Om 'n groen dominee te wees ... - Bybel-Media

Om ’n groen
dominee te wees ...
André van Niekerk is ‘n
gemeentedominee in Pretoria. Hy
is getroud met Janetta en hulle het
vier kinders en een kleinkind. André
verwonder hom dikwels aan God in die
natuur en sou graag bio-wetenskaplikes
en gelowiges laat hande vat.
die dolfyne in die
baai ingejaag word, skreeu
‘Wanneer
hulle soos klein katjies wat
doodgemartel word”, vertel Nikki Botha
(Buite, bylaag tot Beeld, 31 Januarie
2012).
Nikki en ander aktiviste van Sea
Shepherd voer ’n bewussynsveldtog teen
die tradisionele jaarlikse jag van sowat
20 000 dolfyne in die Japannese
hawedorp, Taidji.
Wanneer die dolfyne op hulle jaarlikse
migrasie verbykom, jaag honderde motorbote
hulle die hawe in. Dis ’n verskrikking
en een van die lafhartigste dade van
die mensdom teen diere wat hulle hoegenaamd
nie bedreig of gevaarlik is nie.
Trouens, talle gevalle is beskrywe waar
juis dolfyne mense in nood gered het.
Van hierdie gebeure was die wêreld tot
onlangs toe nog onbewus. Aktiviste het in
2009 die slagting wat die baai bloedrooi
gekleur het, in die geheim verfilm. Dit is
as ’n dokumentere rolprent, The Cove,
verpak en het selfs ’n Oscar-toekenning
ontvang.
Dit is wat aktiviste doen om God se
skepping te red. Wat kan ons as gemeentes
doen?
Moet ons nie iets méér van so ’n
beweging vertoon nie as ’n handjievol
passie-gedrewe, moedige mense wat
spesifieke doelwitte nastreef? Kan ons
God help as ’n instituut met massalidmate?
Of is ons mense wat maar net
self wil voortbestaan, almal gelukkig en
tevrede hou en die sondes van versuim
onder die mantel van vroomheid pleeg?
Hoe help ons as dominees God se
gemeentes om soos ’n beweging van God
self op te tree?
Ek hoef geloof nie in te kleur nie –
dit is groen
Om sensitief vir die natuur te wees, is
deel van ons geloof in God. Gelowiges
glo immers dat die bedreigde aarde aan
God behoort. Ook dat ons die beelddraers
van God is, rentmeesters op die aarde en
versorgers van alles wat lewe.
Ons bely selfs dat ons God deur die
natuur en die Skriftuur ken (artikel twee
van die Nederlandse Geloofsbelydenis).
As jy net na Die Bybel luister, is dit
asof jy slegs die linkerbladsye van ’n
boek lees. Jy leer die karakters ken en
volg die draad van die verhaal. Maar as
die vertelling na die regterbladsy oorgaan,
ignoreer jy dit. Só ’n gewoonte kan maak
dat jy uit frustrasie die hele boek eenkant
wil sit.
Ons bely dat “alle skepsels, groot en
klein, net soos letters” in “’n mooi boek”
is wat ons “God se krag en goddelikheid
duidelik laat sien”.
Lees ons albei bladsye van God se
open baring, is dit duidelik dat ons nie net
enkele uitverkore spesies soos die dolfyne
of renosters moet red nie, maar die hele
skepping.
Onlangs is vertel hoe ’n krisis in kospro
duksie gaan ontstaan as die bye nie van
gifstowwe en gasse gered kan word nie.
Ons durf ook nie die sug (vergelyk
Romeine 8) van miljoene diere en pluimvee
wat in klein staalhokkies leef, waar
hulle nooit kan omdraai of volgens hulle
geskape natuur leef, ignoreer nie.
Ek nooi mense uit na ’n gelowige groen
leefstyl
Moenie probeer om menslike gedrag
met vrees en dreigemente te probeer verander
nie. Om die uitdagings op ’n hoop-
Blaai om

volle wyse te stel, is méér volhou baar.
Die groen leefwyse vra opoffering,
maar dit bied lewensbetekenis waarna
mense verlang.
Fokus jou eie lewensboodskap deur:
• Op nuwe wyses te lewe en nie om nog
méér dinge te doen nie.
Deur die warmwatertoestel laer en die
lugverkoeling hoër te stel, maak jy ’n
geringe aanpassing met ’n gróót uitwerking.
