It wurk fan Gysbert Japix n-2 - Tresoar

fan SR, dêr't ek yn opnommen is: NIM. IT. FOR. LJEAF; IT. IS. SLJUCHT. EN.
RJUCHT. Synjearre: P.v.d. H. Dat Van der Hem de makker is, wurdt meidield yn SR
1908, 12. Ferfongen troch 35. Net yn Skriuwers yn Byld (1966).
30. Boarstbyld J. Kramer Msn. ca. 1908? (stedhûs Bolsert)
Boarstbyld fan mei gips oerdutsen papier-masjee en karton (it gehiel 38,5x60 sm,
kop en hals 30 sm. heech) mei opskrift GYSBERT JAPIKSZ. Oant no ta net
ôfbylde.
Skiednis
Neffens in net-datearre, mar foar't neist noch foaroarlochske oantekening fan T. van
der Spek, skriuwer fan de "Krite Boalsert fen it Selskip for Fryske Tael en Skriftenkennisse"
op 'e efterkant, waard it byld makke troch Joh. Kramer Msn. te Dordrecht,
eartiids wethâlder fan Bolsert, dy't it yn desimber 1932 oan de krite oanbea. De krite
droech it yn brûklien oer oan de gemeente Bolsert.
31. Klisjee neffens pintekening fan Ids Wiersma 1918 (FLMD)
Byld fan in hoeke fan Gabe skroar syn keamer, mei GJ oant healwei de mul op in stik
papier tsjin't lewant. It klisjee (13x11,5 sm.) is makke neffens in tekening út in samling
dy't Wiersma foar de fyfte printinge fan de Rimen en Teltsjes (1918) makke. Dy
samling, eigendom fan 'e Halbertsmastichting, is yn brûklien op it FLMD, mar
dizze tekening ûntbrekt. Ofdrukken fan it klisjee yn Broerren Halbertsma, Rimen en
Teltsjes 5 . Ljouwert 1918,19 en lettere printingen. Oan hier en antlit te sjen is de tekening
makke neffens nr. 29.
32. Pintekening en gravuere dêrneffens fan J. Reijenga (ca.)1922 (Frysk Selskip Gysbert
Japicx, Haarlem)
Boarstbyld neffens 11 (en 2?), mar blierder fan wezen. De pintekening (binnen- en
bûtenkant list resp. 16x19,5 en 23,6x 27,2 sm.) waard makke foar it selskip Gysbert Japicx
te Haarlem, foar't neist by de betinking fan it füfentweintichjierrich bestean yn
1922. Reijenga, dy't tekenlearaar wie, libbe fan 1873 (De Lemmer) oant 1934 (Haarlem;
meid. mefr. M.F. Reijenga en mefr. J. Beilschmidt-de Vries, beide te
Haarlem).
De gravuere, dêr't de matrys noch fan bewarre is by it Selskip, waard brùkt op it omslach
fan IH 30-12-1923 en ek op it "Biwiis fen tagong by it programma fan: Selskip
"Friso" to Alkmaer. De 8ste fen Gêrsmoanne 1900-1935. Feestjoun op Mendei de
8ste April 1935 [s.p.s.j.]", en - ferlytse - op dat programma sels. It léste is ôfbylde yn
Skriuwers yn byld (1966), de rjochtse fan de boppeste rige fan nr. 111. (Yll. 45.)
33. Tekening Ids Wiersma 1923 (IH 1923, 324)
Neitekening, mei ûnderskrift en al, fan 2, mar it antlit is tige frij dien, jonger wurden;
selsbewust sjocht GJ jin ûndersykjend oan. Ek yn Wumkes 1926,255. Net yn Skriuwers
yn byld (1966). (Yll, 46.)
34. Gravuere Joh. Dykstra(?) 1923 (SR 1923, nr. 25)
Boarstbyld nei rjochts yn ovaal (12,5x15 sm.), neffens ûnderskrift nei 1, mar liket
sterk op 11; ûnderdiel fan geometrysk totaalûntwerp op it omslach fan dizze iene
460
wumkes.nl