gedragskode en - Potchefstroom Gimnasium

5.3.3.10 Die aanklaer en die oortreder of sy ouers het die reg om getuienis aan te bied en vrae te stel.
5.3.3.11 Die senior huisvaders het ook die reg om getuies te roep en vrae te stel.
5.3.3.12 Indien die oortreder die aanklag/te erken, of die aanklag/te ontken maar die senior huisvaders, na
afloop van die dissiplinêre verhoor, van mening is dat hy op ‘n oorwig van waarskynlikhede
skuldig is aan die aanklag/te, lê die senior huisvaders die mees gepaste tugmaatreël/s soos in
paragraaf 5. 6.2 hieronder bepaal, op.
5.3.3.13 Die senior huisvader teken die oortreding asook die straf in die strafboek aan en hy en die leerder
teken daarby.
5.3.3.14 ‘n Oortreder of sy ouers kan binne sewe dae skriftelik appèl aanteken teen die bevinding/s van die
senior huisvaders by die Dissiplinêre Komitee van die Beheerliggaam, met vermelding van die
redes vir die appèl. Die Dissiplinêre Komitee moet beide die senior huisvader en die oortreder in
mekaar se teenwoordigheid aanhoor en mag sodanige getuies roep as wat hulle nodig mag vind.
Vrae ter opheldering mag deur beide die senior huisvader en die oortreder of sy ouers aan
sodanige getuies gestel word.
5.3.3.15 Die oortreder het die reg om deur sy ouers bygestaan te word by die appèl.
5.3.3.16 Na die aanhoor van die appèl kan die Dissiplinêre Komitee van die Beheerliggaam die
skuldigbevinding bekragtig of tersyde stel en/of die opgelegde strafmaatreël vervang met enige
ander strafmaatreël in paragraaf 6 hieronder, wat na hulle mening meer gepas is. Hulle beslising
word in die strafboek aangeteken en die voorsitter van die komitee en die leerder se ouers teken
daarby.
5.3.4 Kategorie 3-oortreding: Wangedrag van ‘n baie ernstige aard of herhaalde wangedrag van
‘n ernstige aard
Sien 5.6.3 vir ‘n lys van moontlike kategorie 3 oortredings en moontlike strafmaatreëls.
5.3.4.1 Wangedrag van ‘n baie ernstige aard of herhaalde wangedrag van ‘n ernstige aard, is wangedrag
ten opsigte waarvan die tydelike opskorting of uitsetting van ‘n leerder uit die koshuis as ‘n straf
opgelê kan word.
5.3.4.2 Die leerder verskyn voor die Dissiplinêre Komitee van die Beheerliggaam en die bepalings van die
skool se beleidsdokument t.o.v. verhore deur die Dissiplinêre Komitee in geval van ernstige
wangedrag is mutatis mutandis van toepassing.
5.3.4.3 Die Dissiplinêre Komitee kan enige van die strawe in klousule 6 hieronder oplê;
5.3.4.4 Die Oortreder of sy ouers kan appèl aanteken teen die skuldigbevinding en/of straf opgelê deur
die Dissiplinêre Komitee en die appèlprosedures soos uiteengesit in bogenoemde
beleidsdokument is mutatis mutandis van toepassing op so ‘n appèl.
5.4. Tydelike opskorting van koshuisinwoning
5.4.1 Die senior huisvaders kan ter enige tyd nadat ‘n aanklag van baie ernstige wangedrag of
herhaalde wangedrag van ‘n ernstige aard teen ‘n leerder aanhangig gemaak is, so ‘n leerder se
ouers versoek om hom onverwyld uit die koshuis te verwyder in afwagting van die uitslag van die
strafregtelike- of dissiplinêre verhoor, indien hy van mening is dat die leerder se voortgesette
teenwoordigheid in die koshuis die ondersoek sal benadeel en/of die belange van die koshuis
en/of koshuisleerder/s sal skaad. Indien ‘n leerder se koshuisverblyf tydelik opgeskort is en ‘n
ander leerder aansoek om koshuistoelating doen, kan die ander leerder wel in die koshuis
geplaas word. Dit beteken dus dat die leerder wat oortree het, sy/haar koshuisplek outomaties
verbeur.
5.4.2 Die senior huisvaders kan ‘n leerder wat van ‘n kriminele oortreding aangekla word, se inwoning
in die koshuis opskort totdat die kriminele proses teen hom afgehandel is. Indien ‘n leerder se
koshuisverblyf tydelik opgeskort is en ‘n ander leerder aansoek om koshuistoelating doen, kan
die ander leerder wel in die koshuis geplaas word. Dit beteken dus dat die leerder wat oortree
het, sy/haar koshuisplek outomaties verbeur.
5.4.3 ‘n Leerder wie se bywoning van die skool opgeskort is, se inwoning in die koshuis word ook
outomaties opgeskort.
5.5. Klassifisering van oortredings
-19-