Deur kinders groot te maak om die
huisafval vir herwinning te verdeel, ontwikkel
’n karakterverrykende gewoonte.
• Energiebronne op ’n ekonomiese wyse
te benut.
Omgewingsvriendeliker huise, motors en
huishoudelike toestelle kan aanvanklik
duurder kos. Verantwoordelike rent meesters
druk egter nie alles net in Rand en
sent uit nie, maar bereken ook die gram
koolsuurgas per kilometer wat jou motor-
of vliegtuigreis die aarde kos en die kilowatt
per uur waarmee jou toestelle werk.
• Om op te hou om insekte ondeurdag
uit te roei omdat hulle lastig is of
gevaarlik lyk.
Staak die gebruik van gifstowwe wat ons
grondwater besoedel. Ons kan dit nie
preek as ons dit nie self leef nie, of as
daar blikke “Doom” en ander gif in die
kerk kombuis se kaste is nie!
• Voor God met verantwoordelikheid te
leef.
Dit vra ’n kritiese ingesteldheid teenoor
die verbruikersamelewing met sy meesleu
rende advertensies wat miljoene laat
10
glo dat hulle identiteit van “wat jy kry,
waar jy bly en waarmee jy ry” afhang.
Om hiervan vry te raak, moet ons sterk
karakters kweek.
Ek kies vanuit ons geloof die lang
groen pad
Die besef groei dat ons nie net moed
nodig het vir ’n alternatiewe lewenswyse
nie, maar die lewenswyse ook suksesvol
moet propageer. Die syfers en scenario’s
oor besoedeling, verwarming, uitsterwing,
ontbossing en waterskaarste is
immers skrikwekkend!
’n Indringende langtermyn bewus synsveldtog
is nodig. Die minste wat ’n
gemeente kan doen, is om ’n nuwe kultuur
te help vorm deur:
• ’n Herwinningsterrein te skep of te
ondersteun met ’n embleem wat byvoorbeeld
sê: “Ons bewaar God se
aarde”. Daar moet veral plan gemaak
word met ou batterye, elektroniese
afval en buisligte.
• Plaas die name van bome só dat gemeentekinders
dit kan ken en lief kry.
Hulle sal later twee keer dink om ’n
boom met ’n naam net uit te kap.
• Raam ’n plakkaat met die voëls wat
voorkom en sorg dat hulle genoeg
drink- en badwater het. Ook plakkate
van die veldblomme en -diertjies van
die omgewing. Sit die embleem met
“Ons bewaar God se aarde …” by. Dié
woorde sal waarskynlik nie op dowe
ore val nie …
KRuISGEwyS Maart 2012
• Plaas uil- en/of vlermuiskaste op die
kerkgebou se mure.
• Neem die belydenisklas na Maropeng
en verduidelik Genesis 1 en 2 daar.
Nóg beter: Nooi die VGK se klas saam.
Maropeng verduidelik nie net die wonderlike
totstandkoming van die aarde en
die lewe op aarde nie, maar ook die wesenlike
gevaar as ons dit nie sou regkry
om nuut te begin lewe nie.
Groen as modegier
Wie “groen” kies om relevant en “in”
te wees, maar wegskram van kwessies
soos kerkeenheid, gesprekke tussen godsdienste
en die spanning tussen natuurwetenskap
en sekere wyses van Bybelverstaan,
maak egter ’n fout.
As ons nie sáám met alle mense op
hierdie aarde nuut gaan leef nie, sal ons
eie poginkies min werd wees.
• Hoe sal ons dolfyne kan red sonder
om met die Japannese se Sjintoeïste
en Boeddhiste oor hulle en ons oergeloofsinhoude
sáám te praat?
• Hoe heerlik sal dit nie wees as
verskillende gemeentes saamspan vir
natuurbewaring nie?
• Hoe goed sal dit nie wees as alle
gelowiges die nuwe verstaan oor die
ontstaan van die skepping omarm, en
hulle in die geloof daaroor ver won der
dat God véél groter bly as ál ons
voorstellings en verklarings deur die
eeue heen nie?
Direkte bestellings: bestel@bmedia.co.za
Deeloproepe: 0860 26 33 42 of 0860 BMEDIA
E-aankope: www.bybelmedia.co.za