gedragskode en - Potchefstroom Gimnasium

5.6.3 Kategorie 3-tugmaatreëls: Baie ernstige wangedrag of herhaalde ernstige wangedrag
Moontlike oortredings wat as kategorie 3 oortredings gereken sal word:
$ Aanranding (afknouery / bakleiery) óf ontgroening óf ontheffing.
$ In die ander geslag se koshuis wees (uitgesonderd voorportaal, eetsaal of kombuis, sonder die
nodige toestemming.
$ In besit van of gebruik van of onder invloed van alkohol, alkoholiese drank, dwelmmiddels of
middels wat ‘n narkotiese uitwerking het.
$ Vandalisme.
$ Diefstal.
Die volgende straf, of kombinasies daarvan, word deur die Dissiplinêre Komitee van die Beheerliggaam
opgelê:
$ Enige van die strawe in paragrawe 5.6.1.2 en 5.6.2.2 hierbo, of ‘n kombinasie daarvan, met
dien verstande dat die maksimum tydperke van drie maande met ses maande vervang
word;
$ Die tydelike uitsetting van die leerder uit die koshuis vir ‘n maksimum tyd van twee weke;
$ Uitreiking van ‘n finale waarskuwing vir die permanente opskorting van ‘n leerder se
koshuisverblyf.
$ ‘n Vonnis wat geheel of gedeeltelik opgeskort word vir ‘n maksimum tydperk van die res van
die leerder se hoërskoolloopbaan, met gepaste voorwaardes;
$ Die permanente uitsetting van die leerder uit die koshuis; of
$ Enige ander gepaste straf in die diskressie van die Dissiplinê Komitee, met inagneming van
die aard en ernstigheid van die oortreding;
5.6.4 Vorige veroordelings/oortredings
‘n Vorige veroordeling of -oortreding ouer as ses maande in die geval van ‘n kategorie 1oortreding,
word nie teen ‘n leerder in aanmerking gebring ingevolge hierdie gedragsreëls nie.
Vorige kategorie 2 en 3 oortredings (asook opgeskorte vonnisse) word wel in aanmerking
geneem by die bepaling van ‘n gepaste straf.
5.6.5 Aspekte van belang by die bepaling van ‘n gepaste straf
Die volgende aspekte kan, onder andere, in aanmerking geneem word by die bepaling van ‘n
gepaste straf:
$ Die aard en erns van die oortreding;
$ Die leerder se algemene gedrag en houding;
$ Vorige veroordelings;
$ Die hantering van soortgelyke gevalle in die verlede;
$ Die persoonlike omstandighede van die leerder vir sover dit relevant is in die lig van die
oortreding;
$ Of die leerder berou toon;
$ Provokasie;
$ Goeie of uitstaande gedrag;
$ Of dit nalatig of opsetlik gedoen was;
$ Die morele verwerplikheid van die gedrag;
$ Onkunde;
$ Kom die oortreding dikwels voor en is die leerder/s al daarteen gewaarsku;
$ Swak gesindheid van die leerder t.o.v. die oortreding of gesag en disipline in die algemeen;
$ Die feit dat die oortreding 'n veiligheids of ander risiko skep;
$ Die feit dat die leerder volhard met valse verduidelikings; en
$ Die feit dat die leerder reeds 'n finale waarskuwing ontvang het.
5.7. Negatiewe-puntestelsel
-21-