It wurk fan Gysbert Japix n-2 - Tresoar

ôfbylde is. De kop op dy ôfbylding is oars as op de kopyen dy't fan De Hoop bekend
binne. Der sit wat yn fan 1 en 11. Sjoch ek 12, Ynterpretaasje, en 15.
Yn dit ferbân moat neamd wurde, dat J.B. Schepers yn 1925 in 19de ieuske kopy fan
GJ oan it Friesch Genootschap oanbea, dêr't er fan sei dat dy wierskynlik troch in
Halbertsma skildere wie (sj. 15). Soe er it skilderij miskien fan in Halbertsma kocht
of krigen hawwe? Dan moat it dit hast wol wêze. It is my net bekend, wêr't it skilderij
fan Schepers bedarre is.
14. Tekening D. de Hoop 1825 (FM, P1067.10)
Swart kryt mei wat read, 21x16,1 sm. Kopy mei ynfloeden fan 1 en 11. Datearre en
synjearre. Foarstúdzje fan 15? Foar it earst ôfbylde yn Skriuwers yn byld (1966)
29. (Yll 39.)
Skiednis
Presint fan de hear Croockewit te Amersfoart oan it FG (Cat. der portretten van Nederlanders,
J-Z, FM).
15. Skilderij, anonym ca. 1825 (stedhûs Bolsert)
Oaljeferve op doek dat op board plakt is, ca. 67x55 sm. Sa te sjen kopy nei 1 en 14. De
datearring is mar rûsd. Foar't earst ôfbylde yn Skriuwers yn byld (1966), de loftse fan
fjouwer op it efteromslach. Yn dit boek brûkt op it omslach.
Skiednis
Tusken 1956 en 1966 op it stedhûs te Bolsert kommen (LC 21 -4-1956; IB 1966,16). Oer
oankomst en komôf is op 'e sekretary neat bekend (meid. fan de hear G. Boersma
fan 'e sekretary). Sjoen de oerienkomst mei 14 is it skilderij mooglik fan D. de Hoop,
mar der wurde ek kopyen neamd, dy't net fan De Hoop binne of hoege te wezen en
dy't ik net mei ien fan de bekende eksimplaren identifisearje kin, dat sa wis is it net
dat De Hoop it makke hat. Sokke kopyen wurde neamd yn 1851, 1884 en 1925. Yn
1851 giet it om in kopy, makke troch S. Bonga (1794-1865) (Letterkundige Nalatenschap
... J. van Leeuwen. Leeuwarden 1851, ôfd. hss. bis. 24). Bonga wie in sweager
fan J. van Leeuwen (cf. J.J. Kalma, Dit wienen ek Friezen 5 (1974) 40 en Ene.
1958,202), dat faaks hat dy him frege om itte meitsjen. Yn 1884hongderin skilderij
fan GJ by prof. Tj. Halbertsma te Grins (sj. 13). As dat itselde wie as dêr't de foto dy't
Troelstra jout fan makke is, en dy't ik net mei in oar my bekend portret identifisearje
kin, dan kin dat net it eksimplaar wêze dat yn it Bolserter stedhûs hinget. It portret
op 'e foto fan Troelstra liket werom te gean op Velijn syn gravuere (nr. 11). De tredde
kears dat der fan in portret fan GJ sprake is, yn 1925, koe it wolris om itselde gean as
dat fan Halbertsma. Dr. J.B. Schepers te Haarlem biedt dan in njoggentjinde-ieuske
kopy oan it FG oan, dat - nei't er skriuwt - wierskynlik troch in Halbertsma makke
is. It FG hat der gjin belang by, want it hat al ien, en slacht foar it oan 'e PBF te jaan.
Schepers syn fersyk oft it skilderij yn it FM útstald bliuwe mei oant it datearre is, haw
ik gjin antwurd op fûn (not. FG C 8, 2-9 en 7-10-1925, FM) (sj. 13).
Ynterpretaasje
Dizze Bolserter kopy hat in treffende oerienkomst mei it oarigineel (1), mear as de
oare my bekende kopyen. It skilderij liket ek in soad op 14. Dat soe in foarstúdzje
wêze kinne. Yn dat gefal moat it wol hast fan Douwe de Hoop wêze. Oars moat in
oare skilder de tekening fan De Hoop brûkt hawwe.
wumkes.nl
451