk <strong>fan</strong> ôfsûnderlike teksten basearre binne.<br />
De beide besteande útjeften <strong>fan</strong> it <strong>wurk</strong> <strong>fan</strong> GJ (Epkema 1821 en Brouwer 1936/<br />
1966) hawwe in tal tekoartkommings, dy't in nije útjefte winsklik meitsje. Om foldwaan<br />
te kinnen oan de formulearre doelstelling, haw ik dêrom oan dizze stúdzje in<br />
tekstedysje tafoege. Problemen <strong>fan</strong> transliteraasje en facsimile-útjefte wurde yn<br />
haadstik 2 besprutsen. In beskriuwing <strong>fan</strong> útjeften en hânskriften folget yn haadstik<br />
3. De behanneling <strong>fan</strong> útjeften konsintrearret him op de fraach nei har ûntsteansskiednis.<br />
Ta de ferklearring <strong>fan</strong> it ûntstean <strong>fan</strong> it <strong>wurk</strong> kin ek kennis <strong>fan</strong> it publyk dat<br />
it lies (of net lies) en <strong>fan</strong> de aard <strong>fan</strong> 'e belangstelling bydrage. Dat jildt, mei men<br />
oannimme, namste mear neigeraden dat publyk tichter yn tiid by GJ stiet. Dêrom is<br />
ek oan dy aspekten <strong>fan</strong> de GJ-resepsje omtinken jûn, yn it bysûnder oan dy út de tiid<br />
oant 1822, doe't in nije útjefte <strong>fan</strong> it <strong>wurk</strong> ferskynde. De analyse <strong>fan</strong> de yntekenlist op<br />
dy útjefte is in wolkomme oanfolling op it bytsje gegevens oer lezers tusken 1822 en<br />
1640, it jier dat foar it earst <strong>wurk</strong> <strong>fan</strong> GJ publisearre waard.<br />
Yn it algemien kin noch sein wurde, dat der besocht is om alle kennis oer GJ en<br />
syn <strong>wurk</strong> dy't yn 'e rin <strong>fan</strong> 'e tiden fêstlein is, yn it ûndersyk te beheljen. Dat jildt likegoed<br />
foar sekundere literatuer as foar argivalia. Gegevens út sekundere literatuer<br />
binne oan de boarnen hifke.<br />
wumkes.nl<br />
471